Connect with us

Turizëm

Prishtina, qytet pa lum dhe pa zyre turistike

Published

on

Edhe pse statistikisht kryeqendra e Kosovës ka numrin më të madh të turistëve në vendin tonë, ajo ende vuan për një zyre të denjë turistike e shumë produkte të tjera që mund ta bëjnë atraktiv si kryeqytet. Mungesa e zyrtarëve të ftuar në takimin konsultativ të kësaj jave nga Komuna e Prishtinës pothuaj e dëshmon këtë gjendje.

Nëpërmjet takimeve tona ne synojmë të sjellim bashkë guidat turistike, profesionistët e ndryshëm të sektorit të turizmit, zyrtarë përgjegjës por edhe organizatat e shoqërisë civile që merren me promovim të turizmit në Kosovë. Në takimin e së martës, patëm nderin që në mesin e kolegëve ta kemi znj. Elizabeth Gowing, një nga personalitetet e shquara të vendit, e cila nuk ka rreshtur së promovuari Kosovën përmes projekteve të ndryshme e librave të saja. Znj. Gowing, tanimë edhe me post qeveritar, theksoi që promovimin e profesionit të guidës turistike duhet ta shohim si potencial për vende të reja të punës dhe se diversiteti kulturor i vendit paraqet një përparësi të madhe në këtë aspekt.

Kolegët guida e entuziastë prezent theksuan po ashtu që vetëm këtë vit me aprovim të ligjit të turizmit, shteti tanimë e njeh profesionin tonë përderisa deri më tani nuk ka pasur asnjë iniciativë për promovim dhe përkrahje të këtij profesioni. Mungesa e udhëzimeve administrative për zbatim të plotë të ligjit, mungesa e një programi të përbashkët për certifikim të guidave të kulturës por edhe ata të natyrës, mungesa e promovimit dixhital, etj ishin ndër temat tjera të ngritura në diskutim.

Ky takim është organizuar në kuadër të projektit “Themelimi i programi të certifikimit të guidave turistike të Kosovës”, i cili përkrahet financiarisht nga Ministria e Kulturës, Rinisë dhe Sportit.

Turizëm

Prizreni sjellë mijëra turistë nga e gjithë bota

Published

on

Kalaja e Prizrenit, Lidhja e Prizrenit, Shatërvani, Objektet e Kultit, janë vetëm disa nga vendet në qytetin e Prizrenit që sjellin qindra mijëra vizitorë nga rajoni dhe bota gjatë vitit. I njohur si vend historik e turistik, ky qytet po arrin të sjellë turistë nga vende të ndryshme të botës në Kosovë, thotë kryetari i kësaj komune, Shaqir Totaj.

Ai për KosovaPress thotë se ka rritje ndër vite të numrit të turistëve, shton se janë duke punuar për të promovuar sa më shumë turizmin kulturor që e karakterizon këtë qytet. Megjithatë, ai kritikon qeverinë për mungesë të bashkëpunimit, pasi siç thotë ai, nuk ka përkrahje të mjaftueshme për turizëm. Ai po ashtu thotë se Ministria e Kulturës, Rinisë dhe Sportit investon kryesisht vetëm në rivitalizimin e objekteve dhe jo në pjesë tjera, raporton Kosova Press.

Totaj vlerëson se promovimi i turizmit kontribuon në zhvillimin ekonomik të vendit, porse thotë se për këtë nevojiten fonde nga ana e ekzekutivit.

Derisa rendit vendet që frekuentohen më së shumti nga vizitorët, ai thotë se gjatë sezonit të verës vinë turistë edhe nga vendet e largëta, siç janë Japonia, Kina e Koreja.

Se Prizreni po vizitohet nga qindra e mijëra turistë e thotë edhe Veron Tara, nga organizata “EDUCO”, e cila merret me promovimin e turizmit. Madje, ai vlerëson se numri më i madh i vizitorëve që ka pasur ndonjëherë ky qytet ka qenë vitin e kaluar.

Tara thotë se në mesin e shteteve që kanë vizituar Prizrenin, kishte prej tyre që kanë qenë për herë të parë në Kosovë.

