Connect with us

Aktuale

Kodi i Ndërtimit nuk finalizohet në Kosovë për shkak të procedurave të pranimit teknik

Published

on

Balkan Green Foundation (BGF), me mbështetjen e Fondacionit Heinrich Boll, organizoi për të dytën herë ‘Takimin e Mëngjesit’ me temën: “Efiçienca e Energjisë në sektorin e ndërtimit në Kosovë”.

Qëllimi i këtij takimi ishte shkëmbimi i informatave dhe ndërveprimi mes vendimmarrësve të nivelit qendror dhe lokal, si dhe ekspertëve tjerë relevant të fushës nga sektori privat, OShC-ve dhe donatorëve, për identifikimin e sfidave, dhe zhvillimin e hapave të nevojshëm për përmirësimin e gjendjes dhe standardeve në këtë sektor.

Rinora Gojani, Menaxhere e Programeve dhe Operacioneve në BGF, prezantoi gjendjen aktuale në Kosovë ku u tha se sektori i ndërtimit në vend karakterizohet nga mungesa e masave të efiçiencës së energjisë në pjesën më të madhe të ndërtesave (publike dhe private).

Gjithashtu, Rinora shpërfaqi tre pika kryesore që duhet të ndërmirren: “1. Identifikimin dhe regjistrimin e ndërtesave në tërë territorin e Kosovës dhe kategorizimin e tyre sipas kualitetit të ndërtimit, për të bërë një plan efektiv për intervenime; 2. Nevojitet një monitorim dhe inspektim i detajuar i implementimit të ligjeve dhe rregulloreve, në të gjitha llojet e ndërtesave te reja, si dhe intervenimeve në ato më të vjetra; 3. Duhet të ketë masa nxitëse fiskale dhe tatimore që paisjet e vjetra dhe që shpenzojnë energji të mos kenë mundësi që të tregtohen në vend, ndërsa objektet të çertifikohen me performancë të mirë të energjisë të paguajnë më lirë tatimin në pronë.”

Diskutimi me të pranishmit reflektoi: mbi të arriturat nga investimet në masa të eficiencës ku zyrtarë nga Agjencia dhe Fondi për EE, u shprehën për sukseset në këtë sektor, sidomos në relacion me ndërtesat publike, ku pritet që shumica e ndërtesave publike deri në vitin 2023 të mbulohen me masa të efiçiencës së energjisë, falë mbështetjës financiare të brendshme dhe të donatorëve të huaj; nevojën për zbatimin e propozimeve të lartcekura nga BGF, dhe hapat e nevojshëm për zbatimin e Certifikatave të Performancës së Energjisë (CPE) dhe Kodit Unik të Ndërtimit i cili mungon në vend.

Mungesa e koordinimit institucional dhe ndarja e qartë e kompetencave ndikon në mos-zbatimin e CPE-ve. Në mënyrë që kjo situatë të tejkalohet është me rëndësi që të ndryshohet një sërë ligjesh duke përfshirë ato që ndërlidhen me masat e efiçiencës së energjisë (si: Ligji për Performancën e Energjisë në Ndërtesa, Ligji për Efiçiencën e Energjisë) por edhe ato që ndërlidhen me pronën, pasi që ekziston një numër shumë i lartë i objekteve të palegalizuara.

Zyrtarë nga MMPHI theksuan se Kodi i Ndërtimit asnjëherë nuk ishte finalizuar dhe si e tillë do vazhdojë të mungojë përshkak të mungesës së kapacitetit institucional për hartimin e një dokumenti të tillë, i cili kërkon të jetë mjaft i detajuar. Sidoqoftë, diskutimi theksoi faktin që çdo ndërtim në Kosovë duhet të i nënshtrohet Rregullativës Teknike e cila zbaton standardet e BE-së.

Për më tepër, të pranishmit vunë theks në mungesën e vetëdijësimit shoqëror, dhe faktit që sjellja jonë kolektive nuk përkon me efiçiencën, e ky mentalitet duhet të ndryshojë!/Media Ndërtimi.

Aktuale

Shtatorja e Adem Jasharit vitin e ardhshëm vendoset në Prishtinë

Published

on

Nënkryetarja e Komunës së Prishtinës, Donjeta Sahatçiu, ka bërë të ditur sot se shtatorja e Adem Jasharit do të vendoset në kryeqytet në vitin 2023.

Sahatçiu ka bërë të ditur se vitin tjetër, komuna e Prishtinës ka futur në buxhetim edhe shtatoren për Adem Jasharin.

