Connect with us

Aktuale

Zogiani: Kosova s’e di gjendjen e ujërave, pezullim në projektet e hidrocentraleve

Published

on

Zëvendësministri i Infrastrukturës dhe Ambientit, Avni Zogiani në “Express Intervistën” sot në KTV ka thënë se Kosova së pari duhet të dijë se në çfarë gjendje janë aktualisht ujërat, derisa ka paralajmëruar pezullim të projekteve të hidrocentraleve.

Zogiani ka thënë se deri tani fokusi kryesor ishte në infrastrukturë, derisa tani do të jetë ambienti.

“Infrastruktura rrugore mendojmë se është zhvilluar shumë, por ambienti është dëmtuar shumë. Fatkeqësisht ndonjëherë ka parametra alarmant. Do të kalohet nga obsesionimi në infrastrukturë në mbrojtje të ambientit të pastër dhe disa ide tashmë janë hedhur”, ka thënë Zogiani.

Sipas tij pëlqimet ambientale dhe dhënien e lejeve kanë qenë vetëm formalitete, pasi ato janë bërë pa ekspertiza.

“Ajo çfarë ka ndodhë përpara kryesisht ka qenë një proces formal i marrjes së lejeve dhe pëlqimeve ambientale. Nuk ka pasur rregulla strikte. Shumë ekspertë alarmojnë se nuk janë bërë studime të mjaftueshme rreth hidrocentraleve. Situata është shumë komplekse dhe nuk është e lehtë. Shumë projekte janë proceduar pa shumë kritere, pa pasur studime të mirëfillta të natyrës. Edhe kur aprovohen, edhe po qenë dobët të projektuara dalin shumë shpesh edhe prej atij projekti të dobët, sepse nuk ka pasur monitorim”, ka thënë Zogiani.

Sipas tij fokusi tani do të jetë në monitorimin e projekteve aktuale, e mundësisht edhe në ndalimin e ndonjërës prej tyre e do të kemi shumë kujdes në ato të ardhmet.

“Kosova nuk e ka idenë për gjendjen e ujërave. Pa e pasur idenë se çfarë sasie uji ka në periudha të ndryshme ata caktojnë parametrat të shfrytëzimit të tij. Duhet të ketë një plan të menaxhimit, por para kësaj duhet të ketë njohje të tyre. Disa prej tyre iu kemi konfirmuar se punimet mund të pezullohen dhe kjo natyrisht nuk mund të nënkuptojë njëkohësisht edhe anulim të licencave. Ne duhet të kuptojmë gjendjen e ujërave në Kosovë dhe pastaj të procedojmë. Nuk ka pezullim, do të jetë një suspendim i përkohshëm i punës së tyre për të kuptuar se çfarë po ndodhë”, ka thënë ai.

Zogiani tutje është shprehur se shumica e problemeve rrjedhin nga vet Ministritë.

“Shumica e problemeve rrjedhin nga Ministritë, sidomos nga kjo e Ambientit, shumë pëlqime mjedisore janë bërë vetëm formalisht, që janë plotësuar. Para së gjithash secili projekt duhet ta ketë ndikimin e saj në mjedis. Këto shkelje potencialisht kanë pasur prapa një interes, e kjo duhet me u pa”, ka thënë ai.

Ai thotë se nuk kanë frikë se kompanitë mund ta çojnë Kosovën në arbitrazh.

“Nuk frikësohemi pasi s’po bëjmë asgjë joligjore, e ne nuk do të veprojmë me arbitraritet. Ky reagim shpreh frikën e tyre, pasi po u futëm për të hulumtuar situatën aty diçka nuk është në rregull. Ato kompani kanë kërcënuar shtetin. Nuk do të bëhet asnjë veprim për interesa të miat apo të ministrisë, por për shkak të shtetit”, ka thënë Zogiani.

Zogiani thotë se në emër të përfitimeve nuk mund të bëhen krime ambientale.

