Po afrohet fundi i vitit 2023 dhe prodhuesit e makinave tashmë kanë treguar se cilat modele nuk do të jenë më në shitje gjatë vitit të ardhshëm.

Këtu kemi një pasqyrë të shkurtër, duke përfshirë vetëm pesë modele që ose nuk do të prodhohen më, ose modeli i tyre për vitin 2024 do të jetë i fundit në serinë e tyre, transmeton Telegrafi.

Audi i thotë lamtumirë modelit sportiv R8 pas 17 vitesh.

Ai bazohet në modelin Lamorghini Gallardo, dhe prototipi i parë u shfaq në panairet në Gjenevë dhe Frankfurt në 2003.

Ajo u prezantua zyrtarisht në vitin 2006 në Paris.

Audi TT hyn në histori pas plot 25 vitesh.

Kjo veturë sportive mbijetoi për dy dekada e gjysmë, pasi prodhuesi vendosi që koha e saj kishte mbaruar.

Modeli i fundit në Britaninë e Madhe do të jetë Final Edition, ndërsa në SHBA modeli i lamtumirës është RS Heritage Edition.​

Gjenerata e shtatë Fiesta mund të gjendet ende në Evropë, por kjo merr fund këtë vit.

Ford planifikon të zëvendësojë Ford Fiesta-n me një version të ri, 100 për qind elektrik të crossover-it Puma.

Vetura më e vogël e prodhuar nga Kia është shitur globalisht që nga viti 1999 dhe modeli i vitit 2024 do të jetë i fundit i këtij lloji.

Është interesante se është një nga veturat më të lira në SHBA, me një çmim fillestar prej rreth 18 mijë dollarë.

Ky vit do të jetë i fundit për C-Class, si për versionet e konvertueshme ashtu edhe për atë coupe.

Vitin e kaluar, klasa A hyri në histori dhe duket se kjo linjë makinash Mercedes nuk do të mbijetojë as në vitin 2023./Media Ndërtimi

Toyota shumëngjyrëshe na kujton në Supra GT4, që deri më tani është prodhuar në 100 dhe quhet GR Supra GT4 100th Edition Tribute, dhe do t’u ofrohet vetëm blerësve në Evropë.

Kanë kaluar pothuajse pesë vjet që nga premiera e gjeneratës së pestë Supra, e cila përbën pjesën japoneze të një projekti të përbashkët në të cilin mekanika lidhet me Roadster Z4 të BMW, transmeton Telegrafi.

Përpara versionit të paralajmëruar të Supra GRMN më të fuqishëm, i cili duhet të mbërrijë në treg vitin e ardhshëm, i cili ndoshta do të jetë “maja e arkëtimit” për automjetin e shumëpritur japonez me dy ulëse, Toyota ka përgatitur një tjetër edicion të kufizuar për blerësit e mundshëm Supra, me të cilin ata duan t’u kujtojnë versionin garues GT4 Evo që divizioni i tyre Gazoo Racing ka ndërtuar 100 njësi deri më tani.

Edhe pse karroceria në shikim të parë duket ndryshe, GR Supra GT4 100th Edition Tribute, i cili bazohet në një version më të lehtë të Supras standarde, mund të përdoret gjithashtu në rrugë publike dhe mundësohet nga BMW-ja në linjë motori biturbo me tre litra, i cili bën tërheqje me rrotat e pasme, falë ndërruesit manual me gjashtë shpejtësi.

Toyota do të ofrojë “Supra GT4 100th Edition Tribute” në 100 njësi vetëm për klientët në Evropë dhe 68,900 euro duhet të ndahen për një të tillë./Media Ndërtimi

Një nga pyetjet kryesore sot është: cilat automjete janë më të besueshme, elektrike apo ato me motorë me djegie të brendshme?

Tani kemi marrë një përgjigje interesante nga “American Consumer Reports”, organizatë që merret me mbrojtjen e interesave të konsumatorëve. Bazuar në hulumtimet e tyre, automjetet elektrike janë shumë më pak të besueshme se automjetet me motorët me djegie.

Sipas të dhënave të mbledhura të “Raportet e Konsumatorit” nga pronarët e më shumë se 330 mijë automjeteve (nga viti 2000 e deri më sot) tregojnë se automjetet elektrike janë mesatarisht 79 për qind më pak të besueshme se automjetet me benzinë dhe naftë.

Hibridet plug-in janë edhe më keq kur bëhet fjalë për besueshmërinë, me 146 për qind më shumë probleme në krahasim me veturat tradicionale me benzinë ose naftë. Është interesante se automjetet tradicionale hibride arritën rezultatet më të mira, me 26 për qind më pak probleme në krahasim me automjetet me benzinë dhe naftë.

Consumer Reports sugjeron se me teknologjitë e reja, automjetet elektrike janë aktualisht më të ndjeshme ndaj prishjeve.

Sa i përket kamionçinës elektrike, ka vetëm dy automjete në atë kategori: Ford F-150 Lightning dhe Rivian R1T. Ndërsa Ford përballet me probleme me baterinë dhe karikimin, Rivian është i rrënuar nga cilësia e ndërtimit, si dhe kontrollet e ajrit të kondicionuar./Media Ndërtimi