Connect with us

Aktuale

Komunat e vogla të Kosovës ndërtojnë sheshe

Published

on

Sheshet e bulevardet janë një nga shënjuesit kryesorë të qendrave. Në vitet e fundit janë shtuar komunat që po i ndërtojnë ato.

Së fundmi, ky lloj urbanizimi ka nisur edhe në komunat e vogla.

Komuna e Lipjanit e ka ndërtuar këtë shesh para 3 vjetësh. Në të ngrohtin e së martës ai nuk ishte i mbushur, por mbrëmja, sipas banorëve, e mbush plot, raporton emisioni “Sot” në KTV.

Sheshi këtu e ka emrin e Adem Jasharit, ashtu si sheshe e shumta nëpër komuna që mbajnë emra të dëshmorëve të luftës së fundit, apo të historisë së shqiptarëve.

E jo shumë larg nga këtu po ndërtohen sheshe të reja.

Në Obiliq janë në ndërtim e sipër dy sheshe, thotë kryetari Xhafer Gashi.

Gashi thotë që ndërtimi i sheshit Adem Preniqi, e sheshit të dëshmorëve do të shkojnë sipas planit.

Ai e përmend gjelbërimin si pjesë të rëndësishme të këtij sheshi dhe thotë se ka qenë kërkesë e banorëve.

Punime rreth një bulevardi, ku dikur ishte shëtitorja, po bëhen edhe në Kamenicë.

Shumica e qytetarëve janë të kënaqur që një hapësirë e tillë po ndërtohet.

Menaxheri i projektit të bulevardit dhe zyrtari për projekte në këtë komunë, Leotrim Spahiu, tregon se si ka ardhur deri te ky projekt.

Ndërtimi i bulevardit Skënderbeu në Kamenicë, sipas kontratës së nënshkruar nga komuna, pritet të përfundojë në shkurt të vitit të ardhshëm.

E në kryeqytet, arkitekti Bekim Ramku e sheh ndërtimin e shesheve si zhvillim të mirë për komunat e Kosovës.

Ramku e veçon projektin e 100 shesheve të Shqipërisë.

Ai tregon se ndërtimi i shesheve është thellë i ngulitur në mburrjen e qendrave e sundimtarëve, qysh prej Greqisë e Romës antike, ndonëse ka tradita të ndryshme.

Sheshi me pjesët që mbajnë emrat e Nënës Terezë, Skënderbeut, Zahir Pajazitit e Ibrahim Rugovës, sipas tij, do ta ruajnë trashëgiminë sekulare të qendrës së kryeqytetit, pavarësisht se pritet të zgjatet deri në Katedralen e Prishtinës e Muzeun e Kosovës.

Punimet nëpër komuna të shumta pritet të përfundojnë në dy vjetët e ardhshëm, pasi që zgjedhjet lokale në nivel vendi pritet të mbahen në vitin 2022.

 

 

Aktuale

Ministria e Ekonomisë dhe Komuna e Gjilanit nënshkruajnë Marrëveshjen për realizimin e Projektit “Qyteti i Mençur”

Published

on

Ministrja e Ekonomisë, Artane Rizvanolli dhe kryetari Komunës së Gjilanit, Alban Hyseni, kanë nënshkruar Marrëveshjen e mirëkuptimit, për realizimin e Projektit “Pilotimi i konceptit të Smart City (Neutral Host)”, në Komunën e Gjilanit.

Ministrja e Ekonomisë, Artane Rizvanolli dhe kryetari Komunës së Gjilanit, Alban Hyseni, kanë nënshkruar Marrëveshjen e mirëkuptimit, për realizimin e Projektit “Pilotimi i konceptit të Smart City (Neutral Host)”, në Komunën e Gjilanit.

Projekti “Pilotimi i konceptit të “Smart City (Neutral Host)” do të jetë bashkëfinancim i Ministrisë së Ekonomisë dhe Komunës së Gjilanit dhe ka vlerën financiare 550,000,00 euro.

Ministrja Rizvanolli ka theksuar se duke adoptuar teknologji të reja të bazuara në Internet of Things (IoT), po mundësojnë zgjidhje të ndryshme për shfrytëzimin efiçient të energjisë elektrike, sistemin digjital për menaxhimin e trafikut, mbeturinave dhe ofrimin e shërbimeve digjitale komunale.

“Suksesi i këtij projekti do të shërbejë si model për komunat e tjera në Kosovë, për të ofruar zgjidhje të mençura për qytetarët e tyre përmes teknologjive të avancuara”, ka thënë Rizvanolli.

Projekti i “Qytetit të Mençur” i mundëson komunës që të menaxhojë më mirë resurset dhe të ofrojë shërbime më të mira, duke u bazuar në të dhënat të cilat vijnë nga senzorët e ndryshëm dhe në përfundimet që vijnë nga interpretimi i tyre.

