Connect with us

Dizajn

Stili i projekteve të ‘nomma_studio’, vlerësohen lartë nga platformat arkitektonike botërore

Published

on

Studio e arkitektures NOMMA studio me seli në Prishtinë ka përmbyllur një vit të jashtëzakonshëm me lajmin se e mori vendin e parë me projektin e realizuar ‘Matisse’ në Park Plaza, si projekti më i pëlqyer nga audienca në rrjetet sociale të platformës Archello ku posedon më shumë se 500 mijë ndjekës.

Studio e arkitekturës NOMMA studio, vlerësohet lart nga platformat më prestigjioze arkitektonike. Platformat si Archello e Archdaily ka kohë që marrin të drejtën e promovimit të projekteve të studios nga Prishtina, duke i kategorizuar projektet e tyre ndër projektet më të suksesshme të konceptuara në industrinë tregtare dhe rekreacionit.

Archello, me seli në Amsterdam, njihet si njëra ndër platformat më prestigjioze të arkitekturës në botë, e cila shërben si urë lidhëse në mes të industrive krijuese dhe asaj prodhuese.

Ndër projektet e tjera që tejkaluan barrierat botërore është edhe projekti ‘Angel Academy’, projekt i cili identifikohet me tone te tokës e dheut, duke i gërshetuar elementet dhe materialet e ndryshme në njëtrajtësi të përgjithshme.

Projekti tjetër po aq unik është edhe studio e modës ‘Diana Qerimi’ e cila mori pëlqimin e platformave arkitektonike botërore.

Projekti që fitoi vendin e parë, ‘Matisse’ nga NOMMA studio identifikohet nga ngjyra në focus për të përçuar një stil të veçante ku detaje si vendosja e veprës së piktorit të njohur Henri Matisse ku inspiron edhe emrin e lokalit, inkorporohet si pjesë e natyrshme e rrjedhës së hapësirës, duke krijuar njëtrajtshmëri konceptual jashtë vizuales. Për më shumë, vizitoni projektet në faqen e instagram nomma_studio./Media Ndërtimi.

Dizajn

“Elemente Urbane”, prezanton 15 dizajne të ulëseve dhe shportave që vendosen në hapësira publike

Published

on

Gjatë ngjarjes, do t’i shfaqim dizajnet fituese të dizajnatonës mes 15 dizajneve më të vlerësuara nga juria profesionale.

“Elementet Urbane” është garë e dizajnit e cila ka për qëllim ta përfshijë komunitetin kreativ të vendit për të zhvilluar ide dhe prototipe për elemente urbane.

Ky edicion ishte në kërkim të dizajneve të ulësëve, shportave të mbeturinave dhe mbrojtëseve urbane të cilat mund të vendosen në rrugë, parqe, sheshe apo hapësira të tjera publike.

Dizajnatona fokusohej në gjenerimin e prototipeve të implementueshme që i përshtaten kapaciteteve dhe kritereve të komunave të Kosovës, me fokus në nevojat për procedura të prokurimit publik dhe buxhetin e disponueshëm.

Kjo ngjarje shënon përmbylljen e garës ku ishin ftuar dizajnerët e rinj dhe të gjithë entuziastët e dizajnit që t’i dërgojnë propozimet e tyre për rritjen e cilësisë së elementeve urbane të qyteteve të Kosovës.

Ekspozita e dizajneve të pjesëmarrësve në dizajnatonë do të jetë një mundësi e mirë për të parë punën e dizajnerëve të rinj si dhe për të takuar dizajnerë të tjerë, profesionistë të industrisë dhe entuziastë.

Gara organizohet nga Instituti Space SyntaKs në partneritet me Architecture for Humans, trembelat, Fakultetin e Arkitekturës, UP dhe Ndërmarrja Publike Banesore Prishtinë, me mbështetje të Komunës së Prishtinës dhe UNDP Kosova./Media Ndërtimi.

