Connect with us

Infrastrukturë

Haradinaj numëron në Kuvend projektet infrastrukturore të anuluara nga qeveria

Published

on

Deputeti nga radhët e AAK-së, Daut Haradinaj, ka shprehur kundërshtimin e tij për largimin e tërësishëm të disa projekteve infrastrukturore dhe uljen e buxhetit në disa projekte tjera, nga Qeveria e Kosovës, projekte të cilat ishin planifikuar nga qeverisja e kaluar.

Ai numëroi këto projekte në senacën e Kuvendit të Kosovës, ku pritet votimi projektbuxhetit për vitin 2020, raporton Ndërtimi.info.

Haradinaj ka thënë se dy projektet kryesore për komunën e Obiliqt janë larguar, ai për Termocentralin “Kosova B” dhe projekti në vlerë 230 mijë euro, për fshatin Shipitullë dhe Hade, raporton Ndërtimi.info.

“Qarkorja e rrethit në Gjakovë 800 mijë euro, rruga Gjakovë – Dollc ka qenë i paraparë 4 milionë euro, për Stadiumi i Gjakovës i keni lënë 200 mijë, i paraparë 9 milionë eurro. Pak ka komuna qe nuk janë largu mjetet, pak projekti ka që nuk janë largu tërësisht”, ka thënë. Haradinaj

Ai po ashtu ka theksuar se vlera për zgjerimin e rrugës aktuale, si zëvendësim i projektit të Autostradës së Dukagjinit, do të jetë më i lartë sesa i buxheti qe ishte planfikuar për këtë autostradë. Sipas tij kjo do të ndodhë duke përfshirë shpronësimet për projektin e zgjerimit të rrugës. Haradinaj ka permendur edhe Rahovecin, Klinën, Suahrekën e komuna tjera, që u janë larguar projekte.

Sipas deputetit Haradinaj, kryeministri Albin Kurti ka rënë në lajthitje. “Krejt kjo na bën me besu që kjo qeveri më së paku e ka hall jetën e qytetarëve. Kryeministri ka rënë në lajthitje prej ministrave të caktuar që ia kanë largu projektet”, tha ai.

Sipas tij, ky buxhet i planifikur për miratim, është buxhet i hajnisë.

Ndërsa, nga ana tjetër, deputetja në pozitë Mimoza Kusari-Lila duke ju drejtuar Daut Haradinajt tha se qeveria Haradinaj për dallim nga viti 2019 Komunës së Gjakovës ia ka shkurtuar buxhetin për 19 milionë euro.

“Qeveria Haradinaj prej vitit 2017 në vitin 2019 Komunës së Gjakovës ja ka hjekur 19 milionë euro, në mesin e tyre edhe projektet që po kërkon me i kthy”, ka thënë Kusari-Lila.

Ndër të tjera ajo ka thënë se qeveria Kurti nuk i ka anuluar ato projekte të përmendura nga Haradinaj.

Ajo për projektin e qarkores dhe hyrje-daljes së Pejës dhe Prizrenit tha se ka qenë me Bankën Evropiane për Zhvillim dhe Rindërtim 23 milionë euro dhe me ardhjen e Adrian Gjinit në pozitën e kryetarit të Gjakovës është larguar nga BERZH dhe është vendosur në buxhet të Ministrisë së Infrastrukturës për arsye “me e qit tenderin vet”.

“ E arsyet për me qit tenderin vet e jo Banka Evropiane i dini ju e jo unë”, shtoi Kusari-Lila.

Click to comment

You must be logged in to post a comment Login

Leave a Reply

Infrastrukturë

Gjykata Supreme kërkon objekt me qira prej 1500 m², po largohet nga objekti milionësh

Published

on

Objekti i ofruar duhet te ka sipërfaqe te shfrytëzueshme prej se paku 1500 m².

