Connect with us

Infrastrukturë

Si të bëhesh specialist i energjisë diellore?

Published

on

Me rritjen e prodhimit të energjisë diellore po rritet edhe kërkesa për punonjës të specializuar me impiantet solare. Si mund të bëhesh solartor dhe cilat kualifikime janë të rëndësishme për këtë profesion me të ardhme?

Pse sektori i energjisë diellore ka nevojë për më shumë forca të specializuara?

Nëntë milionë vetë punojnë sot në sektorin e energjisë solarenë të gjithë botën dhe në vitin 2030 parashikohet, që kjo shifër të arrijë në 20 milionë dhe në vitin 2060 në 60 milionë, raporton DW.

Sepse ndërtimi i impianteve të energjisë dielloreështë duke u përshpejtuar edhe më shumë. Në vitin 2023, në gjithë botën u instaluan module diellore me një kapacitet prej 444 giga vatësh (GW), në vitin 2024 sipas prognozave këtyre do u shtohen 574 giga vatë të tjera.

Për të arritur këtë në këtë sektor do të punojnë këtë vit 12 milionë punonjës. Dhe nevoja për punonjës është në rritje. Ekspertët llogarisin që deri në vitin 2050 energjia diellore të bëhet burimi më i rëndësishëm i energjisë në gjithë botën.

Çfarë vendesh pune krijohen në sektorin e energjisë solare?

Vende të reja pune janë krijuar në prodhimin e elementëve fotovoltaikë. Qelizat diellore dhe modulet diellore prodhohen në fabrika moderne. Atje nevojiten shumë forca të specializuara për zhvillimin, programimin, ndërtimin, mirëmbajtjen, logjistikën dhe marketimin. Sipas vlerësimeve të Agjencisë ndërkombëtare për energjitë e regjenerueshme (IRENA), rreth 2 milionë vetë punuan në vitin 2022 në prodhimin e moduleve, 1,8 milionë prej të cilëve në Kinë.

Por pjesa më e madhe e forcave të specializuara nevojiten për instalimin e impianteve. Degë shkollimi për këto profesione nuk janë krijuar deri tani, prandaj pjesa më e madhe e forcave të specialzuara të përdorura në këtë sektor vijnë nga profesione të tjera.

Shumë të kërkuar janë inxhinjerët, elektriçistët, teknikët e energjisë dhe ndërtimit dhe mbuluesit e çative.

Kush ofron shkolla për solartorët?

Shumë ndërmarrje merren vetë me specializimin e punonjësve. Aty kolegët i tregonë njëri tjetrit si funksionon me siguri montimi i moduleve solare në çati. Përveç kësaj janë duke u ofruar gjithnjë e më shumë seminare disa javorësh ose disa mujoresh, ku jepen njohuri për energjinë diellore. Këto kurse shpesh paguhen nga vetë firmat ose nga agjencia e punës.

Njëkohësisht janë duke u krijuar rrugë të reja shkollimi. Shumëpërfshirës i mirë është përshembull arsimi trevjeçar profesional për instalator solar në Zvicër, i cili fillon për herë të parë këtë verë. Ai është njësoj si arsimi në profesionet e tjera artizanale.

Dhe gjithnjë e më shumë shkolla të larta janë duke integruar përmbajtjet e duhura për degët e studimit në inxhinjeri dhe teknikë për të përgatitur studentët për ndryshimet në sektorin e energjisë.

Për ata që vijnë nga sektorë të tjerë ofrohen kurse bazë në të cilat mësohet montimi i impianteve solarë, sipërshembull në kampe solare. Kërkesa për forca të specializuara me energjisë solare ka në gjithë botën dhe sidomos në vendet ku prodhimi i energjisë nga dielli është duke u rritur. Këtu bëjnë pjesë Kina, Europa, SHBA, India, Brazili dhe Afrika e Jugut si dhe Australia, Pakistani, Turqia si dhe shtetet e Gjirit, si Emiratet e Bashkuara Arabe, që janë duke ndërtuar impiante shumë të mëdha.

Në disa vende sipërshembull Gjermania, nevoja për forca të specializuara është aq e madhe, saqë punonjësit kërkohen edhe në vendet e tjera për të ardhur në Gjermani./Media Ndërtimi

Infrastrukturë

Kontraktori kinez i tuneleve pretendon rekord të ri në drejtimin e tunelit të autostradës së Gjeorgjisë

Published

on

China Railway Tunnel Group ka pohuar po punon për shpimin rekord të një tuneli të ri gjatë ndërtimit të autostradës së re në Gjeorgji.

Kompania tha se kishte arritur një përparim maksimal mujor prej 426 metrash në tunelin Gudauri në autostradën KK Veri-Jug të Gjeorgjisë.

Ky ishte një rekord në ndërtimin e tunelit TBM me diametër të madh, duke tejkaluar maksimumin e njohur më parë të industrisë prej 320 metrash në muaj, pohoi ai.

Për projektin ka përdorur TBM Kaukazi, i cili është 182 metra i gjatë dhe peshon 3900 ton. Ka një shtytje maksimale prej 22.600 ton dhe fuqi totale prej 9.900 kilovat. Kompania pretendoi se me një diametër gërmimi prej 15.08 metrash, është një nga më të mëdhenjtë e këtij lloji.

