Connect with us

Trashëgimia Kulturore

Gjurmë arkeologjike në Prizren, mendohet të jetë vilë romake

Published

on

Në mes të qendrës historike të Prizrenit, pas tetë vitesh lokaliteti arkeologjik po bëhet gati për konservim, zbulim ky që nga arkeologët mendohet të jetë pagëzimore e kishës paleokristiane ose vilë romake e shekullit të katërt – IV.

Derisa në këtë destinacion ishte planifikuar të ndërtohej një fontanë, në mënyrë rastësore u hasën gjurmë arkeologjike për të cilat u ndalën punimet dhe filluan matjet e zonës së tanishme të zbuluar.Vesel Hoxhaj një ndër arkeologët që po hulumton këtë terren tregon se kanë dy mendime për lokalitetin, njëri variant është mundësia për të qenë një pagëzimore dhe varianti tjetër vilë romake.

“Ky lokalitet mendohet që gjatë periudhës romake, supozohet në dy variante por në bashkëpunim me arkeologët e fushës me njerëz adekuat të periudhës përkatëse do ta vendosim se a ka qenë një baptisteri apo një pagëzimore e një kishe paleokristiane apo një vilë romake, pra dilemat janë mes këtyre dy varianteve”- tha ai.

Sipas ekipit të arkeologëve të lokalitetit më shumë mund të jetë pagëzimore se sa varianti i dytë.“Idea më shumë që për shembull unë dhe disa kolegë të mi mendojmë është një baptisteri apo një pagëzimore e shekullit IV”- bën të ditur Hoxhaj.

Po ashtu ai tregoi se si në gjithë qytetet e tjera edhe ky zbulimi është vazhdimësi e gjurmëve ilire por që gjurmët i takojnë periudhës romake, shkruan Kallxo.com.

Samir Hoxha që drejton Qendrën Rajonale për Trashëgimi Kulturore në Prizren, thotë se pas gërmimit kanë filluar me procesin e pastrimit deri tek prezantimi i planit të gjetjeve arkeologjike.

“Lokaliteti i cili gjendet në sheshin e Lidhjes Shqiptare të Prizrenit është një gjetje rastësore e cila është gjetur gjatë zbatimit të projektit nga ana e komunës së Prizrenit për rregullimin të lidhjes Shqiptare të Prizrenit, dhe gjatë zbatimit të punimeve janë hasur gjurmë arkeologjike, të cilat sipas raporteve të para të Institutit Arkeologjik dhe arkeologëve të cilët kanë qenë të involvuar në këtë proces datojnë që nga antikiteti i hershëm dhe periudha romake, janë disa variante të cilat arkeologët i kanë shpërfaqur”- thotë ai./Media Ndërtimi.

Trashëgimia Kulturore

Rikonceptohet ekspozita ‘Cikli i jetës’ në Muzeun Etnologjik

Published

on

Restaurimi i objektit-shtëpisë kryesore të Muzeut Etnologjik që funksionon në Kompleksin “Emin Gjiku” në Prishtinë, ka përfunduar në qershor të viti të kaluar. Por, brenda kësaj shtëpi nuk janë rikthyer artefaktet etnologjike të cilat ishin pjesë e ekspozitës “Cikli i jetës”.

Ekspozita “Cikli i jetës” ishte hapur si ekspozite e përhershme pas themelimit të këtij muzeu. Ajo është larguar nga aty për t’i hapur rrugë restaurimit të objekti që nisi në 2017.

Ministria e Kulturës, Rinisë dhe Sportit nuk ka treguar kohë se kur do të rihapet kjo ekspozitë. Puna për restaurimin dhe konservimin e artefakteve, vendosja e vitrinave dhe inventari të nevojshme, janë tregues se rikthimi i ekspozitës “Cikli i jetës” do të marrë goxha kohë.

