Connect with us

Arkitekturë

Urban GastroLounge – lokali i ri që po rrezon me arkitekturë e stil në Prishtinë

Published

on

Një ndër gjerat për të cilat është i njohur kryeqyteti jonë, janë padyshim kafenetë e shumta, herë më të thjeshta e minimaliste, e herë të mbushura me detaje e dekorime nga stilet më të ndryshme. Një tjetër projekt fantastik që pasuron vazhdën e kafeneve është edhe lokali i sapo hapur i quajtur “Urban Gastro Lounge”, projektuar me shumë shije e finesë.

Që ditën që lokali hapi dyert për publikun e gjerë, duket sikur secilit që i shkeli këmba aty ra në dashuri me ambientin, gjithashtu edhe shërbimin mjaft profesional. Kritikat e profesionistëve të fushës, veç i vunë vulën punës së shkëlqyeshme të ekipit projektues, profesoreshës dhe arkitektes Teuta Jashari Kajtazi dhe dy arkitektëve, Florim dhe Eris Kajtazi.

Për Ndërtimi.info, arkitektja Jashari-Kajtazi, ka treguar se frymëzimi dhe rezultati i tërë projektit janë të lidhura me tendencën për të theksuar dozën e humbur të “urbanes” në qytetin tonë, përfshirë prezantimin mural i cili arrin ta plotësojë këtë qëllim. Nuk duhet harruar lartësinë e theksuar, dysheme-plafon, e cila të jep mundësinë e përjetimit shumë më të lirshëm të tërë asaj që ofron hapësira.

Fronti i lokalit mbyllet nga një mur i qelqtë që lejon vizitorët të kenë pamje të të gjithë hapësirës gjigante qysh në hyrje. Me të hyrë në lokal, vizitorët përballen me banakun i cili ndodhet në qendër të hapësirës dhe rrethohet nga karrige në të gjitha anët.

“Prezenca e metalit të papërpunuar, drurit, tullës dhe betonit në trajtë natyrale plotësohet me aplikimin e ngjyrës së kuqe në banak, e cila i komplementon materializimit në përgjithësi”, shpjegon Teuta Jashari-Kajtazi.

This slideshow requires JavaScript.

Hapësira përfiton ndriçim të mrekullueshëm natyral nga tre kupolat me xhama në tavan. Një hapësirë e mbushur me dritë e që ngjason në një “xhungël urbane” nga të gjitha bimët e integruara në dizajn, është një hap fantastik, drejt krijimit të një mjedisi super relaksues, për te cilin flet edhe vetë arkitektja, Jashari-Kajtazi.

“Nuk duhet lënë anash konceptin e futjes së aspektit “natyrë” brenda hapësirës. Po ashtu, i është dhënë rëndësi e veçantë, ndriçimit natyrorë dhe atij artificial, me ç’rast gjatë gjithë kohës mund të krijohen efektet e veçanta dhe loja e analizuar mirë e hijes dhe e dritës”, tregon ajo.

Sipas arkitektes, projekti paraqet tendencë të ripërdorimit adaptiv, të një hapësire e cila para shumë vitesh funksionin primar nuk e ka pasur të orientuar kah gastronomia, edhe pse viteve të fundit është shfrytëzuar nga të tjerët si e tillë.

Dhe duket sikur kjo hapësirë është e bërë që të jetë “Urban Gastro Lounge”, dhe ka pritur aq gjatë.

“Projekti përmban ndërthurje të elementeve të gjendjes burimore, që janë lanternat/kupolat apo përgjithësuar ndriçimi zenital me një theks të betonit natyral (Brut) sidomos në strukturë të mbulesës, dhe të materializimit bashkëkohor i cili shkon drejtë ndjenjës së industrializmit në njërën anë, dhe të materializimit të ngrohtë në anën tjetër”, shtoi arkitektja.

Realizmi i projektit ka zgjatur rreth katër muaj, me një përkushtim të theksuar në të gjitha hollësirat, si nga projektuesit/dizajnerët ashtu edhe nga ata të cilët e kanë bërë të mundur realizimin./ndertimi.info/

  • Urban GastroLounge | Photo by Besfort Syla (Tentene Agnecy)

  • Urban GastroLounge | Photo by Besfort Syla (Tentene Agency)

  • Urban GastroLounge | Photo by Besfort Syla (Tentene Agency)

  • Urban GastroLounge | Photo by Besfort Syla (Tentene Agency)

  • Urban GastroLounge | Photo by Besfort Syla (Tentene Agency)

  • Urban GastroLounge | Photo by Besfort Syla (Tentene Agency)

  • Urban GastroLounge | Photo by Besfort Syla (Tentene Agency )

  • Urban GastroLounge | Photo by Besfort Syla (Tentene Agency)

  • Urban GastroLounge | Photo by Besfort Syla (Tentene Agency)

Arkitekturë

Arkitektura duhet të braktisë menaxhimin piramidal për të përmirësuar kushtet e punës!

Published

on

“Firmat e arkitekturës duhet të adoptojnë më shumë stile të udhëheqjes bashkëpunuese për të adresuar ankesat e punës në industrinë e ndërtimit”, thotë Andy Cohen, drejtues i një nga studios më të madhe të arkitekturës në botë.

