Connect with us

Gjykim

Prokuroria kërkon 30 ditë paraburgim për Gani Berisha i akuzuar në rastin ‘Brezovica 6’

Published

on

Nga 30 ditë paraburgim ka kërkuar Prokuroria Themelore e Ferizajt për të arrestuarit e ditës së djeshme në rastin e njohur si ‘Brezovica’.

Të arrestuarit e fundit të rastit ‘Brezovica’ janë: Berat Lahu, Shukri Shabani, Gani Berisha, Sami Sinani, Labinot Vitia, Gëzim Sinani dhe Salih Sinani.

Në kopjen e kërkesës që e ka siguruar Kallxo.com përshkruhet veprimet e të pandehurve dhe dyshimet që rëndojnë mbi ta.

I dyshuari Gani Berisha, si person zyrtar dhe atë drejtor i departamentit të pellgjeve ujore në Ministrinë e Mjedisit dhe Planifikimit Hapësinor dyshohet për veprën penale në bashkëkryerje “Marrja e ryshfetit”.

“Ekziston dyshimi i bazuar se gjatë vitit 2019 në Prishtinë si persona zyrtarë dhe atë i pandehuri Gani Berisha  – drejtor i departamentit të pellgjeve ujore në Ministrinë e Mjedisit dhe Planifikimit Hapësinor, kurse i pandehuri Arben Çitaku – sekretar i përgjithshëm i kësaj ministre, në mënyre te drejtpërdrejtë kanë marrë para me qëllim që të veprojnë në kundërshtim me detyrat e tyre zyrtare,

në atë mënyrë që përmes një zyrtari të kësaj ministrie i pandehuri Gani ka marrë 10.000 (dhjetë mijë) euro, prej të cilave 7.000 (shtatë mijë) euro për të pandehurin Arben Çitaku, për të mundësuar marrjen e pëlqimit ujor për ndërtimin e një ure mbi lumin “Murzhica”, i cili do të shërbente për objektet e ndërmarrjes “Stella Consulting” dhe objektin hotelier “Rimida”,

e të cilin pëlqim e kishte përgatitur i pandehuri Gani Berisha dhe ia kishte dorëzuar për nënshkrim të pandehurit Arben Çitaku,  i cili pëlqim ishte lëshuar në kundërshtim me Ligjin për Ujërat e Kosovës” – thuhet në kërkesën e Prokurorisë.

Gjatë ditës së sotme gjykata e Ferizajt pritet të caktoi seancën për caktimin apo jo të kësaj mase që e ka kërkuar prokuroria e Ferizajt./Media Ndërtimi.

Gjykim

“Kisha presion për opinion ligjor nga këshilltari i ish-ministrit Pal Lekaj”, thotë dëshmitari në rastin e 53-milionështi

Published

on

Në gjykimin ndaj Pal Lekajt, Eset Berishës, Nebih Shatrit dhe Besim Tahirit, procesi gjyqësor ka vazhduar më dëgjimin e dëshmitarit, Avdi Kamerolli, i cili ishte dëgjuar edhe në seancën e 3 shkurtit të këtij viti.

Ish-ministri dhe tre zyrtarët e tjerë po akuzohen se janë përfshirë në afera korruptive kur ishte vendosur për ndarjen e këtyre mjeteve në emër të vazhdimit të punimeve në Autostradën “Arbën Xhaferi” që lidh kryeqytetin me Hanin e Elezit duke i shkaktuar buxhetit të shtetit dëmin në vlerë prej 53 milion euro.

Dëshmitari i këtij rasti, Avdi Kamerolli përsëriti që presioni ndaj tij ishte bërë nga këshilltari i ministrit të atëkohshëm, Pal Lekajt, Eset Berisha.“…ndryshimi i opinionit ligjor që e kom bo, që u hek Hilli, u hjek pikërisht për shkaqe që i kam cek edhe të premten, nga presioni nga këshilltari ligjor i ministrit, Eset Berisha…”- tha Kamerolli, raporton Kallxo.com.

Tutje Kamerolli tregoi që të dy opinionet i kishte bërë nën presion, njërin në presion kohor e tjetrin në presion të të akuzuarit Berisha.

“Opinionin e parë, d.m.th. më datën një qershor faktikisht e kom deklaruar edhe pse nën presion kohor mënyrën tem e kam dhanë në opinion d.m.th. duke u bazuar në shkresat që i kam pas në dispozicion, ndërsa opinionin e dytë e kam dhanë nën ndikimin e të akuzuarit”- Vazhdoi Kamerolli.

Në pyetjen e të akuzuarit Berisha, se a është në pajtim me ligjin opinioni ligjor që dëshmitari e ka dhënë, ku ka konstatuar se vazhdimi i kontratës së datës 27 shator 2017 është bërë në përputhshmëri të plotë me Ligjin e prokurimit publik, “unë i kam treguar me datën 31 maj 2018 që çdo opinionin i imi që do të ipet do të jetë jo-meritor”- u përgjigj Kamerolli.

