Aktuale

Përurohet objekti i Stacionit Policor për mbikëqyrjen e kufirit në Radavc

Published

4 years ago

August 13, 2020

Ndertimi Media

Me një ceremoni solemne sot është përuruar objekti i Stacionit Policor për Mbikëqyrje të Kufirit në Radavc.

Kjo ceremoni nisi me një minutë heshtjeje në nderim të pesë policëve të vdekur si pasojë e infektimit me COVID-19.

Drejtori i përgjithshëm i Policisë së Kosovës, Rashit Qalaj tha se në këtë kohë pandemie, Policia e Kosovës po ndihmon institucionet e Kosovës në luftimin e koronavirusit.

Ai tha se ndërtimi i objektit të stacionit policor në Radavc krijon kushte më të mira për policët kufitarë, të cilët kujdesën për kufijtë e Kosovës.

“Është shumë i rëndësishëm ndërtimi i këtij objekti meqenëse këtu fillimisht policët tanë kufitarë do të kenë kushte më të mira edhe të punës që janë shumë të rëndësishme dhe kur polici i ka kushtet e mira sigurisht, ai do të jep shumë më shumë nga vetja që të kemi shërbime sa më të mira. Është objekt i rëndësishëm për shkak se policët tanë ofrojnë siguri për kufirin dhe kjo siguri domethënë shumë për qytetarët. Ky vend është i rëndësishëm, sepse Kosova kufizohet me dy shtete dhe ne duhet të japim kontributin që të gjitha aspektet e sigurisë qytetarët ta ndiejnë veten të sigurt”, tha Qalaj.

Komandanti i Stacionit Policor për Mbikëqyrjen Kufitare në Radavc, Azmir Zehiqi tha se kjo pikë kufitare e themeluar në vitin 2012 ka në përgjegjësi të mbikëqyrjes 101 kilometra, 79 me Republikën e Malit të zi dhe 22 kilometra me Serbinë.

Ai tha se përgjatë viteve kanë treguar performancë të shkëlqyer, por sfidë për ta ishte mungesa e një hapësirë adekuate për aktivitetet policore, prandaj ai si komandat i këtij stacioni policor mbikëqyrës u shpreh i lumtur që do ta kenë tani e tutje një objekt modern që i plotëson të gjitha kushtet.

“Në vitin 2012 me ndryshimin e strukturës organizative janë formuar edhe katër stacione policore për mbikëqyrje të kufirit ku njëra nga to është edhe ai i Vitomiricës. Zona e përgjegjësisë së këtij stacioni është gjithsej 101 kilometra, 79 me Republikën e Malit të Zi dhe 22 kilometra me Serbinë. Gjatë këtyre viteve stacioni për mbikëqyrje në Vitomiricë, ka treguar suksese dhe performancë të lartë. Krahas rezultateve ne kishin edhe sfida. Ndër sfidat ishte se ne nuk posedonim objekte adekuate të hapësirës për të zhvilluar aktivitetet policore dhe fatmirësisht jemi mbledhur këtu për të bërë përurimin e objektit të ri”, tha ai.

Ndërsa, kolonel Nexhmi Krasniqi tha se ndërtimi i këtij stacioni policor në Radavc pjesëtarëve të Policisë së Kosovës ua ka lehtësuar punën. Sipas tij përmes kësaj pike kufitare është arritur të luftohen dukuri negative kryesisht me kontrabandë.

“Në të vërtetë që nga 2012, me formimin e stacionit policor të Vitomiricës për mbikëqyrje të kufirit kanë qenë kushtet e dobëta për të kryer punën, por ja që tani erdhi dita që ky stacion këtu në Radavc të bëhet një stacion që të kryhen punët policore më lehtë dhe të tregohen rezultatet e mëdha”, tha ai.

Në ceremoninë e përurimit të objektit të këtij stacioni policor ishte i pranishëm edhe kryetari i Pejës, Gazmend Muhaxhiri, përfaqësues të pikave kufitare të Malit të Zi dhe Shqipërisë, dhe drejtorë të drejtorive rajonale të Kosovës. Ndërtimi i stacionit policor mbikëqyrës në Radavc është mundësuar nga Ministria e Punëve të Brendshme dhe Policia e Kosovës./KSP

Aktuale

KAWA Group, tashmë pjesë e industrisë së ndërtimit në Mbretërinë e Bashkuar

Published

8 hours ago

May 18, 2024

Ndertimi Media

Kompania e njohur e ndërtimit KAWA Group, sapo ka inauguruar hapësirën në qendër të Londrës.