Teknologjia e “Qytetit të Mençur” është një mënyrë e lehtë dhe e shpejtë që komunat të ofrojnë shërbime të qëndrueshme dhe të nevojshme për të përcjellë në mënyrë efektive zhvillimin urban, por edhe atë rural.

Po ashtu, teknologjitë ekzistuese me mundësi të zgjeruara, sigurojnë një infrastrukturë të mençur të menaxhimit të sensorëve dhe kontrollit të tyre, e cila lejon qytetet të mbledhin dhe analizojnë të dhënat nga shumë pajisje të lidhura në një mënyrë të efektshme, në mënyrë që autoritetet të marrin vendime të duhura rreth shërbimeve që duhet të ofrojnë.

Continue Reading

Aktuale

Para disa vite punonte në ndërtim, ai mori ftesën nga Kroacia! Kush është sulmuesi që do sfidojë Shqipërinë në Euro 2024?

Published

on

Marco Pasalic është zgjuar nga ëndrra dhe po jeton realitetin. Sulmuesi anësor i Rijekas ka marrë ftesën për të qenë pjesë e Kroacisë në Europianin 2024 që zhvillohet nga 14 qershori – 14 korrik në Gjermani.

Historia e 23-vjeçarit është e denjë për një film, ku në fund mundi dhe djersa triumfojnë përballë sfidave të jetës. I lindur në Karlsruhe (Gjermani), Pasalic u rrit mes jetesës së vështirë dhe dëshirës për futbollin.

I riu, me mbarimin e shkollës së mesme nuk kishte dëshirë të vijonte universitetin, paçka se i ati e këshilloi të ndiqte shkollën. Në të tilla kushte, në moshën 17-vjeçare ai u detyrua të punonte në ndërtim dhe këtë e ka treguar vetë sulmuesi.

“Kam filluar në vitin 2017. Babai më regjistroi në fakultet pas gjimnazit, por unë nuk doja ta mbaroja për shkak të futbollit, më tha që nëse nuk shkoja në shkollë, duhet të shkoja të punojë në ndërtim. Çdo mëngjes në orën 8 mblidheshim unë, vëllai dhe dy punëtorë”, tha ai.

Më pas 23-vjeçari ka treguar edhe vështirësitë e punës.

“Gjëja më e keqe për mua ishte të punoja kur ishte dimër si dhe verës kur jashtë ishte 35 gradë. Pas gjashtë apo shtatë muajsh, fillova të mësohesha. Në fund, bëhet fjalë për të pasur bukë në shtëpi. Kur nuk e bëra si duhet, më goditën me grusht në hundë. Nuk kam kryqëzuar kurrë rrugët me ndërtimtarinë. Po të isha tani në Gjermani dhe vëllai im të kishte nevojë për ndihmë, do ta ndihmoja”, tha Pasalic.

Nga të rinjtë e Karlstruhes, ai kaloi në ekipin e dytë të Stuttgart dhe më pas te Dortmund 2, para se në verën e 2023 të kalonte te Rijeka në Kroaci. Në Grupin B të Euro 2024 Kroacia ka përballë Shqipërinë, Spanjën dhe Italinë./Media Ndërtimi

Continue Reading

Aktuale

Rama takon arkitektin e mirënjohur botëror Marco Casamonti për disa projekte në kryeqytet

Published

on

Në vazhdën e takimeve me investitorë potencial, kryetari i Komunës së Prishtinës, Përparim Rama është takuar me arkitektin e mirënjohur botëror Marco Casamonti, bashkë me përfaqësuesit e Lika Holding AG, një kompani e suksesshme që operon në Zvicër, themeluar dhe menaxhuar nga Esat Likaj.

Pas organizimit të Konferencës së Investitorëve në janar të këtij viti, shumë investitorë kanë shprehur gatishmëri të investojnë dhe të bëjnë projekte zhvillimore në Kryeqytet. Në këtë kontekst, me Marcon dhe përfaqësuesit e Lika Holding AG diskutuam mundësitë e investimit dhe zhvillimit të projekteve në Kryeqytet.

“Përveç zhvillimit të Kryeqytetit, iniciativat sikur kjo synojnë avancimin e bashkëpunimit me diasporën tonë dhe krijimit të kushteve për investim të kapitalit të diasporës në Kosovë.”, deklaroi kryetari Rama.

Marco Casamonti është arkitekt dhe projektues si dhe profesor i rregullt në Fakultetin e Arkitekturës të Genovas. Ai kryen një punë intensive të analizave të thella dhe reflektimit kritik mbi temat arkitekturore, duke botuar ese dhe duke marrë pjesë në konferenca dhe leksione./Media Ndërtimi

Continue Reading

Trending