Connect with us

Aktuale

Mbledhja e mbi katër mijë nënshkrimeve, ndalon ndërtimin e fabrikës së çimentos në Klinë

Published

3 years ago

on

Qytetarët e Klinës arritën të ndalojnë ndërtimin e fabrikës së çimenton në zonën kadastrale Dresnik, konkretisht në pjesën e fshatit Gremink, pasi një operator kishte marrë të gjitha pëlqimet dhe lejet nga organet kompetente lokale dhe ato qendrore për ndërtimin e saj.

Por vendosmëria e qytetarëve u pagua dhe përmes peticionit ka rezultuar me anulimin nga ana e Kuvendit Komunal të të gjitha pëlqimeve që u ka lëshuar Drejtoria e Urbanizmit operatorëve pretendues për ndërtimin e fabrikave të çimentos në atë zonë.

“Qytetarët fituan dhe ka ndodh diçka e mirë për Klinën. Angazhimi i qytetarëve ka dhënë rezultat dhe kauza e jonë ka fituar, pa pas nevojë për veprimet tjera të qytetarëve që mund të kishin qenë më radikale për të ndaluar ndërtimin e asaj fabrike”, është shprehur Ahmet Gashi nga fshati Gremnik, njëri prej organizatorëve të peticionit dhe përfaqësues i fshatrave Dresnik, Dollc dhe Gremnik, që shtrihen përreth zonës ku ishte në plan që të ndërtohet fabrika e çimentos, konkretisht në vendin ku para luftës ka qenë plantazhi i vishnjave i ish kombinatit bujqësor “Malizhgani” i Klinës.

Qytetarët e Klinës kanë mbledhur mbi 4 mijë e 300 nënshkrime kundër ndërtimit të fabrikave të çimentos, dhe ky peticion është shqyrtuar të enjten në një seancë të jashtëzakonshme të Kuvendit Komunal. I njëjti kishte miratuar unanim nga gjithë këshilltarët e gjitha subjekteve politike në Kuvend, një vendim më të cilin anulohen të gjitha pëlqimet dhe lejet ndërtimore të lëshuara nga Drejtoria e Urbanizmit për fabrika të çimentos, me të cilin anulohen të gjitha pëlqimet dhe lejet ndërtimore të lëshuara për të gjithë guroret që furnizojnë fabrikën e çimentos.

Me këtë vendim të Kuvendit, Drejtoria për Urbanizëm nuk mund të lëshojë më pëlqime nëse kërkesat apo propozimet për ato pëlqime të kësaj natyre nuk kalojnë nëpër Kuvendin Komunal. Gjithashtu me këtë vendim këto pëlqime nuk mund të jepen nëse nuk mbahet debat me qytetarët e komunës së Klinës.

Me këtë vendim të Kuvendit do të anulohen edhe lejet e operimit të të gjithë gurëthyesve që operojnë në atë zonë, deri sa të plotësojnë kriteret me të cilët obligohen në lejen e operimit.

Mirëpo ky anulimi i gurorëve hynë në fuqi tek pas 6 muajve, në rast se gjatë kësaj periudhe nuk i plotësojnë kriteret sipas lejeve të operimit.

“E mira gjithashtu është se është miratuar edhe masa disiplinore për gurthyes, të cilët janë të obliguar ta zbatojnë lejen që kanë marrë, sipas të cilës duhet të përdoret uji gjatë thyerjes së gurëve që të mos krijohet pluhur, si dhe të vendosen filtrat. E këtë, për të ulur koston, gurthyesit nuk e kanë bërë për shkak se ju ka kushtuar me marrë ujin diku dhe kishin pas shpenzime të ujit. Këto masa gurthyesit nuk i kanë përdor edhe për shkak të neglizhencë së shtetit për të reaguar, e kjo na ka kushtuar me ndotje të mjedisit. Pra gurthyesit duhet të nisin të përdorin ujin për thyerje të gurëve dhe të vendosin filtrat, përndryshe ju merret leja e operimit”, tregohet Gashi i kënaqur edhe me këtë pikë të vendimit që është sjellë, nga e cila ai shpreson që mjedisi nuk do ta paguajë më me ndotje nga qëllimet përfituese të gurthyesve.

Vendimin e Kuvendit, me një deklaratë publike, e ka përshëndetur edhe kryetari i Komunës së Klinës, Zenun Elezaj, ndonëse ndërtimi i fabrikës së çimentos ka qenë njëri prej premtimeve të tij gjatë fushatës zgjedhore të zgjedhjeve lokale në vjeshtë të vitit 2017.

