Connect with us

Infrastrukturë

‘Zyrat postare të PTK-së uzurpohen nga posta serbe’

Published

on

Ish-kryeshefi i Postës së Kosovës, Xhevdet Smakiqi tha se arsyeja pse këtë vit raporti i auditorit ka dalur i kualifikuar është sepse menaxhmenti aktual nuk i ka regjistruar zyrat postare të uzurpuara nga posta serbe në pasqyrat financiare.

”Baza për opinion të kundërt vjet ka qenë, do ta merrnim të kualifikuar sikur unë si kryeshef do të hiqesha dorë dhe mos t’i regjistroja zyrat postare të uzurpuara nga posta serbe nga pasqyrat financiare. E pata kundërshtuar dhe e kam shkruar një email te ZKA që unë nuk kam as fletë poseduese, as dokumente kadastrale dhe sikur mos ti kemi ato pasqyrat financiare që ata i quanin mbivlerësim i pasurisë, ne do të heqshim dorë në këto zyra”, tha Smakiqi.

Ai kërkoi të di nga U.D. kryeshefe e Postës së Kosovës, Fakete Kadiu nëse këtë vit këto zyra postare janë regjistruar në pasqyrat financiare.

”Menaxhmenti aktual duhet të shpjegojë a ka heqë dorë në këto sepse unë nuk kisha heq dorë. Nëse kanë heq dorë është një dëm që i është bërë Kosovës që të nxirret një opinion i kualifikuar që nuk ka ndonjë vlerë”, tha Smakiqi.

Për këtë pati përgjigje, kryesuesi i Bordit të Postës, Fadil Bejta që tha se nuk kanë hekur asnjë pronë të Postës nga pasqyrat financiare.

”Ne nuk e kemi hekur asnjë pronë të Postës së Kosovës të asnjë pjesë të zyrës postare kudo brenda territorit të Kosovës, ekzistojnë ato në pasqyrat financiare në bilancin e gjendjes, por kemi bë shpalosjen e sqarimeve vijuese që prona të caktuara nuk i kemi në bazë në fletë poseduese, atë që nuk e keni bë ju e kemi bë ne, që kemi bërë shpalosje të mirëfillta dhe në komunikim që kemi pas me ZKA i kemi bë shpalosjet e duhura”, tha Bejta.

Por, Smakiqi tha se ka informacione që Posta i ka hequr nga pasqyrat financiare këto zyra.

”Unë kam informacione të sigurta që Posta e Kosovës  ka hequr zyrtar postare që i ka Serbia nga pasqyrat financiare dhe kjo është e sigurt”,  tha ai.

Kryesuesi i Bordit të Postës ritheksoi se s’është e vërtetë që janë larguar. ”Në bazë të kujt po e mbështet këtë deklaratë?  I ke pasqyrat financiare të publikuara.

S’është e vërtete që janë larguar, e përsërisë asnjë cent i vetëm nuk u hekë, bile duhet me cek që ju vitin e kaluar pasuritë e postës i keni vlerësuar fikse zero. Përkundrazi është bërë një vlerësim i duhur”, tha ai më tej.

Për këtë pati reagim edhe nga ana e Besnik Krasniqit, ish- udhëheqës i monitorimit të ndërmarrjeve publike.

“Me aq sa e pash raportin e auditorit ajo që ka ndryshu është vetëm vlerësimi i asteve të paluajtshme, që është përmbush pjesërisht që ka fillu në vitin 2020 dhe pajtona me Smakiqin që pronat që nuk janë në kontroll dhe nuk kanë lista poseduese në kuadër të ndërmarrjes nuk regjistrohen si asete të ndërmarrjes dhe me një sqarim nuk besoj që ZKA e merr si bazë ligjore për me bo një vlerësim të tillë siç e tha kryesuesi sepse s’ka bazë”, tha Krasniqi./Media Ndërtimi.

Infrastrukturë

Një kompania me ofertën mbi 26 mijë euro, rekomandohet ta ndërtojë rrugën “Nekibe Kelmendi” në Prishtinë!

Published

on

Komuna e Prishtinës e ka rekomanduar për kontratë një kompani me ofertë mbi 26 mijë euro më shumë se sa vlera të cilën e kishte parashikuar për ndërtimin e rrugës “Nekibe Kelmendi” në kryeqytet.

Vlera e parashikuar e kontratës ka qenë 500 mijë euro.

Ndërsa, për tender është rekomanduar kompania  “Gërlica” Sh.p.k, me ofertën prej 526 mijë e 736 e 83 euro.

Të gjithë operatorët ekonomikë kanë ofertuar me çmime mbi vlerën e parashikuar prej 500 mijë eurove.

Më e lira ka qenë kompania e rekomanduar, “Gërlica”, raporton Kallxo.com.

Njoftimi për kontratë është publikuar më 3 mars 2022.