Ndërsa sa i përket pretendimit të të akuzuarit Berisha se ai së bashku me dëshmitarin kishin zhvilluar një bisedë, ku Kamerolli kishte thënë se nuk ka aftësi të mjaftueshme për dhënien e një opinioni ligjor, këtë gjë e demantoi vet dëshmitari.

“Jo nuk është e vërtetë aspak, për shkak se unë i posedoj kapacitetet e duhura për këtë çështje”- tha Kamerolli.

Ndërsa në pyetjen e mbrojtësit të të akuzuarit Nebih Shatri, Florent Latifi se sa i përket zgjatjes së afatit të kontratës në prokuroria, dëshmitari ka thënë që është në përputhje me Ligjin e prokurimit publik, “Po, unë mendoj se zgjatja e afatit, ka qenë e ligjshme, e njëjta është bazuar në shkresat që m’i kanë dërguar tjerët”- u përgjigj dëshmitari.

Ish-ministri Lekaj dhe tre zyrtarët e tjerë Eset Berisha, Nebih Shatri dhe Besim Tahiri akuzohen se janë përfshirë në afera korruptive kur ishte vendosur për ndarjen e këtyre mjeteve në emër të vazhdimit të punimeve në Autostradën “Arbën Xhaferi” që lidh kryeqytetin me Hanin e Elezit./Media Ndërtimi.

Continue Reading

Gjykim

Apeli e kthen në rigjykim rastin e rrënimit të “Abi Çarshia”

Published

on

Gjykata e Apelit e ka kthyer në rigjykim rastin e rrënimit të aneks-objektit të kompleksit “Abi Çarshia”, ku u dënua deputetja e Vetëvendosjes dhe ish-kryeinspektori i Komunës së Prizrenit.

Rasti i rrënimit të aneksit të objektit në kompleksin “Abi Çarshia”, sipas Prokurorisë, ka ndodhur më 19 dhe 21 korrik të vitit 2019, kur i dëmtuari Irfan Fusha kishte dorëzuar aplikacionin për legalizim.

Kryeinspektori i asaj kohe, Islam Thaçi, së bashku me inspektoren Jetmire Vrenezi në vitin 2022 janë dënuar me nga 3 vjet burg dhe 2,000 euro gjobë.

Por, pas ankesës së mbrojtësve të Thaçit dhe Vrenezit, avokatëve Blerim Mazreku dhe Adem Vokshi, çështja u kthye për rivendosje.

Në vendim Apeli ka theksuar se aktgjykimi i shkallës së parë është i përfshirë në shkelje esenciale, ngase emërtimi ligjor i veprës penale për të cilën të akuzuarit janë shpallur fajtorë nuk përputhet me dispozitivin.

“Emërtimi ligjor i veprës penale për të cilën të akuzuarit janë shpallur fajtorë nuk përputhet me përmbajtjen e dispozitivit gjegjësisht figurën e veprës penale të paraqitur në dispozitiv, pastaj të njëjtit-pra, arsyetimi përkitazi me këtë vepër penale, si për pjesën dënuese dhe atë liruese, i mungojnë arsyet për faktet vendimtare, ndërsa ato që janë thënë janë në kundërshtim me vetëveten” , sqarohet në vendim, transmeton Kallxo.com.

Apeli më tej ka cekur se në aktgjykim nuk janë vërtetuar të gjitha faktet dhe rrethanat që plotësojnë elementet e veprës penale të keqpërdorimit të detyrës zyrtare.

“Së pari nuk është marrë parasysh se vepra për të cilën janë shpallur fajtorë mund të kryhet vetëm me dashje direkte. Nuk lejohet që gjatë arsyetimit të fakteve vendimtare të paraqiten mëdyshje tek dashja e të akuzuarve ngase nuk mund të flitet për faktet, por për përgjegjësi të tjera si disiplinore, kundërvajtëse apo administrative, por kurrsesi për përgjegjësi penale”, sqarohet në vendim./Media Ndërtimi.

Continue Reading

Gjykim

Rasti ‘Toka’/ Familja e Fahredin Gashit me letër të hapur për trupin gjykues: Pse duhet vetëm z.Gashi të jetë në Paraburgim?

Published

on

Familja e Fahredin Gashit, i akuzuar në rastin “Toka”, ka dalë me një letër të hapur për trupin Gjykues, duke kundërshtuar masën e paraburgimit për familjarin e tyre. Në letrën e familjes Gashi thuhet se vetëm Fahredini është në paraburgim ndërsa të gjithë të akuzuarit tjerët po mbrohen në liri.

Letra e Plotë pa ndërhyrje:

“Pse duhet vetëm z.Gashi të jetë në Paraburgim?! Mbrojtja i ka paraqitur Gjykatës prova të cilat në mënyrë bindëse, kanë vërtetuar se kërkesa e PS për caktimin e paraburgimit kundër z.Gashi është tërsisht e pabazuar.