“Unë mendoj se profesioni ynë do të fitonte shumë energji nëse nuk do të ishte kaq i fokusuar nga lart-poshtë dhe piramidat,”, tha Cohen.

Në vend të kësaj, firmat duhet të adoptojnë një “stil lidershipi më të sheshtë, më bashkëpunues si ai që jemi përpjekur të bëjmë”, tha bashkë-CEO i firmës gjigante për Dezeen.

Komentet vijnë mes kritikave të vazhdueshme për kushtet e punës në firmat e arkitekturës në mbarë botën, duke përfshirë paga të ulëta dhe orët e gjata.

Ai është i bindur se ndjenja e parimit dhe qëllimit është çelësi që studiot e arkitekturës të tërheqin dhe mbajnë talentin përballë konkurrencës së ashpër për talentin krijues nga industria e pasur e teknologjisë.

“Nëse nuk jeni të drejtuar nga qëllimi, nëse njerëzit nuk ndihen sikur kanë atë platformë të shkëlqyer për të lulëzuar, ata do t’i bashkohen organizatave të tjera, do t’i bashkohen Googles dhe Metas, dhe unë mendoj se profesioni ynë si një e gjithë duhet të krijojë atë ndjenjë qëllimi,”, tha ai.

“Dhe çfarë kohe më të mirë se tani, duke dalë nga Covid – çfarë kohe më të mirë kur ndodhin të gjitha këto ndryshime masive, që me të vërtetë firmat tona, profesioni ynë, të bëjnë një ndryshim pozitiv në botë.”/Media Ndërtimi.

Continue Reading

Arkitekturë

Arkitektura e hapësirës dhe eksplorimi i habitateve njerëzore

Published

on

Përderisa përparimet në teknologji përshpejtohen, ëndrra e fëmijërisë së secilit për eksplorimin e hapësirës do të kthehet në një realitet të arritshëm.

“Hapësira: kufiri i fundit” siç tregohet nga William Shatner në rolin e kapitenit James T. Kirk në serinë Star Trek, është oqeani i ri dhe i pakufizuar i njohurive dhe zbulimeve për qytetërimin tonë. Ëndrra për të arritur planetë të tjerë, sistemet fillestare dhe botët do të bëhet e vërtetë një ditë.

Kjo është arsyeja që njerëzimi duhet të kujdeset për format e tij të banimit dhe llojin e arkitekturës që do të ndërtojë në të ardhmen.

Në ditët e sotme, arkitektura hapësinore dhe vendbanimet njerëzore në orbitë dhe në planetë të tjerë, po bëhen temat më në zhvillim mes arkitektëve, projektuesve dhe inxhinierëve./Media Ndërtimi.

Continue Reading

Arkitekturë

Inteligjenca Artificiale si një bashkëpunëtor i dizajnit kreativ për arkitektët

Published

on

Gjersa përparimet teknologjike në të gjitha industritë i shtyjnë kufijtë përpara, arkitektët gjithashtu po ndjekin trendin dhe kurrë nuk duan të mbeten prapa.

Shfaqja e Inteligjencës Artificiale (AI), robotikës, printimit 3D, algoritmeve dhe mjeteve llogaritëse ndihmojnë për të lehtësuar shumë detyra në jetën tonë të përditshme që do t’i duheshin orë, ditë dhe madje edhe javë që një njeri t’i bëjë ato.

Si një shembull i thjeshtë, algoritmet në sistemet e navigimit mund t’ju tregojnë rrugën më të shpejtë për në destinacionin tuaj, e cila është një mënyrë shumë e përshtatshme për udhëtimet tuaja të përditshme.

Nëse nuk mendojmë për qëllimet për të manipuluar procesin tonë të vendimmarrjes, algoritmet vërtet ndihmojnë.

Ndërsa kompani të tilla si Google, Open AI (DALL·E 2), Facebook dhe Tesla po dyfishojnë studimin e niveleve të larta të inteligjencës artificiale, mësimin e makinerive dhe mësimin e thellë në kërkimin e tyre, ato ndonjëherë bëjnë njoftime që i trembin të gjithë.

“DeepMind i Google thotë se është në prag të arritjes së inteligjencës artificiale të nivelit njerëzor”, raportuar nga Independent. Inteligjenca artificiale e nivelit njerëzor është afër arritjes më në fund, sipas një studiuesi kryesor në divizionin e AI të Google DeepMind.

E njëjta gjë vlen edhe për profesionin e arkitekturës. Arkitektët po përdorin algoritme shumë komplekse në një mjedis kompjuterik për të gjeneruar hapësira dhe gjeometri të paimagjinueshme. Këto gjeometri mund të krijohen në softuer të shumtë kompjuterik si Rhinoceros 3D, Grasshopper3D, Autodesk Maya, Houdini, Autodesk Revit, Dynamo, Cinema 4D, etj.

Duke përsëritur një parametër, këto algoritme mund të gjenerojnë qindra modele me të njëjtat parime siç janë përcaktuar në Kodi.

Por ishte kryesisht brenda kufijve të rregullave të paracaktuara. Nuk mund të shkonte përtej dhënies së një ideje të re dhe të menduarit në vend të stilistit.

Deri kohët e fundit, mësimi i makinës u shfaq dhe luante rolin e një engjëlli shpëtimtar për të gjithë./Media Ndërtimi.

Continue Reading

Trending