Connect with us

Aktuale

Prokuroria ngrit aktakuzë ndaj drejtorit të ndërtimit dhe urbanizmit në Prizren

Published

on

Sipas aktakuzës, drejtori i i drejtorisë për Inspekcion, drejtori i drejtorisë për urbanizëm dhe planifikim hapësinor, bashkëpunëtori professional i drejtorisë për urbanizëm e planifikim hapësinor, inspektori i ndërtimtarisë dhe shefja e kabinetit të kryetarit të Komunës- kanë shkelur pozitën zyrtare në mënyrë të kundërligjshme kanë formuar formuar komisionin për vlerësimin e ndërtimit të objektit nga investitorët A.K dhe V.K.

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurve: I.Th., F.M., R.M., E.B., K.K., në cilësi të personave zyrtarë, pasi që në bashkëkryerje kanë kryer veprën penale “Keqpërdorimi i pozitës apo autoritetit zyrtar” nga neni 422, paragrafi 2, pika 2.1 dhe 2.2, lidhur me paragrafin 1, lidhur me nenin 31 të Kodit Penal të Republikës së Kosovës (KPRK), si dhe ndaj A.K., dhe V.B., për shkak dyshimit të bazuar se kanë kryer veprat penale “Dëmtimi, shkatërrimi dhe nxjerrja e paautorizuar e monumenteve ose objekteve të mbrojtura jashtë Republikës së Kosovës” nga neni 354, paragrafi 1 lidhur me nenin 31 dhe “Uzurpimi i paligjshëm i pronës së paluajtshme”, thuhet në njoftim, raporton Shqip.com.

Zyrtarët e komunës kanë shfuqizuar urdhër ekzekutimin e Inspektoratit të Komunës të ndërtimtarisë të Drejtorisë së inspektorateve të Komunës së Prizrenit të datës  03.12.2018 kanë ndërprerë punimet rreth rrënimit, me arsyetimin se mund të dëmtohet objekti fqinj “Teqeja Melami”, i cili objekt është i mbrojtur me Ligjin për Qendrën Historike të Prizrenit.

Prokuroria Themelore në Prizren ka ngritur aktakuzë ndaj pesë zyrtarëve të kësaj komune pasi dyshohen për keqpërdorim të pozitës zyrtare.

“Duke i mundësuar investitorëve V.K., dhe A.K., ndërtimin e ndërtesës në kundërshtim me lejet për ndërtim, duke u lejuar atyre të bëjnë bashkimin e parcelave katastrale dhe ndërtimin e një objekti në disa parcela kadastrale, me ç’rast u kanë mundësuar përfitim investitorëve V.K., dhe A.K., në gabaritin – sipërfaqen e objekteve hoteliere, njëkohësisht kanë lejuar që këta investitor të uzurpojnë 9 m2 nga parcela katastrale e cila evidentohet në emër të pasurisë shoqërore pasuria “Teqe Melami” duke dëmtuar rëndë Qendrën Historike të Prizrenit”, thuhet në njoftim.

Aktuale

Ministri Murati propozon heqjen e 100 eurove për secilin tatimpagues

Published

on

Ministri i Financave, Hekuran Murati, ka thënë se ministria është në proces të ligjit të ri mbi tatimet dhe se tani po ndiqen kushtet e ligjit aktual.

Ai u ka propozuar komunave të japin nga 100 euro për secilin tatimpagues për pronë sivjet.

“Do ta ndryshojmë ligjin por të sulmohet ministria pse nuk ka informuar qytetarët, duhet të kërkohet nga komunat e jo nga unë. Me nismë ligjore keni mundur ta ndryshoni edhe ju. Si ministri ne po e ndryshojmë ligjin. Kjo është ajo çka parashohim të bëjmë. Unë sugjeroj që komunat le t’ua falin 100 eurot e para secilit tatim pagues të tatimit për pronë. Nënkupton nëse merren 15 mijë euro që janë të liruara për banimin primar rezidencial, nënkupton përafërsisht diku 70 mijë euro vlerë shtesë. Pra nëse e marrim pragun 0.15%. Nënkupton që për secilin qytetar, 90 mijë eurot e para do të ishin pa tatim sivjet. Ky është propozimi qe e ka ministria e Financave. Për 90 mijë eurot e para të pronës ne si ministri e mbështesim që të falet, a jeni ju që të falet”.

