Connect with us

Aktuale

Valon Tolaj i përgjigjet Muratit, por s’flet specifikisht

Published

on

Drejtori menaxhues i Agjencisë Kosovare të Privatizimit, Valon Tolaj ka reaguar ndaj deklaratave të deputetit të Lëvizjes Vetëvendosje, Hekuran Muratit se AKP-ja ka bërë shitje të tokave me çmime shumë më të ulëta sesa vlera reale e tyre dhe ka bërë shitje të një rruge, raporton Ndërtimi.info.

Tolaj ka thënë se do të përgjigjet pozitivisht nëse merr ndonjë ftesë për raportim në komision paralamentar. Mirëpo, ai nuk ka treguar asgjë për parcelat e shitura, të cilat i ka përmendur deputeti Murati. Sipas Muratit, AKP-ja ka shitë një parcelë në lagjen ”Pejton” me 30 mijë euro për ari, derisa çmimi real ishte 300 mijë euro për ari. Ai gjithashtu ka thënë se AKP-ja ka shitur rrugë në lagjen e Prishtinës “Emshir” me 5000 euro arin pa i publikuar ato, por me negocim direkt.

Ndërkaq, deputetin Murati drejtori i AKP-së e ka quajtuar gënjeshtar.

Tutje, ai i ka thënë Muratit se me të do të komunikojë vetëm me mesele, nëse ky i fundit, sipas tij, vazhdon me spekulime.

Më poshtë gjeni reagimin e plotë të drejtorit menaxhues të AKP-së, Valon Tolaj:

Pergjigje fjalimit konspirativ e spekulativ te deputetit Hekuran Murati

Zyrtarisht, pergjigja eshte shume e shkurter.  Do t’i pergjigjem te gjitha ftesave te Komisionit Parlamentar per raportim, sa here qe kerkohet. Perveq se eshte obligim ligjor, e konsideroj teper te rendesishme informimin e sakte te deputeteve per te gjitha vendimet dhe veprimet e AKP-se. Shpresoj do ta kem rastin shume shpejt ti drejtohem Komisionit Parlamentar dhe t’ju pergjigjem te gjitha pyetjeve tua.

Privatisht, pergjigja ime ne lidhje me fjalimin tend eshte kjo:

E para, Intelektual ne dukje, e genjeshtar ne te folur ju bene personalitet kontravers.

E dyta, ekonomist me profesion, dhe shperfaqje  befasuese e mungeses se informatave qe nderlidhen me likuidimin dhe shitjen e aseteve te Ndermarrjeve Shoqerore, ju bene te dukeni spekulativ ne vleresim ose mashtrues ne profesion. Duhet te merrni mundimin ti lexoni ligjet e rregulloret e shumta dhe vendimet poashtu. Te gjitha jane me qasje publike, veq pak koncentrim duhet.

E treta, fjalori konspirativ qe perdorni, perkunder profilit publik qe keni krijuar, ju bene te dukeni imitator jashtezakonisht i dobet. Me besoni, edhe shkrimtari i famshem konspirativ, David Icke, po ta degjonte fjalimit tend, apo emailat e tu, do te befasohej me aftesite qe keni treguar.

Heren tjeter, po vazhduat me spekulime, do t’ju tregoj nje mesele, sepse duket se i keni qejf, por fatkeqesisht edhe aty keni treguar dobesi !

Aktuale

Reagon Përparim Rama për akuzat e ministrit Faton Peci

Published

on

Përmes këtij reagimi, institucionet e Kryeqytetit përgënjeshtrojnë pretendimet e Ministrit të Bujqësisë, Pylltarisë dhe Zhvillimit Rural për vonesat e shkaktuara nga organet e Kryeqytetit për t’u pajisur me kushtet ndërtimore për ndërtesën e Ministrisë.

Më tutje, sqarojmë se dokumentacioni i dorëzuar nga Ministria është i pakompletuar sepse i mungon dokumenti i matjeve gjeodezike, i cili është i domosdoshëm për lëshimin e kushteve ndërtimore.

Përndryshe jemi të habitur me aftësinë dhe kohën që gjen një ministër i Qeverisë së Republikës së Kosovës për t’u marrë me gjendjen shëndetësore të familjarëve dhe pushimet personale të stafit të Kryeqytetit./Media Ndërtimi

Faton Peci akuzon Përparim Ramën: Po e bllokon ndërtimin e objektit të Ministrisë së Bujqësisë!

Continue Reading

Aktuale

INDEP shënon Ditën e Tokës përmes aktivitetit Atelie 2024

Published

on

INDEP sot, më 22 Prill për të shënuar Ditën e Tokës ka organizuar aktivitetin Atelie 2024 me nxënësit e Shfmu “Mihal Grameno” Fushë Kosovë. Ky aktivitet është pjesë e projektit “Të rinjtë për një të ardhme të qëndrueshme”.

Nxënësit e shkollës prezentuan në panair veprat e tyre artistike të realizuara me materiale të ricikluara. Për pesë nga punimet më të dalluara janë ndarë çmime. Qëllimi i këtij aktiviteti është të ndërgjegjësoj të rinjtë e kësaj komune rreth ndotjes së ambientit si dhe të rrisë vetëdijen mbi ripërdorimin dhe riciklimin e materialeve.♻️

INDEP së bashku me Milieukontakt Albania do të punojnë në #BashkitëLushnje dhe #FushëKosovë për përmirësimin e mjedisit dhe zhvillimin e qëndrueshëm të tij.

Ky projekt mbështetet nga Programi Rajonal për Demokracinë Vendore në Ballkanin Perëndimor 2, financuar nga #BashkimiEvropian dhe zbatuar nga #UNDP./Media Ndërtimi

Continue Reading

Aktuale

Festivali të Arkitekturës dhe Dizajnit ‘Concéntrico’, shënon edicionin jubilar në Spanjë

Published

on

Nga 25 prilli deri më 1 maj 2024, në qytetin spanjoll Logroño, Concéntrico përgatitet për edicionin e tij të 10-vjetorit. I parashikuar si një soditje e ndryshimit të mjediseve urbane dhe një mundësi për të ndarë njohuri rreth këtyre proceseve, Festivali Ndërkombëtar i Arkitekturës dhe Dizajnit të këtij viti përfshin formate të reja për të angazhuar një audiencë më të gjerë dhe për të eksploruar kohën si një katalizator për ndryshimin në dizajnin urban dhe social.

Festivali zgjeron programin e tij, duke shfaqur 21 instalime nga dizajnerë të 20 kombësive të ndryshme, përveç disa nismave dhe eksplorimeve të tjera.

Instalacionet urbane përfaqësojnë ndoshta aspektin më të dukshëm dhe më tërheqës të festivalit, duke eksploruar temën përmes dizajnit dhe duke synuar të gjenerojë ndërveprime midis arkitektëve dhe publikut më të gjerë. Që nga viti 2015, festivali ka krijuar mbi 120 instalime urbane.

Këtë vit, arkitektët dhe projektuesit e ftuar propozojnë një shumëllojshmëri të gjerë qasjesh, nga rinatyrëzimi i hapësirave publike, tek riinterpretimi i metodave popullore, ripërdorimi i materialeve nga botimet e mëparshme, krijimi i eksplorimeve përmes lëvizjes ose sfidimi i konceptit të strehimit. Eksploroni listën e plotë të instalimeve urbane të ardhshme të përgatitura për këtë edicion.

Edicionet e mëparshme të festivalit mirëpritën ndërhyrje nga dizajnerë të njohur dhe të ardhshëm, duke përfshirë Studio Ossidiana, Tudor Vlāsceanu Architect, Rintala Eggertsson Architects ose Piovenefabi. Duke hapur biseda rreth komunitetit dhe identiteteve lokale, si dhe çështjeve të përfshirjes, ndryshimit të përkufizimeve të familjeve apo sfidave të ekologjisë, festivali përfaqëson një mundësi për eksplorim përmes dizajnit./Media Ndërtimi

Continue Reading

Trending