Infrastrukturë

Sërish Vjena shpallet qyteti ku jetohet më së miri në botë

Published

2 years ago

June 24, 2022

Sipas një raporti të përvitshëm të “The Economist”, kryeqyteti austriak, Vjena, kryeson sërish në raportin e qyteteve ku jetohet më mirë në botë. Vjena ia rrëmbeu vendin e parë qytetit të Zelandës së Re, Auckland, i cili zbriti në vendin e 34, për shkak të kufizimeve të pandemisë së koronavirusit, sipas raportit të Njësisë së Inteligjencës së “The Economist”. Në raport thuhet se:

Vjena, e cila renditej e 12-ta në klasifikimin tonë në fillim të vitit 2021, për shkak të mbylljes së muzeve dhe restoranteve, është rikthyer në vendin e parë, ashtu si në vitin 2018 dhe 2019. Stabiliteti dhe infrastruktura e mirë janë karakteristikat kryesore të qytetit sipas banorëve, të mbështetura nga kujdesi i mirë shëndetësor dhe mundësitë e shumta për kulturë dhe argëtim.

Melburni ka ruajtur vendin e tij si një nga qytetet ku jetohet më mirë, duke u renditur i 10, ndërsa qytetet e tjera australiane kanë dalë nga renditja e 10 vendeve të para në botë ku jetohet më mirë. Vitin e kaluar, Brisbane, Adelaide dhe Perth, renditeshin të gjithë në ‘top 10’, por kanë zbritur në klasifikim përkatësisht në vendin e 27, 30 dhe 32, transmeton Top Albania Radio.

Kryeqyteti i Ukrainës, Kievi, nuk është përfshirë këtë vit në renditje, pas pushtimit të vendit nga Rusia në fund të shkurtit, ndërsa qytetet ruse, Moska dhe Shën Peterburgu, kanë zbritur në renditje për shkak të “censurës” dhe ndikimit të sanksioneve nga vendet perëndimore.

Europa krenohet me 6 qytete në “top 10”. Kryeqyteti austriak ndiqet nga ai i Danimarkës, Kopenhagën dhe nga qyteti zviceran, Zyrihu. Qyteti zviceran i Gjenevës renditet i 6-ti, Frankfurti (7) dhe Amsterdami (9). Edhe Kanadaja regjistroi rezultate të mira. Calgary renditej i 3-ti, ndjekur nga Vankuveri (5) dhe Toronto (8). Osaka (Japoni) dhe Melburni (Australi) ndajnë së bashku vendin e 10-të. Kreyqyteti i Francës, Parisi, u rendit i 19-ti, duke u ngjitur me 23 pozicione krahasuar me vitin e kaluar.

Kryeqyteti belg, Brukseli, u rendit i 24-ti, menjëherë pas qytetit kanadez të Montrealit. Në klasifikimin e këtij viti, kryeqyteti i Mbretërisë së Bashkuar, Londra, u rendit në vendin e 33-të, në renditjen e qyteteve ku jetohet më mirë në botë, pesë pozicione pas Manchester (28). Qytetet spanjolle, Barcelona dhe Madridi, renditen përkatësisht në vendin e 35-të dhe 43-të. Milano u rendit në vendin e 49-të, Nju Jorku (51) dhe Pekini (71).

Kryeqyteti i Libanit, Bejruti, i cili është shkatërruar nga shpërthimi i një porti në vitin 2020 dhe po përballet me një krizë financiare paralizuese, nuk është përfshirë në renditjen e vendeve për biznes. Edhe Kievi, pas pushtimit rus më 24 shkurt, ka detyruar “The Economist” të ndërpresë sondazhin mbi qytetin. Kryeqyteti i Rusisë, Moska, ka zbritur në renditjen e qyteteve ku jetohet më mirë në botë me 15 pozicione, ndërsa Shën Peterburgu, me 13. Në raport thuhet se:

Rritja e censurës shoqëron konfliktin. Qytetet ruse po përballen gjithashtu me kufizime në kulturë dhe mjedis, si rezultat i sanksioneve ekonomike perëndimore.

Edhe qytete të tjera të Europës Lindore u cilësuan më pak të qëndrueshme si pasojë e “tensioneve diplomatike në rritje”, për shkak të luftës në Ukrainë. Kryeqyteti i Sirisë, Damasku, renditet ndër vendet më të këqija për të jetuar në botë. Në fund të listës renditen edhe Lagos (Nigeri), Tripoli (Libi), Algjeri (Algjeri) dhe Karaki (Pakistan). Nga dhjetë qytetet me vlerësimin më të ulët, shtatë janë nga Lindja e Mesme dhe Afrika./Media Ndërtimi.

Infrastrukturë

Nënshkruhet marrëveshje për energji më të pastër me MCA-Kosova

Published

17 hours ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

17 hours ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

18 hours ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi