Connect with us

Aktuale

Sqarimet shtesë për ventilatorin e “FORMON”

Published

on

Hasan Cana bashkë-themeluesi i kompanisë kosovare “Formon”, e cila ka krijuar pajisjen që ndihmon pacietët e infektuar me virusin COVID-19 gjatë procesit të frymëmarrjes, ka dhënë disa sqarime në lidhje këtë pajisje.

Ai ka thënë, se ventilatori nuk është krijuar që t’i zëvendësojë pajisjet profesionale, “Ventcore”, sipas tij mund të përdoret vetëm në rastet kur janë shterrur të gjitha mundësitë mjekësore.

Cana ka treguar gjithashtu se pajisja nuk do të testohet menjëherë në njerëz, por do t’i përcjellë disa hapa të testimit që do të bëhen përpara se të futet në funksion.

“Sqarim ne lidhje me ventilatorin per frymemarrje #ventcore :

1. VentCore eshte dizajnuar duke u bazuar ne specifikacionin e publikuar nga qeveria e Anglise ne ë ebfaqen e saj zyrtare (dhe te tjere) e cila eshte perpiluar ne lidhje me kerkesat emergjente per ventilatore me rastin e COVID-19. Ne projekte te tilla jane duke punuar edhe nje grup nga MIT, University of Oxford dhe King’s College e shume universitete te tjera.

2. Pajisja asesi nuk eshte zhvilluar per te zevendesuar pajisjet profesionale. Vetem ne raste emergjente kur shterren te gjitha mundesite mjeku profesional do te kete mundesine te fut ne funksion ventilatorin VentCore.

3. Nuk duhet te nenkuptohet asesi qe pajisja nga prototipi do te futet ne testim direkt ne njerez. Se pari do kaloje neper teste mekanike e me pastaj testimi ne kukell ku perveq konsultave me mjek gjithashtu do te behet testi per sigurine e pajisjes qe idealisht do te jete 14 dite pune pa nderprerje. Sipas specifikacionit pajisja perfshin edhe mekanizmat mbrojtes dhe monitorues e gjithashtu mundesine per vazhdim te pompimit manuel ne raste fatale.

4. Pajisjet medicinale ne suaza normale marrim kohe me shume se sa pajisjet normale per certefikim mirepo ne kete gjendje shume shtete e kane pershpejtuar kete proces pershkak te nevojes se madhe. Me sa e di ne nuk kemi agjension per certefikim te pajisjeve medicinale por nese ka atehere patjeter se do duhej rishikohej i gjithe procesi ne perputhje me gjendjen.

5. VentCore eshte dizajnuar ne menyre qe te funksionoje edhe jashte spitalit, pra ne spitale mobile ku qasja ne oksigjen nuk behet permes sistemit qendror dhe ventilatori duhet te jete sa me kompakt dhe mobil.
Shpresojme qe te kalojme sa me mire ne kete situate por le te pregaditemi paraprakisht edhe per me te keqen qe mos te mbesim para nje situate te keqe duarkryq pa asnje zgjidhje.

 

Aktuale

Rritja e kërkesës për rrymë do t’i mbajë gjallë termocentralet me thëngjill

Published

on

Kërkesa për rrymë në botë është duke shënuar rritjen më të shpejtë në gati 20 vjet, për shkak të përdorimit të kondicionerëve, si pasojë e rritjes së temperaturave, ka thënë Agjencia Ndërkombëtare e Energjisë, në një raport të publikuar të premten.

Sipas gjetjeve, ky trend, që pritet të vazhdojë edhe më 2025, nënkupton vazhdimësinë e përdorimit të energjisë me thëngjill, ndonëse do të rriten kapacitetet e energjisë së ripërtrishme.Shumë vende në botë janë duke regjistruar temperature rekorde dhe valë të të nxehtit, shkruan Radio Evropa e Lirë.

Rritja e konsumit global të energjisë pritet të shkojë në gati 4 për qind më 2024 – më e madhja prej vitit 2007.

Rritje e njëjtë është parashikuar edhe për vitin 2025, në krahasim me 2.5 për qind të rritjes së kërkesës më 2023.India pritet të jetë lidere në këtë aspekt, e pasuar nga Kina.Në gjetjet e raportit është përmendur që në këtë periudhë do të rriten edhe kapacitetet për energji të ripërtrishme dhe që kjo energji të tejkalojë atë me thëngjill më 2025.

