Connect with us

Aktuale

Korporata Energjetike e Shqipërisë shet rrymë në vlerë 2.6 milionë euro

Published

on

Korporata Elektoenergjetike Shqiptare ka zhvilluar procedurën e dytë të shitjes në pak ditë duke arkëtuar për këtë 2.6 milionë euro. Sasia e shitur e energjisë është 13260 MW energji e ndarë në disa lote të cilët janë shitur me çmime të ndryshme në varësi të fashës orare që përfshijnë. Konkretisht fasha më e lirë e tregtuar është ajo me 116 euro/MWh që i takon natës ndërsa çmimi më i lartë i ponderuar është loti 4 i shitur me 246 euro/MWh. Çmimet me të cilat është zhvilluar kjo procedurë në raport me bursën janë të përafërta duke reflektuar kështu fashat orare në të cilat është tregtuar energjia.

Për të dyja procedurat KESH ka arkëtuar një totale prej 3.3 milionë euro që sërish mbeten një pikë uji në oqean në raport me shpenzimet që i është dashur të bëjë korporata për importe këtë vit për të siguruar furnizimin. Këto shpenzime deri në datën 20 nëntor arritën 430 milionë euro.

Për shkak të prurjeve të shumta si efekt i reshjeve panorama në kaskadën e Drinit ndryshoi në pak orë ku nga prodhimi minimal KESH nisi prodhimin me kapacitet të plotë ne dy nga tre HEC-e  por edhe shkarkime në kushtet kur i duhej të respektonte nivelet e parashikuara nga rregullorja.

KESH aktualisht po siguron përmes prodhimit nga kasakda furnizimin me energji në vend e kombinuar kjo edhe me energjinë që siguron vetë OSHEE për detyrimet e saj të mbulimit të humbjeve.

Përmirësimi i situatës hidrike në vend pritet që të ketë një efekt lehtësimi në kushtet e një krize globale që ka detyruar vendet të marrin masa të shumta përfshirë Shqipërinë e cila vendosi zbatimin e fashës 800 kWh me një çmim 42 lekë për çdo kWh të shpenzuar mbi këtë fashë. Gjithsesi edhe pse u vendor, fasha nuk u zbatuar për tetor-nëntor dhe me përmirësimin e kushteve duket se edhe dhjetori do të jetë në një njëjtën linjë por për këtë duhet të shihen hapat që do të ndërmerren nga kompanitë e sektorit.Revista Monitor/Media Ndërtimi

Aktuale

Samiti i Tiranës, ndahen 2.5 miliardë euro për energji në rajon

Published

on

Pasojat e agresionit rus kundër Ukrainës, forcimi i sigurisë dhe ndërtimi i qëndrueshmërisë ndaj ndërhyrjeve të huaja në rajon, sfidat e emigrimit dhe lufta kundër terrorizmit dhe krimit të organizuar do të jenë disa nga temat kryesore që do të diskutohen në 6 Dhjetor në samitin e 27 vendeve anëtarë të BE me partnerët e Ballkanit Perëndimor, sipas burimeve zyrtare nga Unioni Europian.

Ky është samiti i parë mes liderëve të BE-së dhe Ballkanit Perëndimor që do të zhvillohet në rajonin e Ballkanit Perëndimor.

Samiti është një mundësi për të rikonfirmuar rëndësinë kyçe të partneritetit strategjik midis BE-së dhe Ballkanit Perëndimor.

Diskutimet në takimin e sotshëm në Tiranë, pritet të fokusohen edhe në efektet negative për furnizimin e rregullt me energji dhe ushqime pas luftës në Ukrainë.

Presidentja e Komisionit Europian, Ursula von der Leyen, njoftoi më herët se tashmë ka një mbështetje financiare për të ndihmuar vendet në Ballkanin Perëndimor të përballen me mungesat dhe çmimet më të larta.

“Ne kemi krijuar një paketë mbështetjeje për energjinë që të gjithë së bashku duhet të mobilizojnë të paktën 2.5 miliardë euro për Rajonin”, – tha Várhelyi./Media Ndërtimi

Continue Reading

Aktuale

Bashkimi Evropian ndalon tërësisht importin e naftës ruse

Published

on

Një embargo e Bashkimit Evropian për importet e naftës ruse, e cila ishte miratuar nga Komisioni Evropian më 3 qershor, si pjesë e paketës së gjashtë të masave kufizuese kundër Moskës, hyri në fuqi të hënën.

