Connect with us

Aktuale

Ky është plani i Qeverisë Kurti për INFRASTRUKTURË

Published

on

Në mbledhjen e sotme të Qeverisë së Republikës së Kosovës është votuar plani qeverisës me të cilin Qeveria Kurti do të veprojë në katër vitet e ardhëshme. Në tërësinë e planit qeverisës parashihen edhe veprimet që do të ndërmirren në raport me infrastrukturën e Kosovës, raporton Ndërtimi.info.

Më poshtë mund të lexoni planin e qeverisë për infrastrukturë:

8.Infrastruktura

Qeveria do të ndërmarrë masa për krijimin e një sistemi më efikas dhe të integruar të transportit rrugor, hekurudhir dhe ajror, i cili do të mundësojë mobilitet më të madh të fuqisë punëtore, mallrave dhe kapitalit, në funksion të zhvillimit ekonomik. Gjithashtu, qeveria do të punojë në rishikimin e politikave në sektorin e transportit duke rishikuar Strategjine sektoriale të Transportit Multimodal, e cila përfshin edhe përmirësimin e sigurisë në komunikacion, mirëmbajtjen e rrugëve dhe përmirësimin e shërbimeve.

8.1 Zhvillimi i infrastrukturës rrugore

Gjatë viteve të fundit është investuar shumë në përmirësimin e infrastrukturës rrugore kombëtare dhe rrugëve rajonale. Megjithatë, nevojat e vendit për infrastrukturë të transportit mbeten të mëdha, sidomod lidhja më e mirë dhe më e shpejtë mes rajoneve, e cila do të mundësonte mobilitet më të madh të fuqisë punëtore, mallrave dhe kapitalit.

Qeveria do të trajtoj kontratat dhe projektet e dëmshmë; do të rishikoj dinamikën e projekteve ekzistuese infrastrukturore, si: vazhdimi i projektit të zgjerimit të rrugëve nacionale Prishtinë-Pejë(M9) dhe Prishtinë- Mitrovicë (M2); zgjerimi i rrugës nacionale Prishtinë – Podujevë dhe rrugës nacionale Prishtinë – Gjilan – Dheu I Bardhë, duke i përshpejtuar ato. Vëmendje e veçantë do t’i kushtohet gjithashtu:

  • Përfundimit të autostradës Besi – Merdare
  • Zgjerimit të rrugëve nacionale Istog – Pejë – Deçan – Gjakovë – Prizren, përfshirë rrugët qarkore nëpër qytete.
  • Ndërtimit të aksit rrugor Prizren – Tetovë (pjesa e Kosovës) përmes tunelit
  • Ndërtimit të aksit rrugor Gjakovë – Shkodër )pjesa e Kosovës)
  • Rehabilitimit të rrugës Istog-Klinë, përfshirë rrugën qarkore Klinë
  • Rehabilitimit të rrugëve kombëtare Qafë Duhël – Shtime – Ferizaj, që lidh korridorin Lindje-Perëndim dhe autostradën Prishtinë – Shkup
  • Rindërtimit dhe standardizimit të rrugës ndërkombëtare “Gjilan-Kumanovë”
  • Ndërtimit të aksit rrugor Deçan-Plavë (pjesa e Kosovës)
  • Ndërtimit të Unazës së jashtme të Prishtinës
  • Mbështëtjes së komunave të Kosovës në realizimin e projekteve rajonale në infrastrukturën rrugore
  • Hartimit të studimit gjithëpërfshirës për të përcaktuar rehabilitimin dhe ndërtimin e rrugëve rajonale
  • Aplikimit për anëtarësim të Kosovës në Organizatat Ndërkombëtare të Transportit Rrugor (ITF, TIR, ADR, AETR)
  • Shqyrtimin e mundësive të hapjes së kyçjeve shtesë për vendbanimet në autostradat ekzistuese.

