Connect with us

Aktuale

Për mërgimtarët rriten çmimet e banesave në Kosovë

Published

on

Shkendije Ahmeti

“Muajt e shacave”, kështu po i identifikojnë diasporën kosovare në vendlindjen e tyre. Si para luftës, ashtu edhe pas luftës shqiptarët në diasporë kanë ndihmuar Kosovën në zhvillim ekonomik, përmes donacioneve e ndërtimeve biznesore. Por megjithatë, diaspora kosovare nuk po merr trajtimin e duhur në Kosovë. Çmimet dyfish të larta është “mirëpritja” që po iu bëhet atyre në vendlindje. Kështu po pohojnë Organizata Jo-Qeveritare për disaporë “Germin” dhe Oda Ekonomike e Kosovës.

E viteve të fundit ka rënë interesimi i kosovarëve të diasporës për investim në ndërtime dhe blerjen e banesave në Kosovë, shkak i rritjes së çmimeve.

Kryetari i Oda Ekonomike e Kosovës (OEK), Safet Gërxhaliu, për Ndërtimi.info ka thënë se mos interesimi i diasporës për të bërë ndërtime në Kosovë ka ardhur pasi që çmimet e tokave po janë më të shtrenjta. Gjithashtu çmimi i banesave po rritet në kohën kur mërgimtarët ia mësyjnë Kosovës, transmeton Ndertimi.info.

“Prandaj, duhet theksohet se interesimi i diasporës është shumë më tepër në blerje të banesave se sa në ndërtim të drejtpërdrejt. Arsyeje janë të thjeshta: Në rend të parë në Kosovë çmimi i tokave është shumë i shtrenjtë, është edhe struktura burokratike dhe një mundësi të tillë nuk kanë të gjithë. Këtë e bëjnë vetëm bizneset e diasporës që janë stabile. Por gjithashtu duhet theksohet që në sezonin e verës së diasporës çmimet kanë më tepër tendencë të rriten se sa tendencë për rënie”, tha Gërxhaliu.

Tutje Gërxhaliu është shprehur se edhe përkundër që diaspora kosovare është faktor kyç në stabilitet ekonomik e social, kontributi që ata japin Kosova nuk është duke e çmuar.

“Nëse mendohet në sektorin e ndërtimtarisë kish me qenë tipike që mendohet që Kosova këtë vlug të ndërtimeve pa interesimin dhe investimin e diasporës”, theksoi Gërxhaliu.

Që investitorët nga diaspora po përballen me sfida të ndryshme në Kosovë, e ka thënë për Ndërtimi.info, Fjolla Vukshinaj nga Organizata Jo-Qeveritare “Germin”.

“Në lidhje me investimet nga diaspora shqiptare, Ministria e Diasporës ka krijuar rrjetin e bizneseve shqiptare nëpër botë. Mirëpo, përkundër kësaj nisme, investitorët nga diaspora po përballen me shumë sfida qoftë: mos-sundimi i ligjit, burokracia si dhe mos efikasiteti nga ana e nëpunësve civil për t’i realizuar investimet/projektet e tyre. Ndërkohë, në Pakon e Parë fiskale janë futur disa lehtësime për investime nga jashtë, ndërsa premtimi i ish-Ministrit të Financave, Abdullahu Hoti, që do të krijohen letrat me vlerë për diasporën, nuk e dimë akoma ku ka mbetur”, tha Vukshinaj.

Më tej Vukshinaj ka treguar se interesimi i diasporës ka rënë edhe në blerje, kjo pasi që bazuar në të dhënat e Bankës Botërore çmimet e banesave po rriten çdo vit e më shumë.

“Sa i përket blerjeve të banesave nga ana e diasporës, dhe çmimeve se si ndryshojnë, vitin e kaluar, bazuar në raportimet e mediave, thuhet se ka pasur një ulje të kërkesave nga ana e diasporës për të blerë banesa. Sipas Agim Demukajt nga Banka Botërore çmimet e rritura për banesa ka qenë sepse kërkesat e diasporës ishin të larta viteve që i lamë pas”, tregoi Vukshinaj.

Ndryshe, investimet e diasporës në blerje të banesave, përkatësisht patundshmërive të tjera, sipas Bankës Botërore, përfshijnë rreth 60% të investimeve të huaja direkte në Kosovë.

Sipas buletinit vjetor të Bankës Qendrore të Kosovës, gjatë vitit 2016, qytetarët e Kosovës kanë pranuar afër 700 milionë euro mbështetje financiare nga të afërmit e tyre që jetojnë në vendet europiane dhe më gjerë. Kjo shifër, sipas këtyre të dhënave pritet që të rritet edhe për 2.8 për qind gjatë këtij viti.

Click to comment

You must be logged in to post a comment Login

Leave a Reply

Aktuale

Rasti ‘Brezovica’, arrestohen 4 persona, dy të tjerë mbeten në arrati!

Published

on

Prokuroria e Ferizajt, ditën e djeshme ka njoftuar se ka bastisur gjashtë lokacione dhe ka arrestuar katër persona, ndërsa dy të tjerë mbeten në arrati pasi nuk ishin hasur në vendbanimet e tyre.

Ndër të arrestuarit është edhe Bekim Pireva i cili është ortak në një biznes në Ulqin më Idriz Thaçin, vëllain e ish Presidentit Thaçi. Kallxo.com ka kontaktuar me avokatin e Pirevës, Arben Shala, por ai ka qenë shumë i shkurtër.