Muzeu Etnologjik numëron deri në 1500 artefakte, ku pjesa dërmuese ishin ekspozuar në kuadër të ekspozitës “Cikli i jetës”,  të cilat i janë nënshtruar restaurimit, para se të riekspozohen.

Etnologu Bekim Xhemili, kustos në Muzeun Etnologjik tha për Kallxo.com se restaurimi i artefakteve është i domosdoshëm dhe do të marrë kohë.

“Rihapja e ekspozitës ‘Cikli i jetës’ është planifikuar që tek pas përfundimit të trajtimit të përgjithshëm të eksponateve, proces që do të merr kohë, do të bëhet planifikimi i kthimit të ekspozitës bazë, me konceptin e njëjtë – Cikli i jetës, por me rifreskime të eksponateve në kuadër të prezantimit, interpretimit, edukimit dhe promovimit multimedial”- tha ai.

Xhemili thotë se pas restaurimit, hapësira e objektit duhet të kompletohen me inventarin e nevojshëm më vendosjen e artefakteve./Media Ndërtimi.

Continue Reading

Trashëgimia Kulturore

Ringjallja ekonomike e Janjevës përmes trashëgimisë kultuore  

Published

on

Projekti “Trashëgimia kulturore si shtytës për ringjalljen ekonomike të Janjevës” po punon për të promovuar zhvillimin ekonomik përmes ruajtjes, mbrojtjes dhe promovimit të trashëgimisë kulturore.

Projekti ka një fokus të veçantë në ofrimin e mundësive për gratë dhe të rinjtë, siç është trajnimi në artet dhe zanatet tradicionale, turizmin dhe permakulturën, të cilat ne do t’i mbështesim dhe ofrojmë së bashku me katër OJQ-të vendore të zgjedhura të Kosovës: Hrvatska udruga sv. Nikole Janjevo, The Ideas Partnership, EC Ma Ndryshe dhe Fondacioni Jeshil.

Aktivitetet synojnë të bashkojnë pjesëmarrës nga komunitete të ndryshme, të ndihmojnë në krijimin e mundësive të punësimit dhe stabilitetit ekonomik për gratë dhe të rinjtë, duke nxitur gjithashtu një vlerësim për kulturat dhe trashëgiminë e ndryshme.

Projekti financohet nga Bashkimi Evropian në Kosovë dhe Ministria e Kulturës, Rinisë dhe Sportit./Media Ndërtimi.

Continue Reading

Trashëgimia Kulturore

Diskutohet për planin e menaxhimit të integruar për qendrën historike të Prishtinës

Published

on

Një tjetër moment historik drejt hapjes së rrugës për planin e ardhshëm të menaxhimit të integruar për qendrën historike të Prishtinës!

Anëtarët e grupeve punuese që përfaqësojnë Ministrinë e Kulturës, Rinisë dhe Sportit, komunën e Prishtinës, Kuvendin e Kosovës, Ministrinë e Mjedisit dhe Planifikimit Hapësinor dhe OJQ-të janë mbledhur sot për të diskutuar gjendjen aktuale të qendrës historike të Prishtinës nga një strukturë urbane, perspektiva ligjore dhe kufitare.

Aty po diskutohet gjithashtu gjetjet e para emocionuese të studimit tonë të fizibilitetit ndaj Menaxhimit të Integruar të Qendrës Historike të Prishtinës si një peizazh kulturor, i cili synon të integrojë trashëgiminë kulturore në një zhvillim të qëndrueshëm, të gjelbër dhe gjithëpërfshirës për të ardhmen e qytetit.

I financuar nga Ministria e Kulturës, Rinisë dhe Sportit dhe i implementuar nga UN-Habitat Kosova, ky projekt për formësimin e së ardhmes së Qendrës Historike të Prishtinës është mundësuar nga Programi Zhvillimor Gjithëpërfshirës i financuar nga Qeveria e Suedisë./Media Ndërtimi.

Continue Reading

Trending