8.2 Zhvillimi i infrastrukturës hekurudhore

Infrastruktura hekurudhore në Kosovë është e vjetërsuar, si dhe ka nevojë urgjente për modernizim dhe zhvillim, në mënyrë që të plotësojë nevojat dhe të ofrojë shërbime të qëndrueshme të transportit hekurudhor. Në këtë drejtim, prioritet i veçantë është:

  • Vazhdimi i rehabilitimit të përgjithshëm dhe modernizimi i Linjës së 10-të hekurudhore (kufiri me Serbinë – Leshak – Fushë Kosovë – Han I Elezit – Kufiri me Maqedoninë)
  • Studimi i fizibilitetit për ndërtimin e linjës hekurudhore që lidh Kosovën me Shqipërinë, me qendrat kryesore dhe portet e saj
  • Studimi i fizibilitetit mbi rehabilitimin/modernizimin e linjave Lindje-Perëndim, që lidhin aeroportin me degët e pjesës jugore dhe veriore të linjës Podujevë, Gjakovë dhe Prizren.
  • Aplikim për anëtarësim të Kosovës në Organizatat Botërore të Transportit Hekurudhor (UIC, RNE, ERA, CIM)

8.3 Politikat e aviacionit civil

Qeveria do të vazhdojë mbështetjen për zhvillimin e kapaciteteve të autoriteteve të Aviacionit Civil, për përgatitjet për anëtarësim në mekanizamt ndërkombëtar, në mënyrë që të happen korridore të reja të transportit ajror. Në këtë drejtim prioritet i veçantë do të jetë:

  • Funksionalizimi I Aeroportit të Gjakovës
  • Kthimi I kontrollit të hapësirës ajrore të Republikës së Kosovës
  • Aplikim për anëtarësim të Kosovës në Organizatat Botërore të Aviacionit (ICAO, EASA, EUROCONTROL, ECAC)

8.4 Përmirësim I sigurisë dhe mirëmbajtjes rrugore

Siguria në trafikun rrugor është një nga problemet kryesore me ndikim të madh në shëndetin public dhe zhvillimin e shoqërisë. Qeveria do të punojë për rritjen e nivelit të sigurisë në trafikun rrugor dhe gjithashtu, do të përmirësojë planifikimin dhe programimin e punëve për mirëmbajtjen e rrugëve përmes Sistemit Intelegjent të Transportit (SIT). Në kuadër prioritet i veçantë do të jetë:

  • Vendosja e Sistemit Intelegjent të Transportit (SIT)
  • Përmirësimi i infrastrukturës dixhitale në ngritjen e cilësisë për patent shofer, testimi elektronik
  • Mirëmbajtja dhe siguria e rrugëve, trajtimi i pikave të zeza dhe përmirësimi i sinjalistikës së rrugëve
  • Eliminimi i monopoleve në fushën e infrastrukturës rrugore ( Homologimi i automjeteve)
  • Funksionalizimi i strukturave për sigurinë e trafikut rrugor
  • Përmirësimin e procëdurave për lidhjen e kontratave për mirëmbajtje

Aktuale

Aktakuzë ndaj dy zyrtarëve të Komunës së Suharekës për projektin e Ndërtimit dhe renovimit të objekteve sportive e kulturore

Published

on

Prokuroria Themelore në Prizren, Departamenti i Krimeve të Rënda, sot më datë 20.06.2024, ka ngritur aktakuzë kundër të pandehurve B. B., dhe B. K., për shkak se sipas Prokurorisë në bashkëkryerje kanë kryer veprën penale “Keqpërdorimi i pozitës apo autoritetit zyrtar”.

Sipas aktakuzës, të pandehurit B. B., dhe B. K., kanë cilësinë e personave zyrtarë.

Sipas Prokurorisë i pandehuri B. B. në cilësinë e menaxherit të kontratës, për projektin: “Ndërtimi dhe renovimi i objekteve sportive dhe kulturore”, ndërsa i pandehuri B. K. në cilësinë e Mbikëqyrësit të projektit të njëjtë.

Gjithnjë sipas aktakuzës prej datës 22.05.2018  e deri më datë 22.10.2018, në Suharekë, të akuzuarit i kanë tejkaluar detyrat e tyre zyrtare lidhur me këtë projekt.

“Gjatë kësaj kohe në kundërshtim me Rregullat dhe udhëzuesit operativ të Prokurimit Publik, pa miratimin e kryetarit të Komunës së Suharekës, i pandehuri B. K., ndryshon, ndërsa i pandehuri B. B., i aprovon paramasat dhe parallogaritë gjatë ekzekutimit të punimeve”.

Tutje, në aktakuzë thuhet se të akuzuarit – poligonet sportive në fshatin Peqan, Sllapuzhan dhe Buzhalë, në vend të rrethojave të poligoneve sportive me profil metalik të plastifikuar ndryshojnë paramasat në rrethoja – profile metalike të zinkuara, në poligonin sportiv në fshatin Buzhalë, ndryshojnë paramasën dhe parallogarinë, ashtu që në vend të shtrimit të fushës sportive me beton, bëjnë shtrimin e fushës sportive me barë natyror.

