Connect with us

Aktuale

Vetëvendosje në Ferizaj: Së pari rrugë në fshatra, pastaj kyqje në autostradë

Published

on

Vetëvendosje e cila është opozitë në qytetin e Ferizajt ka publikuar një video dhe disa fotografi të një rruge në fshatin Komogllavë, në të cilat shihen pusetat e hapura dhe “rrugë me standarde evropiane në fshatin Komogllavë!”.

“Le të kemi rrugë së pari në fshatra”, thuhet në postimin që e ka bërë Vetëvendosje në Facebook, raporton Ndërtimi.info.

Partia e cila udhëheqë me qeverinë e Kosovës por në Ferizaj është opozitë ka kërkuar nga kryetari i kësaj Komune, Agim Aliu, që para kyqjes në autostradë të kenë kyqje në fshatrat e komunës.

“Z. Agim Aliu para kyqjes në autostradë me çdo kusht, qytetarët e Ferizajit e kanë të nevojshme kyqjen në fshatrat e komunës e në zonat ku banojnë!”, thuhet ndër të tjera në atë postim.

Postimet e plota:

Postimi i parë:

Le të kemi rrugë së pari në fshatra!

Kjo është gjendja e njërës prej rrugëve në fshatin Komogllavë.
Puseta pa mbulojë, që më tepër i përngjajnë tereneve të peshkimit në liqenet e Alaskës se sa një rruge.
Apo janë të ideuara për të testuar reflekset e shoferëve, të moshuarve e fëmijëve që në të kundërtën mund edhe të testojnë standardin evropian të rrugëve me kockat e tyre!

Z. Agim Aliu para kyqjes në autostradë me çdo kusht, qytetarët e Ferizajit e kanë të nevojshme kyqjen në fshatrat e komunës e në zonat ku banojnë!

Apo duhet të presim vitin 2021, që ashtu si filluan këto rrugë në kohë zgjedhjesh të përfundojnë po ashtu në kohë të tillë.
Kjo periudha 4 vjeçare ndërmjet na qenka periudha latente e udhëheqjes komunale e kërkon zgjedhje për angazhim e shfaqje të rezultateve.

Asnjëherë nuk rreshtët së suprizuari qytetarët!

Postimi i dytë:

Rrugë me standarde evropiane në fshatin Komogllavë!

Aktuale

Reagon Përparim Rama për akuzat e ministrit Faton Peci

Published

on

Përmes këtij reagimi, institucionet e Kryeqytetit përgënjeshtrojnë pretendimet e Ministrit të Bujqësisë, Pylltarisë dhe Zhvillimit Rural për vonesat e shkaktuara nga organet e Kryeqytetit për t’u pajisur me kushtet ndërtimore për ndërtesën e Ministrisë.

Më tutje, sqarojmë se dokumentacioni i dorëzuar nga Ministria është i pakompletuar sepse i mungon dokumenti i matjeve gjeodezike, i cili është i domosdoshëm për lëshimin e kushteve ndërtimore.

Përndryshe jemi të habitur me aftësinë dhe kohën që gjen një ministër i Qeverisë së Republikës së Kosovës për t’u marrë me gjendjen shëndetësore të familjarëve dhe pushimet personale të stafit të Kryeqytetit./Media Ndërtimi

Faton Peci akuzon Përparim Ramën: Po e bllokon ndërtimin e objektit të Ministrisë së Bujqësisë!

Continue Reading

Aktuale

INDEP shënon Ditën e Tokës përmes aktivitetit Atelie 2024

Published

on

INDEP sot, më 22 Prill për të shënuar Ditën e Tokës ka organizuar aktivitetin Atelie 2024 me nxënësit e Shfmu “Mihal Grameno” Fushë Kosovë. Ky aktivitet është pjesë e projektit “Të rinjtë për një të ardhme të qëndrueshme”.

Nxënësit e shkollës prezentuan në panair veprat e tyre artistike të realizuara me materiale të ricikluara. Për pesë nga punimet më të dalluara janë ndarë çmime. Qëllimi i këtij aktiviteti është të ndërgjegjësoj të rinjtë e kësaj komune rreth ndotjes së ambientit si dhe të rrisë vetëdijen mbi ripërdorimin dhe riciklimin e materialeve.♻️

INDEP së bashku me Milieukontakt Albania do të punojnë në #BashkitëLushnje dhe #FushëKosovë për përmirësimin e mjedisit dhe zhvillimin e qëndrueshëm të tij.

Ky projekt mbështetet nga Programi Rajonal për Demokracinë Vendore në Ballkanin Perëndimor 2, financuar nga #BashkimiEvropian dhe zbatuar nga #UNDP./Media Ndërtimi

Continue Reading

Aktuale

Festivali të Arkitekturës dhe Dizajnit ‘Concéntrico’, shënon edicionin jubilar në Spanjë

Published

on

Nga 25 prilli deri më 1 maj 2024, në qytetin spanjoll Logroño, Concéntrico përgatitet për edicionin e tij të 10-vjetorit. I parashikuar si një soditje e ndryshimit të mjediseve urbane dhe një mundësi për të ndarë njohuri rreth këtyre proceseve, Festivali Ndërkombëtar i Arkitekturës dhe Dizajnit të këtij viti përfshin formate të reja për të angazhuar një audiencë më të gjerë dhe për të eksploruar kohën si një katalizator për ndryshimin në dizajnin urban dhe social.

Festivali zgjeron programin e tij, duke shfaqur 21 instalime nga dizajnerë të 20 kombësive të ndryshme, përveç disa nismave dhe eksplorimeve të tjera.

Instalacionet urbane përfaqësojnë ndoshta aspektin më të dukshëm dhe më tërheqës të festivalit, duke eksploruar temën përmes dizajnit dhe duke synuar të gjenerojë ndërveprime midis arkitektëve dhe publikut më të gjerë. Që nga viti 2015, festivali ka krijuar mbi 120 instalime urbane.

Këtë vit, arkitektët dhe projektuesit e ftuar propozojnë një shumëllojshmëri të gjerë qasjesh, nga rinatyrëzimi i hapësirave publike, tek riinterpretimi i metodave popullore, ripërdorimi i materialeve nga botimet e mëparshme, krijimi i eksplorimeve përmes lëvizjes ose sfidimi i konceptit të strehimit. Eksploroni listën e plotë të instalimeve urbane të ardhshme të përgatitura për këtë edicion.

Edicionet e mëparshme të festivalit mirëpritën ndërhyrje nga dizajnerë të njohur dhe të ardhshëm, duke përfshirë Studio Ossidiana, Tudor Vlāsceanu Architect, Rintala Eggertsson Architects ose Piovenefabi. Duke hapur biseda rreth komunitetit dhe identiteteve lokale, si dhe çështjeve të përfshirjes, ndryshimit të përkufizimeve të familjeve apo sfidave të ekologjisë, festivali përfaqëson një mundësi për eksplorim përmes dizajnit./Media Ndërtimi

Continue Reading

Trending