Megjithatë, mënyrat për prodhim të energjisë që shkaktojnë më shumë ndotje, siç është ajo me thëngjill, do të vazhdojnë të jenë të qëndrueshme, sidomos në Kinë./Media Ndërtimi

Continue Reading

Aktuale

Pas freskimit të motit, shfuqizohet ndalimi i qarkullimit të kamionëve mbi 7.5T

Published

on

Zëvendësministri i Infrastrukturës, Hysen Durmishi, ka njoftuar se është shfuqizuar vendimi i datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T, shkruan Ekonomia Online.

“Duke marrë parasysh parashikimin e motit nga Instituti Hidrometeorologjik i Kosovës, sipas të cilit parashihen rënie të ndjeshme të temperaturave ditëve në vijim, kemi marrë vendim për shfuqizimin e vendimit të datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T”, ka njoftuar Durmishi.

“Faleminderit për mirëkuptimin tuaj gjatë këtyre ditëve me temperatura të larta”, ka shkruar ai./Media Ndërtimi

 

Continue Reading

Aktuale

ATK mblodhi 50 milionë euro më shumë se vitin e kaluar

Published

on

Administrata Tatimore e Kosovës përmes konferencës për media sot ka prezantuar rezultatet dhe të arriturat për gjashtë muajt e parë të vitit 2024. Drejtori i Përgjithshëm i ATK-së Ilir Murtezaj, gjatë kësaj konference theksoj treguesit kryesorë të mbledhjes së të ardhurave, efikasitetin e shërbimeve dhe progresin në përmbushjen e objektivave strategjike.

Drejtori Murtezaj tha se ATK-ja ka arritur rezultate mbresëlënëse në mbledhjen e të hyrave gjatë periudhës janar-qershor 2024, duke theksuar se të hyrat e mbledhura kanë tejkaluar pritshmëritë, duke arritur në 473.3 milionë euro, që tregon rritje prej 50.1 milionë euro më shumë krahasuar me të njëjtën periudhë të vitit të kaluar.

“Ky sukses i atribuohet përmirësimit të proceseve të mbledhjes dhe angazhimit të shtuar të tatimpaguesve në përmbushjen e obligimeve të tyre. Gjatë kësaj periudhe, ATK-ja ka zbatuar 15,442 aktivitete intensive për parandalimin e evazionit tatimor dhe edukimit tatimor. Këto aktivitete kanë ndihmuar në rritjen e ndërgjegjësimit të obligimeve tatimore, duke kontribuar në përmirësimin e pajtueshmërisë dhe uljen e evazionit fiskal. Këto aktivitete kanë rezultuar me 1.5 milionë euro gjoba, 43.8 milionë euro tatim shtesë, 9.8 milionë euro janë konstatuar mungesë në stoqe, si dhe 3,809 punëtor janë formalizuar si të punësuar”, tha ai.,

Sipas tij, një ndër arritjet kryesore të ATK-së ka qenë avancimi i proceseve të digjitalizimit. Implementimi i platformave të reja elektronike ka thjeshtuar ndjeshëm procedurat për dorëzimin e deklaratave tatimore dhe pagesave, të cilat që nga lancimi i EDI janë: 25.1 milionë E-deklarime, me gjithsej 164,293 tatimpagues të regjistruar në platformë. Kjo ka rezultuar në një rritje të efikasitetit dhe transparencës, duke bërë të mundur që bizneset të përmbushin obligimet e tyre në mënyrë më të lehtë dhe më të shpejtë.

“ATK-ja ka forcuar bashkëpunimin me institucionet e tjera publike dhe organizatat ndërkombëtare, duke krijuar partneritete që kanë për qëllim luftimin e evazionit fiskal dhe përmirësimin e administrimit tatimor. Këto bashkëpunime kanë rezultuar në shkëmbimin e informacionit dhe praktikave më të mira, duke kontribuar në përmirësimin e vazhdueshëm të shërbimeve të ATK-së. Administrata Tatimore e Kosovës mbetet e përkushtuar në vazhdimin e përmirësimit të shërbimeve dhe rritjen e mbledhjes së të hyrave, duke kontribuar kështu në stabilitetin financiar dhe zhvillimin ekonomik të vendit. Ne falënderojmë të gjithë tatimpaguesit për bashkëpunimin dhe mbështetjen e tyre dhe ju inkurajojmë që të vazhdoni të përmbushni obligimet tuaja tatimore”, tha ai./Media Ndërtimi

Continue Reading

Trending