Connect with us

Trashëgimia

Shumë artefakte kanë filluar të zhduken në Kosovë

Published

on

Drejtori i Agjencisë për Menaxhimin e Komplekseve Memoriale, Bislim Zogaj, thotë se buxheti prej rreth 5 milionë euro për investime kapitale nuk është i mjaftueshëm për këtë institucion.

Zogaj në një intervistë për Ekonomia Online, shtoi se mjetet nuk po u dalin për t’i përfunduar projektet që kanë gjatë vitit, ngase do t’u duhen edhe kaq mjete sa kanë në dispozicion.

Ai theksoi se si mungesë e mjeteve të duhura për t’i konservuar shumë artefakte kanë filluar që të zhduken e disa kanë humbur krejt.

“Buxheti për këtë vit ka qenë rreth 5 milionë për investime kapitale, që realisht nuk ka qenë i mjaftueshëm, do të duhej të paktën edhe kaq mjete të ishin për t’i përfunduar disa projekte sepse jemi shumë me vonesë në kohë dhe kanë filluar shumë artefakte të na zhduken dhe shumë të tjera prej tyre të humbin krejt. Edhe në disa objekte që kanë gjurmë të luftës, këtë vit edhe vitin tjetër ato që kanë mbetur t’i përfundojmë”.

“Kështu që po të kishim buxhet vitin e kaluar edhe këtë vit më shumë sigurisht që do të përfundonin këtë vit. Po besoj që vitin tjetër të gjitha objektet që kanë gjurmë të luftës në fund do t’i kemi të konservuar për gjeneratat e ardhshme që të kenë dëshmi sepse më të vërtet na kanë mbetur shumë pak”, tha ai për EO.

Kompleksi memorial i dëshmorëve në fshatin Marec të Prishtinës, ka filluar që disa vite, por që nuk ka përfunduar ende. Këtë projekt që e nisi komuna e Prishtinës përveç një sasie betoni të vendosur aty tash e sa vite, komuna nuk e përfundoj asnjëherë.

Në lidhje më këtë drejtori i Agjencisë për Menaxhimin e Komplekseve Memoriale, Bislim Zogaj, tha se nëse ky projekt nuk përfundon gjatë këtij viti kjo Agjenci do të marr përsipër këtë projekt në vitin e ardhshëm.

Zogaj tha se Agjencia që udhëheqë ai është institucion kompetent për përkujdesjen e memorialëve që kanë të bëjnë me luftën, por që sipas tij, për shkak të stafit të vogël që kanë ata kanë vepruar në bazë të kërkesave që kanë ardhur nga komuna nga shoqatat në lidhje me projektet.

“Institucion shtetëror për përkujdesjen e memorialëve të dëshmoreve çka ka të bëjë me luftën e UCK-së institucion kompetent është Agjencia për Menaxhimin e Komplekseve Memoriale. Ne e kemi një staf të vogël të punëtorëve dhe e kemi të pa mundur ne të dalim në teren dhe t’i vërtetojmë prioritetet, ma shumë ne kemi vepruar në bazë të kërkesave që kanë ardhur nga komuna nga shoqatat, po edhe nga ish luftëtarët. Fatkeqësisht këtë projekt ende as një herë nuk ka ardhur në agjenci dikush për këtë projekt, ne kemi realizuar dy projekte të tjera në Marec dy projekte më të vogla edhe ato të dëshmorëve”, tha ai.

“Ky projekte që edhe unë e kam parë për herë të parë para disa dite dhe jam interesuar dhe kam parë që ky projekt ka filluar nga komuna e Prishtinës para disa viteve, janë shpallur procedurat kanë dështuar, kanë filluar kanë dështuar, që fatkeqësisht tekë ne nuk është drejtuar për këtë projekt. Por që nuk realizohet as gjë deri në vitin tjetër sigurisht se ne si Agjenci do të merrem me këtë projekt për vitin e ardhshëm”.

“Ne e kemi të pa mundur gjatë vitit me shti projekte të reja, se ne nuk kemi të hyra vetanake kemi vetëm buxhetin nga shteti. Edhe ky projekt është e pa mundur që ne të bëjmë diçka këtë vit, por në qoftë se nuk përfundon komuna apo dikush tjetër që është me herët, ne patjetër që vitin tjetër do ta parashohim që ta fusim në buxhet edhe do ta realizojmë”, tha ai./Media Ndërtimi.

Trashëgimia

11 asete të reja i shtohen trashëgimisë kulturore të Kosovës

Published

on

11 asete të reja iu shtuan Kosovës në listën e trashëgimisë kulturore në mbrojtje të përhershme.

Kështu bëri të ditur Ministria e Kulturës, Rinisë dhe Sportit në një postim në Facebook.

Ndërkaq këto janë 11 asetet e reja që i shtohen kësaj liste:

Tuma e Shpenadisë – Prizren;

Tuma e Gjinocit – Suharekë;

Vendbanimi shumështresor i Topanicës – Kamenicë;

Vendbanimi prehistorik i Hisarit – Suharekë;

Sahat Kulla dhe Muzeu Arkeologjik – Prizren;

Shtëpia e familjes Pomaku – PrizrenKroi i Beledinjës – Prizren;

Shtëpia e Adem Aga Gjonit – Prizren;

Shtëpia e Zekirja Sokolit – Prizren;

Ndërtesa e Kuvendit të Vjetër – Beledije – Prizren;Kompleksi i Sarajit të Vjetër – Prizren./Media Ndërtimi

Continue Reading

Trashëgimia

Shqipëria u përgjigjet kritikave të UNESCO-s për Gjirokastrën dhe Beratin

Published

on

Organizata Botërore e Monumenteve, UNESCO u kërkoi një vit më parë autoriteteve shqiptare të finalizonin me urgjencë Planin e Menaxhimit të Integruar për Gjirokastrën dhe Beratin.

