Connect with us

Aktuale

Balkan Monumental Trail – shtegu turistik që po i bashkon vendet e rajonit

Published

on

Balkan Monumental Trail është një projekt turistik që mbulon tërë Ballkanin Perëndimor dhe përfshinë tërë produktet e turizmit të rajonit.

Në këtë shteg turistik janë të përfshira të gjashtë vendet e Ballkanit Perëndimor.

“Balkan Monumental Trail është një produkt i ri turistik që mbulon tërë Ballkanin Perëndimor dhe përfshinë tërë produktet e turizmit të rajonit. Ne si RCC po përpiqemi që të krijojmë disa rrugë kulturore në rajon dhe Balkan Monumental Trail është njëra nga këto, që është e bazuar nga monumentet e Luftës së Dytë Botërore që janë ndërtuar ndërmjet viteve 1950 dhe 1990”, tha për Telegrafin, Nikola Gaon nga Këshilli Rajonal për Bashkëpunim (RCC).

Ai thekson se është në dorën e agjencive turistike që t’i sjellin turistët në këto pjesë.

“Është një listë prej 40 monumenteve që mund të vizitohen dhe që janë pjesë e ofertave turistike. Ajo se çfarë mund të theksojmë është se ekonomitë e të gjitha vendeve të Ballkanit Perëndimor janë të përfshira në këtë pjesë. Me ndërtimin e këtij brendi, ne do të ofrojmë diçka të re në tregun e turizmit. Tashmë kjo është në dorën e operatorëve turistikë që ta ofrojnë këtë që t’i marrin vizitorët në këto pjesë”, thekson ai.

I pyetur për ndikimin ekonomik, Gaon nga RCC tregon se, turizmi është mjaftë i rëndësishëm për Ballkanin Perëndimor dhe se përbënë 25 për qind të eksporteve në Prodhimin e Brendshëm Bruto.

“Turizmi është shumë i rëndësishëm në Ballkanin Perëndimor. Ne kemi të dhëna që në vitin 2018, këtë pjesë e kanë vizituar mbi 12 milionë persona. Turizmi përbën 25 për qind të eksporteve në Prodhimin e Brendshëm Bruto”, tregon Gaon.

Sipas tij, ky projekt do ta rris këtë vlerë, me qëllim që të arrihet në nivelin evropian.

“Me ofrimin e produkteve të reja të turizmit, ne mendojmë që ta rrisim këtë numër. Turizmi kulturor në Evropë përbënë 40 për qind të Prodhimit të Brendshëm Bruto dhe me ofrimin e kësaj ne pretendojmë që ta arrijmë këtë vlerë edhe në Ballkanin Perëndimor dhe për këtë neve na duhet një produkt si ky”, përfundon ai.

Nga 40 vendet që janë të përfshira për t’u vizituar në këtë shteg, në Kosovë gjenden 4 monumente.

Ndërsa, në Shqipëri janë 7 monumente, në Maqedoni të Veriut dhe Mal të Zi janë nga 5, në Serbi janë 8 dhe Bosnjë e Hercegovinë janë 11. /Telegrafi/

Click to comment

You must be logged in to post a comment Login

Leave a Reply

Aktuale

Mbahet dëgjim publik për restaurimin dhe ndërtimin e kompleksit memorial “Masakra e Reçakut”

Published

on

Nga Departamenti i Shpronësimit pranë Ministrisë së Mjedisit, Planifikimit Hapësinor dhe Infrastrukturës, sot në Shtime u mbajt dëgjimi publik për shqyrtimin e mëtejmë të kërkesës për shpronësim për interes publik të pronave të paluajtshme të pronarëve dhe zotëruesve në interes, të cilat preken nga realizimi i Projektit: Konservimi, Restaurimi dhe Ndërtimi i Kompleksit Memorial “Masakra e Reçakut”.

Në këtë takim mori pjesë edhe kryetari i Komunës së Shtimes, Qemajl Aliu i cili tha se me vullnet të Qeverisë së Kosovës, dhe kërkesave të vazhdueshme nga Komuna e Shtimes ky projekt tanimë do të realizohet. “Do t’a nxjerim më të mirën e mundshme për këtë projekt dhe do të ecim para”, tha Aliu.

