Connect with us

Aktuale

Sa është i rëndësishëm termoizilimi për banim

Published

on

Një prej metodave më efikase për të arritur klimë të përshtatshme në hapësirat e brendshme të një objekti dhe të kursehet energjia është termoizolimi.

Ndërtesa me izolim të dobët humb energji nëpërmjet mbështjellësit. Pjesa më e madhe e kësaj energjie humb nëpërmjet çatisë. Kjo përqindje mund të arrijë deri 30-35%. Konstruksioni i çatisë është më së shumti i ekspozuar ndaj ndikimeve atmosferike, ndaj është e domosdoshme të ndërmerren masa, si izolim cilësor i çatisë, mbyllje hermetike të sistemit të izolimit dhe mbrojtje të çatisë nga shiu, bora dhe dielli…

Kur flasim për termoizolimin, më së shpeshti mendojmë për materialin termoizolues, funksioni i të cilit është të mbrojë ndërtesën nga ndryshimet e jashtme të temperaturës dhe të mirëmbahet temperaturë e qëndrueshme në pjesën e saj të brendshme. Për ta quajtur një material termoizolues, ai duhet doemos të ketë koeficient të ulët të përshkueshmërisë së nxehtësisë, që shënohet me shkronjën greke λ (lambda).

Lambda e materialit për izolim është gjithmonë më e vogël se 1 W / mK, dhe sa më e vogël që është kjo vlerë aq termoizolues më i mirë është ai material, shkruan knaufinsulation.al.

Në përzgjedhjen e materialit termoizolues, për një objekt konkret, ndikojnë pothuaj faktorët e njëjtë sikur edhe për çdo material tjetër ndërtimor: kushtet lokale makro dhe mikro klimatike, popullariteti i produktit dhe traditat e ndërtimtarisë, kërkesat specifike dhe çmimi. Ndonëse askush s’është i kënaqur kur çmimi është faktori që e dikton përzgjedhjen, megjithatë gjatë përzgjedhjes së termoizolimit shumica e klientëve kryesisht vendosin në bazë të çmimit.

Megjithatë nuk duhet harruar se sot izolimi nuk e kryen më vetëm funksionin primar – të mbrojë nga të ftohtit ose nga të nxehtit. Përkundër, njerëzit duhet të jenë të vetëdijshëm se termoizolimi plotëson edhe disa kërkesa plotësuese./Media Ndërtimi.

 

Aktuale

ZRRE paralajmëron shqyrtimin e tarifave të energjisë elektrike

Published

on

Zyra e Rregullatorit për Energji (ZRRE) ka paralajmëruar shqyrtim të tarifave të reja të energjisë elektrike për vitin 2023.

Kryetari i Bordit të ZRRE-së, Ymer Fejzullahu para Komisionit parlamentar për Ekonomi tha se janë plotësuar të gjitha kushtet ligjore për këtë shqyrtim të tarifave.

Mirëpo, ai nuk dha detaje se sa mund të shtrenjtohet energjia elektrike.

“Aktivitet për të cilën shumicën e vëmendjes e merr ZRRE-ja për çdo vit, është paraparë që të bëhet shqyrtimi i tarifave të energjisë elektrike dhe termike për vitin 2023, si një proces i rregullt, për të cilën ZRRE-ja e bën për çdo vit, për dy operatorët dhe për furnizuesin e rregullt që është KESCO”, tha Zejnullahu.

Duke paraqitur planin e punës për vitin 2023, ai është shprehur se prioritet gjatë këtij viti është edhe rritja e konkurrencës në sektorin e energjisë , por edhe tregu i përbashkët me Shqipërinë./Media Ndërtimi

Continue Reading

Aktuale

Murati njofton procedimin e ligjit që mundëson faljen e tatimit në pronë

Published

on

Ministri i Financave dhe Transfereve Hekuran Murati, ka thënë se janë shumë shpejt do të procedohet ligji që do të mundësoj që të zbritjen e tatimit në pronë prej 100 euro. Ai ka treguar edhe për ndryshimet që po bëhen në funksionimin e Doganave dhe Administratës Tatimorë të Kosovës (ATK).

Janë deklaratat e Muratit ku flet për mënyrën se si do të falet tatimi në pronë dhe ndryshimet e kodit të akcizës dhe ligjin për ATK dhe doganave.

“Sa i përket kësaj çështje, unë prej ditës së parë e kamë thënë. Ka vullnet nga ana e Komunave, ne do ta procedojmë ligjin e ri i cili do të përmbaj edhe dispozitën, pra që të zbritet nga faturat tatimet tatimore e sivjetshme shuma deri në 100 euro. Pra kjo gjë është thënë dhe po bëhet. Shumë shpejt do ta dërgojmë edhe për konsultime të brendshme fillimisht e pastaj edhe për konsultime publike , projektligjin e ri që do të mundësoj këtë gjë  dhe është me rëndësi që të gjinden sa më shumë mënyra që të lehtësohet jeta e qytetarëve”, ka thënë Murati.