“I vetmi bashkëpunim i yni me z.Idriz Thaçi është në projektin ndërtimor në Ulqin. Të dhënat e kompanisë dhe aksionarëve janë të gjitha publike dhe online”, pati deklaruar Bekim Pireva, drejtor i kompanisë “Premium Bau Ulqin”.

Bekim Pireva, gjithashtu e kishte pranuar se ka qenë aksionar edhe me qytetarë serbë, por kishte deklaruar se ato nuk janë bërë asnjëherë aktive. Ai pati deklaruar se është aksionar me 70% të aksioneve në biznesin “Energy Power” Sh.P.K. me seli në Zubin Potok, në të cilën janë aksionarë edhe Bojan Jakshiq (20% të aksioneve) dhe Millovan Simiq (10% të aksioneve).

“Jemi vetëm tre aksionarë atje në Ulqin, unë bashkë me Arben Jetullahun dhe Idriz Thaçin, që të dy i njoh në Prishtinë kohë më parë. Po, Idrizi është vëllai i Hashim Thaçit, unë kam pas edhe një kompani tjetër me disa serbë të Zupqit por nuk është më sepse nuk kemi mujtë me hapë fabrikën”, theksoi Pireva.

Emisioni KallxoPernime i titulluar ‘Veriu dhe investimet në Ulqin’, të transmetuar vitin e kaluar mund ta ndiqni në linkun e mëposhtëm.

Sipas njoftimit të Prokurorisë në Ferizaj, personat e arrestuar janë me inicialet Xh. B., I. F., Xh. Sh., dhe B. P. Ata janë ndaluar për shkak të dyshimit se të njëjtit kanë kryer veprat penale “Marrja e ryshfetit” “Ushtrimi i ndikimit” dhe “Dhënia e ryshfetit”./Media Ndërtimi.

Continue Reading

Aktuale

Nexhat Krasniqi mbetet pa pozitën e shefit të Prokurimit në Ministrinë e Infrastrukturës

Published

on

Shefi i Prokurimit në Ministrinë e Mjedisit, Planifikimit Hapësinor dhe Infrastrukturës, MMPHI, Nexhat Krasniqi nuk mban më pozitën udhëheqëse të këtij divizioni.

Në një përgjigje të MMPHI për Kallxo.com bëhet e ditur se më datë 24 maj Ndriçim Mustafa është caktuar zyrtar përgjegjës për menaxhimin e Divizionit të Prokurimit.

“Më datë: 24.05.2022, Ndriçim Mustafa, është caktuar zyrtar përgjegjës për menaxhimin e Divizionit të Prokurimit, në kuadër të MMPHI-së, si rezultat i bashkimit të Ministrisë së Mjedisit, Planifikimit Hapësinor dhe Infrastrukturës, me qëllim të koordinimit të aktiviteteve të dy Divizioneve të Prokurimit, deri në hyrjen në fuqi të rregullores së re për organizimin e brendshëm të MMPHI-së”, thuhet në përgjigjen e tyre.

MMPHI nuk kanë treguar se cilat kanë qenë arsyet e largimit të Krasniqit dhe nëse do mbajë ndonjë pozitë tjetër brenda ministrisë ku udhëhoqi divizionin e Prokurimit.

Në emisionin “KallxoPernime” më 27 prill 2022, zëvendësministri i Infrastrukturës Hysen Durmishi ka folur për raportet e tij me tashmë ish shefin e prokurimit Nexhat Krasniqi, ku deklaroi se nuk takohet çdo ditë me të.

“Jo, nuk rri natë e ditë në zyrën time. Në zyrën ku punoj unë, çdo drejtor i departamentit, çdo shef i divizionit, çdo zyrtar që punon në ministri, e ka derën çelur sa unë jam aty. Ai (Nexhat Krasniqi), nuk vjen shpesh te unë. Ai vjen vetëm kur ka nevojë për m’u konsultu me mua. Së pari, unë përveç që jam zëvendësministër jam edhe inxhinier dhe për ashtu unë nuk duhem me bo kurrgjë e veç duhet me pritë kur të ma sjellin ndonjë dokument me e nënshkru”, deklaroi Durmishi.

Durmishi ka thënë se Krasniqi ka ardhur 2-3 muaj në punë para se të vinin në qeverisje, kjo pasi ky i fundit ka qenë i suspenduar./Media Ndërtimi.

Continue Reading

Aktuale

Anulohet vendimi për miratim të Planit Zhvillimor Komunal të Gjilanit

Published

on

Anulimi i vendimit për miratim të Planit Zhvillimor Komunal, sipas kryetarit Alban Hyseni i hap rrugë plotësim ndryshimit të materialit bazë dhe garanton mundësi zhvillimi për Komunën e Gjilanit.

“Bartja e dy aktiviteteve, atij të mirëmbajtjes dhe sigurimit të objekteve komunale, objekteve të arsimit dhe atyre të shëndetësisë në kuadër të ndërmarrjes “Tregu” siguron shërbime me të mira për komunën dhe i jep fund një problemi shumëvjeçar për të cilin asnjëherë nuk është gjetur vullneti politik për t’u trajtuar dhe zgjidhur.

Falënderoj asambleistët e Kuvendit Komunal të Gjilanit për mbështetjen e këtyre dy propozimeve tejet të rëndësishme për Komunën dhe qytetarët.”, deklaroi kryetari i Gjilanit, Alban Hyseni./Media Ndërtimi.

Continue Reading

Trending