Continue Reading

Dizajn

“Hublot” në bashkëpunim me artistin Daniel Arsham realizojnë në Zvicër instalacionin e orës diellore nga bora

Published

on

Me një instalacion bore në Zermatt, orëpunuesit zviceranë në Hublot kanë festuar fillimin e një bashkëpunimi të ri artistik me arkitektin dhe dizajnerin njujorkez, Daniel Arsham.

Instalacioni i cili është një orë diellore e frymëzuar nga kompania zvicerane e orëve “Hublot, ka një diametër prej 20 metrash dhe është titulluar “Drita dhe Koha”.

Instalacioni është ndërtuar në Schwarzee, ngjitur me majën ikonike të malit Matterhorn me një lartësi prej 2583 metrash.

Instalacioni mund të shihet vetëm nga lart, duke e arritur pikën më të lartë të malit përmes një udhëtimi me ashensorët e skive të Zermatt.

Ndërsa dielli lëviz gjatë ditës, hijet e krijuara nga obelisku në formë kristali tregojnë orën e saktë.

Kjo orë diellore përbëhet nga elementet natyrore të borës dhe dritës, duke e vënë në pah lidhjen mes universit të kristalizuar nga i cili inspirohet artisti dhe trashëgimisë dhe historisë së zanatit të orëndreqësit.

“Unë e kam ndjekur Hublot dhe projektet që ai ka mbështetur në hapësirën e artit bashkëkohor me shumë interes për shumë vite dhe kam admiruar qasjen e tij të guximshme ndaj bërjes së orës, dizajnit dhe artizanatit,” thotë Daniel Arsham.

“Nuk kemi dyshim se ky do të bëhet një bashkëpunim jashtëzakonisht produktiv dhe mezi presim ta eksplorojmë më tej me Danielin dhe me Hublot dhe fansat e artit. Hublot e do Daniel Arshamin!’ thanë përmes një njoftimi kompania e njohur e orëve “Hublot”./Media Ndërtimi

Continue Reading

Dizajn

Kuzhinat janë shembulli kryesor në transformimin dinamik të hapësirave shtëpiake

Published

on

Transformimi në dinamikën e hapësirave shtëpiake ndikon në arkitekturën brenda dhe jashtë shtëpive dhe apartamenteve.

Kuzhinat janë shembulli kryesor i këtij transformimi. Të konsideruara historikisht hapësira pune të margjinalizuara, ato kanë fituar më shumë rëndësi si hapësira arkitekturore. Kjo ndikon jo vetëm në madhësinë e dhomave dhe organizimin e tyre, por edhe në veshjet e përdorura.

Teksa fitojnë rëndësi, kuzhinat shpesh bëhen qendra e shtëpisë, të integruara me hapësira të tilla si dhoma e ngrënies, dhoma e ndenjes, kopshtet, ballkonet dhe, në varësi të zonës së disponueshme, edhe dhomat e gjumit apo zyrat e shtëpisë. Organizimi i hapësirës dhe lloji i veshjes së mureve dhe tavaneve ndikohen negativisht nga ky integrim.

Meqenëse hapësirat përgatitore kanë nevoja të ndryshme nga hapësirat e banimit, duhet të kombinohen veshje të ftohta dhe të ngrohta, materiale të dallueshme dhe tekstura të kundërta për të siguruar që dhoma të bëhet e këndshme. Si pjesë e këtij kombinimi, disa lloje të veshjes ishin anashkaluar më parë në kuzhinë.

Veshjet më të zakonshme në kuzhina janë të ftohta, si qeramika dhe pllakat, ndërsa më të përshtatshmet për ambientet e banimit janë të ngrohta, si druri ose tulla. Përveç mureve, kuzhinat kanë edhe sipërfaqe të mëdha magazinimi, zakonisht të mbuluara me dru natyral ose dërrasa sintetike. Ato gjithashtu mund të bëhen prej qelqi ose metali, për shembull. Së fundi, kuzhinat kanë tavolina të lagura dhe të thata, të cilat kanë nevojë për materiale specifike për të siguruar funksionimin e duhur, si guri natyror ose artificial.

Kombinimi i materialeve, teksturave dhe ngjyrave të ndryshme mund të jetë një sfidë./Media Ndërtimi.

Continue Reading

Trending