Connect with us

Aktuale

Historia e gurëve 4000 vjeçar në Spanjë

Published

on

Mendohet se ishin më shumë se 4000 vjet të vjetër, gurët ‘Dolmen i Guadalperal’ ishin të “padukshëm” për gati 60 vjet – derisa u shfaqën papritur.

Evropa pësoi një verë jashtëzakonisht të nxehtë në vitin 2019. Shtatë stacionet e motit në Spanjë regjistruan temperaturat e tyre më të larta ndonjëherë në qershor, përfshirë temperaturat më të larta se mesatarja dhe thatësira që u regjistruan në të gjithë vendin në korrik dhe gusht.

Sidoqoftë, kushtet e ngrohta atmosferike zbuluan një pamje të papritur në provincën të Caceres, pasi thatësira bëri që të tërhiqet vija bregdetare e lumit Tagus, ndërkaq një monument rreth 4,000-7000 vjeçar doli në mes të rezervuarit të Valdecanas.

I njohur si Dolemen i Guadalperal ose “gurët spanjollë”, monument megalitik që përbëhet me më shumë se 100 gurë graniti, qëndrojnë në këmbë me lartësi deri në 1.2 metra dhe me diametër prej 26 metrave.

Ekspertët pohojnë se ka të ngjarë që gurët paraqesin një lloj tempulli, apo edhe varreza, madje dyshojnë se është një vend tregtar për shkak të vendndodhjes së tij origjinale në brigjet e lumit, që më vonë besohet të jetë plaçkitur nga romakët.

Sipas mediave të huaja, përcjell Telegrafi, në vitet 20-ta, studiuesi gjerman Hugo Obermaier drejtoi një gërmim të këtyre gurëve, dhe mori disa mostra për t’i studiuar dhe ekspozuar në Berlin.

Megjithëse studimet nuk u botuan deri në vitin 1960, tre vjet më vonë zona u përmbyt nga ndërtimi rezervuarit të Valdecanos, projekt ky që kishte për qëllim të sigurojë ujë dhe energji elektrike në pjesë më pak të zhvilluara të rajonit.

Mirëpo historia nuk përfundon me kaq.

Varret megalitike u shfaqën kur nivelet e ujit filluan të zbrisnin gjatë verës me thatësirën e vitit 2019, atëherë ishte edhe hera e parë në 60 vite që “thesari i Guadalperal” u shfaq përsëri.

Pamja e gurëve të lashtë tërhoqi vëmendjen e turistëve dhe ngjalli madje edhe shqetësime.

Thesari ishte pa mbikëqyrje, ndërsa vizitorët u lanë të lirë të prekin monumentin kurse dëmtuan megalitët.

Pas dekadash nën ujë, gurët porozë të granitit kanë filluar të gërryhen; disa janë plasaritur, dhe të tjerët kanë rënë përmbysë.

Kjo nxiti edhe reagimin e banorëve të asaj zone, duke i bërë thirrje qeverisë spanjolle për zhvendosjen e tyre në një vend më të sigurt në mënyrë që të ruhen e të studiohen.

Ata krijuan një peticion në internet për të shpëtuar monumentin, i cili ka tërhequr më shumë se 44,000 nënshkrime.

Mirëpo, Ministria e Kulturës dhe Sportit dhe ajo e Tranzicionit Ekologjik, së bashku me një grup nga Universiteti i Ekstremadura, e konsideruan transportin e megalitëve potencialisht të dëmshëm.

Kështu që institucionet do t’i shpallin gurët si “Pasuri e Interesit Kulturor”, dhe do të ketë mbrojtje maksimale nga shteti i Spanjës.

Me kthimin e shiut në vjeshtën e kaluar, nivelet e ujit të Valdecanas u kthyen në normalitet, ndërsa me gjithë përpjekjet, thesari i Guadalperal është kthyer përsëri nën ujë.

Click to comment

You must be logged in to post a comment Login

Leave a Reply

Aktuale

Rritja e kërkesës për rrymë do t’i mbajë gjallë termocentralet me thëngjill

Published

on

Kërkesa për rrymë në botë është duke shënuar rritjen më të shpejtë në gati 20 vjet, për shkak të përdorimit të kondicionerëve, si pasojë e rritjes së temperaturave, ka thënë Agjencia Ndërkombëtare e Energjisë, në një raport të publikuar të premten.

Sipas gjetjeve, ky trend, që pritet të vazhdojë edhe më 2025, nënkupton vazhdimësinë e përdorimit të energjisë me thëngjill, ndonëse do të rriten kapacitetet e energjisë së ripërtrishme.Shumë vende në botë janë duke regjistruar temperature rekorde dhe valë të të nxehtit, shkruan Radio Evropa e Lirë.

Rritja e konsumit global të energjisë pritet të shkojë në gati 4 për qind më 2024 – më e madhja prej vitit 2007.