“Edhe në Prishtinë, tash, në buxhetin 2023, e kemi edhe shtatoren e Adem Jasharit. Një memorie kolektive edhe në Kryeqytet, përveç komunave të tjera”, ka thënë Sahatçiu.

Kjo do të jetë hera e parë, në 23 vite pas luftës, që shtatorja e Komandantit Adem Jashari do të vijë në Prishtinë./Media Ndërtimi

Continue Reading

Aktuale

9 persona humbën jetën në vendin e punës, kërkohet angazhimi i 100 inspektorëve të punës

Published

on

Siguria në punë vazhdon të jetë problem për punëtorët kosovarë. Si rezultat i saj, gjatë vitit të kaluar nëntë persona kanë humbur jetën në vendin e punës e 188 kanë pësuar aksidente, thotë kryeinspektori i punës, Hekuran Nikçi.

Në rastet e aksidenteve në vendpune, kur inspektorët kanë konstatuar se është shkelur ligji nga ana e punëdhënësve, ndaj tyre janë shqiptuar masa ndëshkimore.

Në një intervistë për Ekonomia Online, kryeinspektori i punës, thotë se inspektimet po bëhen në bashkëpunim me Policinë e Kosovës.

“Gjatë vitit 2021, Inspektorati i Punës ka evidentuar 188 aksidente në vendin e punës, nga të cilat 139 kanë rezultuar me lëndime të lehta, 40 prej tyre me lëndime më të rënda dhe nëntë prej tyre kanë rezultuar me fatalitet në vendin e punës. Në fakt kur e kam marrë këtë pozitë institucioni tjetër që kemi pasur bashkëpunim ka qenë vetëm Policia e Kosovës, kështu që me Policinë kam trashëguar një bashkëpunim ku Inspektorati i Punës ka ndërmarrë aksione në biznese të ndryshme, si në gastronomi, ndërtimtari dhe këtu operacione kanë rezultuar shpesh të suksesshme”, thotë Nikçi.

Përkundër paralajmërimeve për rritjen e numrit të tyre, numri i inspektorëve të punës në nivel vendi vazhdon të jetë i njëjtë. Nikçi, tregon numrin e inspektorëve që janë aktualisht dhe që planifikohet të shtohen.

“Sfidat që i kam gjetur dhe i kam konstatuar me marrjen e mandatit janë të shumta, fillimisht duke u nisur me numrin e vogël i inspektorëve të punës. Me 1 qershor të këtij viti, Inspektoratin e Punës e kam gjetur me 31 inspektorë, duke u përballur nga ky realitet, unë kam vërejtur se mbikëqyrja e zbatimit të ligjeve, është tejet i mangët me këtë numër të inspektorëve, dhe si rezultat unë kam shpallur një konkurs të brendshëm në shërbimin civil për 27 pozita për inspektorë dhe nga ky konkurs kemi arritur t’i rekrutojmë vetëm katër inspektorë, dy në regjionin e Prishtinës dhe dy në regjionin e Gjakovës. Sido që të jetë me 35 inspektorë prapë numri është i vogël për mbikëqyrjen e zbatimit të ligjeve. Për vitin 2023 kemi planifikuar dhe buxhetuar edhe për 100 inspektorë të ri të punës, të cilët përgjatë vitit 2023 në faza të ndryshme do të shpallim konkursin dhe me angazhimin e këtyre 100 inspektorëve të ri, mbikëqyrja e ligjit do të jetë në një nivel më të mirë sesa që është tani. Në fakt Inspektorati i Punës ka nevojë edhe për më shumë se aq, por për vitin e ardhshëm i kemi të buxhetuar edhe 100 inspektorë të ri”, u shpreh ai./Media Ndërtimi

Continue Reading

Aktuale

Çmimi i naftës në nivelin më të ulët që nga fillimi i këtij viti

Published

on

Çmimet e naftës kanë rënë për rreth 5%, në nivelin më të ulët për tetë muajt e fundit, përderisa dollari ka arritur fuqinë më të madhe në dy dekadat e fundit.

Çmimet po bien mes frikës së inflacioni në rritje do t’i shtyjë ekonomitë e mëdha drejt një recesioni, kështu duke e shkaktuar uljen e kërkesës për naftë.

Sipas Reuters çmimet e naftës së papërpunuar në Teksasin Perëndimor kanë rënë në 78.4 dollarë, rreth 7% më pak se në fillimjavë.

Rënia e naftës është shënuar për katër javët e fundit radhazi, hera e parë që ndodh nga shtatori./Media Ndërtimi

Continue Reading

Trending