Ndërsa, njoftimi për dhënien e kontratës është publikuar pesë muaj më vonë, saktësisht më 4 gusht 2022.

Lloji i procedurës së përdoruar në këtë tender është ajo e kufizuar.

Rruga “Nekibe Kelmendi” fillon në rrugën Prishtinë – Gjilan (M25.2) dhe vazhdon në drejtim të Pallatit të Drejtësisë.

Gjatësia e saj është 2,098.57 metra ndërsa gjerësia është rreth 5 deri në 5.5 metra.

Në raportin teknik thuhet se rruga ekzistuese është rrugë mjaft e dëmtuar.

Sipas Komunës së Prishtinës, ka dëmtime në shtresën qarkulluese si dhe në bazën e saj.

Aty përshkruhet se asfalti është mjaft i dëmtuar.

Më tej thuhet se bankinat nga dheu, largimi i ujerave atmosferike bëhet në sipërfaqe dhe nuk ka kanalizim atmosferik./Media Ndërtimi.

Continue Reading

Infrastrukturë

Furnizimi me ujë 24 orë në bregdetin shqiptar do të arrihet vitin 2025

Published

on

Gjithçka përcaktohet në programit buxhetor afatmesëm 2023 – 2025, duke zgjatur edhe me 2 vjet objektivin e përcaktuar në programin 2022 – 2024, ku synohej që furnizimi me ujë pa ndërprerje në bregdet të arrihej në vitin 2023.

Ndërkaq, programi i ri specifikon se mesatarja e orëve të furnizimit me ujë të pijshëm në rang kombëtar parashikohet të rritet në 14 orë në ditë në 2024, nga 12.5 orë në ditë që është aktualisht.

Sipas dokumentit të publikuar në Fletoren Zyrtare, mbulimi me shërbim furnizimi me ujë të pijshëm në zonat urbane parashikohet të rritet me 1%, duke arritur në  95% në vitin 2025, ndërsa për zonat rurale parashikohet të arrijë në 62% në vitin 2025 nga 59% që është aktualisht, raporton SCAN tv.

Në fakt, zgjerimi i aksesit dhe cilësisë së shërbimit të ujit të pijshëm dhe kanalizimeve përmes një portofoli të investimeve publike dhe përmirësimit rrënjësortë menaxhimit të shoqërive aksionere të ujësjellës kanalizimeve është renditur si një prej prioriteteve kryesore të Ministrisë së Infrastrukturës dhe Energjisë.

Ndërkohë që, shpenzimet buxhetore për furnizimit me ujë dhe kanalizime parashikohet të rriten përgjatë periudhës afatmesme.

Për vitin 2022, buxheti i akorduar për këtë program është 14.2 mld lekë, ndërkohë që sipas programit buxhetor afatmesëm për vitin 2023 parashikohet një rritje në 15 mld lekë.

Për vitin 2024 shpenzimet buxhetore për furnizimin me ujë dhe kanalizime parashikohet të jenë 17.2 mld lekë, ndërkohë që 2025-ën parashikohet një rritje në 20 mld lekë./Media Ndërtimi.

Continue Reading

Infrastrukturë

Kompanitë kosovare lejohen të konkurrojnë për tenderin e autostradës Shkup-Prishtinë

Published

on

Qeveria e Maqedonisë së Veriut ka hapur ofertën për tender ndërkombëtar për autostradën e shumëpërfolur Shkup-Prishtinë.

Data e parashikuar e fillimit të prokurimit është data 17.10.2022 dhe aty mund të marrin pjesë edhe kompanitë nga Kosova, të cilat tashmë janë prezentë në projektet infrastrukturorë në Maqedoninë e Veriut.

“Prokurimi në kuadër të këtij projekti do të kryhet duke përdorur Portalin E-Prokurimit të Klientit të BERZH-it (ECEPP). Nëse keni ndërmend të merrni pjesë në ndonjë prokurim sipas këtij projekti, ju lutemi sigurohuni që të jeni regjistruar në ECEPP.

Subjektet e dokumentuara do të njoftohen drejtpërdrejt kur të publikohen mundësitë e prokurimit”, thuhet në njoftimin paraprak të këtij tenderi.

Vlera totale e parashikuar e projektit është 186,700,000.00 euro per rreth 12 km.

Nënseksioni i mbetur prej 2 km nga Kryqi i Bllacës deri te vendkalimi Kufitar Bllacë me Republikën e Kosovës financohet nga buxheti i qeverisë maqedonase dhe aktualisht është në ndërtim e sipër.

Sipas dosjes së tenderit, projekti do të bashkëfinancohet nga një grant investimi prej 20.8 milionë euro të siguruar nga Bashkimi Evropian përmes Kornizës së Investimeve të Ballkanit Perëndimor.

Continue Reading

Trending