Connect with us

Transport

Franca prezanton gjeneratën e re të trenave të shpejtë, kapin një shpejtësi prej 350 kilometra në orë

Published

on

Kompania franceze e transportit hekurudhor SNFC dhe ajo e prodhuesve të trenave Alstom kanë prezantuar modelin e parë të trenit TGV M, tren ky i gjeneratës ardhshme me shpejtësi të lartë dhe me dy kate, i cili ka një kokë më aerodinamike.

Alstom e quajti trenin e ri si TGV i së ardhmes (TGV nënkupton treni i shpejtësisë së lartë).

Ky dizajn i ri i trenave pritet të prezantohet për herë të parë në rrjetin hekurudhor të Parisit më 2024, dhe brenda 10 vitesh pritet të jetë i pranishëm në hekurudhat e gjithë vendit.

Trenat TGV janë ndër brendet më të njohura të trenave të shpejtësisë së lartë, dhe ka qenë ndër ikonat kryesore të transportit hekurudhor europian që nga vitet e 80-ta.

Kompania e transportit hekurudhor të Francës ka porositur rreth 115 trena të këtij lloji, shumica të destinuar për transport brenda vendit, por 15 prej tyre janë të destinuar për transport ndërkombëtar.

Shpejtësia që arrin ky tren është e njëjtë me shpejtësinë e trenave të gjeneratës së kaluar, 350 kilometra për orë.

“Në vitin 2022, qëllimi ynë nuk është të rritja e shpejtësisë” tha zëdhënsi i Alstom Philippe Molitor i cili shtoi se synim e kanë akomodimin e më shumë njerëzve dhe uljen e shpenzimeve.

Me trenin e parë tashmë të prezantuar, synim i Alstom tash është një periudhë e gjatë testimi i këtyre trenave, testime këto që pritet të bëhen në Çeki./Media Ndërtimi

Transport

Po realizohet projekti hekurudhor që lidh Baltikun me Europën

Published

on

Projekti më i madh i njëqind viteve për infrastrukturën në rajonin e Baltikut është duke u realizuar tani.

Projekti hekurudhor “Rail Baltica” prej 870 km. do të lidhë kryeqytetet e Lituanisë, të Letonisë dhe të Estonisë me Varshavën dhe me pjesën tjetër të Europës, duke mundësuar kështu kalimin e trenave nëpër kontinent pa ndërprerje.

Bisedat për një projekt hekurudhor që do të lidhte vendet baltike janë shtuar duke filluar që nga fundi i viteve 1990. Në vitin 2001 u nënshkrua një marrëveshje bashkëpunimi nga ministrat e transportit të Estonisë, të Letonisë dhe të Lituanisë.

Megjithatë, vetëm në vitin 2010 u arrit të nënshkruhej një memorandum nga përfaqësuesit e ministrive të transportit të Polonisë, të Lituanisë, të Letonisë, të Estonisë dhe të Finlandës.

Megjithëse aktualisht duhen shtatë orë për të udhëtuar me makinë nga kryeqyteti i Lituanisë në atë të Estonisë, linja e re pothuajse do ta përgjysmojë këtë kohë, duke e ҫuar atë në vetëm 3 orë e 38 minuta.

Hekurudha do të fillojë në Talin përpara se të kalojë nëpër Pärnu, Riga, Panevėžys dhe Kaunas, për të arritur më pas në kufirin mes Lituanisë dhe Polonisë; do të ketë gjithashtu një lidhje me Vilnius nga Kaunas.

Pas përfundimit të saj, trenat do të mund të udhëtojnë deri në Baltik nga Polonia, me një shpejtësi maksimale prej 234 km/orë për trenat e pasagjerëve.

Megjithëse ky projekt nuk është i lirë dhe vlerësohet të ketë një kosto prej 5.8 miliardë euro, analiza kosto-përfitim e projektit parashikon se ai do të sjellë deri në 16.2 miliardë euro përfitime të matshme./Media Ndërtimi

Continue Reading

Transport

“American Airline” ofron suita private në avionët që përshkojnë distanca të gjata

Published

on

Jemi mësuar me suitat luksoze dhe të veçanta që ofrojnë hotelet me pesë yje.

Mirëpo një mundësi të tillë tashmë do të kemi edhe në aeroplanë, të paktën ata të linjës “American Airlines”.

Dyert private dhe ulëset e sheshta me mundësi për t’u shtrirë janë veçori të suitave të reja premium që kjo linjë planifikon të i krijoj për flotën e saj që bën distanca të gjata.

Vendet e quajtura “Flagship Suite” do të jenë të disponueshme në të gjithë Avionët Airbus A321XLR dhe Boeing 787-9, duke filluar nga viti 2024, njoftoi American Airlines.

“Ne besojmë se produkti ynë “Flagship Suite” u ofron klientëve atë që ata të dëshirojnë në një fluturim të gjatë: dyer private, ulëse të sheshta, akses i drejtpërdrejt në korridor dhe më shumë hapësirë personale” thuhet në deklaratën e kësaj linje.

Po ashtu në këta avionë me distanca të gjatë do të shtohet edhe numri i ulëseve ekonomike premium.

Këto ulëse do të kenë hapësirë më të madhe dhe po ashtu ekrani i televizionit do të jetë më i madh se i zakonshmi./Media Ndërtimi

Continue Reading

Transport

Debuton biçikleta fluturuese, ka një shpejtësi prej 100 kMh

Published

on

Një biçikletë fluturuese e cila mund të lëvizë me shpejtësi prej 100kMh me kohëzgjatje prej 40 minutave, e bëri debutimin e saj në SHBA gjatë Panairit të Veturave të Amerikës Veriore në Detroit.

Biçikleta është punuar nga Aerwins, kompani me bazë në Delaware e cila prodhon dronë dhe vetura pa shofer.

Edhe pse ngjall vizione “futuristike” të serisë të animuar Jetsons të fluturimit lart mbi rrugët e bllokuara famëkeqe të qytetit të Nju Jorkut, me siguri se nuk do të hipni në biçikletë fluturuese për në aeroportin John F. Kennedy në një të ardhme të afërt, përcjell Telegrafi.

Momentalisht, Xturismo kushton 776 mijë euro, edhe pse Aerwins thotë se do të zhvillojë një model më të vogël gjatë vitit të ardhshëm, e gjithashtu edhe një model elektrik në vitin 2025 të cilat do të shiten për afro 50 mijë euro.

Thad Scott, bashkë-udhëheqësi i panairit të veturave, e mori biçikletën fluturuese për një xhiro.

“Është e mrekullueshme. Ishte emocionuese. Nuk është e ‘egër’, ngritja dhe ulja janë të rehatshme. Nuk ka asnjë hov, është shumë, shumë e qetë dhe mezi e pres të ardhmen” tha Scott./Media Ndërtimi

Continue Reading

Trending