Connect with us

Aktuale

Harku i Triumfit në Paris gati për vizitorët pas rinovimit që u pengua nga pandemia

Published

on

Puna e shumëpritur dhe e shtyrë më shumë se një herë, më në fund është përfunduar dhe do të jetë e dukshme nga e shtuna e 18 shtatorit deri më 3 Tetor në Paris.

Rinovimi ishte planifikuar për Prill 2020, projekti u shty për në Shtator 2020 për të mbrojtur folenë pranverore të kaçave në Harkun e Triumfit.

Për shkak të pandemisë, projekti u shty për herë të dytë në shtator 2021.

Harku i Triumfit është i mbështjellë me 25,000 metra katrorë pëlhurë polipropileni të riciklueshme në ngjyrë argjendi dhe 3,000 metra litar të kuq të riciklueshëm.

L’Arc de Triomphe, Wrapped u financua plotësisht nga Christo përmes shitjes së studimeve të tij përgatitore, vizatimeve dhe kolazheve të projektit, si dhe modeleve të shkallës, punimeve të viteve 1950 dhe 1960 dhe litografi origjinale me tema të tjera. Ashtu si të gjitha veprat e tij, ai nuk mori fonde publike ose sponsorizime.

 

Për t’i lejuar vizitorët të shijojnë L’Arc de Triomphe, të mbështjellë në mënyrë të sigurt dhe nga afër, Place de l’Etoile do të jetë këmbësor për tre fundjavat e prezantimit të tij për publikun.

Për të gjithë kohëzgjatjen e L’Arc de Triomphe, Wrapped, përfshirë instalimin (deri më 17 shtator 2021) dhe çmontimin (nga 4 tetor deri më 10 nëntor 2021), brendësia dhe tarraca panoramike e monumentit, nga CMN, do të qëndrojnë të hapura për publikun.

Për të ruajtur integritetin e Monumentit Historik, operacionet e ndërmarra për ngritjen dhe çmontimin e L’Arc de Triomphe, Wrapped i nënshtrohen monitorimit shkencor dhe teknik nga ekipet e Ministrisë së Kulturës.

Flaka e Përjetshme, para Varrit të Ushtarit të Panjohur në Harkun e Triumfit, do të vazhdojë të digjet gjatë montimit dhe çmontimit dhe gjatë ekspozitës së veprës së artit.

Ringjallja e përditshme e flakës që i bën homazh Ushtarit të Panjohur dhe atyre që humbën jetën duke luftuar për Francën do të ndodhë në solemnitetin e zakonshëm./ Media Ndërtimi.

Aktuale

Energjia Elektrike pritet të shtrenjtohet sërish

Published

on

Mosekzekutimi i subvencionit prej 100 milionë eurove nga Qeveria e Kosovës para pak muajve tash mund t’i kushtojë Kosovës deri në 5 milionë euro në ditë import, ose mund të sjellë shtrenjtim të energjisë.

Kosovarët prej ditësh po përballen me reduktime të energjisë elektrike. E që të kjo të parandalohej, Zyra e Rregullatorit kishte propozuar një subvencionim prej 100 milion eurosh nga shteti i Kosovës.

Këto mjete qeveria i ndau që të blihet energji më e lirë, por që nuk u ekzekutuan asnjëherë.

Nga KEDS thonë se edhe në rast se kjo ndodhë, tash është vonë.

Viktor Buzhala, zëdhënës në këtë kompani, paralajmëron se Kosova mund të paguajë shifra marramendëse për import të rrymës muajve të dimrit.

Nga Shoqëria Civile thonë se mos ndarja e mjeteve për energjinë nga Qeveria, do të mund t’iu kushtojë kosovarëve me rritje enorme të tarifave të rrymës.

Në këto ditë  vendi ka prodhuar afër 120 mega vat në orë më pak sesa nga kërkesa e konsumatorëve.

