Connect with us

Infrastrukturë

Projekti i Lumit të Ibrit që po sjell telashe

Published

on

Një incident mes disa banorëve shqiptarë dhe atyre serbë është parandaluar nga Policia e Kosovës gjatë ditës së sotme. Incidenti kishte gjasë të ndodhte pranë një vendpunishte në shtratin e lumit Ibër ku po ndërtohej një urë.

Ura po ndërtohej, si pjesë e një projekti të Ministrisë së Infrastrukturës dhe Ambientit, në largësi prej 500 metra nga ura kryesore e Ibrit, por komuna e veriut nuk e ka dhënë lejen për këtë ndërtim dhe ka urdhëruar prishjen e saj.

Për parandalimin e incidentit ka folur zëvendësdrejtori rajonal i Policisë së Kosovës, Besim Hoti.

“Ndërsa punimet vazhduan edhe sot, komuna në veri urdhëroi prishjen e pjesës, që sipas tyre ishte ndërtuar në mënyrë joligjore dhe për këtë arsye kishte ndodhur një grindje fizike. Ne u detyruam që bashkë me njësitë e policisë nga jugu, të ndërhyjmë për të mos lejuar shkaktimin e prishjes së qetësisë dhe rendit publik”, ka thënë Hoti për Radion Evropa e Lirë.

Kryetari i Mitrovicës së Jugut, Agim Bahtiri, këtë veprim të homologit të tij, Goran Rakiq, e ka quajtur të turpshëm.

“Është e turpshme prishja e punës që është punuar, une shpresoj se kjo do të jetë hera e fundit që Rakiqi mund të nderhyjë sepse projekti është pjesë e ujit në të cilën ka të drejtë vetëm ministria” ka thënë Bahtiri në një intervistë për mediat kosovare.

Ai ka treguar edhe për detajet që parashihen me këtë projekt dhe gjithashtu ka pohuar se projekti është përkrahur edhe nga ndërkombëtarët.

“Ne, siç e dimë, këtë projekt e kemi nga Ministria e Ambientit, e që është prej liqenit deri te ura e Ibrit. Ky projekt përfshinë dy bankinat e lumit Ibër dhe kanalizimet komplet për mos me ra në lumin e Ibrit. Projekti është përkrahur nga gjithë spektri politik po edhe ai ndërkombëtar. Unë mendoj se është duke u bë një projekt i jashtëzakonshëm për qytetin e Mitrovicës”, theksoi Bahtiri.

Ndërsa, në anën tjetër kryetari i Mitrovicës së Veriut, Goran Rakiq, ka thënë në një prononcim për mediat se pjesëtarë serbë nga stacioni i policor i Mitrovicws së veriut janë sulmuar nga një grup huliganësh, siç i quan ai, të Mitrovicës së Jugut.

“Një grup huliganësh të Mitrovicës së Jugut sulmuan pjesëtarët serbë nga stacioni policor i Mitrovicës së Veriut, të cilët u ofruan ndihmë autoriteteve komunale në përputhje me ligjin, pas vendimit për heqjen e objektit të paligjshëm që bllokon lumin Ibër dhe realizon qëllimin e paralajmëruar të Agim Bahtirit për të marrë Mitrovicën e Veriut”, ka thënë Rakiq.

“Dhuna ndaj oficerëve të policisë që kujdesen për paqen dhe sigurinë e të gjithë qytetarëve është absolutisht e papranueshme”, tha Rakiq duke shtuar se u bën thirrje komunitetit ndërkombëtar dhe zyrtarëve të qeverisë së Prishtinës që urgjentisht të komunikojnë me komunën e Mitrovicës së Jugut që të ndalojnë punimet sipas tij të paligjshme mbi lumin Ibër dhe ngritjen e tensioneve.

Ai u bëri thirrje qytetarëve të komunës së Mitrovicës së Veriut të qëndrojnë të qetë dhe të përmbajtur, duke deklaruar se në përputhje me ligjin se ata do të ushtrojnë plotësisht kompetencat e tyre edhe nëse kjo gjë nuk i pëlqen dikujt nga përfaqësuesit e Mitrovicës së Jugut.

Lumi Ibër ndan Mitrovicën të banuar nga serbët, në veri, dhe atë në jug e cila banohet nga shqiptarët.

Infrastrukturë

Fillon asfaltimi i rrugës së Patrikanës në drejtim të Rugovës

Published

on

Mëngjesin e sotëm ka nisur asfaltimi i rrugës së Patrikanës që çon në drejtim të Rugovës.

Kjo rrugë ka kohë që ishte në gjendje te mjerueshme dhe shkaktonte ndotje nga pluhuri i madh pas kalimit të veturave.

Ky është një lajm i mirë edhe për turistët që frekuentojnë bukuritë e Rugovës gjatë stinës së verës./Media Ndërtimi

Continue Reading

Infrastrukturë

Komuna e Prishtinës fton qytetarët në diskutim të përgjithshëm publik

Published

on

Komuna e Prishtinës përmes një njoftimi ka bërë të ditur se kryetari Përparim Rama do mbajë diskutim të përgjithshëm publik me qytetarët më 25.06. 2024 në Sallën e Kuvendit Komunal me anë të live stream.

Në diskutim përpos kryetarit, të pranishëm do jenë edhe nënkryetarët, Alban Zogaj, Donjeta Lushaku si dhe ekipi i drejtorëve të drejtorive komunale.

Komuna u ka bërë thirrje qytetarëve të marrin pjesë, si mundësi për hapjen e temave të rëndësishme në interesin e përgjithshëm.

Qytetarët mund të lënë koment dhe sugjerime deri më 25.06.2024 në adresat e publikuara në link.

https://prishtinaonline.com/lajmet/4171/komuna-e-prishtines-organizon-diskutim-te-pergjithshem-publik

Continue Reading

Infrastrukturë

Ferrovial shet aksionet e kompanisë indiane të ndërtimit të rrugëve për 214 milionë euro

Published

on

Kompania e infrastrukturës me seli holandeze Ferrovial ka shitur aksionet e saj të kompanisë indiane të ndërtimit të rrugëve IRB Infrastructure Developers nëpërmjet degës së saj Cintra.

Ferrovial njoftoi se kishte shitur 5% të aksioneve të saj në IRB për 214 milionë euro (231.4 milionë dollarë amerikanë) nëpërmjet një ‘marrëveshjeje blloku’ ose vendosjes së 301.9 milionë aksioneve me investitorët institucionalë në Bursën Kombëtare të Stock (NBE) dhe Bursën e Bombeit (BSE). ).

Pavarësisht shitjes, Ferrovial mbetet aksioneri i dytë më i madh i IRB me 19.9% ​​të aksioneve.

Kompania holandeze gjithashtu do të mbajë të njëjtin përfaqësim në bordin e drejtorëve të IRB dhe se shitja e 5% të aksioneve do të rriste likuiditetin e aksioneve të IRB.

Operacioni vjen pas njoftimit të fundit për blerjen e 24% në IRB Infrastructure Trust. Ferrovial tha se kjo do të “plotësonte” strategjinë e saj në Indi, një treg me “perspektiva të shkëlqyera rritjeje afatgjata”./Media Ndërtimi

Continue Reading

Trending