Connect with us

Trashëgimia Kulturore

Kërkohen studentë-arkitekt për restaurimin e Xhamisë së Osman Efendis në Novobërdë

Published

on

Nëse jeni student i kulturës, arkitekturës dhe/ose i fushave të tjera të ngjashme, kjo është një mundësi unike për ju që të mësoni më shumë rreth #trashëgimisë kulturore dhe të punoni me zejtarë me përvojë mbi metodat e restaurimit, dokumentimit, ruajtjes, ringjalljes dhe interpretimit të trashegimi kulturore.

Kampi i dytë i restaurimit do të mbahet ndërmjet 19-30 shtator 2022 në Xhaminë Osman Efendi në Novobërdë. Ftojmë të gjithë studentët e interesuar të fushave të sipërpërmendura të aplikojnë.

HERITAGE LAB është projekt edukativ që organizohet nga CHwB Kosova, i cili ka për qëllim krijimin e mundësive të reja për studentët e arkitekturës, trashëgimisë kulturore dhe fushave të ngjashme për t’i mësuar metodat e dokumentimit, ruajtjes, rijetësimit dhe interpretimit të trashëgimisë kulturore përmes pjesëmarrjes aktive në punën praktike dhe ligjëratat plotësuese.

HERITAGE LAB është një aktivitet që zhvillohet “in situ”, që nënkupton se problemet në lokalitetin e trashëgimisë kulturore mbikëqyren në mënyrë të drejtpërdrejtë, teksa zgjidhjet për trajtimin, interpretimin dhe menaxhimin e tyre ofrohen menjëherë.

CHwB Kosova, në bashkëpunim me UNDP-në, nga data 19 deri më 30 shtator 2022, do të organizojë Kampin e Restaurimit në Xhaminë e Osman Efendisë në Novobërdë, përmes së cilës 20 studentë do të mund t’i ngritin njohuritë e tyre rreth materialeve tradicionale dhe teknikave për ruajtjen e strukturave historike. Nëpërmjet ligjëratave që do të zhvillohen nga profesorë dhe ekspertë të njohur ndërkombëtarë dhe vendorë, si dhe punës praktike të bashkërenduar nga restauratorët me përvojë, ata/ato do të jenë pjesë e ruajtjes së trashëgimisë kulturore duke zbatuar metodat dhe teknikat e mësuara përgjatë gjithë punëtorisë.

Kjo punëtori është pjesë e projektit “Trashëgimia kulturore si nxitëse e dialogut ndërmjet komuniteteve dhe kohezionit social”, e cila zbatohet nga UNDP dhe financohet nga Instrumenti i Bashkimit Evropian që kontribuon në Stabilitet dhe Paqe (IcSP).

 

SI TË APLIKONI?

Ju lutemi ta dërgoni CV-në dhe letrën motivuese, jo më largë se 9 shtator, 2022 në emailin: [email protected]. Me rastin e dërgimit të aplikacionit përmes emailit, ju lutemi që tek subjekti të shkruani: “Aplikimi për Heritage Space 2022 : Restaurimi i Xhamisë së Osman Efendisë në Novobërdë (emri dhe mbiemri)”.

Nga kandidatët kërkohet që të posedojnë shkathtësi të mira të komunikimit në gjuhën angleze, meqë kjo do të jetë gjuha zyrtare e punëtorisë.

Për çdo informacion shtesë që ju nevojiten në lidhje me punëtorinë, ju lutemi të na kontaktoni në numrin e telefonit:  +383 (0)38 754 866 ose në e-mailin: [email protected]

 SHPENZIMET

Projekti do t’i mbulojë të gjitha shpenzimet brenda vendit për pjesëmarrësit nga Kosova, duke përfshirë akomodimin, ushqimin, ekskursionet, materialet e punëtorisë dhe udhëtimin brenda vendit.

Trashëgimia Kulturore

Aprovohet Rregullorja për përzgjedhjen e aseteve të trashëgimisë kulturore për mbrojtje

Published

on

Është aprovuar Rregullorja për inventarizimin dhe procesin e përzgjedhjes së trashëgimisë kulturore për mbrojtje.

Rregullorja ka për qëllim të përcaktojë procesin e inventarizimit dhe procesin e përzgjedhjes së aseteve të trashëgimisë kulturore për mbrojtje si dhe të përcaktojë formularët për inventarizim. Formularët janë punuar mbi parimet dhe principet ndërkombëtarë të Icomos, Core, Data, Icom, Unesco dhe Historic England.

Kjo rregullore është përgatitur në bashkëpunim të ngushtë me institucionet dhe përfaqësuesit e komunitetit profesional.

Me miratimin e saj është krijuar bazë e konsoliduar ligjore dhe teknike, në mënyrë që mbrojtja e trashëgimisë sonë kulturore të bëhet mbi parimet profesionale, në frymën e konventave ndërkombëtare.

Zbatimi do të trajtohet me prioritet të lartë.

Bashkangjitur gjeni Rregulloren: https://bit.ly/3C2GuMH

Continue Reading

Trashëgimia Kulturore

Rreth 250 objekte të trashëgimisë kulturore rrezikohen nga mos restaurimi

Published

on

Sali Shoshi, nga Organizata për Trashëgimi Kulturore tha se gjatë luftës në Kosovë mbi 300 kulla dhe rreth 240 xhamive janë rrënuar.

“Një pjesë e tyre është rinovuar por jo të gjitha, shumica e kullave janë rrënuar për shkak se nuk ka pasur intervenim të shpejt, i kanë mbet vetëm muret dhe pronarët janë detyruar që këto mure, ato mbetje të rrënojave t’i pastrojnë dhe ato janë shuar komplet”, tha Shoshi.

Tutje ai tha se ende ka objekte të rrezikuara e që nevojitet intervenimi urgjent i tyre.

“Ka plotë sipas statistikave janë edhe rreth 250 ndërtesave që janë në rrezik të shkatërrimit qoftë nga lufta qoftë nga mos mirëmbajtja dhe kujdesi pas luftës, ato kërkojnë ndërhyrje të shpejt që t’ju jepet ndihma e parë”, tha Shoshi, për Shqip.com.

Tutje, Shoshi tregon që Organizata për Trashëgimi Kulturore, ka lansuar para 10-ditëve një program i cili financohet nga Qeveria e Kosovës, për intervenimet emergjente që i dedikohet këtyre ndërtesave me qëllim që të mund të qëndrojnë para një restaurimit të plotë./Media Ndërtimi.

Continue Reading

Trashëgimia Kulturore

Fillon kampi i dytë i restaurimit në Xhaminë “Osman Efendi” në Novobërdë

Published

on

Ka filluar kampi i dytë i restaurimit  në Xhaminë “Osman Efendi” në Novobërdë – me një atmosferë entuziaste.

Për dy javë, deri në 20 studentë arkitekturës dhe fushave të ngjashme do të kenë mundësinë të zgjerojnë njohuritë e tyre rreth Trashëgimisë Kulturore gjatë një ndërthurjeje leksionesh dhe punë praktike “për metodat e restaurimit”, dokumentimin, ruajtjen dhe ringjalljen e trashëgimisë kulturore.

Kampi organizohet nga UNDP Kosova dhe CHwB Kosova në kuadër të projektit tonë “Trashëgimia kulturore si nxitës për dialogun ndërkomunitar dhe kohezionin social”, financuar nga @EU_FPI./Media Ndërtimi.

 

Continue Reading

Trending