“Ne çka kemi bërë është kodi akcizave dhe ligji për ATK-në. Këto janë ligje që e rregullojnë funksionimi i doganave dhe funksionimin e ATK-së , nuk kanë të bëjnë me politikat fiskale, siç edhe kam parë që është raportua në disa media . Këto janë ligje të cilat rregullojnë funksionimin e dy institucioneve që janë dogana dhe ATK. Nuk ka ndryshim të ligjit për TVSH. TVSH-ja rregullohet me ligjin për TVSH ne çka po bëjmë është ligji për procedurat dhe ATK dhe ligji për Doganave. Pra që rregullon funksionimin e këtyre dy institucioneve”, ka thënë Murati./Media Ndërtimi.

Continue Reading

Aktuale

Shqipëria afër kthimit të sigurimit të detyrueshëm të shtëpive ndaj tërmeteve

Published

on

Sigurimi i detyrueshëm i njësive rezidenciale (shtëpi) pritet që të kthehet edhe një herë për diskutim në tryezat e qeverisë duke shkuar ndoshta drejt miratimit edhe pse ka vite që mbetet pezull.

Të paktën këtë lë të kuptojë Banka Botërore në një dokument të sajin ku qeveria shqiptare ka kërkuar mbështetjen me 120 milionë dollarë për rritjen e qëndrueshmërisë dhe zhvillimin e gjelbër.

Mes shumë aspekteve që lidhen me qëndrueshmërinë ku buxheti të mos gjendet në shok nga të papriturat që viteve të fundit nuk kanë munguar si tërmeti, pandemia, kriza, theksi vihet tek sigurimi i xhepave të veçantë, që përballojnë financiarisht këto nevoja.

Pra parashikimi i fondeve. Në këtë kontekst Banka argumenton disa nga aspektet që shërbejnë si shkaktarë apo nxitës të këtij projekti të madh ku sigurimi i detyrueshëm i shtëpive nga tërmeti dhe partneritetet publike private janë në vëmendje.

“Parashihet miratimi i Ligjit për Sigurimin e Detyrueshëm të pronave rezidenciale ndaj tërmeteve. Marrja parasysh e ndryshimeve klimatike në procesin e përzgjedhjes së menaxhimit të investimet publike siguron që projektimet e projekteve të jenë më të qëndrueshme kundër katastrofave natyrore dhe ndryshimeve klimatike.

Parashikohet miratimi i ndryshimeve në Ligjin PPP, duke harmonizuar PPP-në dhe kuadrin e prokurimit publik. Për sa i përket familjeve, kjo shtyllë mbështet sigurimin e tyre ndaj tërmeteve dhe ndihmon ata me aftësi të kufizuara dhe më të cenuarit për të përfituar nga rritja e efektivitetit të asistencës për aftësinë e kufizuar”, thuhet në dokumentin e Bankës.

I njëjti raport citon Fondin Monetar Ndërkombëtar në përmbledhjen e fundit për Shqipërinë të 2022-it ku thuhet se Shqipëria përjeton mesatarisht 0.8 fatkeqësi natyrore në vit, dhe kosto mesatare e mediane përkatësisht prej 0.6 për qind të PBB-së dhe 1.3 për qind të PBB-së për ndodhi(fatkeqësi).

 

Drafti i sigurimit të detyrueshëm

Shqipëria mbetet një vend me aktivitet sizmik të ndjeshëm duke e bërë shpesh herë sigurimin ndaj këtyre ngjarjeve pjesë të tryezave . Por pas tërmetit shkatërrues të 26 nëntorit 2019 ku dëmet për Shqipërinë llogariteshin në rreth 1 miliardë euro qeveria nxitoi të deklaronte se do të kishte ndërhyrje ligjore.

Si pjesë e diskutimit të asaj kohe ishte edhe sigurimi i detyrueshëm i banesave për të cilën Banka Botërore kishte vite që lobonte por që nuk ishte arritur të finalizohej asnjëherë.

Në dhjetor 2019 as një muaj nga tërmeti nisi të qarkullonte drafti i parë i sigurimit të detyrueshëm të banesave i cili parashikonte krijimin e një agjencie të dedikuar. Po kështu drafti parashikonte prime në dy shkallë. Prim sigurimi 25 Euro, për risqet e siguruara për ndërtimet me beton dhe 15 Euro, për risqet e siguruara nga ndërtimet me muratura të tjera.

I njëjti dokument nuk parashikonte asnjë fatkeqësi tjetër duke përjashtuar kështu përmbytjet që janë një tjetër eventualitet që ndodh jo rrallë në vend në rajone të ndryshme.

Por që nga ai moment duket se procesi nuk ka avancuar më tej. I vetmi që ka gjetur zbatim është sigurimi 10 vjeçar për ndërtimet e reja por që në vetvete nuk ka të bëjë me tërmetin por me mbulimin e dëmeve ndaj palëve të treta, ku për shkak të terrenit apo defektit në ndërtim, ndërtimi shembet-pjesërisht ose tërësisht, apo paraqet rrezik shembje.

Vlera minimale që u vendos në atë kohë për këtë lloj sigurimi ishte 0.1% për qind e shumës së sigurimit/limit të përgjegjësisë së përcaktuar në kontratën e sigurimit. VKM-ja u miratua në vitin 2019 dhe mori nxitje nga tërmetet e shtatorit të po atij viti.

Continue Reading

Trending