Featured
Gjakova së shpejti me objekt të ri të Handikos-it
Gjatë ditës së sotme, kanë filluar punimet në qytetin e Gjakovës për objektin e ri të Handikos-it. Objekti në fjalë u kushtohet plotësisht personave me aftësi të veçanta në Komunën e Gjakovës.
Në vënien e gur themelit ishte e pranishme edhe kryetarja e kësaj komuna Mimoza Kusari-Lila. Kusari-Lila u shpreh të jetë shumë e kënaqur për fillimin e këtyre punimeve dhe njëkohësisht edhe e emocionuar, duke pasur parasysh edhe natyrën e këtij objekti.
“Është një projekt i rëndësishëm dhe me ndjeshmëri të madhe për komunën e Gjakovës, pasi ne si komunë e kemi pasur planin për ndërtimin e këtij objekti qysh në vitin 2014, atëherë kur e patëm prezantuar edhe në konferencën e donatorëve. Sot kur edhe zyrtarisht po fillojmë ndërtimin e këtij objekti, jam tejet e lumtur sepse më në fund po e bëjmë realitet ëndrrën e këtyre njerëzve”, ka thënë kryetarja në largim Kusari – Lila.
Çmimi për ndërtimin e këtij objekti parashihet të arrijë shifrën 250 mijë euro. Nga kjo shumë parash rreth 51 për qind e të hollave është ndarë nga Fondacioni “Save the Children”, ndërsa 49 për qind e shumës tjetër është ndarë nga komuna e cila njëkohësisht ka ndarë edhe vendin ku ky objekt do të ndërtohet. Objekti i Handikos-it pritet të përfundohet brenda këtij viti më gjerësisht deri në muajin shtator, ku objekti përfshinë 70 ditë punë intensive.
Më tutje kryetarja e Gjakovës sqaron se afër objektit të Handikos-it do të ndërtohet edhe një objekt tjetër i cili do të jetë për personat të cilët janë me shikim dhe dëgjim të dëmtuar.
-
Infrastrukturë2 days ago
KAWA Group, zyrtarisht do të operoj edhe në kryeqytetin britanik
-
Infrastrukturë3 days ago
SHAK: Zgjidhja e problematikave dhe rimendimi i qytetit, angazhim për të ardhmen
-
Infrastrukturë3 days ago
Zbulohet një metodë më racionale e prodhimit të hidrogjenit si një alternativë ndaj benzinës dhe naftës!
-
Infrastrukturë3 days ago
Sa persona jetojnë në një kilometër katror? Shqipëria dhe Tirana, rekord në rajon
-
Aktuale3 days ago
Publikohet platforma digjitale për historinë e Prishtinës
-
Infrastrukturë3 days ago
Diskutohet metodat për ndërtimin e digës së Pollatës në Podujevë
-
Aktuale14 hours ago
KAWA Group, tashmë pjesë e industrisë së ndërtimit në Mbretërinë e Bashkuar
-
Auto3 days ago
SHBA rrit tarifat për automjetet elektrike nga Kina
You must be logged in to post a comment Login