Genc Bashota, drejtor për Planifikim Strategjik dhe Zhvillim të Qëndrueshëm deklaroi se që nga marsi i vitit 2018 janë duke punuar për Hartimin e Planit Zhvillimor Komunal të ri dhe Hartës Zonale.
Në debatin Kallxopërnime, Bashota theksoi se për pesë vjet janë duke punuar për këtë dokument të rëndësishëm në të cilën i kanë përfshirë edhe grupe punuese tematike që janë përkatëse për fusha të ndryshme.
Sipas tij, është krijuar një komitet konsultativ dhe janë përfshirë Instituti për Planifikim Hapsinor, Universiteti i Prishtinës, Shoqata e Arkitektëve, Qendra Rajonale e Trashëgimisë Kulturore, Asocioni i Arkitektëve, Odën Ekonomike Amerikane dhe të Kosovës, Pro Planing, CHWB, OJQ- Ec ma ndryshe dhe UN Habitat.
“Plani Zhvillimor Komunal është një plan strategjik multisektorial i cili përcakton caqet e zhvillimit ekonomik social dhe hapsinor i cili e jep vizionin në vija të trasha ku ka rreth 700 faqe.” tha në këtë debat.
Gjatë debatit Bashota ka theksuar se për këtë komunë janë krijuar edhe hartat digjitale që më herët Prishtina nuk i ka pasur asnjeherë.
Sipas tij në këto harta mund të shihen edhe shtrirja e gypave të Termokosit, kanalizimin, ujësjellësin, por që këto harta nuk janë publike për qytetarin. Drejtori ka theksuar kur të bëhet votimi për hapjen e Shqyrtimit Publik, këto harta do të bëhen publike.
“Urbanizmi është i detyruar të zbatoj një plan rregullativ ne bazë të kërkesës së një qytetari sa do kate që ai i kërkon e janë më plan, në të kundërten qytetari ka të drejtë me e dërgu në prokurori pse nuk po ja jepë lejen që e ka me plan”, tha Bashota për ta shuar kurreshtjen se a janë me leje të gjitha ato ndërtime që po bëhen në Komunen e Prishtinës.
Bashota u shpreh i bindur se në bazë të rregullave për ndërtesat pyeten edhe njerëzit përreth që jetojnë aty.
Sipas tij, në shumë objekte kolektive mungojnë parkingjet, zonat e gjelberta dhe hapësirat për lëvizje.
Gjatë debatit, Elvida Pallaska, Planere Hapsinore, ka thënë që në Komunën e Prishtinës ka ndodhur një “urbicid” sikur gjenocidi,
“Pra e kanë mbytyr qytetin e Prishtinës me ligj edhe me veprim.”, tha Pallaska, duke shtuar jo çdo gjë që ndërtohet është zhvillim, sepse, sipas saj, ndërtimet e shumta pa kontrollë janë proeces i pa rikthyeshëm ose shumë i shtrenjtë.
Debatet po organizohen prej dy organizatave që punojnë me plane hapësinore dhe trashëgimi kulturore, “Qytetarët Aktiv” dhe “Ec ma Ndryshe”./Media Ndertimi./
Harta Zonale e Prishtinës “nën skenarët e krimit të organizuar”, thotë Asociacioni i Arkitektëve