Tara ka renditur edhe disa nga karakteristikat që tërheqin vizitorët për të ardhur në këtë qytet të bukur./Media Ndërtimi

Continue Reading

Turizëm

Lista e qyteteve ku vizitorët më 2024 duhet të paguajnë ‘taksën e turistit’

Published

on

Një numër destinacionesh të njohura në botë kanë nisur t’i kërkojnë para “ekstra” turistëve teksa thonë se përpiqen të përballojnë fluksin dhe kërkesën e vizitave.

Raportime të fundit sugjerojnë se disa nga qytetet më të njohura turistike po vuajnë nga numri i madh i vizitorëve, ku pronarët japin akomodimet me qera dhe vendasit detyrohen të largohen ne periferi.

Në vende si Venecia, autoritetet duhet të përballen me dëmet që lënë prapa turmat e turistëve prandaj kanë nisur të kërkojnë një tjetër pagesë prej turistëve.

Barcelona ka vendosur taksë turizmi prej disa vitesh që këtë vit arriti në €2.75.

Në Valencia vizitorët duhet të paguajnë 50 cent çdo natë në varësi të akomodimit të tyre.

Gjithashtu qyteza bregdetare portugeze Olhão ka vendosur taksën në 2023, duke i kërkuar vizitorëve dhe €2 euro më shumë në muajt prill deri në tetor.

Praktika është përhapur dhe në destinacione të tjera në varësi të fluksit dhe tipit të vizitorëve, ku pagesa shtesë aplikohen në qytete të ndryshme të Austrisë, Belgjikës, Bullgarisë, Karaibeve, Kroacisë, Çekisë, Francës Gjermanisë, Hungarisë e Italisë./Media Ndërtimi

Continue Reading

Turizëm

Komuna e Prizrenit dhe UNDP fillojnë projektin për promovimin e turizmit

Published

on

Komuna e Prizrenit dhe Programi i Kombeve të Bashkuara për Zhvillim (UNDP) në Kosovë nënshkruan marrëveshje për të zbatuar një projekt që do të shërbejë për promovimin e turizmit dhe rritjen e zhvillimit ekonomik në qytet.

Sipas njoftimit të UNDP-së, kjo marrëveshje, e cila shënon fillimin zyrtar të projektit, është nënshkruar nga Nuno Queiros, përfaqësues i Përhershëm i UNDP-së dhe  Shaqir Totaj, kryetar i Komunës së Prizrenit.

Queiros tha se synimi i tyre është të sigurojnë që rritja e turizmit  të reflektohet në përfitime të qarta për ekonominë vendase dhe sektorin privat.

“Duke rigjallëruar modelet tradicionale të biznesit, ne synojmë të ndërtojmë një themel ekonomik të qëndrueshëm që mund të përshtatet dhe të lulëzojë. Ky partneritet i fundit plotëson bashkëpunimin që daton më shumë se 10 vjet në mes të UNDP-së dhe Komunës së Prizrenit dhe është një testament për atë që ne mund të arrijmë së bashku. Unë besoj fuqimisht se së bashku do të nxisim potencialin e plotë të Prizrenit si destinacion kryesor për turizëm të qëndrueshëm dhe zhvillim ekonomik”, theksoi Queirós.

Ndërsa Totaj tha se zhvillimi i turizmit në Prizren është një mundësi e mirë për ta stimuluar ngritjen ekonomike dhe krijimin e vendeve të punës, duke rritur nivelin e cilësisë së jetesës së banorëve.

“Investimi në infrastrukturën turistike dhe promovimi i trashëgimisë së pasur kulturore të Prizrenit, domosdo tërheq vizitorë dhe forcon ekonominë lokale. Prioriteti i zhvillimit të turizmit përputhet me aspiratat tona për t’u bërë një destinacion i njohur, duke kontribuar në zhvillimin rajonal dhe njohjen ndërkombëtare të Prizrenit”, tha Totaj.

Projekti “Promovimi i Turizmit dhe Zhvillimi i Sektorit Privat” është një iniciativë në kohëzgjatje prej një vit e gjysmë e financuar bashkërisht nga Komuna e Prizrenit dhe UNDP./Media Ndërtimi

Continue Reading

Trending