Sipas renditjes te te akuzuarve ku të gjithë gëzojnë shëndet të plotë dhe gëzojnë lirinë, i vetmi prindi ynë, me një serë sëmundjesh duhet të sakrifikohet për të gjithë, në të gjitha seancat dëgjimore, Fahredin Gashi asnjëherë nuk është përmendur për aktakuzën në fjalë. A thua Fahredin Gashi duhet të jetë kurbani i të gjitha proceseve të montuara nga Serbia dhe Eulex?!

Si do të jetë epilogu i këtij gjykimi të pafund e të pabarabartë? Nëse vazhdon kështu procesi, po e humbet rëndesinë, besimin dhe mirëkuptimin tonë”, thuhet ndër të të tjera në letrën e hapur të familjes së Fahredin Gashit. Letra e plotë, pa ndërhyrje: Letër e hapur, për Trupin Gjykues te departmentit special të Gjykatës Themelore në Prishtinë, Arben Hoti, Mentor Bajraktari, Lutfi Shala. Nga familja Gashi. Me Datë 24 Tetor 2016 , eshte ngritur aktakuzë , për rastin “Toka”

Në kete proces jane duke u gjykuar : Azem Syla , Shaban Syla, Shpresim Uka , Fahredin Gashi , Arton Vila , Ramadan Uka , Avdurrahman Bajshori , Gazmend Gashi , Lubisha Vujoviq, Sabedin Haxhiu , Avni Maxhuni , Elhame Uka , Sami Maqedonci , Ndue Palushi , Ramadan Mavraj , Lumnije Sopa , dhe Nyrtene Bajshori Te cilet akuzohen me fjale te pjesëtarit te sherbimit informativ serb Nazim Bllaca “Veza” ku janë vërtetuar me fakte lidhjet e tij me UDB-në , BIA-n dhe prokurorin Maurico Salustro , per krime lufte ne Serbi me mentor te tij Dragoljub Stankoviq .

Trupi Gjykues ne fjale , Kryetar i trupit gjykues Arben Hoti , marrin vendim te ja caktojn masen e paraburgimit Fahredin Gashit , me arsyetim se ka rrezik te ikjes jashte shtetit , do te asegjesoje , fsheh, ndryshojë , apo falsifikoje provat e vepres , ndikim te deshmitaret , një arsye totalisht absurde sepse eshte konstatuar , vendimin e keni edhe ju te nderuar Gjykatës qe Fahredin Gashi vuan , nga shendeti mendor , me dominim te simptomave negative -ngadalësim psikomotor , afekt i topitur , munges iniciative , varferim ne te folur , dhe ne përmbajtje , performance e varferuar sociale , poashtu vuan nga diabeti eshte me insuline pese here ne dite , sugjerim i mjekeve qe është bere me kërkesën tuaj , thotë se qendrimi i tij ne nje rreth social familjar është mese i nevojshem .

Arsyeja e dyte sipas kërkesës se Prokurorit , asgjesimi , fshehja apo ndryshimi i provave , nuk po kuptojme çfare prova pas shtate viteve prej se është ngritur aktakuza , a nuk i keni mbledhur “provat ” kemi pasur bastisje ne shtepi nga eulexi nëse ka pasur prova i kan sekuestruar ne baze te arsyetimit te juaj provat jane duke pritur qe te lirohet Fahredin Gashi dhe te asgjesohen , absurditet total , por edhe nese do te kishin qendruar keto arsye te kota pse vlen kjo vetem per Fahredin Gashin dhe nuk vlen per te tjerët ku asnjeri te bashke akuzuarit ne rastin “Toka ” nuk eshte nen masa kufizuese . Pra te gjithe jane ne mbrojte në liri .

Pse duhet vetem Z. Gashi te jete ne Paraburgim?! Mbrojtja i ka paraqitur Gjykates prova te cilat ne mënyre bindese , kane vertetuar se kerkesa e PS per caktimin e paraburgimit kunder Z. Gashi është tersisht e pabazuar. Sipas renditjes te te akuzuarve ku te gjithë gezojne shëndet te plote dhe gëzojnë lirine , i vetmi prindi yne , me nje sere semundjesh duhet te sakrifikohet për te gjithë , ne te gjitha seancat degjimore , Fahredin Gashi asnjëhre nuk eshte përmendur per aktakuzen ne fjale. A thua Fahredin Gashi duhet të jetë kurbani i të gjitha proceseve të montuara nga Serbia dhe Eulex?! Si do te jete epilogu i ketij gjykimi te pafund e te pabarabarte? Nese vazhdon keshtu procesi, po e humbet rendesine, besimin dhe mirekuptimin tone. Me respekt Familja Gashi . ( Ilirida , Albion , Frontina , Auron , Argjend , Klevis Gashi)/Media Ndërtimi.

Continue Reading

Trending