Connect with us

Art

Skulptura e Skënderbeut do të vendoset në Zvicër

Published

on

Skulptori Gëzim Muriqi ka sjellë veprën e tij më të fundit, ai ka bërë një skulpturë gjigande të heroit tonë kombëtar Gjergj Kastriot Skënderbeut.

Sipas skulptorit, kjo vepër ka qenë kërkesa e një kosovari i cili jeton prej vitesh në Zvicër dhe e donte këtë skulpturë si shenjë falënderimi për shtetin zviceran.

“Kjo është një kërkesë e një bashkëkombësi tonë i cili jeton në Zvicër. Është iniciativë individuale e tij. Bëhet fjalë për zotin Veli Berisha, një shqiptar nga Kosova, i cili idenë kryesore e ka për të falënderuar shtetasin zviceran për të gjitha ato që ata i kanë bërë për komunitetin tonë.

Duke qenë se figura e Nënë Terezës është konsumuar më shumë, atëherë ai ka menduar të gjejë një shenjë falënderimi e cila do jetë unifikuese, ai përveçse është heroi jonë kombëtar është edhe hero i evropianëve. Kështu që do vendoset në Zvicër, ende është duke u biseduar lokacioni, nuk është përcaktuar por besoj se brenda këtij viti do të promovohet”,tha për Euronews Albania skulptori Gëzim Muriqi./Media Ndërtimi.

Art

“Solidariteti” – instalacion për përjetimet e rënda të refugjatëve

Published

on

Gjemba, izolime, kufij. Janë vetëm disa prej mjeteve e procedurave me të cilat përballen refugjatët nëpër botë, sa herë që detyrohen të largohen prej shtëpive të tyre.

Ky realitet i ashpër është shndërruar në instalacionin “Solidariteti”, të prezantuar të enjten në Prishtinë, për të shënuar Ditën Ndërkombëtare të Refugjatëve.

Zyra e UNHCR-së në Prishtinë dhe Qendra Kosovare për Rehabilitimin e të Mbijetuarve të Torturës (QKRMT) e kanë organizuar ngjarjen, në të cilën kanë marrë pjesë zyrtarë shtetërorë, pjesëtarë të misioneve diplomatike, të shoqërisë civile dhe vetë refugjatë që tani jetojnë në Kosovë.

Sipas UNHCR-së, në botë ekzistojnë 120 milionë refugjatë që janë detyruar të ikin nga shtëpitë e tyre dhe i kanë lënë mbrapa vendlindjet.

Në vjetët e fundit kanë shpërthyer konflikte të reja – sikurse lufta në Ukrainë dhe ajo në Gazë – ndërsa të vjetrat nuk janë zgjidhur ende.

Zyrtarë të UNHCR-së kanë thënë se edhe moti ekstrem po detyron zhvendosjen e disa komuniteteve dhe po ndikon në rritje të tensioneve./Media Ndërtimi

Continue Reading

Art

Rrobat e të mbijetuarave të dhunës seksuale gjatë luftës së fundit në Kosovë ekspozohen në Holandë

Published

on

Rrobat e të mbijetuarave të dhunës seksuale gjatë luftës së fundit në Kosovë, si dhe nga 19 shtete të tjera, u ekspozuan në qytetin e Hagës në Holandë, të organizuar në bashkëpunim me Mukwege Foundation, Ambasada e Kosovës në Holandë dhe Komuna e Hagës.

Instalacioni artistik i Alketa Xhafa Mripa, “Thinking of You,” shpreh kujtimin dhe solidaritetin për të gjitha të mbijetuarat e dhunës seksuale në konflikte. Ky instalacion jo vetëm që simbolizon dhimbjen dhe vuajtjen e tyre, por edhe forcën dhe kurajën e jashtëzakonshme që ato kanë treguar.

Ndër të pranishmet ishin edhe Vasfije Krasniqi dhe Shyhrete Tahiri, dy prej të mbijetuarave të dhunës seksuale. Prezenca e tyre u bë zëri i shumë viktimave që kërkojnë drejtësi pa pushim për krimet e kryera ndaj tyre nga shteti serb. Vasfije dhe Shyhrete, me historitë dhe përvojat e tyre të trishta, na kujtojnë se drejtësia dhe njohja e këtyre krimeve është detyrë e përhershme e njerëzimit.

Ky event në Hagë, Qyteti Ndërkombëtar i Paqes dhe Drejtësisë, është një thirrje e fuqishme për drejtësi dhe një përpjekje për të mos lejuar që zërat e të mbijetuarave të heshten./Media Ndërtimi

Continue Reading

Art

“Meeting of Styles”, përveç transformimit të Prishtinës, do të sjellë edhe artistë botërorë në Kosovë

Published

on

Festivali Ndërkombëtar i Artit të Rrugës premton një transformim të Prishtinës përmes ngjyrave si kurrë më parë.

Ky ngjyrim i Prishtinës do të jetë nga “Meeting of Styles Kosovo” dhe fillon nga 28 qershori dhe do të vazhdon deri më 30 qershor 2024, në lagjen Arbëria ( ish – Dragodan), transmeton Telegrafi.

Tema e këtij viti është “Educate to Elevate”, dhe siç e pohon organizatori i këtij edicioni Agon Xhelili, festivali do të ofrojë laramani përformancash të cilat premtojnë atmosferë.

“Nga fillimi i janarit vendoset data e “Meeting of styles” që ndodh në 30 shtete diku në çdo vikend, organizohet në ndonjë qytet të Evropës, diku në shtator fillon edhe në Amerikën latine e Kosova është një prej vendeve që e organizon Meeting of styles”. Tash edicioni i 8 veç po fillon, festivali kthehet në tunelin këtu në Dragodan. Ku në 2019 ka qenë hera e parë që e kemi shndërrua këtë vend që ka qenë i pa qasshëm edhe me kalua. Sot e kemi më lehtë pak për shkak të punës që është bërë atë kohë. Dhe tani janë përgatitjet që veç kanë fillua në terren me rregullime”, tha ai për Telegrafin.

E ky festival premton që do të sjellë shumë artist të huaj për të përformuar në Kosovë, ku shumica prej tyre janë nismëtarë të këtij festivali.

“Festivali arteria kryesore është thirrja e mbi 100 artistëve është përfundua me sukses, i kemi të konfirmuar diku 126 artistë që do të vijnë më duket nga 27 shtete të ndryshme. Gjithçka është gati për ti akomoduar, për ti pritur për më së miri dhe të vijnë për 3 ditë këtu… Kem G vjen nga Anglia, prej Gjermanisë janë dytë që kur them legjenda nënkupton janë pionieret e kësaj lëvizje që nga kurë ka fillua, janë diku 56 ose 57 vjeçarë”, shprehet Xhelili.

Përveç të shndërrimit të këtyre mureve në vepra dhe koncerteve për të rritur, në festival do të ketë edhe aktivitete për fëmijë./Media Ndërtimi

Continue Reading

Trending