“Asnjë pëlqim nga kushdo qoftë nuk është më i fuqishëm e i rëndësishëm se pëlqimi i qytetarëve. Është për t’u përshëndetur vendimi i kuvendit për anulimin e të gjitha pëlqimeve dhe dokumenteve tjera urbanistike që janë dhënë lidhur me gurorët për furnizim me lëndë të parë për fabrikën e çimentos. Po ashtu, me qëllim të rritjes së transparencës, debatet në lidhje me dhënien e pëlqimeve të natyrës së njëjtë do të organizohen në objektin e komunës dhe pëlqimet e natyrës së njëjtë do të shqyrtohen nga kuvendi. Ju siguroj të gjithë ju se çdo herë kërkesat e juaja do të dëgjohen me kujdes, shqyrtohen me profesionalizëm dhe do të përkrahen pa rezervë”, ka thënë Elezaj, me deklaratën e tij drejtuar qytetarëve të kësaj komune.

E ky vendim i sjellë nga Kuvendi Komunal, pritet të hyjë në fuqi tek pas 15 ditësh, pasi të konfirmohet ligjshmëria e tij nga Ministria e Administrimit të Pushtetit Lokal.

“Nëse brenda 15 ditësh nuk kthehet asgjë na ministria, nënkuptohet se ky vendim hyn në fuqi, duke e shpallë në gazetën zyrtare. Dhe pasi të hynë në fuqi, Drejtoria e Urbanizmit është e obliguar që për pëlqime dhe kërkesat e kësaj natyre ta njoftojë kuvendin, cili i shqyrton dhe i diskuton ato dhe nëse e sheh se nuk ka respektim të procedurave, kuvendi nxjerrë rekomandim për drejtorinë që të përmirësohen gabimet”, tha të premten për Kohën Ditore, kryetari i Kuvendit Komunal të Klinës, Fadil Gashi.

E këtë vendim që ka sjellë kuvendi është vlerësuar si vendim politik e jo profesional nga drejtori i Urbanizmit, Lorenc Marleku.

“Çdo vendim që merr kuvendi shkon në ministri për tu konfirmuar ligjshmëria e vendimit. Duhet të presim ligjshmërinë sepse këto në kuvend janë vendime politike e nuk është vendim i ekipeve të ekspertëve. Ato janë vendime jo profesionale se ata nuk janë profesionit. Tash duhet të pritet një herë konfirmimin e ligjshmërisë nga ministria”, tha Marleku për Kohën Ditore.

Zona për ku janë lëshuar pëlqimet është zonë minerare dhe për investime strategjike e përcaktuar nga ekipi i ekspertëve të Drejtorisë së Urbanizmit, dhe si zonë e tillë është e përfshirë në Planin Rregullues.

Në bazë të këtij plani siç tha Marleku edhe janë lëshuar pëlqimet nga drejtoria e tij.

Sipas tij, secili e ka përgjegjësinë e vet dhe punët e veta dhe se kjo drejtori ka qenë kompetente të lëshojë ato pëlqime. Marleku thotë se me siguri edhe në të ardhmen do të kenë kërkesa prapë për pëlqime të njëjta për në atë zonë. E në rast se ministria i jep dritë të gjelbër vendimit të kuvendit, atëherë Marleku nuk e përjashton mundësinë e ndryshimit të Planit Rregullues.

“Në rast se ministria e aprovon vendimin e kuvendit, atëherë duhet të shikohet se si do të bëjmë më tutje, e ndoshta na duhet ta ndryshojmë edhe planin rregullues”, ka thënë ai.

Related Topics:
Click to comment

You must be logged in to post a comment Login

Leave a Reply

Aktuale

Këta janë top 10 prodhuesit më të mëdhenj të pajisjeve të ndërtimit në botë

Published

2 days ago

on

May 30, 2023

By

Renditja vjetore e International Construction e 50 prodhuesve më të mëdhenj të pajisjeve të ndërtimit në botë sipas shifrave të shitjeve, ka zbuluar se shitjet për vitin 2022 ishin 230.6 miliardë dollarë, një nga shifrat më të larta të regjistruara ndonjëherë në listë.

Një arsye e madhe për këtë rritje është performanca e prodhuesve me bazë në SHBA. OEM me bazë në SHBA përbënin mbi 26% të të ardhurave totale të Tabelës së Verdhë, nga 21% në listën e fundit.

Dhjetë prodhuesit më të mëdhenj të pajisjeve të ndërtimit në botë për vitin 2022 ishin:

10. JCB, MB

JCB hyn në dhjetëshen e parë për herë të parë në disa vite, me shitje të forta në tregun kryesor të OEM-ve të Indisë duke rritur vlerën e saj përfundimtare. OEM po investon shumë në teknologjinë e hidrogjenit.

  1. Sandvik, Suedi

Një tjetër ngritje në tabelë për Sandvik – kompania ishte në vendin e dhjetë vitin e kaluar. Kompania ka bërë blerje të shumta, me OEM që ka bërë dhjetë blerje në 2022, duke ndihmuar në shpjegimin e rritjes së renditjes së tyre.