“Me këto veprime Komunës së Suharekës i shkaktojnë dëm të material në shumë prej 6 mijë e 839 euro, ndërsa operatorit ekonomik me seli në Prishtinë, i mundësojnë përfitim të dobisë materiale në shumë prej 6 mijë e 839 euro|.

Lidhur me çështjen, prokurori i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprën penale për të cilën akuzohen të shpallen fajtorë dhe të dënohen sipas ligjit./Media Ndërtimi

Continue Reading

Aktuale

Shpëlarja e parave e financimi i terrorizmit, rrezik nga Projektligji për kripto-asetet – BQK-ja do t’i mbikëqyr

Published

on

Komisioni për Ekonomi, Industri, Ndërmarrësi dhe Tregti të enjten ka mbajtur dëgjim publik për Projektligjin për kripto-asetet, me ç’rast u theksua nevoja për  miratimin e ligjit në Kuvend, raporton Ekonomia Online. Anëtarja e Komisionit për Ekonomia, Mimoza Kusari-Lila, tha se ky projektligj ka filluar nismën me dëgjimin e parë publik në muajin gusht të vitit 2021, ndërsa ka vazhduar në korrik 2022, teksa shtoi se këtë projektligj e ka mbështetur edhe Këshilli i Evropës.

“Janë bërë më shumë se dy vite kur nisma për kripto-asetet është filluar, deri më tani në këtë proces janë mbajtur dy dëgjime publike, i pari është mbajt në gusht 2021 për të diskutuar për idenë, i dyti është mbajt një vit më pas në korrik 2022-ës për një draft. KE-ja, përmes ekspertëve ka mbështetur grupet e punës, fokusi ka qenë të punohet kundër pastrimit të parave. Ky ligj ka për qëllim ruajtjen e kripto-aseteve”, tha Kusari-Lila.

Përfaqësuesi i BQK-së, Ervin Mala, tha se kanë filluar diskutimet për organizimin dhe ndarjen e resurseve dhe akteve ligjore.“Banka Qendrore do të ketë rolin për monitorimin e të gjithë operatorëve që do të merren në këto asete”, tha ai.

Deputeti nga AAK-ja, Pal Lekaj, tha se Qeveria duhet të ketë monitorimin e kësaj paraje në mënyrë që të mos keqpërdoret.

“Sa i përket kriptove, janë globale dhe ne duhet patjetër t’i standardizojmë ligjet në fjalë, ne duhet të kemi një licencim të tyre e kontroll, nuk besoj se ka dikush kompetencë tjetër përveç BQK-së. Qeveria duhet të ketë monitorim të parasë, të mos ketë shpëlarje të parave dhe të mos financohet terrorizmi. Duhet të regjistrohen individët qe kanë të bëjnë me asetet të mbrohen të dhënat dhe të ruhen transaksionet”, tha Lekaj.

Vyrtyt Ibrahimaga, avokat, tha se në draftin e parë janë përfshirë kushte që iu mungon rregullimi me akte nënligjore./Media Ndërtimi

Continue Reading

Aktuale

Më shumë se 100 breshka “gjigante” u desh të largohen nga strofullat në vendin ku po ndërtohet një fabrikë e Hyundait në Savannah

Published

on

Ndërtimi i fabrikës së prodhimit të automjeteve elektrike të Hyundai Motor Company, me vlerë 7.6 milionë dollarë, pranë Savannah, është bërë një lajm kombëtar.

Dhe lajmi nuk ka të bëjë me prodhimin e ndonjë veture apo diçka të tillë, por diçka krejt tjetër.

Kjo pasi që breshkat që jetonin në zonë ishin hequr nga vendi në koordinim me Shërbimin e Peshkut dhe Kafshëve të Egra të SHBA-së dhe Divizionin e Burimeve të Jetës së Egër të Georgias.

Në total, 106 breshka u mblodhën dhe u transportuan rreth 30 milje në bazën e ushtrisë Fort Stewart, tha Rick Lavender, një zëdhënës i WRD, një agjenci brenda Departamentit të Burimeve Natyrore.

Breshkat Gopher, të cilat mund të arrijnë deri në 40 centimetra në gjatësi dhe zakonisht jetojnë 40 deri në 60 vjet, klasifikohen si të kërcënuara në pjesë të Alabama, Luiziana dhe Mississippi, por jo në seksionin lindor të gamës së tyre, që përfshin Georgia, Florida, Karolina e Jugut dhe një pjesë e Alabamës./Media Ndërtimi

Continue Reading

Trending