Connect with us

Ambienti

Prodhuesit origjinal të pajisjeve obligohen të kalojnë drejt zgjidhjeve më të pastra të energjisë

Published

on

Ka një Akt të ri të të Dhënave të BE-së që qarkullon nëpër Bruksel, i cili ka të ngjarë të ratifikohet vitin e ardhshëm dhe të bëhet ligj në verën e vitit 2024. Por, larg nga frika, Prodhuesit origjinal të pajisjeve duhet të bëjnë gjithçka që munden për të përfituar.

Është shumë njerëzore të pëlqesh status quo-në. Por ndonjëherë një mënyrë e caktuar për të bërë gjërat bëhet e dëmshme. Një vështrim i shpejtë në sektorin e karburanteve fosile ilustron në mënyrë të përsosur argumentin.

Nëse duam të krijojmë një botë më të qëndrueshme, atëherë prishja e status quo-së dhe ndezja e inovacionit është bërë një gjë e panegociueshme në një rrugë pa dyshim të vështirë.

Nëse kemi sukses, ne do të kalojmë drejt zgjidhjeve më të pastra të energjisë dhe përfundimisht në një botë më të mirë.

Kështu duhet ta shohim Aktin e ri të të Dhënave të BE-së që u paraqit në shkurt 2022. Ka të ngjarë (nëse jo e sigurt) të miratohet në verën e vitit 2023 dhe do të hyjë në veprim afërsisht 12 muaj pas kësaj.

Ka pasur një sërë rregullimesh të të dhënave gjatë dekadës së fundit apo më shumë që mbulojnë fusha të ndryshme me tema themelore që përfshijnë sigurinë, inovacionin, kontrollin, kursimet e kostos dhe drejtësinë. Akti i të dhënave të BE-së bazohet shumë mbi ato tema.

Në thelb, ai do të bëjë sa më poshtë: Kur të dhënat nuk mund të aksesohen drejtpërdrejt nga përdoruesi nga produkti ose shërbimi përkatës, mbajtësi i të dhënave duhet t’i vërë ato në dispozicion të përdoruesit pa vonesa, kosto të panevojshme dhe, në mënyrë ideale, vazhdimisht në kohë reale.

Në zemër të saj, përdoruesit e pajisjeve të lidhura fitojnë akses të plotë në të dhënat e gjeneruara nga ato pajisje, duke shfrytëzuar në mënyrë efektive fuqinë e të dhënave si një “mall jo rival”.

Kjo ka implikime në të gjithë zinxhirin e vlerës./Media Ndërtimi.

Ambienti

Prerja e pemëve në Stacionin e Autobusëve në Gjakovë, jep dorëheqje u.d. kryeshefi Agron Hoxha

Published

on

Agron Hoxha ka dhënë dorëheqje nga pozita e ushtruesit të detyrës së kryeshefit të Stacionit të Autobusëve në Gjakovë, pas prerjes së disa pemëve të vjetra në oborrin e stacionit të autobusëve.

Lajmin për Kallxo.com e ka konfirmuar vetë Hoxha, më 18.03.2024, duke thënë se pas ngjarjes që ka ndodhur një ditë më herët e ka ofruar dorëheqjen.

“Unë jam larguar sot nga ushtruesi i detyrës. Pas ngjarjes që ka ndodhur kam ofruar dorëheqjen” – ka thënë ai përmes telefonit.

Hoxha ka thënë se vendimi për prerjen e pemëve ka qenë i ndërmarrjes, për shkak të një projekti për renovimin e objektit.

“Ato pisha të kalbura janë hequr për shkaqe sigurie. Nganjëherë ka ndodhur që u kanë rënë edhe studentëve, sepse aty janë 10 mijë qytetarë që gjatë ditës që lëvizin në stacion. Këto kanë me u ndërr me pisha të reja, pasi të kryhet projekti” – ka thënë Hoxha.

Konstatimi se pemët janë të kalbura, Hoxha tha se është bërë nga vetë menaxhmenti i ndërmarrjes, e jo nga ndonjë ekspert i fushës.

Në anën tjetër, Komuna e Gjakovës ka thënë se prerja e drunjëve është bërë pa dijeninë e tyre.

Përmes një komunikate për media, Komuna ka thënë se rasti është duke u trajtuar nga Policia dhe Prokuroria e Shtetit.

“Ky veprim ka ndodhur pa njoftimin dhe aprovimin e komunës dhe si i tillë është i dënueshëm. Ky nuk është rasti i vetëm që po ndodh. Në të gjitha rastet do të ndërmirren masat e nevojshme ligjore dhe presim nga policia dhe prokuroria që edhe ata ti ndërmarrin masat e duhura ligjore për këto raste” – thuhet ndër të tjera në reagim.

