Connect with us

Infrastrukturë

Perspektiva e zymtë për ndërtimtarinë në Gjermani

Published

on

Viti i kaluar nuk ishte i mirë për ndërtime të reja në Gjermani. Dhe nuk ka asnjë shenjë përmirësimi as në vitin e ri. Disa ekspertë besojnë se numri i ndërtesave të reja mund të jetë nën nivelin e vitit 2023.

Ekonomistët dhe industria e ndërtimit supozojnë se tendenca e rënies në ndërtimin e banesave do të vazhdojë edhe në vitin 2024. Instituti ifo nga Mynihu vlerëson se vetëm 225.000 apartamente mund të përfundohen në vitin 2024, që në fakt është një rënie prej 45.000 apartamentesh në krahasim me vitin e kaluar. Shoqatat më të rëndësishme të industrisë, duke përfshirë Shoqatën kryesore të Industrisë Gjermanetë Ndërtimit dhe Shoqatën Qendrore të Industrisë gjermane të Ndërtimit, janë po ashtu pesimiste – megjithëse parashikimet e tyre ndryshojnë pak.

Qëllimi i paarritshëm i qeverisë?

Nga ana tjetër, synimi i qeverisë federale është 400.000 apartamente të reja në vit. Shumë ekspertë e konsideronin këtë numër ndoshta real për kohërat më të mira, por tani konsiderohet i paarritshëm.

DZ Bank – institucioni qendror i bankave gjermane – supozon po ashtu se tendenca në rënie e ndërtimeve të reja do të vazhdojë të përshpejtohet: si rezultat i krizës së ndërtimit, numri i apartamenteve të ndërtuara çdo vit mund të bjerë në 200.000, sipas një parashikimi të publikuar së fundmi, deri në vitin 2025.

Ekonomisti i Ifo, Ludwig Dorffmeister vlerëson se 70.000 shtëpi të reja do të ndërtohen në vitin 2024 – që do të ishte niveli i ri më i ulët në të gjithë Gjermaninë që nga viti 2009.

Pritet rënia e shitjeve

“Ne e shohim vitin e ardhshëm me shqetësim,” tha Tim-Oliver Müller (Müller), drejtor i Shoqatës së Industrisë së Ndërtimit. “Duke pasur parasysh rënien e konsiderueshme të kërkesave, situata ka të ngjarë të përkeqësohet më tej në vitin 2024 në krahasim me një vit më parë.” Drejtori i Përgjithshëm i Shoqatës Qendrore të Industrisë së Ndërtimit Felix Paklepa – i cili përfaqëson interesat e kompanivetë ndërtimit të madhësive të mesme – pret një rënie prej 13 për qind të shitjeve.

Instituti Gjerman për Kërkime Ekonomike (DIV) ishte më pak pesimist në një raport për qeverinë federale të botuar në dhjetor, duke parashikuar vetëm një rënie relativisht të vogël nga 270.000 apartamente të reja në 2023 në 265.000 këtë vit.

Kosto më të larta për kreditë

Pak kompani presin që ndërtimi të rikuperohet vetë gjatë viteve të ardhshme. “Pa një ndryshim themelor në politikën e ndërtimit të banesave me kushte më të mira të financimit dhe specifikimet më të thjeshta të ndërtimit për industrinë, madje as 200.000 apartamente nuk do të jenë të mundshme të ndërtohen në vitin 2025”, thotë CEO i Paklep./Media Ndërtimi

Infrastrukturë

I nxehti në Kosovë: Punëtorët në kulme e në skele

Published

on

Ndonëse Ministria e Shëndetësisë e Kosovës mori vendim për ndalimin e punës në sektorin e ndërtimtarisë nga ora 11:00 deri 17:00, shumë kompani nuk janë duke e respektuar.

Radio Evropa e Lirë gjatë javës ka fotografuar punëtorë në vendpunishte të ndryshme duke punuar në pikë të zhegut.

Fotografitë janë shkrepur nëpër lagje të ndryshme të Prishtinës.

Për shkak të rrezikut nga temperaturat e larta, Ministria e Shëndetësisë e Kosovës, nëpërmjet një vendimi ndaloi punën në sektorin e ndërtimtarisë nga ora 11:00 deri 17:00.

Disa punëtorë të një kompanie duke punuar për mirëmbajtjen dhe pastrimin e rrugëve në Prishtinë.

Temperatura ka arritur deri në 39 gradë celsius ditëve të fundit në Kosovë.

Por, vendimi i MSH-së nuk është duke u respektuar nga shumë kompani.