Kundër këtij propozimi të Muratit është shprehur deputeti i Lëvizjes Vetëvendosje, Eman Rrahmani.

“Më e rëndësishme do të ishte pezullim ndoshta deri në një datë. Të krijonim një komision parlamentar që do të gjente një zgjidhje bashkërisht edhe me komunat. Mendoj që ky propozimi për falje e 100 eurove nuk është korrekt. Është mirë të dakordohemi, që të fillojmë ta rishikojmë ligjin, t’i përmirësojmë gabimet që janë bërë”, ka thënë Rrahmani./Media Ndërtimi

Continue Reading

Aktuale

Pronari i ‘Euro Abi’ shpallet fajtor nga Gjykata e shkallë së parë për falsifikim të kontratës së punëtorit

Published

on

Shtatë vite më parë, Mentor Ramadani kishte pësuar një aksident në vendin e tij të punës në Gjakovë.

Nga ajo kohë, Mentor Ramadani, edhe sot nuk mund të ecë lirshëm si shkas i lëndimit në  këmbën e tij të majtë për shkak të ndërhyrjeve të shumta kirurgjike që ka pasur.

Ai për Kallxo.com ka rrëfyer mbi rastin që i kishte ndodhur, rast të cilin e kishte paraqitur tek autoritetet kompetente.

Mentor Ramadani paraqiti dyshimet e tij se ish- shefi Kadrush Rexhepi, pronari i “Euro Abi”  i kishte falsifikuar kontratën e punës.

Kështu sipas gjetjeve të Prokurorisë Themelore në Ferizaj, është ngritur aktakuzë kundër Kadrush Rexhepit, për veprën “falsifikim i dokumenteve”, vepër kjo që në kohën e kryerjes është dënuar me gjobë ose me dënim me burg deri në 3 vjet.

Për këtë vepër që rëndon ndaj tij, Kadrush Rexhepi, sot u shpall fajtorë nga Gjykata e Ferizajt dhe për këtë u dënua me gjobë në vlerë 3000 euro.

Mirëpo kjo nuk është çështja e vetme penale që pronari i “Euro Abit” është përballur me drejtësinë për të njëjtin punëtor.

Ndaj Kadrush Rexhepi kanë rënduar edhe akuzat për veprën penale të asgjësimit, dëmtimi ose heqjes së pajisjeve mbrojtëse dhe rrezikimit të sigurisë në vendin e punës. Në këtë rast të lëndimit në punë, kishte pësuar i dëmtuari Mentor Ramadani, duke rënë nga një lartësi prej 8 metrash.

Sipas aktakuzës, në muajin nëntor të vitit 2016, në kompaninë “Jatex” në Gjakovë, Kadrush Rexhepi si përgjegjës për sigurinë dhe shëndetin në punë, nuk i ka siguruar pajisjet mbrojtëse në vendin e punës, duke rrezikuar jetën e njerëzve, përkatësisht punëtorëve.

Në këtë rast derisa i dëmtuari Mentor Ramadani, si llamarinë punues në firmën “Euro-Abi”, kishte qenë duke bartur një panel-llamarine të izoluar për mbulimin e kulmit, i njëjti kishte humbur drejtpeshimin, kishte rrëshqitur dhe kishte pësuar lëndime të rënda trupore, thuhet në aktakuzë./Media Ndërtimi

Continue Reading

Aktuale

Shkak për kërcënimin ndaj Totajt u bë prona që bllokon punimet në transitin në Prizren

Published

on

Tash e një dekadë, një shtëpi në Prizren ka bllokuar punimet në rrugën transit që lidh këtë qytet me magjistralen për Prishtinë dhe Gjakovë. Kjo për shkak se pushtetet e njëpasnjëshme të kësaj komune që nga vitit 2013 kishin injoruar kërkesat e pronarit të kësaj shtëpie.

Ndërtimi i kësaj rruge kishte filluar në prill të vitit 2013 dhe u lëshua për përdorim dy vite më vonë (2015), edhe pse nuk ishte përfunduar e gjitha.