Ndërsa përfaqësuesit nga Departamenti i Shpronësimit-MMPHI dhe përfaqësuesit nga Agjensioni i Memorialeve të Kosovës, bënë të ditur pronat të cila do të shpronësohen e të cilat preken nga realizimi i Projektit: Konservimi, Restaurimi dhe Ndërtimi i Kompleksit Memorial “Masakra e Reçakut”.

Nga ana tjetër edhe qytetarët e pranishëm në këtë takim, që kryesisht ishin nga fshati Reçak patën kërkesat e tyre, të cilat i adresuan te përfaqësuesit e këtyre institucioneve./Media Ndërtimi

Continue Reading

Aktuale

Skica e ndërtimit të Pallatit të Rinisë, tashmë edhe në versionin i BIM

Published

on

Ndërtuar mbi skicat dhe vizatimet origjinale, versioni i BIM-izuar (Building Information Modeling) i Pallatit të Rinisë e ka kthyer këtë ikonë të qytetit në ndërtesën e parë digjitale në vend.

Në këtë mënyrë, të gjitha informacionet e nevojshme mbi çfarëdo detaji konstruktiv, cilindo dimension dhe çdo të dhënë tjetër të rëndësishme, është e qasshme menjëherë dhe në çdo kohë, shkruan në njoftimin e Agjencisë këshillimore Shërbimi i Arkitektit të Kryeqytetit.

Kjo bën të mundur që, për çfarëdo ndërhyrjeje të nevojshme, institucionet komunale dhe palët tjera të interesit, ta kenë informacionin e plotë dhe qind për qind të saktë.

Duke i digjitalizuar ndërtesat publike, të gjitha ndërhyrjet e nevojshme dhe kostot e tyre, mund të dihen në avans. Po ashtu, për çdonjërën ka një historik, i cili ruhet dhe nuk mund të tjetërsohet.

Kjo do të jetë Prishtina digjitale./Media Ndërtimi

Continue Reading

Aktuale

‘Muret janë përgjigja e gabuar arkitekturore ndaj migrimit masiv’, thotë arkitektja meksikane Carrillo

Published

on

Muret janë përgjigja e gabuar arkitekturore ndaj migrimit masiv dhe dhunës në qytetet kufitare, thotë arkitektja meksikane Gabriela Carrillo.

“[Emigrantët] po ikin nga çështje shumë komplekse në vendet nga janë,” deklaroi në një intervistë për Dezeen, fituesja e Çmimit Dorfman të Akademisë Mbretërore 2023 Carrillo.

“Ne besojmë se ky fenomen ka ndikim në qytetet dhe arkitekturën dhe mënyrën e banimit.

Duhet të ketë burime që mund të lehtësojnë vërshimin e njerëzve që janë pjesë e botës sonë sot – jo vetëm në Meksikë, por kudo”, shtoi ajo.

Infrastruktura dhe shërbimet sociale në qytetet kufitare të Amerikës së Veriut janë nën presion të vazhdueshëm mes një rritjeje të dukshme të migrimit, veçanërisht nga Meksika në SHBA, me gati 2.5 milionë njerëz që përpiqen të kalojnë në vitin 2023.

Carrillo tha se meksikanët po ikin gjithnjë e më shumë “krizës humanitare të fatkeqësive natyrore dhe zhvendosjeve të detyruara për shkak të dhunës”.

Shumë nga emigrantët që tentojnë të kalojnë në SHBA janë nga vende të tjera përveç Meksikës dhe shpesh përfundojnë të mbërthyer dhe të varfër në qytetet kufitare meksikane pasi u larguan nga forcat amerikane të sigurisë.

Megjithatë, Carrillo vuri në dukje gjithashtu se projektet e mëdha arkitekturore nuk janë gjithmonë zgjidhja më e mirë.

“Operimi, mirëmbajtja, organizimi i një projekti në shkallë më të gjerë kërkon logjistikë më komplekse,” tha ajo.

Ajo beson se një pjesë e instinktit për të përdorur muret si masë sigurie është më shumë një çështje zakoni sesa e rrënjosur në idetë për arkitekturën apo urbanizmin.

“Problemi është se ne jemi mësuar dhe përsërisim veprime; ne e përsërisim atë arkitekturë dhe ne përsërisim atë mënyrë të të bërit arkitekturë. Kjo ide e ndërtimit të madh është gjithashtu ideja e një bote kapitaliste dhe perëndimore, por ne kemi një mundësi për të rikrijuar veten. Ka shumë optimizëm pas punës sonë.”, tha Carrillo./Media Ndërtimi

Continue Reading

Trending