Autostrada me dy kate, me dy karrexhata KK Highway është 22.7 km e gjatë dhe seksioni 1 i lotit 10 km, i cili përfshin tunelin Gudauri 8,860 m të gjatë, po ndërtohet nga China Railway Tunnel Group.

China Railway Tunnel Group tha se e kishte përfunduar tunelin përpara afatit. Pasi të përfundojë, autostrada e re pritet të shkurtojë kohën e udhëtimit përgjatë shtrirjes nga një orë në 20 minuta./Media Ndërtimi

Continue Reading

Infrastrukturë

Rindërtimi i Ukrainës “duhet të fillojë tani”

Published

on

Mesazhi nga konferenca e Rindërtimit të Ukrainës në Intermat ishte se përpjekjet e rindërtimit kishin filluar tashmë dhe kontraktorët dhe furnitorët duhet të përfshiheshin tani në vend që të prisnin përfundimin e luftës.

Nataliia Kozlovska, zëvendësministrja e Ukrainës për komunitetet, territoret dhe zhvillimin e infrastrukturës, tha në ngjarjen e mbushur plot se puna e rindërtimit kishte vazhduar që në fillim të konfliktit dhe se shkalla e punës së kërkuar ishte e madhe.

“Prej sot, pushteti lokal na thotë se më shumë se 360.000 struktura janë shkatërruar nga Rusia, dhe shumica janë banesa”, tha Kozlovska.

Ajo tha se Ukraina po synonte të ndërtohej më mirë; “Ne duhet të rindërtojmë me metoda inovative…dhe na duhet një përpjekje gjithëpërfshirëse evropiane. Ukraina mund të bëhet një platformë për qasje inovative.”

Vlerësimi i fundit i Bankës Botërore për kostot e rindërtimit është pothuajse 500 miliardë dollarë, me 100 miliardë dollarë prej tyre në formën e materialeve të ndërtimit dhe makinerive.

Ambasadori i Ukrainës në Francë, Vadyn Omelchenko, tha se presidenti Zelenski kishte filluar të fliste për rindërtimin edhe gjatë muajve të parë të luftës; “Ishte e çuditshme të dëgjoje. Presidenti tashmë po priste me padurim.”

Omelchenko tha se presidenti francez Macron ka qenë mbështetës që në fillim, “Mesazhi i tij për kompanitë franceze ishte, ne duhet të shkojmë tani, jo kur lufta të ketë përfunduar”.

Konferenca dëgjoi nga një përfaqësuese e qeverisë rajonale të Kievit, Mykyta Gerashchenko, rreth punimeve të rindërtimit në vazhdim, me 17,600 struktura të rindërtuara nga më shumë se 29,000 të shkatërruara ose të dëmtuara në rajon që nga fillimi i luftës, duke përfshirë më shumë se 17,000 shtëpi të reja.

Një fushë e punës është ndërtimi i strehimoreve brenda çdo shkolle për të lejuar vazhdimin e mësimdhënies personalisht. Pothuajse 1200 struktura të tilla janë përfunduar tashmë në Kiev, por nevojiten qindra të tjera./Media Ndërtimi

Continue Reading

Infrastrukturë

Hap dyert ‘Zenova Home’, partneri juaj për mobilimin e shtëpisë

Published

on

Të mërkurën në Prishtinë, ka hapur dyert ‘Zenova Home’ e cila do ta revolucionojë tregun shqiptar të mobileve.

“Kemi kënaqësinë te ju prezantojmë brendin tonë më të ri 𝐙𝐄𝐍𝐎𝐕𝐀 𝐇𝐎𝐌𝐄.

Sot, një kapitull i ri hapet me 𝐙𝐄𝐍𝐎𝐕𝐀 𝐇𝐎𝐌𝐄, që prej tani e tutje do të zbukurojë familjen tonë të madhe. Së bashku me Berat Vllasa  dhe ekipin tonë të shkëlqyer, ne do të ndryshojmë bindshëm panoramën e industrisë së mobiljeve.

Me sytë ngulur drejt horizonteve të reja, 𝐙𝐄𝐍𝐎𝐕𝐀 është gati të përhapet me shpejtësi përgjatë Europës dhe më tej!”, deklaroi drejtori Valon Vataj, i cili është i njohur me kompanitë e tij në industrinë e ndërtimit.

Midis linjës së saj dekorative, ‘Zenova Home’ ofron një shumëllojshmëri të produkteve që zbukuron çdo ambient.

Fleksibiliteti në prodhimtari i ‘Zenova Home’ rrjedh nga gama e gjerë e dizajnëve të cilat i ofron për klientët që udhëhiqen nga atmosfera elegante dhe tërheqëse.

Gama e gjerë e ‘Zenova Home’ u jep arkitektëve dhe dizajnerëve lirinë për të eksploruar dhe mundësi të pafundme në punën e tyre formësuese.

Duke pasur parasysh rolin e industrializimit dhe globalizimit në industrinë e ndërtimit, ‘Zenova Home’, synon të lërë gjurmë industrinë e mobileve./Media Ndërtimi

Continue Reading

Trending