Në atë kohë komuna nuk ia kishte arritur të bijë dakord me një nga pronarët e tokave, mbi të cilën rruga duhej të kalonte. Bëhet fjalë për tokën dhe shtëpinë e Faik Kryeziut që gjendet në parcelën ku rruga ishte planifikuar të vazhdonte.

Insajderi ka kontaktuar kryetarin e Prizrenit, Shaqir Totaj për të marrë një përgjigje se a është marrur ndonjë veprim lidhur me këtë çështje.

Totaj tha se komuna tashmë ka marrë të gjitha veprimet ligjore për të zhbllokuar rrugën tranzit. Por, tha se vlerësimin e pronës të Faik Kryeziut, e ka bërë Ministria e Financave dhe jo komuna.

“Komuna e Prizrenit tashmë ka ndërmarrë të gjitha veprimet ligjore procedurale për të debllokuar rrugën tranzite. Vlerësimin e pronës nuk e ka bërë Komuna për Divizioni i Vlerësimeve qe është pjesë e Departamentit të Tatimin në Prone në kuadër të Ministrisë së Financave. Komuna vepron vetëm sipas vlerësimit të bazuar në ligj që është bërë nga ministria e financave, pronari e ka të drejtën ligjore të kontestoj këtë vlerësim përmes rrugëve ligjore“, tha Totaj për Insajderin.

Më tej, Totaj tregoi se rruga transit do të lirohet në muajin shkurt të 2023’ës.

Kujtojmë se, kryetari Totaj, është kërcënuar të martën mbrëma nga pronari i kësaj toke, Faik Kryeziu.

Rastin dy ditë më parë e ka konfirmuar zëdhënësi i Policisë për Rajonin e Prizrenit, Shaqir Bytyqi, i cili ka ka thënë se Totaj është kërcënuar për shkak se i dyshuari ishte i pakënaqur me vlerësimin e pronës së tij nga komuna.

Fjala është për një pronë-shtëpi e cila ka disa vite që pengon përfundimin e rrugës “tranziti i ri” në Prizren”, ka thënë Bytyqi për Gazetën Insajderi.

Ndërsa, sot Gjykata Themelore në Prizren i ka caktuar një muaj paraburgim të dyshuarit Faik Kryeziu për kërcënimin që i ka bërë kryetarit Totaj.

Sipas njoftimit të Gjykatës, i pandehuri i kishte dërguar porosi djalit të Totajt përmes një personi të tretë, ku kishte thënë “thuaj djalit të Kryetarit le ti thotë babës vet le të ndalet sepse nëse ai nuk ndalet edhe ma rrezon shtëpinë unë djalin e tij ose e rrahi ose e mys krejt”.

“I pandehuri F.K., me datë 24 janar 2023, me qëllim të frikësimit dhe shkaktimit të ankthit, seriozisht e kanos personin zyrtar në lidhje me punën e tij zyrtare dhe atë te dëmtuarin Sh.T.,– Kryetar i Komunës së Prizrenit, në atë mënyrë që për shkak mosmarrëveshjeve paraprake ne lidhje me një kontest pronësor me komunën e Prizrenit, i pandehuri F.K., ditën kritike përmes një personi të tretë, i dërgon porosi djalit të të dëmtuarit me fjalët se “thuaj djalit të Kryetarit le ti thotë babës vet le të ndalet sepse nëse ai nuk ndalet edhe ma rrezon shtëpinë unë djalin e tij ose e rrahi ose e mys krejt”, me çka me këtë veprim tek i dëmtuari Sh.T., dhe familja e tij ka shkaktuar frikë, ankth dhe pasiguri për jetë”, thuhet në komunikatë.

Në komunikatën e Gjykatës thuhet se i pandehuri e kishte kërcënuar edhe më herët Totajn.

“Gjykata ka ardhur në konstatimin se ekzistojnë arsye për caktimin e paraburgimit, pasi që edhe me datë 06 dhjetor 2022, ndaj të pandehurit është iniciuar hetim për veprën penale të natyrës së njëjtë (Kanosje) ndaj të dëmtuarit të njëjtë (Kryetarit të Komunës së Prizrenit), dhe i pandehuri është edhe përsëritës i veprave penale në tre (3) aktgjykime të plotfuqishme”, thuhet në komunikatë./Media Ndërtimi

Continue Reading

Trending