Connect with us

Ndërtim

Bilfinger ndërton një fabrikë të gazit natyror në Gjermaninë qendrore

Published

on

Kompania gjermane e karburantit Refueery i ka dhënë Bilfinger kontratën për të ndërtuar një fabrikë bio-LNG (gaz natyror të lëngshëm) pranë qytetit Fulda në Gjermaninë qendrore.

Fabrika, që pritet të përfundojë në tremujorin e parë të 2024, do të prodhojë LNG për përdorim në aplikimet e transportit të mallrave dhe të ngarkesave të rënda. Kur të përfundojë, do të prodhojë deri në 180 ton karburant “neutral ndaj klimës” në ditë nga biometani që rrjedh nga mbetjet komunale dhe bujqësore.

Impianti bio-LNG do të përbëhet nga një numër i madh pjesësh individuale, duke përfshirë komponentë për pastrimin dhe lëngëzimin e gazit, pompa, rezervuarë magazinimi dhe pajisje për karburantin e kamionëve cisternë.

Roli i Bilfinger do të përfshijë shërbime inxhinierike, prokurimi dhe ndërtimi për objektin e karburantit si dhe ndërtimin e tubacioneve.

Lëngëzimi i gazit përfshin punën me temperatura jashtëzakonisht të ulëta dhe tubacionet do të projektohen për të përballuar temperaturat e punës deri në minus 196oC dhe do të pajisen me izolim të veçantë.

Fabrika është një model për ekonominë rrethore dhe do të ndihmojë që Gjermania të reduktojë varësinë e saj nga lëndët djegëse fosile./Media Ndërtimi.

Ndërtim

1 miliard paund kostoja e ndërtimit të stadiumit “San Siro”, punimet kryhen në 2030  

Published

on

Stadiumi i ri që do të bëhet për skuadrat e Milan dhe Inter dhe që pritet të kushtojë 1 miliard paund do të ketë një kapacitet maksimal prej 65,000 vendesh.

“San Siro” me një kapacitet maksimal prej 80 mijë vendesh, do të prishet për t’u zëvendësuar nga një stadium i ri, i cili pritet të përfundojë në vitin 2030.

Super Sport shkruan se megjithatë planet dhe vendndodhja ende nuk janë finalizuar, pavarësisht se klubet synojnë të fillojnë ndërtimin që në janar 2024.

Deri në këto momente diçka është e sigurt, stadiumi deri më tani njohur si “Katedralja” nuk do të ketë kapacitet më të madh se 65,000 vende dhe kjo gjë pritet të ndodh për faktin se tifozët që i ndjekin shumicën e ndeshjeve nga afër janë reduktuar dhe klubet duan të evitojnë sa më shumë vendet bosh.

Continue Reading

Ndërtim

Vendimi për të sekuestruar dhe konfiskuar ndërtimet pa leje në Shqipëri erdhi si domosdoshmëri për të frenuar abuzimet

Published

on

Lufta me ndërtimet pa leje, nuk është vetëm një betejë ligjore me biznesmenët që abuzojnë, por është dhe betejë për të ‘pastruar’ imazhin e qeverisë, përballë akuzave të opozitës që pas kullave fshihet mazhoranca.

“Këtë problematikë e ngritëm ne, e ngritëm dhe natyrisht e ngritëm për një arsye shumë të thjeshtë; sepse asnjë nga ata të cilët ndërtojnë metra katrorë për qëllim fitimi, nuk na mban dot lidhur me asgjë. Kjo masë rrëzon të gjithë mitin e pazareve dhe të gjitha legjendat urbane të fshehjes sime apo tonën prapa kullave apo pallateve”, tha Rama.

Vendimi i qeverisë për të sekuestruar dhe konfiskuar ndërtimet pa leje apo shtesat e kateve, erdhi si domosdoshmëri për të frenuar abuzimet të cilat po lejoheshin hapur edhe nga drejtësia, shkruan Report TV.

“Ky është një mjet i ri që ne përdorim që ka dalë duke parë se çfarë shtegu ka mbetur hapur. Shtegun e hapur të drejtësisë ne nuk e mbyllim dot, do ta mbylli reforma, do ta mbylli një proces që kërkon kohën e vet, por ama ne mund ta bëjmë krejtësisht absurd shpenzimin për të ndërtuar metra katrorë”, tha Rama.

Mirëpo nuk do të ketë vetëm bllokim të objektit, sekuestrim, gjobë, konfiskim dhe ndjekje penale për ndërtuesit që shkelin lejet që marrin. Këshilli i Ministrave nëpërmjet një vendimi të miratuar ka vendosur që për të gjitha ndërtimet që do të bëhen të caktohet një mbikëqyrës, i cili do të kontrollojë të gjithë mbarëvajtjen e punimeve.

Sipas vendimit të qeverisë mbikëqyrësi ka detyrimin të njoftojë on-line brenda 5 ditëve në sistemin e-leje pranë autoriteteve përkatëse në rastet kur vëren se punimet e kryera janë në shkelje apo në tejkalim të lejes së ndërtimit. Nëpërmjet këtij sinjalizimi, do të ndërhyhet në kohë për të parandaluar shkeljet e kontratave me lejet e ndërtimit, siç është rasti i ndërtimit të kateve shtesë.

Mbikëqyrësi do të jetë një person fizik ose juridik i licencuar për ushtrimin e aktivitetit për mbikëqyrjen e punimeve, i regjistruar në QKB dhe që disponon një NIPT. Mbikëqyrësi do të caktohet nga vetë zhvilluesi, i cili e ka të detyrueshëm, dhe do të kontraktohet duke pasur parasysh llojin e punimeve që do të mbikëqyren në zbatimin e veprës.

Po ashtu në nenin 11 në pikën 2 të vendimit thuhet se “Në rastin e punimeve shtesë, mbikëqyrësi kërkon nga zbatuesi i punimeve prova dhe inspektime shtesë për të verifikuar konformitetin e punimeve me projektin e specifikimet teknike, sipas kushteve të kontratës. Këto punime shtesë janë objekt i një raportimi të veçantë pranë autoritetit që lëshon lejen e ndërtimit në sistemin on-line të lejeve të ndërtimit”.

Në përfundim të ndërtimit, mbikëqyrësi kontrollon dhe përllogarit koston përfundimtare të objektit, duke përputhur vlerën e preventivuar dhe të kontraktuar me atë të paraqitur në situacionin përfundimtar, si dhe bën sqarimet përkatëse në rastet e mospërputhjes. Për raportin përfundimtar mbikëqyrësi mban përgjegjësi ligjore./Media Ndërtimi.

Continue Reading

Ndërtim

Javën e ardhshme fillon ndërtimi i dy çerdheve në Gjilan

Published

on

Javën e ardhshme fillon ndërtimi i çerdhes në Gjilan dhe asaj në Dobërçan, ka njoftuar kryetari i Komunës së Gjilanit, Alban Hyseni.

“Në financim të Ministrisë së Arsimit, Shkencës dhe Teknologjisë do të shtohen dy çerdhe në Gjilan.

Edukimi i hershëm, rritja e përfshirjes së sa më shumë fëmijëve në të dhe çerdhet e reja janë disa nga zotimet tona që po realizohen.”, deklaroi Hyseni.

Continue Reading

Trending