Përmes një ceremonie festive është hapur hapësira më e re e KAWA Group, e cila edhe zyrtarisht do të operoj në Mbretërinë e Bashkuar,

KAWA Group do të bëj eksportin e shtëpive modulare, kabinave, kontejnerëve, përpunimin e kuzhinave, dyerve dritareve dhe gjithçka tjetër rreth produkteve të drurit e metalit.

https://www.facebook.com/profile.php?id=61554337212013

https://www.instagram.com/kawagroup.uk/

Këtë vit, KAWA Group do të shënoj vitin jubilar, 15 vjetorin e themelimit, ndërsa si kompani vazhdon të jetë liderë në tregun e ndërtimeve.

Përgjatë viteve, KAWA i ka shtuar gamës së gjerë të ndërtimeve, njësi tejet inovative të banimit dhe biznesit.

Pas zyrës së hapur në Londër, KAWA Group shumë shpejt pritet që rrjetin e operimit ta zgjeroj edhe në qendrat kryesore të Evropës./Media Ndërtimi

Aktuale

Përfaqësuesit e personave me nevoja të veçanta kërkojnë t’iu sigurohet transporti për punë

Published

1 day ago

May 17, 2024

Ndertimi Media

Në Komisionin për Qeverisje Lokale, Administratë Publike, Zhvillim Rajonal dhe Media është mbajtur dëgjim publik për ndryshim plotësimin e Ligjit për zyrtarët publik. Kërkesa për votimin e këtij projektligji patën personat me aftësi të kufizuar, të cilët me anë të saj kërkojnë transport dhe mundësimi i punës online.

Përfaqësuesi i personave me aftësi të veçanta, Gentrit Zeqiri, është shprehur se mungesa e kushteve për transport po ua vështirëson krijimin e kushteve për punë të këtyre zyrtarëve.

“Propozimi i parë ka qenë sigurimi i transportit të zyrtarëve me nevoja të veçanta nga shtëpia në punë dhe anasjelltas dhe propozimi i dytë, është të ju lejohet zyrtarëve me aftësi të veçanta të punojnë edhe nga shtëpia së paku 3 ditë në javë. Sa i përket propozimit të parë është t’iu sigurohet transporti për shkak të mungesës së qasjes ku kemi shume raste, ankesa të këtyre zyrtarëve përkundër faktit që pranohen në shumë punë…për shkak të transportit ata detyrohen t’i lënë këto punë për shkak të vështirësive që kanë”, tha Zeqiri.

Për Zeqirin është e rëndësishme edhe mundësimi i punës online për këta zyrtarë, sipas tij kërkesa e këtij grupi është të mundësohet puna nga shtëpia së paku për tri ditë./Media Ndërtimi

Aktuale

Mbi 70 biznese promovohen në panairin “Pan Expo Group-Kosova 2024”

Published

2 days ago

May 17, 2024

Ndertimi Media

Është hapur Panairi i Përgjithshëm Ndërkombëtar “Pan Expo Group-Kosova 2024”, në Prishtina Mall, për herë të parë në Kosovë, ku po marrin pjesë mbi 70 biznese nga vendi, rajoni dhe më gjerë.

Qëllimi i këtij panairi është që kompanitë pjesëmarrëse të ndajnë eksperiencën e tyre me njëra- tjetrën, të mund të shpalosin ofertat e tyre, si dhe të tërheqin klientë dhe bashkëpunëtorë rinj.

Përveç kësaj, qëllim tjetër i këtij organizimi është promovimi i ndërmarrësisë, inovacionit si dhe edukimit të gjeneratave të reja për iniciativën e lirë në biznes.

Organizimi i këtij panairi u vlerësua shumë i rëndësishëm edhe nga vetë bizneset pjesëmarrëse, për çka edhe u shprehën të kënaqur me mundësinë e dhënë për të promovuar produktet dhe shërbimet e tyre.

Drejtoresha e “Pan Expo Group”, Elisa Stefa tha se pavarësisht sfidave të kaluara për organizmin e një panairi të tillë, është e kënaqur me pjesëmarrjen, kualitetin dhe cilësinë e bizneseve. Ajo tregoi se në këtë panair po marrin pjesë biznese nga Kosova, Shqipëria, Maqedonia e Veriut, Mali i Zi dhe vende të tjera jashtë rajonit.

Panairi “Pan Expo Group-Kosova 2024” do të jetë i hapur deri më datën 19 maj. Përgjatë ditëve të panairit do të ketë showroom-e, prezantime live, seminare, aktivitete dhe konferenca./Media Ndërtimi