Connect with us

Aktuale

Lamtumirë Musa!

Published

on

Para se të nisesha  për studime në Prishtinë, u ndalova të përshendetem me dajën Saim, arkitekt, tashmë i ndjer, i cili mbas përqafimit me tha: “Te lutem bëni tfala prof. Stavilecit”…pauzoi disa sekonda dhe vazhdoi: “Ke për të parë çka eshtë ligjërimi”.

Shkruan: Inxhinier Mentor Llunji, Ulqin 2020

Saimi kishte përfundar shkollën e mesme të ndërtimit, ku në vitet e ‘70-ta e kishte Musën profesor. Pasi kishte kaluar shumë kohë prej atëherë, sinqerisht mendova që kjo përshtypje do ishte ndonjë preferencë personale e dajës.

Ligjerata parë me Musën i tejkaloi pritjet… Hyri në klasë në mënyrë fare joformale, me një qëndrim lezher dhe dukej që lëndën e kishte “në gishta”. Formulat më të ndërlikuara i hidhte në tabelë me një lehtësi të paparë deri atëherë. Një dallim i madh me kolegët e tij. Bile edhe vishej ndryshe. Ishte lënda e vetme ku nuk shikonim orën dhe profesori i vetëm që na thërriste në kafe pas ligjeratave. Nuk e sforcoi respektin artificial duke mbajtur distancë, siç është zakon, por e bënte ate me dijen që na ofronte. Ishte profesori i vetem që prej ditës së parë e kam thirrë me emër.

Mentor Llunji

Krijuam një afërsi, e cila ishte më tepër intuitive se sa që mund të ndaja me të ‘dijet’ e mia të freskëta në ndërtimtari. I bënim shpesh pytje banale, por asnjeherë nuk na la të kuptojmë që ishin të tilla. Ndërkaq në provime tërë ajo afërsi që kishim jashtë ligjeratave, u shndërronte në rreptësi të papritur. Kuptohet për të mirën tonë. Ky ishte Musa.

Për nivelin shkencor kjo letër është e shkurtër që të përmblidhet puna e tij. Musa ishte një hap para rrethit të vet.

Punimi i magjistraturës ishte avangardë për Kosovën e atëhershme. Trajtoi strukturat më të ndërlkuara në atë kohë, sistemet sipërfaqësore (kupolat, guaskat, etj.) dhe prodhoi dy libra për këtë temë. Emrin Felix Candela e dëgjova së pari nga Musa.

Tërmeti artificial i Prishtinës që ishte fokus i punimit të doktoraturës së tij, për vitet e ‘90-ta edhe kur e kompletoi, ishte para kohe, kështu që edhe sot është po aq i freskët.

Vuri bazat e edukimit të inxhinierisë sizmike në Kosovë dhe më e rëndësishmja, i vuri vetes standardin që për lëndën që ligjeron duhet t’i sigurosh studentit librin.

Në vitin 2012 e thirra t’ia tregojë materialin ende të papërfunduar për librin tim të parë “Arkitektura Sizmike”. Pa e parë përmbajtjen dhe materialit, më tha: “…ti vetëm përfundoje, ndërkaq unë ta gjej botuesin, ta shkruaj parathënien dhe ta bëj recensionin”. Po të mos ishte kjo zemërgjerësi profesionale dhe njerëzore, me siguri libri ende do mbetej në sirtar.

Vitet e fundit i kaloi në Stamboll. Sa herë që dëgjoheshim me të, dukej i qetë dhe shumë i kënaqur.

Inxhnieria e ndërtimit në Kosovë mbeti pa një legjendë. Ne mbetëm pa një mik të ngushtë. Do të kujtojmë përherë.

Lamtumirë Musa !

Inxhinieri i ndërtimit, Mentor Llunji e shkroi këtë kujtim ekskluzivisht për Ndërtimi.info, në ditën e vdekjes së profesorit Musa Stavileci, më 21.05.2020.

Click to comment

You must be logged in to post a comment Login

Leave a Reply

Aktuale

Gjeologu italian për tërmetin në Turqi: Toka lëvizi tri metra në disa dhjetëra sekonda

Published

on

Carlo Doglioni, kreu i Institutit Kombëtar Italian të Gjeofizikës dhe Vullkanologjisë, ka bërë disa deklarata befasuese në lidhje me tërmetin me magnitudë 7.7 që goditi Turqinë dhe epiqendra e të cilit ishte Kahramanmaraş.

Dhe duke folur për mediat italiane, Carlo Doglioni raportoi se “toka u zhvendos 3 metra”, pas tërmetit në Turqi, deklaratë që është publikuar edhe nga mediat turke, përcjell Telegrafi.