Gjykata Supreme ka njoftuar të gjithë të interesuarit së janë duke kërkuar objekt me qira.Në njoftim, ata theksojnë se kanë nevojë për një objekt që përshin rreth 40 zyra dhe një sallë gjykimi.

Edhe pse objekti i Pallatit të Drejtësisë është një projekt shumë milionësh, përsëri po del të jetë i pamjaftueshëm për të gjitha institucionet e drejtësisë.

Instanca më e lartë e sistemit të rregullt të gjyqësorit, Gjykata Supreme është në kërkim të një hapësire mbi 1500 m² për mbarëvajtjen e punëve.

Pallati i Drejtësisë, një investim prej 30 milionë eurosh shumica e të cilave donacion i BE-së, është inauguruar në mars të vitit 2015, shkruan Kallxo.com.

“Objekti i ofruar duhet te ka sipërfaqe te shfrytëzueshme prej se paku 1500 m².” – thuhet në ftesën publike të Gjykatës Supreme.

Ky projekt, që nga inaugurimi i tij, pati mjaft ankesa, ku disa herë punëtorët janë alivanosur e kanë hyrë në grevë shkaku i mungesës së ajrit.

Punëtorët madje kanë protestuar për kushtet e punës në këtë objekt.

Në këtë objekt janë të akomoduara të gjitha instancat e sistemit gjyqësor e në gusht të këtij viti iu shtua edhe Gjykata Komerciale./Media Ndërtimi.

Continue Reading

Infrastrukturë

Tubacioni i projektit të Arabisë Saudite vlerësohet në 1.1 trilion dollarë

Published

on

Industria e ndërtimit të Arabisë Saudite vazhdon të udhëheqë rajonin e Lindjes së Mesme dhe Afrikës së Veriut (MENA), pavarësisht nga kushtet makroekonomike që ndikojnë në sektor në nivel global, sipas Raportit të Inteligjencës së Tregut të Ndërtimit të KSA të JLL TM4 2022.

Arabia Saudite thuhet se ka dëshmuar vlerën më të lartë të çmimeve të projektit në vitin 2022, duke demonstruar përkushtimin e saj për të transformuar vendin në përputhje me Vizionin e saj 2030.

Është raportuar se, që nga tetori i vitit 2022, Mbretëria e Arabisë Saudite (KSA) mban një pjesë të tregut prej 35% me një vlerë të regjistruar 31 miliardë dollarë çmime kontratash kundrejt një totali të përgjithshëm MENA prej 87 miliardë dollarësh, siç gjurmohet nga kompania botuese e mediave Projektet MEED – dikur Digest Ekonomik i Lindjes së Mesme.

Vlerësohet se vlera e tubacionit të vendit për projektet e paakorduara është 1.1 trilion dollarë. Kjo përfshin projekte që nga faza e studimit deri te oferta e kontraktorit kryesor.

Përafërsisht 70% përbëhen nga projekte të sektorit të ndërtimit me banim, kulturor, argëtim dhe mikpritje në ballë, që është forca shtytëse e strategjisë Vizioni 2030.

Vlera totale e projekteve të dhëna në Arabinë Saudite midis 2021 dhe 2025 do të arrijë një total prej 569 miliardë dollarësh, me 85 miliardë dollarë (15%) të dhëna deri më sot përgjatë viteve 2021 dhe 2022 (fundi i tetorit)./Media Ndërtimi.

Continue Reading

Infrastrukturë

Kosova dhe Shqipëria kanë themeluar kompani të përbashkët në Bursën e Energjisë Elektrike

Published

on

Shqipëria dhe Kosova janë ndër vendet e para të prekura nga rritjetet e çmimeve të energjisë. Bashkëpunimi i dy vendeve konsiderohet si çelësi për të përballuar krizën e çmimeve të energjisë elektrike e cila i shtohet çështjes së pavarësisë energjetike, duke vazhduar drejt zhvillimit te qëndrueshëm, me cilësi të lartë dhe kosto sa më të ulët për konsumatorin.