  1. Hitachi, Japoni

Hitachi kishte shitje të pajisjeve të ndërtimit prej 9.2 miliardë dollarësh, një rritje e qëndrueshme nga rezultatet e saj përfundimtare vitin e kaluar. Në vitin 2022, marka pa fundin e sipërmarrjes së saj të përbashkët me John Deere, me kryetarin e Hitachi, Sonny Ishii, duke thënë në ConExpo se, “Tregu i Amerikës është tregu i vetëm më i rëndësishëm, ose prioriteti, për Makineritë e Ndërtimit Hitachi”.

  1. Liebherr, Gjermani

Liebherr pa një rritje të mirë në vitin 2022. Në raportin e vet ajo tha se segmentet e saj të ndërtimit dhe minierave – lëvizja e tokës, teknologjia e trajtimit të materialeve, makineritë e thella të themeleve, vinçat e lëvizshëm dhe zvarritës, vinçat kulla, teknologjia e betonit dhe pajisjet e minierave – kishin një rritje mesatare në qarkullim prej 6.9%. Liebherr thotë se po merr një qasje neutrale ndaj teknologjisë për kërkimin e saj, e cila përfshin rritjen e përdorimit të vajrave vegjetale të hidrogjenizuara (HVO), për përdorim të mundshëm në pajisjet e ndërtimit.

6.Pajisjet e konstruksionit Volvo

Kur u rregullua për ndryshimet e monedhës, Volvo Construction Equipment (Volvo CE) pati shitje prej 9.9 miliardë dollarësh, duke e mbajtur atë në vendin e gjashtë. Kompania është një nga OEM-të kryesore kur bëhet fjalë për pajisjet e ndërtimit elektrik, me një nga sferat më të mëdha të disponueshme komerciale duke përfshirë ekskavatorin e ri elektrik me bateri 23 tonësh.

  1. Sany, Kinë

Sany me bazë në Kinë zbret një vend në tabelë, nga numri katër në numrin pesë. Tregu kinez i ndërtimit u përball me sfida në vitin 2022 pas dy viteve të forta, kështu që pritej një rënie e përgjithshme e OEM-ve me bazë në Kinë në tryezë.

  1. John Deere, SHBA

John Deere me bazë në SHBA e rriti renditjen e saj në Tabelën e Verdhë me një vend, siç bëri në tabelën e mëparshme. Blerja e Wirtgen Group nga kompania ka qenë një sukses dhe i ka siguruar kompanisë akses në tregje të reja.

  1. XCMG, Kinë

Pavarësisht rënies së shitjeve, XCMG mbetet OEM i tretë më i madh në botë. Siç është rasti me të gjitha OEM-të kryesore kineze, kompania po kërkon në mënyrë aktive të rrisë pjesën e saj në tregun ndërkombëtar dhe rezultatet e saj më të fundit treguan shitje rekord jashtë shtetit. Një nga drejtuesit kryesorë të tyre beson se ka më shumë rritje në këto tregje.

  1. Komatsu, Japoni

Komatsu mbetet në vendin e dytë në listë dhe ka zgjeruar hendekun mes tij dhe pjesës tjetër të tabelës me shitje që, kur u rregulluan për monedhën, ishin të ngjashme me tabelën e fundit të verdhë. OEM njoftoi së fundmi zhvillimin e një koncepti të ekskavatorit hidraulik me madhësi të mesme, të mundësuar nga një qelizë karburanti hidrogjeni. Prodhuesi tha se zhvillimi i makinës është në përputhje me qëllimin e saj për të arritur neutralitetin e karbonit në pajisjet e ndërtimit.

  1. Caterpillar, SHBA

Caterpillar ruan pozicionin e saj tradicional si prodhuesi më i madh i ndërtimit në botë me shitje me shitje prej 37.5 miliardë dollarësh – afërsisht 16% e totalit të të gjithë tabelës. Një ekzekutiv i lartë në OEM i tha kohët e fundit International Construction për planet e OEM-ve në lidhje me qëndrueshmërinë dhe teknologjinë e re./Media Ndërtimi

Continue Reading

Aktuale

Mbahet gara e maturantëve me biçikleta “Siguria në rrugë 2023”

Published

2 days ago

on

May 30, 2023

By

Akademia “Tempulli”  dhe AMRKS me sukses organizuan Garat me Biçikleta në kuadër të edicionit të tetë të revistës shkollore “Siguria në rrugë 2023”.

Garat u mbajtën në  sheshin “Xhorxh Bush” në Prishtinë, ku pjesëmarrës ishin maturantë të shumë shkollave në Kosovë si përfaqësues të shkollave.

