Connect with us

Aktuale

“Nuk ka prova të mjaftueshme”, hidhet poshtë kallëzimi penal i arkitektit Geci ndaj drejtorit të Bulliqit

Published

on

Prokuroria Themelore në Prishtinë e ka hedhur poshtë kallëzimin penal të pronarit të kompanisë “Kasolla34”, Visar Geci, ndaj drejtorit të Planifikimit Urban dhe Mbrojtjes së Mjedisit në Podujevë, Leutrim Krasniqi, se i njëjti ka kryer veprën penale “keqpërdorim i pozitës apo autoritetit zyrtar”.

Sipas Prokurorisë, nuk ka prova të mjaftueshme se Krasniqi ka kryer veprën penale “keqpërdorim i pozitës apo autoritetit zyrtar”, teksa është bërë e ditur se në lidhje me rastin është marrë në pyetje Visar Geci, pronar i kompanisë “Kasolla34” që planifikonte ndërtimin e 30 kasolleve montuese në Batllavë të Podujevës, drejtori Leutrim Krasniqi dhe zyrtari i lartë për Vlerësim të Ndikimit në Mjedis dhe Vlerësim Strategjik në Ministrinë e Mjedisit dhe Planifikimit Hapësinor e Infrastrukturës, Naim Alidema.

Në raportin e Prokurorisë, thuhet se Geci në polici ka deklaruar se me veprimet e tij, drejtori i Planifikimit Urban dhe Mbrojtjes së Mjedisit në komunën e Podujevës, Krasniqi, i ka shkaktuar dëm për rreth 1.2 milion euro, që sipas tij, do të ishte fitimi i realizuar pas shitjes së 30 kasolleve në Batllavë të Podujevës.

Kurse Krasniqi, në dëshminë e tij në polici ka bërë të ditur se në lidhje me situatën e ka njoftuar edhe kryeministrin e vendit, Albin Kurti, e ministrin e Ambientit, Liburn Aliu.

“Pas shqyrtimit të kërkesës, Drejtoria e Urbanizimit ka lëshuar njoftim se parcela është tokë pyjore dhe se gjendet në zonën e dytë që nuk lejohet ndërtimi sipas vendimit nga Qeveria e Kosovës”.

“Pas këtyre procedurave më datë 06.06.2022 përmes emailit zyrtar kam ofruar informatë dhe kërkesë për anulim të pëlqimit mjedisor tek Qeveria e Kosovës përfshirë kryeministrin dhe ministrin Liburn Aliu ku për këtë nuk kam pranuar ndonjë shkresë si përgjigje”, citohet të ketë thënë Krasniqi.

Ndërkaq, sipas Zyrtarit të Lartë për Vlerësim të Ndikimit në Mjedis dhe Vlerësim Strategjik Mjedisor në MMPHI, Naim Alidema, në mos-dhënie të pëlqimit mjedisor nuk ka ndikuar njoftimi nga Drejtoria e Planifikimit Urban dhe Mbrojtje të Mjedisit nga komuna e Podujevës, por se i njëjti thotë të ketë shërbyer “për nxjerrje të një vendimi të drejtë për këtë rast”./Media Ndërtimi

 

Aktuale

KAWA Group, tashmë pjesë e industrisë së ndërtimit në Mbretërinë e Bashkuar

Published

on

Kompania e njohur e ndërtimit KAWA Group, sapo ka inauguruar hapësirën në qendër të Londrës.

Përmes një ceremonie festive është hapur hapësira më e re e KAWA Group, e cila edhe zyrtarisht do të operoj në Mbretërinë e Bashkuar,

KAWA Group do të bëj eksportin e shtëpive modulare, kabinave, kontejnerëve, përpunimin e kuzhinave, dyerve dritareve dhe gjithçka tjetër rreth produkteve të drurit e metalit.

https://www.facebook.com/profile.php?id=61554337212013

https://www.instagram.com/kawagroup.uk/

Këtë vit, KAWA Group do të shënoj vitin jubilar, 15 vjetorin e themelimit, ndërsa si kompani vazhdon të jetë liderë në tregun e ndërtimeve.

