Connect with us

Auto

Skoda planifikon prodhimin e tre modeleve të reja elektrike deri më 2026

Published

on

Kompania çeke e prodhimit të veturave Skoda, po planifikon që deri në vitin 2030 70 përqind e veturave të prodhuara të cilat hidhen në treg të jenë elektrike.

Dhe për këtë modelet e veturave që prodhohen nga kjo kompani duhet të shtohen.

Natyrisht modelet elektrike Enyaq dhe Enyaq Coupe janë tepër të mira por nuk mjaftojnë për implementimin e këtij projekti.

Për këtë, në katër vitet e ardhshme po planifikohet prodhimi i tre modeleve të reja elektrike.

Modeli i parë do të vijë më 2024 dhe do të jetë një SUV në madhësinë e modelit Karoq, ndërsa vetëm një vit më vonë është projektuar prodhimi i një SUV model më i vogël.

Modeli i fundit elektrik i cili pritet të prodhohet në bazë të këtij projekti është SUV me 7 karrike, model ky i cili do të hidhet në treg më 2026.

Përveq pamjes së bukur të veturave, Skoda pritet të punojë fuqishëm edhe për jetëgjatësinë e këtyre veturave.

Maksimumi i mbushjes pritet të jetë 200 Kilowatt, dhe me një mbushje mund të udhëtohet deri në 600 kilometra, që i bie rreth 14.8 KWh për 100 kilometra./Media Ndërtimi

Auto

Fabrika gjigante e Teslas në Berlin, po prodhon 2 mijë vetura në javë

Published

on

Vetëm gjashtë muaj pas fillimit të prodhimit në fabrikën e saj më të re në afërsi të Berlinit, prodhuesi amerikan i veturave elektrike Tesla, tani po i prodhon nga 2 mijë vetura në javë në po këtë lokacion.

Ngjashëm sikur kur në qershor arriti qëllimin – pra prodhimin e 1 mijë veturave në javë, ku në Twitter publikuan fotografitë me punonjësit duke qëndruar para fabrikës së Teslas në Berlin, transmeton Telegrafi.

“Njësia e 2 mijë e Model Y është prodhuar në gigafabrikën e Berlinit gjatë kësaj jave”, thuhet në kumtesën e kompanisë, në krye të së cilës është Elon Musk.

Fabrika në Greenheid, e cila nga marsi prodhon vetura elektrike, deri më tani është fabrika e vetme e kompanisë Tesla në Evropë.

Tesla planifikon të prodhojë 500 mijë vetura në vit në fabrikën që ka 12 mijë punonjës./Media Ndërtimi.

Continue Reading

Auto

Tesla planifikon të mbajë prodhimin në fabrikë me rreth 93 për qind deri në fund të vitit

Published

on

Tesla planifikon të mbajë prodhimin në fabrikën e saj në Shangai me rreth 93 për qind të kapacitetit deri në fund të vitit, pavarësisht një përmirësimi të fundit, thanë dy njerëz me njohuri për këtë çështje, në një veprim i rrallë për prodhuesin amerikan të automjeteve elektrike.

Që nga hapja e uzinës në tregun e saj të dytë më të madh në fund të 2019-ës, Tesla ka kërkuar të përdorë objektin në qendrën tregtare të Kinës me kapacitet të plotë dhe së fundmi ka përmirësuar prodhimin e saj javor me 30 për qind, në një maksimum prej 22,000 automjetesh, transmeton Telegrafi.

Burimet, të cilët folën në kushte anonimiteti pasi çështja nuk është publike, nuk dhanë një arsye për vendimin për të mos e drejtuar uzinën me anim të plotë, megjithëse njëri tha se shifra ishte më e ulët nga sa priste.

Tesla nuk iu përgjigj menjëherë një kërkese për koment të martën.

Megjithatë, lëvizja e kompanisë vjen në një kohë të konkurrencës në rritje nga prodhuesit vendas të automjeteve elektrike (EV) në një ekonomi në rënie të mprehtë, pasi konsumi bie mes kufizimeve strikte të COVID-19.

Fabrika e përmirësuar mund të prodhojë 14,000 Model Y dhe 8,000 Model 3, shtuan burimet. Tesla ka kërkuar ta mbajë atë të funksionojë me kapacitet të plotë, përveç gjatë përmirësimit dhe një bllokimi në mbarë qytetin për COVID-19 për dy muaj këtë vit.

Tani Tesla planifikon të nxjerrë 20,500 njësi në javë për pjesën tjetër të vitit, për një total prej 13,000 Model Y dhe 7,500 Model 3, thanë burimet.

Shitjet e Teslas në Kinë u rritën gati 60 për qind në tetë muajt e parë të këtij viti, treguan shifrat nga Shoqata e Makinave të Pasagjerëve në Kinë./Media Ndërtimi.

 

Continue Reading

Auto

Pse në Shqipëri vozisin më shumë Mercedes-Benz?

Published

on

Vetura gjermane, Mercedes Benz është një ndër më të preferuarat për njerëzit që shfrytëzojnë shërbimet e automjeteve.

Shqiptarët njihen si adhurues të mëdhenj të kësaj veture dhe kjo ka tërhequr vëmendjen e mediave botërore.

Mediumi gjerman, Deutsche Welle ka realizuar një reportazh  rreth ‘dashurisë’ së shqiptarëve për të vozitur Mercedes.

Nëpërmjet një videoje 14-minutëshe, gazetari Lennart Behnke arriti ta “zbulonte” arsyen pse kjo lloj veture, gjendet me shumicë.

Në Shqipëri janë të regjistruar përafërsisht 740 mijë automjete, derisa 212 mijë prej tyre janë Mercedes-Benzes, sipas Arben Prognit nga Departamentit i  Regjistrimit të Automjeteve në Shqipëri.

“Mercedesi i përshtatet shumë mirë rrugëve në Shqipëri. Është i përshtatshëm si për rrugët off-road dhe ato të asfaltuara. Mercedesi është kompakt për të gjitha kategoritë e rrugëve në Shqipëri”, tha Elmaz Pepa pronari i kompanisë së makinave me qira.

Continue Reading

Trending