Connect with us

Ndërtim

Si arriti pastruesja të bëhet bashkëpronare e vilave luksoze në bregdetin e Vlorës

Published

on

Thuhet shpesh se Shqipëria është vendi i çudirave dhe i pasurimit brenda natës, por edhe fjala ‘habi’ ka nisur të humbasë kuptimin.

Një 29-vjeçare me emrin Anxhela Rrudha nga Lushnja, e cila vite më parë pastronte trenat lodër në një kënd fëmijësh në Tiranë, sot është bashkëpronare e disa vilave në Palasë dhe Farkë.

Të punosh në një kënd lojërash për fëmijë është një punë e nderuar, por nuk mund të blesh as një garsionere në preriferi dhe jo më vila me vlerë miliona euro. Një familje të zakonshme shqiptare, me të ardhura mesatare, i duhen rreth 30 vite kursime për të blerë një apartament, raporton Prapaskena.com.

Prapaskena ka siguruar disa kontrata, sipas të cilave, Anxhela Rrudha është bashkëpronare e disa vilave me vlerë reale miliona euro në Palasë dhe Tiranë, duke mos pasur të ardhura të ligjshme për të mbuluar as 3 % të vlerës së vilave.

Sipas një prej kontratave që po publikojmë sot, 29-vjeçarja Anxhela Rrudha, në vitin 2020 ka blerë vilën e radhës në Palasë, tek kompleksi i Samir Manes, me vlerë reale mbi 600 mijë euro.

Vlera në kontratë është shënuar më e ulët, një marifet që i intereson kompanisë Green Coast shpk për shmangur taksat, por nga ana tjetër i intereson edhe Anxhela Rrudhës, për të justifikuar sa të mundet vlerën, me kredi fiktive dhe të ardhura të pajustifikuara.

Pjesën tjetër, Anxhela Rrudha dhe bashkëshorti i saj, për aktivitetin e zi të të cilit do flasim në vijim, e kanë paguar cash me para të pista.

Nëse SPAK hap kontratat e shitjes së vilave nga kompania Green Coast shpk do të konstatojë një skemë masive të pastrimit të parave, në bashkëpunim me kapo droge, koka krimi, politikanë të korruptuar, pseudo biznesmenë, sekserë, drejtorë dhe ish drejtorë.

Dikur pastruese e trenave të fëmijëve, Anxhela Rrudha, e cila sot pozon edhe si modele, nuk ka vetëm vilën në Palasë, por edhe disa vila të tjera po në Palasë dhe Tiranë, në funksion të skemës së investimit të parave të pista në pasuri të palujtshme./Media Ndërtimi.

Ndërtim

Rreziqet në rritje rreth ndërtimit nuk ndalojnë marrjen e kredive për këtë investime në këtë sektor

Published

on

Kredia për sektorin e ndërtimit këtë vit po shënon nivelet më të larta në të paktën gjashtë vitet e fundit.

Sipas të dhënave nga Banka e Shqipërisë, për 7-mujorin 2022, kredia e re për ndërtimin kishte vlerën e 22.7 miliardë lekëve ose 194 milionë eurove.

Kredia e re për sektorin e ndërtimit është rritur me 38% krahasuar me të njëjtën periudhë të një viti më parë.

Vlera totale e portofolit të kredisë për ndërtimin në fund të muajit korrik arriti në 70.4 miliardë lekë, në rritje vjetore me pothuajse 30%.

Kredia për ndërtimin po përjeton një fazë të re rritjeje, e nxitur nga zhvillimet në sektorin e pasurive të paluajtshme, sidomos në kryeqytet dhe bregdet.

Mbështetur në të dhënat e INSTAT, për 6-mujorin 2022, vlera e lejeve për ndërtesa, përfshi rikonstruksione, ishte rreth 60 miliardë lekë, në rritje me 54% krahasuar me të njëjtën periudhë të një viti më parë.

Ndërsa sipas Bankës së Shqipërisë, rritja mesatare vjetore e çmimeve të pasurive të paluajtshme për vitin e kaluar shënoi nivelin 9%.