Deklarata vjen nga Italia, nga ku, pas tërmetit është lëshuar edhe paralajmërimi për cunami ndërsa në jug të Italisë është bërë deklarata “mos iu afroni plazheve” – por që autoritetet italiane e hoqën pas pak kohësh, transmeton Telegrafi.

I njohur si numri një i institucionit dhe një nga figurat më të njohura në vend, shkencëtari tha: “Ky rajon është një rajon me aktivitet shumë të lartë sizmik. Turqia lëvizi 3 metra në pak sekonda në vijën e thyerjes prej 150 kilometrash”.

“Ndodhi që ajo që ne e quajmë pllaka arabe të lëvizte rreth 3 metra përgjatë një drejtimi verilindje-jugperëndim në lidhje me pllakën e Anadollit”, ka thënë ndër tjerash ai.

Edhe Carlo Doglioni konfirmoi pamundësinë për të bërë parashikime.

“Për fat të keq, ne ende nuk jemi në gjendje të parashikojmë tërmetet”, shpjegoi gjeologu për Sky TG24.

Dhe më pas ai shtoi: “Por këto imazhe dramatike, të tmerrshme na kujtojnë se është thelbësore të jemi të vetëdijshëm se mund të ketë një tërmet dhe se prandaj duhet të ndërtojmë në një mënyrë antisizmike. Parandalimi është arma e parë kundër tërmeteve. Edhe nëse një ditë do të mund t’i parashikojmë, gjëja më e rëndësishme do të jetë të kemi shtëpi të sigurta”.

Continue Reading

Aktuale

ZRRE paralajmëron shqyrtimin e tarifave të energjisë elektrike

Published

on

Zyra e Rregullatorit për Energji (ZRRE) ka paralajmëruar shqyrtim të tarifave të reja të energjisë elektrike për vitin 2023.

Kryetari i Bordit të ZRRE-së, Ymer Fejzullahu para Komisionit parlamentar për Ekonomi tha se janë plotësuar të gjitha kushtet ligjore për këtë shqyrtim të tarifave.

Mirëpo, ai nuk dha detaje se sa mund të shtrenjtohet energjia elektrike.

“Aktivitet për të cilën shumicën e vëmendjes e merr ZRRE-ja për çdo vit, është paraparë që të bëhet shqyrtimi i tarifave të energjisë elektrike dhe termike për vitin 2023, si një proces i rregullt, për të cilën ZRRE-ja e bën për çdo vit, për dy operatorët dhe për furnizuesin e rregullt që është KESCO”, tha Zejnullahu.

Duke paraqitur planin e punës për vitin 2023, ai është shprehur se prioritet gjatë këtij viti është edhe rritja e konkurrencës në sektorin e energjisë , por edhe tregu i përbashkët me Shqipërinë./Media Ndërtimi

Continue Reading

Aktuale

Murati njofton procedimin e ligjit që mundëson faljen e tatimit në pronë

Published

on

Ministri i Financave dhe Transfereve Hekuran Murati, ka thënë se janë shumë shpejt do të procedohet ligji që do të mundësoj që të zbritjen e tatimit në pronë prej 100 euro. Ai ka treguar edhe për ndryshimet që po bëhen në funksionimin e Doganave dhe Administratës Tatimorë të Kosovës (ATK).

Janë deklaratat e Muratit ku flet për mënyrën se si do të falet tatimi në pronë dhe ndryshimet e kodit të akcizës dhe ligjin për ATK dhe doganave.

“Sa i përket kësaj çështje, unë prej ditës së parë e kamë thënë. Ka vullnet nga ana e Komunave, ne do ta procedojmë ligjin e ri i cili do të përmbaj edhe dispozitën, pra që të zbritet nga faturat tatimet tatimore e sivjetshme shuma deri në 100 euro. Pra kjo gjë është thënë dhe po bëhet. Shumë shpejt do ta dërgojmë edhe për konsultime të brendshme fillimisht e pastaj edhe për konsultime publike , projektligjin e ri që do të mundësoj këtë gjë  dhe është me rëndësi që të gjinden sa më shumë mënyra që të lehtësohet jeta e qytetarëve”, ka thënë Murati.

“Ne çka kemi bërë është kodi akcizave dhe ligji për ATK-në. Këto janë ligje që e rregullojnë funksionimi i doganave dhe funksionimin e ATK-së , nuk kanë të bëjnë me politikat fiskale, siç edhe kam parë që është raportua në disa media . Këto janë ligje të cilat rregullojnë funksionimin e dy institucioneve që janë dogana dhe ATK. Nuk ka ndryshim të ligjit për TVSH. TVSH-ja rregullohet me ligjin për TVSH ne çka po bëjmë është ligji për procedurat dhe ATK dhe ligji për Doganave. Pra që rregullon funksionimin e këtyre dy institucioneve”, ka thënë Murati./Media Ndërtimi.

Continue Reading

Trending