Continue Reading

Aktuale

AKP shpalli shitjen e re të aseteve përmes likuidimit nr. 58 

Published

on

Agjencia Kosovare e Privatizimit (AKP) zyrtarisht ka shpallur shitjen e aseteve përmes likuidimit nr.58. Lista e tenderëve për privatizim me këtë valë të shitjeve përmban 40 asete/njësi atraktive të ndërmarrjeve shoqërore në Republikën e Kosovës, të cilat paraqesin një mundësi të shkëlqyer për zgjerim të biznesit apo iniciativa të reja biznesore në vendin tonë.

Kjo valë e shitjeve me të gjitha asetet e tenderuara është aprovuar në Bordin e Drejtorëve, kurse AKP i ka njoftuar paraprakisht të gjitha Komunat përkatëse se këto asete të ndërmarrjeve shoqërore do të privatizohen dhe ka shpallur njoftimin për tender në faqen e saj të internetit www.pak-ks.org dhe në mediat e shkruara dhe ato elektronike.

Ofertat e mbyllura për njësitë/asetet që janë në shitje përmes shitjes së aseteve me likuidim nr.58 duhet të dorëzohen në “Sallën e konferencave – Hoteli Grand”, në Prishtinë me datën 7 shtator 2022, nga ora 10:00 deri në orën 12:00, të shoqëruara edhe nga depozita e ofertës dhe tarifa për paraqitjen e ofertës, ashtu siç është parashikuar për secilin artikull.

Kurse hapja e ofertave do të bëhet po të njëjtën ditë, duke filluar nga ora 12:30.

Bashkëlidhur (si më poshtë) gjeni shtegun me  listën e aseteve të tenderuara në këtë valë të shitjeve./Media Ndërtimi.

Continue Reading

Aktuale

Reagon “Prishtina Parking” për kontratën prej 750 mijë euro

Published

on

Ndërmarrja Publike Lokale “Prishtina Parking” SH.A. sqaron opinionin publik rreth disa shkrimeve dhe reagimeve të aktivistëve politikë lidhur me vazhdimin e kontratës “Shërbime për Menaxhimin e Parkingjeve”, ku vlera indikative për 36 muajt e ardhshëm është 750,000.00€ (shtatëqind e pesëdhjetë mijë euro).

Ndërmarrja sqaron se kjo nuk është shuma që do t’i paguhet Operatorit Ekonomik, por në bazë të kontratës së nënshkruar, Ndërmarrja do t’i paguajë kompanisë 15 % të të hyrave për çdo shërbim që kryen kompania e kontraktuar nga Ndërmarrja.

Ta zëmë, nëse Operatori Ekonomik kryen shërbime nga të cilat Ndërmarrja Publike Lokale “Prishtina Parking” inkason 100€ (njëqind euro), nga kjo shumë 15 % e të hyrave (15€) do t’i marrë kompania e kontraktuar për të kryer shërbimet.

Gjithashtu në bazë të kontratës së nënshkruar, Operatori Ekonomik ka për obligim të furnizojë stafin me pajisje elektronike si telefona dhe printer digjital, ndërtimin e një server room, vijëzimin e të gjitha parkingjeve në të gjitha lagjet e Prishtinës, vendosjen e tabelave vertikale, mirëmbajtjen e sistemit, si dhe trajnimin e stafit për përdorimin e sistemit.

Është me rëndësi të theksohet se kompania e kontraktuar ka krijuar softuerin dhe tre aplikacione: aplikacioni ku palët paguajnë me sms, aplikacioni për banorët rezident si dhe aplikacioni për smart phone, ku për to është investuar një shumë e konsiderueshme e mjeteve nga kompania e kontraktuar.

Prishtina Parking me punën dhe angazhimin e treguar është shndërruar në një Ndërmarrje model në vend, andaj çdo tentim për të prishur imazhin nga informata të pasakta të sponzorizuara që kanë dështuar të implementojnë sisteme të tilla, është i papranueshëm për ne.

Ndërmarrja Publike Lokale “Prishtina Parking” SH.A. fton mediat dhe qytetarët që për çdo informatë të drejtohen pranë zyreve të Ndërmarrjes dhe të mos publikojnë njëanshëm qëndrime nga individë politik.

Continue Reading

Trending