Përgjatë viteve, KAWA i ka shtuar gamës së gjerë të ndërtimeve, njësi tejet inovative të banimit dhe biznesit.

Pas zyrës së hapur në Londër, KAWA Group shumë shpejt pritet që rrjetin e operimit ta zgjeroj edhe në qendrat kryesore të Evropës./Media Ndërtimi

Continue Reading

Aktuale

Përfaqësuesit e personave me nevoja të veçanta kërkojnë t’iu sigurohet transporti për punë

Published

on

Në Komisionin për Qeverisje Lokale, Administratë Publike, Zhvillim Rajonal dhe Media është mbajtur dëgjim publik për ndryshim plotësimin e Ligjit për zyrtarët publik. Kërkesa për votimin e këtij projektligji patën personat me aftësi të kufizuar, të cilët me anë të saj kërkojnë transport dhe mundësimi i punës online.

Përfaqësuesi i personave me aftësi të veçanta, Gentrit Zeqiri, është shprehur se mungesa e kushteve për transport po ua vështirëson krijimin e kushteve për punë të këtyre zyrtarëve.

“Propozimi i parë ka qenë sigurimi i transportit të zyrtarëve me nevoja të veçanta nga shtëpia në punë dhe anasjelltas dhe propozimi i dytë, është të ju lejohet zyrtarëve me aftësi të veçanta të punojnë edhe nga shtëpia së paku 3 ditë në javë. Sa i përket propozimit të parë është t’iu sigurohet transporti për shkak të mungesës së qasjes ku kemi shume raste, ankesa të këtyre zyrtarëve përkundër faktit që pranohen në shumë punë…për shkak të transportit ata detyrohen t’i lënë këto punë për shkak të vështirësive që kanë”, tha Zeqiri.

Për Zeqirin është e rëndësishme edhe mundësimi i punës online për këta zyrtarë, sipas tij kërkesa e këtij grupi është të mundësohet puna nga shtëpia së paku për tri ditë./Media Ndërtimi

Continue Reading

Aktuale

Mbi 70 biznese promovohen në panairin “Pan Expo Group-Kosova 2024”

Published

on

Është hapur Panairi i Përgjithshëm Ndërkombëtar “Pan Expo Group-Kosova 2024”, në Prishtina Mall, për herë të parë në Kosovë, ku po marrin pjesë mbi 70 biznese nga vendi, rajoni dhe më gjerë.

Qëllimi i këtij panairi është që kompanitë pjesëmarrëse të ndajnë eksperiencën e tyre me njëra- tjetrën, të mund të shpalosin ofertat e tyre, si dhe të tërheqin klientë dhe bashkëpunëtorë rinj.

Përveç kësaj, qëllim tjetër i këtij organizimi është promovimi i ndërmarrësisë, inovacionit si dhe edukimit të gjeneratave të reja për iniciativën e lirë në biznes.

Organizimi i këtij panairi u vlerësua shumë i rëndësishëm edhe nga vetë bizneset pjesëmarrëse, për çka edhe u shprehën të kënaqur me mundësinë e dhënë për të promovuar produktet dhe shërbimet e tyre.

Drejtoresha e “Pan Expo Group”, Elisa Stefa tha se pavarësisht sfidave të kaluara për organizmin e një panairi të tillë, është e kënaqur me pjesëmarrjen, kualitetin dhe cilësinë e bizneseve. Ajo tregoi se në këtë panair po marrin pjesë biznese nga Kosova, Shqipëria, Maqedonia e Veriut, Mali i Zi dhe vende të tjera jashtë rajonit.

Panairi “Pan Expo Group-Kosova 2024” do të jetë i hapur deri më datën 19 maj. Përgjatë ditëve të panairit do të ketë showroom-e, prezantime live, seminare, aktivitete dhe konferenca./Media Ndërtimi

Continue Reading

Trending