Rritja e çmimeve ka inkurajuar jo vetëm sipërmarrësit, por po nxit edhe më shumë bankat t’i mbështesin këto projekte.

Megjithëse pjesa më e madhe e investimeve në ndërtim po financohet me burime të tjera, edhe bankat tregtare po e shfrytëzojnë ecurinë e favorshme në tregun e pasurive të paluajtshme, për të zgjeruar biznesin si në financimin e këtyre investimeve, ashtu edhe në blerjen e tyre nga familjet shqiptare.

Ndërtimi këtë vit është sektori i dytë më i kredituar i ekonomisë, pas tregtisë. Por, ndërkohë që kredia e re për tregtinë paraqitet pothuajse në të njëjtat vlera me vitin e kaluar, kredia për ndërtimin është në rritje të ndjeshme./Media Ndërtimi

Continue Reading

Ndërtim

Hyundai do të zbulojë konceptin e ngarkuesit me hidrogjen

Published

on

Prodhuesi me bazë në Korenë e Jugut Hyundai do të marrë pjesë në ekspozitën e Bauma të këtij viti, ku do të zbulojë një koncept ngarkues me rrota me energji me qeliza hidrogjeni.

Ngarkuesi i ri 14 tonësh, HW155H, premton tetë orë funksionim, me një kohë mbushjeje prej 20 minutash – dhe emetimi i vetëm është uji.

Hyundai do të shfaqë gjithashtu gamën e tij të ekskavatorëve, ngarkuesve me rrotën dhe kamionëve të artikuluar (ADT).

Duke punuar temën Think Further, Think Future, kompania do të zbulojë gjithashtu dy ADT të reja, HA30A dhe HA45A, me nën respektivisht 28 dhe 41 ton.

ADT- janë projektuar me korniza të pjerrëta të shas së pasme, duke u rritur qëndrueshmërinë e tyre në shumë qendra të makinave.

Sipas Hyunda, ADT-të janë të ndryshme për të përqafuar tokën, me boshtet e njëpasnjëshme që kanë një nivel të lartë kontakti me tokën dhe “tërheqjen më të mirë në klasë”. Në të dy makinat, një unazë rrotulluese e bashkimit të artikulacionit është montuar afër boshtit të përparmë, duke nxitur zgjidhjen e njëjtë të problemeve.

Kjo vetëm njëlloj e barabartë me peshën i lejon operatorit të përdorë diferencialet e mjedisit të rrëshqitjes me një vlerë bllokimi 45°, duke mbajtur lëvizjen në të dy rrotat e përparme edhe kur drejton drejtimin.

Stenda Hyundai do të përfshijë një teknologji të tillë, por do të bëjë që të ketë një zonë të veçantë teknologjike në sallën e TIK, ku do të demonstrojë si risitë ekzistuese, ashtu edhe vizionin e kompanisë për të ardhmen.

Pikat kryesore do të jenë të sigurta për energjinë, duke përfshirë teknologjinë elektrike dhe hidrogjenin e karburantit për makineri të ndërtimit./Media Ndërtimi.

Continue Reading

Ndërtim

Komuna e Prizrenit ndanë parcelë për ndërtimin e objektit të ri të Arkivit Ndërkomunal

Published

on

Me asnjë votë kundër, Kuvendi Komunal i Prizrenit, ka miratuar Kërkesën e Arkivi Kosovës për ndarjen e parcelës për ndërtimin e objektit të ri të Arkivit Ndërkomunal – Prizren.

Në mbledhjen e së enjtes të Kuvendit Komunal të Prizrenit, anëtarët e Kuvendit votuan buxhetin e Komunës për vitin 2023.

Për përgatitjen e buxhetit janë mbajtur 9 dëgjime buxhetore, 1 dëgjim buxhetor është mbajtur edhe nga Komiteti për Politikë dhe Financa.

Për organizimin e dëgjimeve buxhetore, zyrtarët përgjegjës kanë përgatitur raport me të gjitha detajet i cili është i publikuar në uebfaqen e Komunës, në rubrikën “Dëgjimet Buxhetore”./Media Ndërtimi.

Continue Reading

Trending