Ministria e Shëndetësisë thotë se është vërejtur përmirësim në respektimin e vendimit.

Në një vendpunishte është vendosur një afishe me mbishkrimin “Nuk punohet”.

Ditën e parë pas marrjes së vendimit janë shqiptuar mbi 25 gjoba, por është vërejtur përmirësim i dukshëm në respektimin e tij gjatë ditëve në vijim, pasi të gjitha kategoritë janë më të informuara rreth vendimit”, tha MSH-ja në një përgjigje për Radion Evropa e Lirë.

Sipas parashikimit të motit, Kosova do të vazhdojë të përballet me temperatura të larta edhe në ditët në vijim.

Vendimi i MSH-së liron nga puna gratë shtatzëna deri më 20 korrik, si dhe redukton punën për personat me sëmundje kronike në 4 orë në ditë./Media Ndërtimi

Continue Reading

Infrastrukturë

Raporti i DASH konfirmon se ligji për investimet strategjike është klientelist

Published

on

Departamenti Amerikan i Shtetit e konsideron klientelist ligjin për Investimet Strategjike. Sipas raportit të DASH për Klimën e Investimeve, ky ligj u përdor për të favorizuar biznese në lidhje të forta me mazhorancën, ndërsa e vendos theksin tek mungesa e konkurencës dhe e kompanive të huaja.

“Pjesa e parëndësishme e investitorëve të huaj që kanë përfituar nga statusi i investitorëve strategjikë ka nxitur perceptimin tek investitorët e huaj se nga ligji kanë përfituar kryesisht kompanitë vendase me lidhje të forta me mazhorancën qeverisëse” – thuhet në raport.

Raporti analizon zhvillimin ekonomik të Shqipërisë dhe nënivzon se ndër problemet kryesore mbetet korrupsioni, konkurrenca e pandershme që pengohet nga koncesionet PPP, si dhe mungesa e fuqisë punëtore.

Duke u ndalur tek ligji për Investimet Strategjike, raporti thekson se ai u hartua nga Partia Socialiste në vitin 2015 me qëllimin kryesor për të thithur investitorë të huaj dhe seriozë, por rezultoi të thithte vetëm kompani afër qeverisë, “edhe pse afati u shty disa herë”, përmend raporti.

“Shumë pak investitorë të huaj kanë përfituar nga statusi “Investitor Strategjik” dhe pothuajse të gjitha projektet u janë dhënë kompanive vendase që operojnë në sektorin e turizmit”, thotë raporti.

Më tej citohet se investitorët e huaj janë shprehur se u janë vonuar përgjigjet nga AIDA.

Afati i ligjit skadoi në dhjetor 2023 dhe parlamenti zgjati mandatin e tij deri në dhjetor 2024, vendim që u prit me kritika.

“Shumica prej rreth 60 projekteve të miratuara fokusohen në sektorin e turizmit dhe dominohen nga investitorët vendas”, konfirmon raporti.

Citizens ka hulumtuar mbi sipërfaqen që kanë përfituar kompanitë në bregdet dhe se si ky ligj ka favorizuar kompanitë e afërta me pushtetin. Rezultoi se qeveria shqiptare i ka dhënë 5.8 milionë metër katror tokë investitorëve strategjikë në të gjithë vendin.

Janë dhënë 17 projekte në bregdet, përmes këtij ligji dhe po ashtu Citizens analizoi se si këto projekte po ndikojnë negativisht në mjedis. Kompanitë fituese vendosin emra që në pamje të parë sugjerojnë një projekt miqësor me mjedisin, sikurse është “Green Coast”, por në të vërtetë ndërtimet sipas ekspertëve rezultojnë të mos jenë aspak miqësore, përkundrazi po gërryejnë mjedisin dhe po e betonziojnë atë.

Opozita ka këkruar hetimin e investitorëve strategjik, por kjo nuk është bërë deri më tani. Korrupsioni është kryefjalë e raporit të DASH po ashtu.

“Korrupsioni vazhdon të minojë shtetin e së drejtës, të rrezikojë zhvillimin ekonomik” thuhet në raport.

Mungesa e fuqisë punëtore nënvizohet si një problem që ngec zhvillimin ekonomik të vendit, ku përmendet migrimi i mjekëve dhe i ekspertëve të IT.

“Dhoma Amerikane e Tregtisë thekson se gjetja e stafit të kualifikuar mbetet shqetësimi kryesor, ndërkohë që ka një shqetësim në rritje për mungesën e fuqisë punëtore”, thotë raporti.

