Connect with us

Trashëgimia

Trashëgimia kulturore nuk preket nga zbritja e buxhetit të MKRS-së

Published

on

Rritja e buxhetit prej rreth 7 për qind në tërësi nuk ka pasur kurrfarë efekti pozitiv në planifikimet e shtetit për kulturën. Qeveria e Kosovës ka projektuar që Ministria e Kulturës, Rinisë dhe Sportit këtë vit të ketë 1.3 milionë euro më pak sesa vitin e kaluar.

Prej 44 milionë e 733 mijë eurosh, sa kishte vitin e kaluar, institucioni më i lartë kulturor sivjet do të ketë në dispozicion 43 milionë e 406 mijë euro. E pikërisht fusha e kulturës brenda MKRS-së do të ketë 1 milion e 53 mijë euro më pak sesa vitin e kaluar. Por për këtë shumë rritje ka trashëgimia kulturore.

Këto shifra pasqyrohen në tabelat e Projektligjit mbi ndarjet buxhetore për buxhetin e Republikës së Kosovës për vitin 2020, i cili është miratuar në mbledhjen e Qeverisë, e të cilin gazeta e ka siguruar pas votimit të martën.

Sa i përket kulturës vitin e kaluar, Ministria kishte në dispozicion 10 milionë e 67 mijë euro, kurse sivjet – nëse Projektligji që ka kaluar në Qeveri miratohet edhe në Kuvend – do të ketë 9 milionë e 14 mijë euro.  Buxheti është zvogëluar te subvencionet e kulturës dhe po ashtu te investimet kapitale.

Nuk është prekur vetëm ajo që në Projektligj definohet si “përkrahja për kulturën institucionale”. Sikurse vitin e kaluar, edhe sivjet janë paraparë 2 milionë e 85 mijë euro. Dallimi më i madh del te planifikimi buxhetor për investimet kapitale në fushën e kulturës. Janë gati një milion euro më pak.

Përderisa për këtë vit janë planifikuar 3.1 milionë euro, vitin e kaluar ishin 4 milionë e 25 mijë. Mangësi ka edhe në atë që definohet si “Përkrahja e kulturës”, kategori kjo të cilën MKRS-ja e shfrytëzon për të financuar projektet e skenës së pavarur kulturore. Sivjet janë 130 mijë euro më pak pasi shifrat kanë lëvizur nga 1 milion e 67 mijë euro në 937 mijë euro.

Trashëgimia kulturore nuk është prekur nga zbritja në tërësi e buxhetit të MKRS-së. Përkundrazi, janë paraparë gati 1 milion euro më shumë.

Ministria e Kulturës ka reprizuar shumicën e projekteve kapitale në kulturë dhe trashëgimi kulturore. Në kulturë janë paraparë 22 projekte kapitale. Janë dy më shumë se vitin e kaluar. Prej tyre janë vetëm 6 të reja. Janë planifikuar 200 mijë euro për teatrin e operës dhe baletit “Dr. Ibrahim Rugova” e 400 mijë të tjera nga të hyrat e Agjencisë për Privatizim në Kosovë. Muzeu i Artit Bashkëkohor, rinovimi i Bibliotekës Kombëtare të Kosovës “Pjetër Bogdani”, rinovimi i Teatrit Kombëtar të Kosovës, disa qendra kulturore nëpër komuna, përfshirë atë në Pagarushë, që do të mbajë emrin e këngëtares Nexhmije Pagarusha, janë pjesë e projekteve kapitale në kulturë./Koha

Trashëgimia

Gjendet një vend me përplot bukuri natyrore në Kalanë e Vuçakut në Drenas

Published

on

Gjendet në një vend me përplot bukuri natyrore dhe potenciali e rëndësia historike që ka e bën tejet të veçantë Kalanë e Vuçakut në Drenas.

Ndërhyrjet në këtë kala kanë nisur dhe në fokus kanë pastrimin, konservimin e strukturave dhe përgatitjet që ky monument të jetë në shërbim të turizmit kulturor.

“Ky do të jetë një vit intensiv me punë në arkeologji”, deklaroi ministri i Kulturës, Hajrulla Çeku./Media Ndërtimi

Continue Reading

Trashëgimia

Restaurohet shtëpia e familjes Kryeziu nga Gjakova si aset i rëndësishëm i trashëgimisë kulturore

Published

on

Shtëpia e familjes Kryeziu nga Gjakova, me arkitekturë tradicionale të fundit të shekullit VIII-të gjendet në pjesën e vjetër të qytetit dhe ka pamje mbresëlënëse.

Ndodhet mes Muzeut Historik dhe hapësirës ku është i vendosur busti i Sylejman Vokshit.

Gjakova njihet si qytet i kulturës, traditës dhe qytetërimit. Investimet në ruajtjen trashëgimisë kulturore nga MKRS nuk do të ndalen./Media Ndërtimi

Continue Reading

Trashëgimia

Arkeologët zbulojnë një pishinë të shekullit të parë në Durrës

Published

on

Gërmimet në territorin ku ngrihej shkolla “Gjergj Kastrioti” e dëmtuar nga tërmeti, nxorën në pah një pishinë të zbukuruar me mozaikë dhe afreske, që besohet se i përket shekujve 1 e të 2 të erës sonë.

Gërmimet arkeologjike në oborrin e shkollës “Gjergj Kastrioti” të Durrësit, e cila  pritet t’i nënshtrohet rindërtimit të plotë, kanë nxjerrë në dritë fragmentet e një pishine me dysheme prej mozaiku, si dhe me faqe anësore të pikturuara me afreske.

Zbulimet e vazhdueshme në këtë territor i kanë bërë arkeologët mjaft të ndjeshëm për të ardhmen e të gjithë sipërfaqes ku tashmë është zbuluar një vilë rezidenciale, e shekullit të 1-2  të erës sonë.

“Durrësi i lashtë ka qenë një nga pikat e orientimit të Mesdheut, si për bregdetin Adriatik edhe për prapatokën ilire”, tha për BIRN prof. Luan Përzhita, i cili drejton gjatë kërkimeve aktuale një grup me rreth 20 specialistë, arkeologë, skicografë, ekspertë të mozaikëve e të tjerë.

Profesor Përzhita tha se në fillim të mijëvjeçarit të parë Durrësi ishte një pikë kontakti për perandorinë Romake. Qyteti jo më kot kishte prerjen e monedhave të veta, apo edhe bankat e veta.

Me zbulimet e reja specialistët arkeologë janë përqendruar në dy kuadratet e pishinës së sapo zbuluar dhe ku sipërfaqja e përgjithshme pritet të arrijë në 60 metra katrorë.

Përzhita është entuziast dhe nënvizon se elementet e mozaikëve janë një tregues i fuqisë ekonomike të qytetit, dhe nuk është habi që këto banesa të jenë shfrytëzuar edhe gjatë vizitave nga perandorë romakë.

Ekspedita në këtë sit do të vijojë për afro dy muaj të tjerë dhe arkeologët shpresojnë të kuptojnë prej saj se çfarë ndodh në nëntokën e sipërfaqes ku u ngrit në vitin 1968 shkolla e mesme e përgjithshme “Gjergj Kastrioti Skënderbeu”.

Godina që u dëmtuar gjatë tërmetit të 26 nëntorit 2019 pritet të rindërtohet, pas monitorimin arkeologjik dhe përfundimeve të paraqitura nga grupi i drejtuar nga profesor Përzhita./Media Ndërtimi

Continue Reading

Trending