Shqipëria thotë në raportin e dorëzuar në UNESCO se kjo nuk është bërë ende dhe i arsyeton vonesat me largimin nga Instituti i Trashëgimisë të gjithë ekipit që punonte për Planin e Menaxhimit.

Ndërsa raporti i Shqipërisë për gjendjen e konservimit të Beratit dhe Gjirokastrës u publikua në faqen e Qendrës së Trashëgimisë Botërore, kjo ende nuk ka ndodhur për Butrintin, për të cilin raporti duhej të dorëzohej nga pala shqiptare më 1 shkurt, shkruan Radio Zëri i Amerikës.

Qendra e Trashëgimisë Botërore të UNESCOS publikoi në faqen e saj raportin e Shqipërisë për gjendjen e konservimit të “Qendrave Historike të Beratit dhe Gjirokastrës” që listohen si site në seri në pasuritë botërore.

Raporti është përgatitur nga ministria shqiptare e Kulturës dhe Ekonomisë në përgjigje të vendimit të Komitetit të Trashëgimisë Botërore që u mbajt në shtator të vitit të shkuar në Arabinë Saudite.

Sipas raportit ende Berati dhe Gjirokastra nuk kanë të finalizuar një Plan të Menaxhimit të Integruar, megjithëse proçesi me mbështetjen ndërkombëtare ka nisur që në vitin 2019 dhe është kërkuar të përfundojë me urgjencë nga Komiteti i Trashëgimisë Botërore.

Vendimi i Komitetit të Trashëgimisë Botërore ne sesionin e 45 te UNESCO-s që u mbajt vitin e shkuar në Arabinë Saudite, nuk ishte bërë i njohur më parë për opinionin shqiptar, por paragrafe të tij zbulohen nga raporti i dorëzuar këto ditë nga Shqipëria.

Në paragrafin 2,3 vendimi i Komitetit të Trashëgimisë Botërore shprehej “se vërente me keqardhje dështimin e Shtetit Palë (Shqipërisë ) për të zbatuar plotësisht asistencën ndërkombëtare të dhënë për zhvillimin e Planit të Menaxhimit të Integruar për Beratin dhe Gjirokastrën në bashkëpunim me sektorët qeveritarë dhe qytetarët”.

“Vendimet e mëparshme të Komitetit, thuhej më tej nga UNESCO, i kërkojnë Shtetit Palë që të finalizojë Planin e Menaxhimit si çështje urgjent, duke marrë parasysh komentet dhe rekomandimet e bëra tashmë nga Organet Këshillimore”.

Ndërsa UNESCO ka kërkuar me urgjencë përfundimin e Planit të Menaxhimit autoritetet shqiptare janë përgjigjur se ky proces nuk ka përfunduar edhe tani pasi i gjithë ekipi i punës së Institutit të Trashëgimisë Kombëtare që ishte i angazhuar drejtpërdrejt në hartimin e draftit të parë të Planit të Menaxhimit të Integruar është larguar nga ky institucion.

“Instituti Kombëtar i Trashëgimisë Kulturore ka dorëzuar në Qendrën e Trashëgimisë Botërore një draft të Planit të menaxhimit më 16 shkurt të vitit 2023 ndërsa komentet i janë dërguar Institutit Kombëtar të Trashëgimisë Kulturore më 16 mars të vitti 2023” thuhet në raportin e Shqipërisë.

Raporti vijon më tej se “rishikimi i draftit të Planit të Menaxhimit pas komenteve të ekspertëve të ICOMOS dhe ICCROM nuk ka përfunduar plotësisht brenda afateve kohore të përcaktuara në kontratë, për shkak të disa vështirësive”.

Sipas raportit “Instituti i Trashëgimisë gjatë periudhës së zbatimit të kontratës ka pasur disa ndryshime në nivelet e menaxhimit dhe nivelet e stafit teknik, dhe i gjithë ekipi i punës që ishte e angazhuar drejtpërdrejt në hartimin e draftit të parë të Planit të Menaxhimit të Integruar është larguar nga institucioni ”.

Raporti thotë se se “ aktualisht stafi i Institutit Trashëgimisë Kombëtare është i reduktuar dhe pa përvojën e nevojshme në përgatitjen e një plani të integruar të menaxhimit për të dyja qendrat historike”/Media Ndërtimi

 

Continue Reading

Trashëgimia

Kulla e shekullit XVIII në Deçan është shndërruar në muze etnologjik

Published

on

Përveç bukurive të shumta natyrore, Rrafshi i Dukagjinit ofron edhe shumë vende të tjera të trashëgimisë kulturore për t’i vizituar. Një prej tyre është edhe kulla e shndërruar në muze etnologjik.

Kulla e ndërtuar në shekullin XVIII nga familja e Zymer Himës në Deçan, tani është shndërruar në Muze Etnologjik.

Në këtë muze, janë të ekspozuara artefakte dhe eksponate të shumta të lidhura kryesisht me mënyrën e jetës nëpër periudhat e ndryshme historike në trevën e Rrafshit të Dukagjinit.

Drejtor i Muzeut dhe ekspert i trashëgimisë Bekim Vishaj bën thirrje që muzeu të pasurohet në vazhdimësi me vegla dhe artefakte të reja të cilat do ta pasuronin edhe më shumë këtë institucion të kulturës dhe trashëgimisë.

Muzeu Etnologjik (Kulla e Zymer Himës) është një monument i trashëgimisë kulturore në Deçan i kategorisë “artiktektuore” që mbikëqyret nga Komuna e Deçanit dhe Ministria e Kulturës./Media Ndërtimi

Continue Reading

Trending