“Zhdukja e specieve të ndryshme nuk mund të rikuperohet. Në në emër të përfitimeve nuk mund të bëjmë krime ambientale, pra krime ndaj natyrës. Nuk do të mundem me e kalu një krim ekologjik”, ka thënë ai.

Sipas tij kompania Kelkos ka bërë disa shkelje.

“Kelkos ka bërë para së gjithash dyshojmë se ka bërë shkelje sepse ka bërë eksploatimin e zhavorrit dhe nuk e ka bërë digën, kjo praktikisht është mashtrim. Me sa e di tashmë ka pretendime për hetim nga prokuroria”, ka thënë Zogiani.

Ai thotë se resurset ujore po na pakësohen.

“Resurset ujore po na pakësohen. Janë lumenj që në periudha të dimrit kanë shtim, por këto nuk mjaftojnë. Shoqëria kosovare nuk e di se në çfarë gjendje e ka ujin, duhet të bëhen studime dhe plane për menaxhimin e ujërave. Duhet me pas dokumente relevante në këtë fushë”, ka thënë Zogiani.

Click to comment

You must be logged in to post a comment Login

Leave a Reply

Aktuale

Aktakuzë ndaj dy zyrtarëve të Komunës së Suharekës për projektin e Ndërtimit dhe renovimit të objekteve sportive e kulturore

Published

on

Prokuroria Themelore në Prizren, Departamenti i Krimeve të Rënda, sot më datë 20.06.2024, ka ngritur aktakuzë kundër të pandehurve B. B., dhe B. K., për shkak se sipas Prokurorisë në bashkëkryerje kanë kryer veprën penale “Keqpërdorimi i pozitës apo autoritetit zyrtar”.

Sipas aktakuzës, të pandehurit B. B., dhe B. K., kanë cilësinë e personave zyrtarë.

Sipas Prokurorisë i pandehuri B. B. në cilësinë e menaxherit të kontratës, për projektin: “Ndërtimi dhe renovimi i objekteve sportive dhe kulturore”, ndërsa i pandehuri B. K. në cilësinë e Mbikëqyrësit të projektit të njëjtë.

Gjithnjë sipas aktakuzës prej datës 22.05.2018  e deri më datë 22.10.2018, në Suharekë, të akuzuarit i kanë tejkaluar detyrat e tyre zyrtare lidhur me këtë projekt.

“Gjatë kësaj kohe në kundërshtim me Rregullat dhe udhëzuesit operativ të Prokurimit Publik, pa miratimin e kryetarit të Komunës së Suharekës, i pandehuri B. K., ndryshon, ndërsa i pandehuri B. B., i aprovon paramasat dhe parallogaritë gjatë ekzekutimit të punimeve”.

Tutje, në aktakuzë thuhet se të akuzuarit – poligonet sportive në fshatin Peqan, Sllapuzhan dhe Buzhalë, në vend të rrethojave të poligoneve sportive me profil metalik të plastifikuar ndryshojnë paramasat në rrethoja – profile metalike të zinkuara, në poligonin sportiv në fshatin Buzhalë, ndryshojnë paramasën dhe parallogarinë, ashtu që në vend të shtrimit të fushës sportive me beton, bëjnë shtrimin e fushës sportive me barë natyror.

“Me këto veprime Komunës së Suharekës i shkaktojnë dëm të material në shumë prej 6 mijë e 839 euro, ndërsa operatorit ekonomik me seli në Prishtinë, i mundësojnë përfitim të dobisë materiale në shumë prej 6 mijë e 839 euro|.

