Connect with us

Aktuale

Qeveria planifikon që ta rrisë numrin e inspektorëve nga 35 në 400, vendimi mirëpritet

Published

on

Çdo vit dhjetëra punëtorë humbasin jetën në vendin e punës, sidomos në sektorin e ndërtimit.

Megjithëkëtë, deri tani, kjo gjendje nuk ka arritur t’i bindë qeveritë të punojnë në këtë aspekt.

Në Inspektoratin e Punës, jo vetëm që numri i inspektorëve është i ulët, mirëpo, sipas ushtruesit të detyrës së kryeinspektorit, kjo shifër po zvogëlohet në vazhdimësi.

Sipas kryeinspektorit të Punës, Valon Leci, çdo vit ata kërkojnë të ndihmohen nga institucionet qendrore për shtimin e numrit, por deri më tani, nuk është se kanë ndodhur ndryshime, raporton KTV.

Momentalisht, ky inspektorat ka vetëm 35 inspektorë. Por, në draft-programin qeverisës të koalicionit VV-LDK, numri i inspektorëve të punës pritet të rritet në 400. Se si do të arrihet kjo, Qeveria ende nuk ka dhënë detaje.

Ndërkaq, sipas Sindikatës së Punëtorëve të Sektorit Privat, më shumë se shtimi i numrit të inspektorëve, është me rëndësi si bëhet puna e tyre dhe integriteti profesional.

“Nuk mendoj se do t’i vendosin 400 inspektorë dhe nuk është vetëm numri problem, problemi është te mbikëqyrja e inspektimeve të tyre. Duhet të ndërpritet lidhja e korrupsionit në relacion punëdhënës inspektorat. Numri edhe 100 do të ishte i mjaftueshëm nëse ka disiplinë në inspektime”.

E derisa po planifikohet rritja e numrit të inspektorëve të punës, edhe dikastere të tjerë të inspektimit përballen me numrin e vogël të tyre e me kushtet minimale të punës.

Inspektorati i Mjedisit deri tash numëron rreth 20 inspektorë për gjithë Kosovën, për të dy divizionet, atë të natyrës e ujërave dhe të planifikimit hapësinor.

Aktuale

Nis Konferenca Shkencore Ndërkombëtare e arkitekturës në AAB

Published

on

Edicioni i pestë i Festivalit të studentëve të Artit dhe Arkitekturës do të organizohet mes datave 24-28 Maj në Kolegjin AAB.

Kemi nderin dhe kënaqësinë të ju njoftojmë me Folësit kryesorë të Konferencës Shkencore Ndërkombëtare të arkitekturës

“Në mes të identitetit, transformimit dhe teknologjisë”, e cila mbahet me 24 Maj, në Kolegjin AAB, Objekti #5, në sallën QENDRA MEDIALE, nga ora 11:00.

Ju prezantojmë folësitë e mirënjohur ndërkombëtar si:

🔸FILIP CLAES, dizajner i enterierit dhe profesor në Thomas More University of Applied Sciences, Mechelen, Belgjikë,

🔸DIJANA VUČINIĆ, arkitekte dhe themeluese e Institutit APSS, DVARP

🔸ANDREA GRILETTO, arkitekt, drejtor i Assorestauro, Shoqatës Kombëtare Italiane për restaurimin urban, arkitekturor, arkeologjik dhe artistik./Media Ndërtimi

Continue Reading

Aktuale

Në Fakultetin e Inxhinierisë mbajti ligjëratë zv. Ambasadori i Kroacisë Dr.sc. Nedeljko Špilek

Published

on

Nën organizimin e Departamentit të Komunikacionit dhe Transportit të Fakultetit të Inxhinierisë Mekanike, në ambientet e Qendrës së Inovacionit të FIM u mbajt ligjëratë e hapur nga Dr.sc. Nedeljko Špilek, zëvendës Ambasador i Republikës së Kroacisë.

Ai prezantoi temën: “Përzgjedhja e vendndodhjes së terminalit intermodal në kryqëzimet hekurudhore të Zagrebit me metodën AHP duke përdorur kriteret teknologjike.”

Gjatë prezantimit të tij, Dr. Špilek shpjegoi qartë rëndësinë e planifikimit strategjik dhe qasjes shkencore në përzgjedhjen e vendndodhjes për terminalet intermodale. Ai theksoi se metoda AHP (Analytic Hierarchy Process) mundëson marrjen e vendimeve komplekse përmes analizës së disa kritereve, ku faktorët teknologjikë janë thelbësorë për zgjedhjen optimale të vendndodhjes.

Ligjërata u prit me interes të madh nga pjesëmarrësit dhe nxiti diskutime të frytshme mbi aplikimet praktike të kësaj metodologjie në fushën e logjistikës dhe transportit./Media Ndërtimi

Continue Reading

Aktuale

UP-ja renditet në vendin e 14-të në renditjen botërore për arkitekturë dhe inxhinieri civile

Published

on

Universiteti i Prishtinës është renditur i 14-ti në renditjen botërore universitare të platformës ndërkombëtare INSPIRELI për arkitekturë dhe inxhinieri civile, në një renditje që ka përfshirë 1320 universitete nga e mbarë bota.

Kjo renditje është falë suksesit të vitit të kaluar të studentëve të vitit të pestë të Fakultetit të Arkitekturës të UP-së, të cilët arritën rezultate të shkëlqyeshme në konkursin ndërkombëtar të studentëve “Inspireli”, duke fituar vendin e parë në tri nga gjashtë kategoritë me projektet e tyre në kuadër të resortitturistik “Miris Garden” në Zarë të Kroacisë.

Projektet fituese, të cilat u përzgjodhën nga 163 projekte konkurruese prej 38 vendeve të ndryshme, u punuan nga Besjana Ramadani, Alma Sylejmani dhe Adissa Hajdari – qendër tregtare (mentore: prof. ass. dr. Arta Xhambazi); Era Pelaj, Ermonda Gashaj dhe Elton Bajramaj – projekti i hotelit (mentore: prof. ass. dr. Rozafa Basha); si dhe Lendrit K. Krasniqi, Lirigzon Olluri dhe Albion Hetemi – projekti i apartamenteve (mentore: prof. ass. dr. Rozafa Basha).

Ky konkurs, i nisur nga “Inspireli”, ofroi jo vetëm një mundësi të rëndësishme arsimore, por edhe rriti ndjeshëm ekspozimin global të studentëve ndaj zhvillimit të praktikës arkitekturore.

“INSPIRELI World Architecture University Ranking” mbështetet në aktivitetin e studentëve dhe suksesin ndërkombëtar në kontekst krahasimtar global./Media Ndërtimi

Continue Reading

Trending