Në një raport të publikuar rreth “Bashkëpunimit Kosovë-Shqipëri në fushën e energjisë: si të përfitohet më shumë nga komplementariteti?”, shkruan se të dyja vende kanë themeluar si shoqëri aksionare të përbashkët Bursën Shqiptare të Energjisë Elektrike (ALPEX) në pronësi të operatorëve të sistemit të transmetimit  ku do të operojë në tregjet e ditës përpara dhe brenda ditës si në Shqipëri ashtu edhe në Kosovë, duke treguar modelin unik evropian.

Gjithashtu të dy vendet kanë themeluar tregun e përbashkët të energjisë dhe janë dakorduar për bashkëpunim në përmbushjen e nevojave te balancimit të energjisë.

“Bashkëpunimi duhet të pasurohet dhe avancohet duke i realizuar marrëveshjet e bashkëpunimit lidhur me tregun e përbashkët energjetikë, funksionalizimin e Bursës Energjetike ALPEX, planifikimin e balancimeve të nevojave dhe të përmbushjes së tyre”, shkruan në raportin e publikuar nga Instituti Riinvest.

Sistemet energjetike të Kosovës dhe Shqipërisë kanë nevojë që të rrisin qëndrueshmërinë, feksibilitetin dhe sigurinë e furnizimit. Aktualisht përpos infrastrukturës dhe infrastruktura legale e cila kishte marrëveshjet midis dy qeverive  nuk ka projekte të përbashkëta të gjenerimit të energjisë elektrikë me investime publike dhe private.

Kosova ka një dominim të prodhimit nga linjitit, po ashtu është në një pozicion më thelbësor se Shqipëria lidhur me kalimin e rrjeteve ndërkombëtare, të pa shfrytëzuar sa duhet lidhur me elektricitetin apo edhe pa ndërlidhur me gazsjellësit ndërkombëtarë.

Shqipëria mundë të bashkëpunojë me Kosovën për prodhimin e gazit dhe kimizimin e thëngjillit për zhvillimet teknologjike, ku me një investim të përbashkët mund ti rivitalizojmë blloqet e temocentralave.

“Të dy vendet mund të bashkëpunojnë lidhur me shfrytëzimin e potencialeve të linjitit në Kosovë për prodhim të gazit dhe kimizimin e thëngjillit në pajtim me zhvillimet teknologjike e kërkesat e Agjendës së Gjelbër. Një projekt i investimeve të përbashkëta mund te jetë edhe rivitalzimin e blloqeve ekzistuese të termocentraleve të TC “Kosovës A” për një periudhë 15-20 vite të tranzicionit energjetik”, shkruan tutje në këtë raport.

Shumë shpejt, pritet që Bursa Shqiptare ALPEX, do të jetë likuide dhe për kompanitë publike pjesë të bursave rajonale, duke përfshirë opsionet e bashkimit me rajonin, dhe vendet e BE-se si Italia dhe Greqia. Kjo do të bëjë që energjia elektrike të ndjekë sinjalin e çmimeve, në një treg referencial shumë më të gjerë dhe të besueshëm.

Në propozim-projektin e Strategjisë së Kosovës për periudhën 2022-2031, është theksuar rëndësia e bashkëpunimit lidhur me integrimin e tregut që do bëhet në vitin 2023, si dhe funksionalizimit të plotë të bursës ALPEX.

Sa i përket investimeve të përbashkëta, është theksuar se do të investohet në termocentralet me gaz natyror, lidhur me opsionin e shfrytëzimit të infrastrukturës së gazit të planifikuar në Shqipëri.

Më herët po ashtu është finalizuar krijimi i bllokut të përbashkët të balancimit të dy zonave rregulluese Shqipëri-Kosovë. Ku u realizua përmes një angazhimi të madh me ndihmën e ENTSO-E duke tejkaluar kundërshtitë e Serbisë./Media Ndërtimi.

 

Continue Reading

Trending