Presidentja Osmani dhe kryeministri Kurti kanë shpërndarë një shkrim të revistës amerikane “Condé Nast Traveler” që ka radhitur edhe Kosovën një prej destinacioneve që duhet vizituar gjatë vitit 2024.

Të dy udhëheqësit bënë thirrje që të vizitohet Kosova dhe të zbulohen bukuritë e saj.

“Thesaret e fshehura të Kosovës, luginat e paprekura dhe malet mahnitëse kanë arritur te CN Traveler Vendet më të mira për të shkuar në Evropë në 2024! Ju ftojmë të përjetoni bukurinë befasuese që ofron vendi ynë dhe mikpritjen e jashtëzakonshme të popullit të Kosovës!”, ka shkruar Osmani në X.

Të njëjtën thirrje e pat edhe Kurti, i cili ka shpërndarë edhe një rresht nga artikulli që lavdëron shtetin më të ri të Europës.

“Vendi më i ri i Evropës ka maja të mrekullueshme, fshat baritor dhe mikpritje që ngroh zemrën”. Krenar që shoh Kosovën të emëruar nga CN Traveler si një nga destinacionet kryesore të Evropës në vitin 2024. Mezi presim t’i tregojmë botës se çfarë ka për të ofruar vendi ynë”, ka shkruar Kurti./Media Ndërtimi

Viti 2023 në përgjithësi ka qenë vit i mirë sa i përket turizmit e rrjedhimisht edhe për udhërrëfyesit kulturorë. Me hyrjen në fuqi të ligjit të turizmit më 2022 profesioni i udhërrëfyesve kulturore ka shënuar përmirësim. Por, megjithatë ka pasur raste kur grupe te ndryshme kanë vizituar Kosovën duke mos angazhuar udhërrëfyes kulturore vendore.

Pse duhet angazhuar udhërrëfyes lokal?

Mos angazhimi i udhërrëfyesve nuk duhet shikuar vetëm nga prizmi ekonomik por nga aspekti multi-dimensional pasi që udhërrëfyesi turistik bënë sensibilizimin e promovimin e trashëgimisë kulturore duke përfshirë monumentet traditat e ngjarjet historike.

“Po ashtu ofrojnë udhëzime rreth atraksioneve kulturore, ngjarjeve të rëndësishme, gastronomisë lokale dhe aspekteve të tjera të jetës kulturore të një vendi. Kjo ndihmon në krijimin e një përvoje më të pasur dhe të thellë për vizitorët.

Udhërrëfyesit po ashtu janë njëra prej hallkave të rëndësishme të industrisë së turizmit pasi që krijojnë një urë ndërlidhëse të informacioneve të rëndësishme për akterët vendor dhe kërkesës e po ashtu edhe për evidentimin e dobësive e mangësive në fushë të caktuar.

Më poshtë gjeni një sërë fotografish të udhërrëfyesve të huaj të cilët përveç që kanë mangësi në informatat e dhëna ndaj turistëve që vizitojnë Kosovën po ashtu dëmtohen udhërrëfyesit turistik të Kosovës e që një gjë veprim i tillë sanksionohet edhe me ligj.

Ju lutemi që gjithmonë në vizitat tuaja të organizuara të angazhoni udhërrëfyes të kualifikuar dhe të certifikuar në punën e tyre.

Me shpresën që pamje të tilla do të ketë më pak në vitin e ardhshëm.”, shkruan në reagimin e Asociacionit të Guidave Turistike të Kosovës – GUIDEKS./Media Ndërtimi

Shqipëria, një perlë e panjohur evropiane, është konsideruar të jetë një pikë e njohur e pushimeve në vitin 2024 falë çmimeve të përballueshme, shkruan në një artikull gazetarja Aimee Robinson të botuar në të përditshmen britanike “Daily Express”.

Mund të duket sikur vera e 2023 sapo ka kaluar, por për ata që presin pushimet e tyre verore vitin e ardhshëm, ekziston një perlë evropiane e panjohur që është në rrugën e duhur për t’u bërë një destinacion në trend në 2024.

Sipas hulumtimit vjetor të Parashikimeve të Udhëtimit të Booking.com, britanikët ka të ngjarë të synojnë alternativa më të lira në disa nga pikat më të njohura të pushimeve në botë.

Ekspertët e Booking.com kanë sugjeruar plazhet mahnitëse të Shqipërisë, të ngjashme me Maldivet.

Dhe kjo është arsyeja pse qyteti bregdetar i Vlorës në Shqipëri konsiderohet si një nga destinacionet e kryesore në trend për vitin 2024.

Shqipëria ofron pamje të ngjashme të oqeanit dhe temperatura të ngrohta të verës, por me një çmim më të përballueshëm.

Xhevahiri i Ballkanit, Shqipëria është arratisja më në trend për pushime në vitin 2024 për shkak të ujërave të kaltra, maleve mbresëlënëse dhe përballueshmërisë për të gjithë udhëtarët.

Shtëpia e disa prej plazheve më të bukura të Shqipërisë, vija bregdetare e shndritshme u ofron vizitorëve përgjigjen e Europës për Maldivet, një opsion i mirëpritur nga 43 për qind e udhëtarëve në Britaninë e Madhe që kërkojnë pushime luksoze me kosto më të ulët./Media Ndërtimi