Auto
Rreth 420 mijë vetura qarkullojnë në rrugët e Kosovës
Kolonat e gjata me të cilat përballen qytetarët e Kosovës vazhdimisht, nuk janë krejtësisht pa arsye.
Përpos kushteve aspak të mira në infrastrukturën rrugore, problem është bërë edhe prania e një numri të madh të automjeteve në vend.
Shumë prej këtyre automjeteve madje janë kritikuar për dëmtim të ajrit, për shkak të vjetërsisë dhe problemeve të cilat iu janë shfaqur këtyre veturave.
Anipse numri i veturave është i madh, mjaftë i lartë vazhdon të jetë ende numri i atyre të cilat regjistrohen çdoherë në kuadër të Ministrisë së Punëve të Brendshme të Kosovës.
Në lidhje me këtë, nga Ministria e Punëve të Brendshme kanë bërë të ditur për lajmi.net se numri i veturave të cilat janë regjistruar në vitin 2022 është 30 mijë e 706.
“Numri i veturave të regjistruara në Kosovë në vitin 2022 është: 30,706”, thuhet në përgjigjen e MPB-së.
Por në kuadër të këtyre regjistrimeve që bëhen, ka edhe shumë vetura të cilat duhet ri-regjistruar, për shkak të kalueshmërisë së afatit.
Sipas MPB-së, numri i përgjithshëm i veturave të ri-regjistruara në vitin 2022 është 69 mijë e 940 vetura.
Por edhe këtë vit, as kosovarët nuk i kanë qëndruar larg “trendit” të veturave elektrike apo hibride.
Përparësitë që posedojnë këto vetura dhe të mirat që iu sjellin drejtuesve të automjeteve, kanë bërë që shumë kosovarë të zgjedhin të blejnë një të tillë, e ta regjistrojnë në kuadër të institucioneve të Kosovës.
Sipas ministrisë përkatëse, vetura të tipit elektrike, hibride apo të ngjashme në Kosovë të regjistruara janë 2 mijë e 650.
Kësisoj në rrugët e Kosovës veturat të cilat posedojnë regjistrim valid nga këto lloje mund të shihni mbi 2 mije të tilla.
“Vetura të tipit elektrike, hibride a po të ngjashme gjithsej janë 2,650 vetura”.
E në të gjitha rrugët e Kosovës, e ku padyshim shihni vetura të ndryshme janë gjithsej mbi 418 mijë.
“Vetura në qarkullim gjithsej në Kosovë janë: 418,702 vetura”, u tha në përgjigjen e MPB-së.
Brenda këtij viti, drejtuesve të automjeteve në Kosovë iu desh të merren edhe me një procedurë të re të regjistrimit.
Nga 1 marsi i vitit 2022, nisi zbatimi i plotë i projektit për vendosjen e pullave ngjitëse (stickers) në mjetet motorike.
Pulla ngjitëse merrej në rastin e kontrollit teknik të automjetit, i cili është i nevojshëm për regjistrimin e tij dhe si e tillë kërkohej të vendoset në një vend të dukshëm të veturës.
Byroja Kosovare e Sigurimit pati marrë përsipër të mbulojë të gjitha shpenzimet financiare dhe operative lidhu me vendosjen e pullave ngjitëse nëpër mjetet motorike.
Rrjedhimisht, buxheti i shtetit të Republikës së Kosovës nuk do të ketë asnjë ngarkesë financiare lidhur me vendosjen e pullave (stickers).
Ndryshe veturat e paregjistruara në Kosovë vazhdojnë të jenë sfidë e madhe për institucionet tash e sa vite./Media Ndërtimi
Auto
Telsa prezanton versionin e përmirësuar të Model 3 Performance
Tesla ka prezantuar zyrtarisht modelin e përmirësuar Model 3 Performance, i cili përdor aftësitë më të fundit të prodhimit dhe inxhinierisë.
Kompania pretendon se rezultati është “vetura e përsosur e përditshme me performancë të lartë”
Model 3 Performance u bë me njësi të re të energjisë që siguron një përmirësim prej 22 për qind në fuqinë e vazhdueshme, si dhe një rritje prej 32 për qind në fuqinë maksimale.
Falë këtyre ndryshimeve, sistemi me katër rrota, i përbërë nga dy motorë elektrikë, jep 517 kuaj-fuqi, i cili lejon veturën të përshpejtojë nga 0 në 100 kilometra në orë për 2.9 sekonda dhe të arrijë një shpejtësi maksimale prej 262 km/h. Mund të përshkojë 476 kilometra me një mbushje të vetëm të baterisë.
Përveç fuqisë së përmirësuar motorike, Tesla gjithashtu tregon për një “shasi më të aftë të orientuar drejt performancës”, por jo shumë detaje janë zbuluar.
Tesla Model 3 Performance tashmë mund të porositet, me dërgesat që fillojnë në maj ose qershor. Çmimi bazë është 52,990 dollarë./Media Ndërtimi
Auto
Tesla ul çmimet e modeleve të saj në mbarë botën
Raportohet se Tesla ka ulur çmimet e tre prej pesë modeleve të saj në SHBA, e më pas vazhdoi me uljen e çmimeve në mbarë globin, duke përfshirë edhe Kinën dhe Gjermaninë.