DASH nënvizon se vitet e fundit, një numër i konsiderueshëm mjekësh dhe infermierësh kanë emigruar në Bashkimin Evropian, veçanërisht në Gjermani.

“Ka pasur edhe emigrim të konsiderueshëm në Mbretërinë e Bashkuar. Sipas Bankës Botërore, Shqipëria ka numrin më të ulët të mjekëve për frymë në rajon me vetëm 1.9 mjekë për 1000 banorë në vitin 2020”, përcjell raporti./Media Ndërtimi

Continue Reading

Infrastrukturë

Teatri “Aleksandër Moisiu” në Durrës pritet t’i nënshtrohet rikonstruksionit

Published

on

Teatri “Aleksandër Moisiu” në Durrës pritet t’i nënshtrohet rikonstruksionit në një projekt që do të zbatohet nga Bashkia Durrës.

Një procedurë prokurimi e çelur nga kjo e fundit në sistemin e Agjencisë së Prokurimit Publik parashikon një objekt kontrate “Rikonstruksion i Pallatit te Kulturës” me një fond limit 496 milionë lekë apo rreth 5 milionë euro.

Në relacionin arkitektonik që shoqëron këtë procedurë nënvizohen edhe ndërhyrjet që do të kryhen.

Si fillim shpjegohet se teatri “Aleksandër Moisiu” është një objekt 3-katesh me tarracë i cili ndodhet në Veri të sheshit Liria dhe nevoja për rinovimin lidhet me gjendjen aktuale të tij, shkruan Monitor.al

“Ky objekt shërben si një pikë kyçe e qytetit, duke luajtur një rol të rëndësishëm në siluetën arkitektonike të qytetit të Durrësit. Teatri ka një kapacitet prej 250 spektatorësh, të cilët akomodohen në 2 plate dhe 3 llozha.

Përveç sallës kryesore të teatrit, në objekt ka dhe hapësira të tjera të cilat janë në funksion të qytetarëve dhe mund të kenë përdorime të ndryshme në funksion të artit.

Aktualisht në objekt, krahas problemeve të ndryshme të tilla si lagështia apo rënia e suvasë kërkohet dhe një riorganizim i hapësirave për një shfrytëzim sa më optimal të objektit” thuhet në dokument.

Qëllimi i kësaj ndërhyrje është rikualifikimi i Teatrit “Aleksandër Moisiu” dhe hapësirave që ndodhen në të. Identiteti i objektit nuk do të ndryshojë duke ruajtur kështu vlerat e tij historike dhe identitetin urban të zonës përreth.

“Me këtë projekt synojmë të krijojmë një ndërtesë shumëfunksionale dhe inovative, e cila i përgjigjet dëshirave dhe nevojave të komunitetit duke stimuluar zhvillimin e veprimtarive artistike dhe kulturore.

Projekti synon të stimulojë rritjen sociale dhe ekonomike përmes përfshirjes në ndërtimin e funksioneve që kanë rëndësi në një shkallë urbane” nënvizon relacioni. Konkretisht projekti synon të jetë

1- Qendra teatrale, që synon trajnimin e valltarëve, muzikantëve dhe këngëtarëve të rinj, promovimin e përhapjes së kulturës muzikore dhe artistike në qytet;

2- Qendra komunitare, një vend eksperimentimi në dispozicion të qytetarëve me hapësira për përdorim kolektiv dhe shërbime të ofruara për territorin;

3- Bërthama e ekspozitës së Arteve, e hapur për qytetarët për koncerte, shfaqje dhe ekspozita.

“Ndërtesa e re duhet të jetë një pikë referimi për qytetarët, e përdorshme për shumë përdorime që mund të alternohen gjatë ditës dhe javës;

një vend hibrid, ku prodhimi kulturor, përdorimet kolektive dhe ofrimi i shërbimeve do të bashkëjetojnë, në mënyrë që të bëhet një pikë takimi për qytetarët dhe një motor për zhvillimin e praktikave inovative.

Projekti synon rritjen e kapacitetit të sallës kryesore duke e çuar numrin e vendeve të spektatorëve ne 360 vende. Ndërhyrja në ndërtesë do të krijojë kushte të përshtatshme për aksesin dhe lëvizjen e personave me aftësi të kufizuar (P.A.K).

Kjo gjë nënkupton prezencën e rampave apo projektimin e hapësirave në një nivel duke e lehtësuar lëvizjen e tyre” thuhet në dokument./Media Ndërtimi

Continue Reading

Trending