Ndërsa drejtori i Inspektoratit në Komunën e Gjakovës, Hysni Muhadri, ka thënë se Stacioni i Autobusëve nuk ka pasur leje nga asnjë institucion për prerjen e pemëve. Përmes telefonit, Muhadri tha se inspektorët kanë dalë në vendin e ngjarjes dhe janë duke e trajtuar rastin.

“Po dje kanë dalur inspektorët. Kemi bërë procesverbalin dhe jemi në proces të marrjes së veprimeve ligjore. Nuk ka pasur leje prej asnjë institucioni që me u pre ato pemë” – ka thënë Muhadri./Media Ndërtimi

Continue Reading

Ambienti

Punimet për HEC-in në Thirrë vijojnë edhe pas pezullimit nga Bashkia Mirditë

Published

on

Bashkia Mirditë pezulloi për dy muaj punimet në HEC-in që po ndërtohet në Thirrë, por  makineritë e kompanisë “Sang 1” vijojnë të pa shqetësuara punën.

Banorët e fshatit Thirrë, të njësisë administrative Fan të Mirditës, vijojnë të denoncojnë  punimet në mënyrë të paligjshme për ndërtimin e HEC-it.

Sipas avokatit të banorëve, Elton Laska, ata kanë kërkuar përmes shkresave dërguar institucioneve vënien në lëvizje të strukturave përgjegjëse.

“I kam bërë shkresë Ministrisë së Brendshme, Drejtorisë së Përgjithshme të Policisë, Drejtorit të Policisë së Qarkut dhe Ministrisë së Drejtësisë, duke i venë në dijeni me të gjitha vendimet, qoftë vendimin e gjykatës ashtu edhe vendimin e bashkisë për pezullim punimesh. Të gjitha këto shkresa unë ia kam bashkëngjit kërkesës për informacion që ju kam dërguar këtyre institucioneve duke iu kërkuar që të venë në lëvizje strukturat për të penguar vazhdimin e punimeve në mënyrë të paligjshme”,- shprehet Laska për Citizens Channel.

Në 28 shkurt 2024, bashkia Mirditë gjobiti kompaninë “Lajthiza Invest sh.p.k” me 300 mijë lek dhe pezulloi punimet për dy muaj, pasi kishin nisur punën në terren pa dorëzuar dokumentacioni ligjor pranë bashkisë./Media Ndërtimi

Continue Reading

Ambienti

Ndotja e ajrit dëmton jo vetëm shëndetin, por edhe performancën ekonomike

Published

on

Monitorimi i ajrit në Shqipëri mbetet një nga sektorët më problematikë. Sipas OBSH ndotja e ajrit shkakton 24,109 vdekje në vit në Evropë. Ndërkohë që studimi më i fundit i Universitetit të Kembrixh (Shkurt 2024) tregon se në vendet si Anglia kjo ndotje ndikon edhe mbi performancën e ekonomisë duke e ulur atë deri në masën 5%.

Monitorimi i cilësisë së ajrit është një çështje mjedisore me ndikim në shëndetin publik, por është gjithashtu edhe një detyrim që nevojitet të plotësohet në kuadër të proçeseve të integrimit me Bashkimin Evropian. Studime të ndryshme të kryera në Shqipëri lidhur me monitorimin e cilësisë së ajrit, referojnë se ngarkesa e ajrit me grimca është më e lartë se standartet e OBSH. Sipas Raportit mbi Gjendjen e Mjedisit në Shqipëri për 2022, të publikuar nga Agjencia Kombëtare e Mjedisit, vlerat e ndotësve të ajrit për dy elementet e mëposhtëm janë: 15,6 µg/m3 për PM 2.5 (nga 11,3 µg/m3, në BE) dhe 5,678 µg/ m3 (nga 4.182 µg/m3 në BE) për ozonin.

Sipas një studimi të fundit të Universitetit të Kembrixh, është parë se nivelet e larta të ndotjes së ajrit mund të ulin përformancën e punës në grup, e cila është thelbësore në zgjidhjen e çështjeve komplekse, p.sh në fusha të tilla si, zhvillimi i teknologjive të lidhura me energjitë e pastra, gjë e cila mund të godasë zhvillimin ekonomik të vendeve me nivel të lartë ndotjeje dhe vendeve në zhvillim.

Ndikimi i ajrit të ndotur në produktivitetin në punë për rrjedhojë edhe në situatën ekonomike

Ndikimet negative të ndotjes “vërehen kryesisht në vendet me ndotje të lartë, apo në vendet në zhvillim. Duke qënë se produktiviteti në punë i ekipeve që drejtojnë veprimtarinë prodhuese në sektorë të ndryshëm të zhvillimit ndikohet nga ndotja e ajrit, sipas një studimi të publikuar nga Gazeta e Psikologjisë Ekonomike në 2024 – mund të thuhet se nivelet e larta të saj, ka gjasa të shihen si faktor me ndikim në zhvillimin ekonomik./Media Ndërtimi

Continue Reading

Trending