Ky hap nga kompania vjen pasi ajo po përballet me rënie të shitjeve dhe ndodhet në luftë të intensifikuar shitjen e automjeteve elektrike.
Bëhet e ditur se kompania e Elon Musk ka ulur çmimet e Modeleve Y, X dhe S.
Tashmë Modeli Y në SHBA kushton 42,990 dollarë, Modeli S 72,990 dollarë dhe Modeli X 77,990 dollarë, shkruan the Guardian, përcjell Telegrafi.
Gjithashtu, Tesla ka ulur edhe çmimin e softuerit “Full Self-Driving” nga 12 mijë në 8 mijë dollarë.
Ndërkohë, në Gjermani çmimi i Modelit 3 është ulur në 40 mijë euro nga 42 mijë sa ka qenë. Ulje çmimesh ka pasur edhe në vende tjera evropiane, në Lindjen e Mesme dhe në Afrikë.
Ndryshe, kompania e Musk ka njoftuar edhe për shkurtimin e 10 për qind të stafit global të saj.
E këto veprime thuhet se i kanë dhënë fund një jave kaotike që përfshinte tërheqjen e të gjithë Cybertrucks shkaku i një defekti në pedalin e gazit.
Kompania ka njoftuar se shitjet e saj në mbarë botën kanë rënë ndjeshëm pasi konkurrenca është rritur dhe shitja e automjeteve elektrike është ngadalësuar./Media Ndërtimi
Auto
Ford “tërheq” më shumë se 450,000 automjete për shkak të humbjes së mundshme të fuqisë lëvizëse
Ford pritet “të tërheq” më shumë se 450,000 SUV dhe kamionçina kompakte në Shtetet e Bashkuara sepse mund të humbasin fuqinë e makinës si rezultat i një problemi të baterisë, tha në një alarm Administrata Kombëtare e Sigurisë së Trafikut në Autostrada.
Modelet e prekura përfshijnë SUV-të Ford Bronco Sport të prodhuara nga viti 2021 deri në 2024 dhe kamionçinat Ford Maverick të prodhuara nga viti 2023 deri në 2024, konkretisht në 456,565 njësi, shkruajnë mediat e huaja, përcjell Telegrafi.
NHTSA tha se Ford zbuloi se një “karikim i ulët” i baterisë mund të rezultojë në një “humbje të aksesorëve elektrikë si dritat e rrezikut, ose të shkaktojë humbje të fuqisë së makinës, duke rritur rrezikun e një përplasjeje”.
“Ne jemi të përkushtuar për të garantuar sigurinë dhe kënaqësinë e klientëve tanë”, tha Ford në një deklaratë për CNN./Media Ndërtimi
Mospërputhjet në deklarim të pasurisë- Ku u zhdukën banesa dhe garazhi i papërfunduar i presidentes?
Çmimet e apartamenteve në Tiranë si dhe në zonat bregdetare vijojnë të shtrenjtohen
Mobilet IKEA shkatërrojnë disa nga pyjet e fundit të lashtë të Evropës
Kontraktori kinez i tuneleve pretendon rekord të ri në drejtimin e tunelit të autostradës së Gjeorgjisë
Pas Danimarkës, edhe Belgjika propozon ta ndërtojë një burg në Kosovë
Mbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)
Rindërtimi i Ukrainës “duhet të fillojë tani”
Hap dyert ‘Zenova Home’, partneri juaj për mobilimin e shtëpisë
Telsa prezanton versionin e përmirësuar të Model 3 Performance
Deçani fiton të drejtën për shfrytëzimin e tokave në Parkun Kombëtar
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
Rinovohen disa ndërtesa banimi në Gjakovë, shpenzojnë më pak energji elektrike
-
Infrastrukturë3 days agoKomuna e Prishtinës hap tender 6 milionë euro për ndërtimin e nënkalimit në rrugë “Agim Ramadani”
-
Infrastrukturë3 days agoAVONET: Gjykata Supreme me vendim skandaloz po i shërben ‘mafisë së betonit’
-
Infrastrukturë17 hours agoKontraktori kinez i tuneleve pretendon rekord të ri në drejtimin e tunelit të autostradës së Gjeorgjisë
-
Aktuale18 hours agoMbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)
-
Infrastrukturë3 days ago“Super Kanalizim” i Londrës përfundon ndërtimin e nëntokës
-
Infrastrukturë18 hours agoHap dyert ‘Zenova Home’, partneri juaj për mobilimin e shtëpisë
-
Aktuale3 days ago’53 milionëshi’ – Pse Gjykata e Prishtinës vendosi që kompensimi të zgjidhet në kontest juridiko-civil
-
Infrastrukturë2 days agoFoster + Partners projekton ndërtimin e rrokaqiellit 487 metra në Park Avenue të New York