Connect with us

Infrastrukturë

Përfundojnë disa procedura për shpronësimin e rrugës Prishtinë-Podujevë

Published

on

Kryetari i Komunës së Podujevës, Shpejtim Bulliqi, është shprehur se tashmë janë kryer disa procedura kryesore, si ajo e shpronësimit, për punimet në rrugën nacionale Prishtinë – Podujevë.

Bulliqi, në emisionin “N’nejë” në ATV – ka deklaruar se pret nga ekzekutivi qendror t’i ndajë mjetet e mjaftueshme për t’i kryer punimet në këtë rrugë, të cilët kanë nisur për më shumë se gjashtë vjet.

“Rruga Prishtinë – Podujevë ka kohë që ka filluar. Është një nga projektet jetike për komunën tonë. Fillimi ka qenë jo i mirë, pasi projekti që është bërë ka shumë mangësi dhe probleme. Por, në këtë vit, e kemi të detajuar projektin kryesor. E kemi të detajuar çështjen e shpronësimit, pasi kjo s’ka qenë e zgjidhur. Po shpresojmë shumë shpejtë që Qeveria ta marrë përsipër këtë”, ka deklaruar ai, shkruan Llapi.info.

Bulliqi ka shtuar se periudha kur është dashur të kryhet ka qenë për 2-3 vjet.

“Një periudhë 2-3 vjeçare ka qenë për me u zgjedh kjo rrugë, por tani janë bërë 5-6 vite dhe nuk jemi në çerekun e punëve që duhet të kryhen në këtë magjistrale. Qeveritë janë ndërruar, ajo ka filluar m Qeverinë Mustafa, ka vazhduar me të Haradinjat dhe Hotit. Tash është me Qeverinë Kurti.

Nuk është problemi që s’ka pasur mjete buxhetore, por është dashur përkushtim më të madh. Kam biseduar edhe me kryeministrin, por edhe me ministrin e Infrastrukturës dhe ministrin e Financave, është gatishmëria, është vullneti dhe janë kryer ato proceduar e shpronësimit, projekti është finalizuar dhe po presim që të ndahen mjetet e mjaftueshme për të filluar zbatimi i projektit”, ka thënë ai./Media Ndërtimi.

Infrastrukturë

Asfaltohet rruga Sllatinë e Epërme – Ramjan të Vistisë

Published

on

Në kuadër të projekteve infrastrukturore në Komunën e Vitisë, ka filluar sot edhe asfaltimi i rrugës Sllatinë e Epërme – Ramjan.

Me këtë rast, kryetari i komunës së Vitisë, Sokol Haliti, ka vizituar për së afërmi këtë rrugë dhe u prit nga shumë banorë të këtyre lokaliteteve.

Ata u shprehën të kënaqur dhe falënderues ndaj kryetarit Haliti për angazhimin të tij maksimal në teren dhe realizimin e shumë projekteve në dobi të qytetarëve jo vetëm në Sllatinë e Ramjan, po në çdo lokalitet.

Kjo rrugë përveç që lidhë dhe i ofron mes vete këto dy lokalitete, ua lehtëson edhe qarkullimin banorëve./Media Ndërtimi

Continue Reading

Infrastrukturë

Webber fiton kontrata me vlerë 1.2 miliardë dollarë në Amerikën e Veriut

Published

on

Firma e ndërtimit Webber ka fituar 10 projekte të reja ndërtimi dhe mirëmbajtjeje në Amerikën e Veriut që arrijnë në 1.2 miliardë dollarë.

Webber me bazë në Hjuston është një degë e kompanisë evropiane të infrastrukturës Ferrovial dhe ka fituar një sërë projektesh në lidhje me përmirësimin e rrugëve, ndërtimin e urave dhe impiantet e trajtimit të ujit.

10 kontratat përfshijnë dy në Teksas për Departamentin e Transportit të Teksasit:

IH 27 në Randall County: 312.5 milion dollarë: Projekti për Departamentin e Transportit të Teksasit, shtrihet 6.9 milje, duke shtuar një korsi shtesë në IH 27 në Randall County. Pas përfundimit, ai do të ndihmojë në mbështetjen e rritjes së trafikut të mallrave në korridorin “Ports to Plains” midis Laredo, TX dhe Denver, CO.

Autostrada (SHBA) 60 Parmer County në Friona: 69.9 milionë dollarë: Projekti 5.3 milje i gjatë për Departamentin e Transportit të Teksasit përfshin ndërtimin e korsive të nxitimit dhe ngadalësimit, një kuvertë ure dhe mure dheu të stabilizuara mekanikisht (MSE). Ky projekt do të lejojë një hyrje më të sigurtë në US 60 për volumin e lartë të automjeteve industriale dhe të rënda që operojnë në zonë./Media Ndërtimi

Continue Reading

Infrastrukturë

Auditori: NPB-ja shkurtoi afatin për tenderin mbi 300 mijë euro për riparim të rrugëve pa arsyetim të qëndrueshëm

Published

on

Zyra Kombëtare e Auditimit (ZKA) ka gjetur se Ndërmarrja Publike Banesore (NPB) ka shkurtuar pa ndonjë arsyetim të qëndrueshëm afatin kohor për dorëzim të ofertave në tenderin mbi 300 mijë euro për riparim të rrugëve.

Sipas raportit të auditimit për vitin 2023 për NPB-në, kjo ndërmarrje publike lokale afatet kohore për tenderin “Riparimi i Rrugëve Urbane dhe Rurale” në vlerë 313 mijë euro, i ka shkurtuar për 7 ditë, nga 20 ditë sa duhet të jetë sipas ligjit, në 13 ditë.

“Afati kohor për dorëzimin e tenderëve/aplikacioneve është shkurtuar me arsyetimin se natyra e punëve ka të bëjë me intervenime urgjente” – thuhet në gjetjen e ZKA-së, shkruan Kallxo.com

Në lidhje me këtë, sipas ZKA-së, Departamenti i Monitorimit në Komisionin Rregullativ të Prokurimit Publik (KRPP), ka vlerësuar se nuk ka pasur ndonjë detyrim emergjent, duke marrë parasysh lëndën dhe natyrën e aktivitetit.

“..andaj ka rekomanduar NPB-në të veprojë sipas nenit 44 të LPP-së dhe këtë aktivitet të prokurimit ta realizojë me afate të rregullta, mirëpo ky rekomandim nuk ishte zbatuar nga ndërmarrja” – thuhet tutje në raport.

Në gjetjen e saj, Zyra Kombëtare e Auditimit ka thënë se shkurtimi i afateve pa arsyetime bindëse dhe të bazuara ligjore, mund të kufizojë konkurrencën dhe për rrjedhojë mosmarrjen e ofertave më të përshtatshme për kompaninë.

Me këtë gjetje të ZKA-së, Ndërmarrja Publike Banesore është pajtuar./Media Ndërtimi

Continue Reading

Trending