Lidhur me çështjen, prokurori i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprën penale për të cilën akuzohen të shpallen fajtorë dhe të dënohen sipas ligjit./Media Ndërtimi

Continue Reading

Aktuale

Shpëlarja e parave e financimi i terrorizmit, rrezik nga Projektligji për kripto-asetet – BQK-ja do t’i mbikëqyr

Published

on

Komisioni për Ekonomi, Industri, Ndërmarrësi dhe Tregti të enjten ka mbajtur dëgjim publik për Projektligjin për kripto-asetet, me ç’rast u theksua nevoja për  miratimin e ligjit në Kuvend, raporton Ekonomia Online. Anëtarja e Komisionit për Ekonomia, Mimoza Kusari-Lila, tha se ky projektligj ka filluar nismën me dëgjimin e parë publik në muajin gusht të vitit 2021, ndërsa ka vazhduar në korrik 2022, teksa shtoi se këtë projektligj e ka mbështetur edhe Këshilli i Evropës.

“Janë bërë më shumë se dy vite kur nisma për kripto-asetet është filluar, deri më tani në këtë proces janë mbajtur dy dëgjime publike, i pari është mbajt në gusht 2021 për të diskutuar për idenë, i dyti është mbajt një vit më pas në korrik 2022-ës për një draft. KE-ja, përmes ekspertëve ka mbështetur grupet e punës, fokusi ka qenë të punohet kundër pastrimit të parave. Ky ligj ka për qëllim ruajtjen e kripto-aseteve”, tha Kusari-Lila.

Përfaqësuesi i BQK-së, Ervin Mala, tha se kanë filluar diskutimet për organizimin dhe ndarjen e resurseve dhe akteve ligjore.“Banka Qendrore do të ketë rolin për monitorimin e të gjithë operatorëve që do të merren në këto asete”, tha ai.

Deputeti nga AAK-ja, Pal Lekaj, tha se Qeveria duhet të ketë monitorimin e kësaj paraje në mënyrë që të mos keqpërdoret.

“Sa i përket kriptove, janë globale dhe ne duhet patjetër t’i standardizojmë ligjet në fjalë, ne duhet të kemi një licencim të tyre e kontroll, nuk besoj se ka dikush kompetencë tjetër përveç BQK-së. Qeveria duhet të ketë monitorim të parasë, të mos ketë shpëlarje të parave dhe të mos financohet terrorizmi. Duhet të regjistrohen individët qe kanë të bëjnë me asetet të mbrohen të dhënat dhe të ruhen transaksionet”, tha Lekaj.

Vyrtyt Ibrahimaga, avokat, tha se në draftin e parë janë përfshirë kushte që iu mungon rregullimi me akte nënligjore./Media Ndërtimi

Continue Reading

Aktuale

Më shumë se 100 breshka “gjigante” u desh të largohen nga strofullat në vendin ku po ndërtohet një fabrikë e Hyundait në Savannah

Published

on

Ndërtimi i fabrikës së prodhimit të automjeteve elektrike të Hyundai Motor Company, me vlerë 7.6 milionë dollarë, pranë Savannah, është bërë një lajm kombëtar.

Dhe lajmi nuk ka të bëjë me prodhimin e ndonjë veture apo diçka të tillë, por diçka krejt tjetër.

Kjo pasi që breshkat që jetonin në zonë ishin hequr nga vendi në koordinim me Shërbimin e Peshkut dhe Kafshëve të Egra të SHBA-së dhe Divizionin e Burimeve të Jetës së Egër të Georgias.

Në total, 106 breshka u mblodhën dhe u transportuan rreth 30 milje në bazën e ushtrisë Fort Stewart, tha Rick Lavender, një zëdhënës i WRD, një agjenci brenda Departamentit të Burimeve Natyrore.

Breshkat Gopher, të cilat mund të arrijnë deri në 40 centimetra në gjatësi dhe zakonisht jetojnë 40 deri në 60 vjet, klasifikohen si të kërcënuara në pjesë të Alabama, Luiziana dhe Mississippi, por jo në seksionin lindor të gamës së tyre, që përfshin Georgia, Florida, Karolina e Jugut dhe një pjesë e Alabamës./Media Ndërtimi

Continue Reading

Trending