Drejtori i Akademisë “Tempulli”, Muhamed Krasniqi tha se këtë vit bëhen një dekadë prej kur kanë nisur këto aktivitete për sigurinë në rrugë. Si të tilla, ai ka shtuar se tashmë kanë marrë karakter edukativ dhe arsimor. Pjesëmarrës në këto aktivitete për 10 vjet, kanë qenë më shumë se 10 mijë nxënës.

“Është edicioni i tetë me radhë. Sot do të garojnë maturantët nga shkollat përfaqësuese të Republikës së Kosovës, për të fituar njërin nga shpërblimet që janë, biçikleta për vendin e parë, dytë dhe të tretë”, ka thënë Krasniqi.

Nënkryetarja e Prishtinës, Donjeta Sahatçiu ka theksuar se janë duke punuar për zgjerimin e shtigjeve për biçikletat dhe do të vazhdojnë të promovojnë sigurinë dhe lëvizjet me biçikleta në kryeqytet dhe komuna vazhdon të jetë e zotuar të punoj në sigurinë e shtigjeve për biçikleta.

Nënkoloneli i Policisë së Kosovës, Jeton Rexhepi theksoi se mbështesin çdo aktivitet, me qëllim të uljes së rasteve të aksidenteve në rrugë.

Në garat e sotshme pjesëmarrës ishin 19 garues në 12 shtigje, ku vendi i parë, dytë dhe i tretë u shpërblyen me nga një biçikletë, dhe shkolla e tyre fituese u pajis më kupë.

  • Fituesi i vendit të parë u shpall Darsei Gashi, përfaqësues i shkollës së mesme teknike Skënder Luarasi nga Suhareka, i cili shtegun e kaloi pa asnjë penallti, brenda 40 sekondave.
  • Fituesi vendit të dytë u shpall Enris Xhelili nga shkolla e mesme teknike Mehmet Isai nga Gjilani, i cili shtegun e kaloi me sukses dhe pa asnjë penallti për 46 sekonda.
  • Fituesi i vendit të tretë u shpall Anit Kololli, përfaqësues i shkollës së mesme teknike Skënder Luarasi nga Suhareka, i cili shtegun e kaloj pa asnjë penallti, brenda 48 sekondave./Media Ndërtimi

Continue Reading

Aktuale

Shtëpitë e qytetit bregdetar ‘fantazëm’ po dalin në shitje për £5,000 në Britani

Published

2 days ago

on

May 30, 2023

By

Qyteti bregdetar i Horden, në verilindje të Anglisë ka mbetur një qytet “fantazmë” që prej mbylljes së minierës së tij teksa banorët e mbetur në varfëri dhe problemet sociale të drogave e krimit, kanë bërë që disa nga shtëpitë e zbrazura të dalin në shtije për vetëm 5,000 paundë.

E përditshmja vendase The Mirror shkruan se që prej mbylljes së papritur industrisë së gjerë të minierave vendi nuk ka gjetur më identitetin e tij dhe vijon degradimin.

Më parë Horden, në kontenë e Durham, thyente rekorde për produktivitetin e tij dhe punësonte mijëra njerëz të zonës.

Miniera është mbyllur nga autoritetet në që në 1987, dhe tashmë rrugët janë të mbushura me shtëpi të mbyllura me dërrasa, që mund të bihen secila për 5000 paundë secila teksa vendasit vijojnë të largohen nga zona.

E përditshmja tjetër britanike  Daily Star  raporton për transformimin negativ të Horden ashtu si të shumë qytezave të tjera ku industritë janë zhdukur pas viteve 1980s, siç është ilustruar dhe në një dokumentar të komentuesit David Burnip, injohur me emrin në rrjet Wandering Turnip, i cili vizitoi qytezën së fundmi në një përshkrim keqardhjeje.

Një vendas që foli me Burnip tha se qyteza ishte “fundosur që prej mbylljes s ëminierës”.

“Gjithçka kishte ishin klubet e burrave dhe punëtorëve të minierës dhe me mbylljen e saj nuk mbetet më asgjë”.

Ai shtonte se tashmë kontrollin e kanë marrë drogat që kanë prekur të mbeturit në moshat 40 e 50 vjeçare.

Rrjedhimisht kostot e pronave në Horden kanë rënë drastikisht, teksa katër shtëpi ishin në shitje sivjet për vetëm 5000 paundë.

Gjithsesi mes pronave në Horden, disa në rrugën Tees Street ishin shitur për £30,250 – edhe pse ishin blerë në vitin 2006 për më pak se gjysmën e çmimit.

Një tjetër ishte shitur në maj për £22,750, teksa ishte blerë pesë vjet më parë për £36,000.

Kështu që jo të gjitha shtëpitë kanë dalë në treg me çmime të rrënuara duke bere qe vendasit te shpresojnë ende për një rimëkëmbje te qytezës se tyre.

Continue Reading

Trending