Rritje e njëjtë është parashikuar edhe për vitin 2025, në krahasim me 2.5 për qind të rritjes së kërkesës më 2023.India pritet të jetë lidere në këtë aspekt, e pasuar nga Kina.Në gjetjet e raportit është përmendur që në këtë periudhë do të rriten edhe kapacitetet për energji të ripërtrishme dhe që kjo energji të tejkalojë atë me thëngjill më 2025.

Megjithatë, mënyrat për prodhim të energjisë që shkaktojnë më shumë ndotje, siç është ajo me thëngjill, do të vazhdojnë të jenë të qëndrueshme, sidomos në Kinë./Media Ndërtimi

Continue Reading

Aktuale

Pas freskimit të motit, shfuqizohet ndalimi i qarkullimit të kamionëve mbi 7.5T

Published

on

Zëvendësministri i Infrastrukturës, Hysen Durmishi, ka njoftuar se është shfuqizuar vendimi i datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T, shkruan Ekonomia Online.

“Duke marrë parasysh parashikimin e motit nga Instituti Hidrometeorologjik i Kosovës, sipas të cilit parashihen rënie të ndjeshme të temperaturave ditëve në vijim, kemi marrë vendim për shfuqizimin e vendimit të datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T”, ka njoftuar Durmishi.

“Faleminderit për mirëkuptimin tuaj gjatë këtyre ditëve me temperatura të larta”, ka shkruar ai./Media Ndërtimi

 

Continue Reading

Aktuale

ATK mblodhi 50 milionë euro më shumë se vitin e kaluar

Published

on

Administrata Tatimore e Kosovës përmes konferencës për media sot ka prezantuar rezultatet dhe të arriturat për gjashtë muajt e parë të vitit 2024. Drejtori i Përgjithshëm i ATK-së Ilir Murtezaj, gjatë kësaj konference theksoj treguesit kryesorë të mbledhjes së të ardhurave, efikasitetin e shërbimeve dhe progresin në përmbushjen e objektivave strategjike.

Drejtori Murtezaj tha se ATK-ja ka arritur rezultate mbresëlënëse në mbledhjen e të hyrave gjatë periudhës janar-qershor 2024, duke theksuar se të hyrat e mbledhura kanë tejkaluar pritshmëritë, duke arritur në 473.3 milionë euro, që tregon rritje prej 50.1 milionë euro më shumë krahasuar me të njëjtën periudhë të vitit të kaluar.

“Ky sukses i atribuohet përmirësimit të proceseve të mbledhjes dhe angazhimit të shtuar të tatimpaguesve në përmbushjen e obligimeve të tyre. Gjatë kësaj periudhe, ATK-ja ka zbatuar 15,442 aktivitete intensive për parandalimin e evazionit tatimor dhe edukimit tatimor. Këto aktivitete kanë ndihmuar në rritjen e ndërgjegjësimit të obligimeve tatimore, duke kontribuar në përmirësimin e pajtueshmërisë dhe uljen e evazionit fiskal. Këto aktivitete kanë rezultuar me 1.5 milionë euro gjoba, 43.8 milionë euro tatim shtesë, 9.8 milionë euro janë konstatuar mungesë në stoqe, si dhe 3,809 punëtor janë formalizuar si të punësuar”, tha ai.,

Sipas tij, një ndër arritjet kryesore të ATK-së ka qenë avancimi i proceseve të digjitalizimit. Implementimi i platformave të reja elektronike ka thjeshtuar ndjeshëm procedurat për dorëzimin e deklaratave tatimore dhe pagesave, të cilat që nga lancimi i EDI janë: 25.1 milionë E-deklarime, me gjithsej 164,293 tatimpagues të regjistruar në platformë. Kjo ka rezultuar në një rritje të efikasitetit dhe transparencës, duke bërë të mundur që bizneset të përmbushin obligimet e tyre në mënyrë më të lehtë dhe më të shpejtë.

“ATK-ja ka forcuar bashkëpunimin me institucionet e tjera publike dhe organizatat ndërkombëtare, duke krijuar partneritete që kanë për qëllim luftimin e evazionit fiskal dhe përmirësimin e administrimit tatimor. Këto bashkëpunime kanë rezultuar në shkëmbimin e informacionit dhe praktikave më të mira, duke kontribuar në përmirësimin e vazhdueshëm të shërbimeve të ATK-së. Administrata Tatimore e Kosovës mbetet e përkushtuar në vazhdimin e përmirësimit të shërbimeve dhe rritjen e mbledhjes së të hyrave, duke kontribuar kështu në stabilitetin financiar dhe zhvillimin ekonomik të vendit. Ne falënderojmë të gjithë tatimpaguesit për bashkëpunimin dhe mbështetjen e tyre dhe ju inkurajojmë që të vazhdoni të përmbushni obligimet tuaja tatimore”, tha ai./Media Ndërtimi

Continue Reading

Trending