Sipas paketës së sanksioneve, blloku 27 anëtarësh prezantoi një ndalim të plotë të importit për të gjithë naftën bruto ruse dhe produktet e naftës që transportohen në rrugët detare, të cilat BE thotë se “mbulon 90 për qind të importeve tona aktuale të naftës nga Rusia”.

“Ndalimi i nënshtrohet disa periudhave të tranzicionit për të lejuar që sektori dhe tregjet botërore të përshtaten, dhe një përjashtim të përkohshëm për naftën bruto të tubacionit për të siguruar që nafta ruse të hiqet gradualisht në mënyrë të rregullt,” tha një deklaratë pas miratimit të paketës.

Deklarata tregoi gjithashtu se vendet e BE-së që kanë një “varësi të veçantë të tubacionit nga Rusia”, mund të përjashtohen përkohësisht nga sanksionet me kusht që të marrin naftën me tubacion.

“Shtetet anëtare që përfitojnë nga ky përjashtim nuk do të jenë në gjendje të rishesin naftë të papërpunuar dhe produkte të naftës në shtete të tjera anëtare ose vende të treta”, vijon deklarata.

Sanksionet hyjnë në fuqi pasi Komisioni i BE-së propozoi një kufi çmimi prej 60 dollarësh për fuçi për naftën e transportuar nga Rusia përmes detit të enjten.

Zyrtarët rusë kanë njoftuar se do të refuzojnë t’u shesin naftë vendeve që bien dakord për kufirin e çmimit, ndërkohë që bisedimet janë ende duke u zhvilluar mes kërkesave për kufizime gjithnjë e më të larta të çmimeve nga disa shtete anëtare të BE-së./Media Ndërtimi

Continue Reading

Aktuale

Shefi i Komisionit Evropian: “Ne duhet ta bëjmë çdo ndërtesë të re neutrale ndaj klimës”

Published

on

Nënkryetari ekzekutiv i Komisionit Evropian ka përshkruar rëndësinë e ndërtimit për ambiciet e Marrëveshjes së Gjelbër të Bashkimit Evropian.

Duke folur në Asamblenë e Përgjithshme të Federatës Evropiane të Industrisë së Ndërtimit (FIEC), Frans Timmermans tha: “Jemi në një moment përcaktues për Evropën, demokracinë dhe lirinë.

“Industria e ndërtimit do të luajë një rol kyç për të rindërtuar Ukrainën, shpresojmë më shpejt se sa vonë. Dhe në të njëjtën kohë, mënyra se si ne ndërtojmë dhe çfarë bëjmë në mjedisin e ndërtuar po kalon një transformim themelor.

“Ne duhet ta bëjmë çdo ndërtesë të re neutrale ndaj klimës. Dhe ne duhet të rinovojmë, izolojmë dhe instalojmë sisteme të reja energjetike në mjedisin e ndërtuar që është tashmë këtu.”

Timmermans tha se sot përfaqësonte “një mundësi të jashtëzakonshme për sektorin e ndërtimit. Me rregullore të qarta dhe masa mbështetëse në fusha kyçe si lejet, trajnimi dhe dixhitalizimi, ne do të bëjmë çmos për të ndërtuar së bashku botën e së nesërmes.”

Kur u pyet në lidhje me çështjet aktuale me të cilat përballet industria, ai tha, “FIEC duhet të na ndihmojë të krijojmë një legjislacion me të cilin kontraktorët mund të punojnë dhe të vazhdojnë të krijojnë një bashkëpunim më të ngushtë midis industrisë dhe politikëbërësve në mënyrë që të sigurohet që nismat e BE-së të jenë të suksesshme”.

“Industria e ndërtimit të Evropës qëndron fort pas Marrëveshjes së Gjelbër. Ne jemi zgjidhja, jo problemi, për t’ju ndihmuar të realizoni Marrëveshjen e Gjelbër të BE-së.”, tha tutje presidenti i FIEC, Philip Crampton./Media Ndërtimi.

Continue Reading

Trending