Connect with us

Infrastrukturë

Një metër katror i një banese në pjesët e qendrës së Prishtinës, po tregtohet nga 2.000 – 3.000 euro

Published

on

Tregu i ndërtimeve në Kosovë: Shumë banesa, çmime shumë të larta dhe kërkesa të bollshme

Në Kosovë ka kohë që ka numër të madh banesash në treg, ka kërkesa, ose relativisht kërkesa të bollshme për shtiblerje dhe ka çmime enorme të larta të tyre.

Çmimi i banesave në Kosovë, kudo, nga dita në ditë, po vjen duke u ngritur vazhdimisht.

Tani një metër katror i një banese në pjesët e qendrës së Prishtinës, flitet se po tregtohet me 2.000 e 3.000 euro, ndërkohë që vjet ky çmim ka lëvizur nga 1.500 deri në 2.000 mijë euro.

Lëvizje të çmimit të banesave ka edhe në pjesët periferike të kryeqytetit dhe në qytetet e tjera të vendit.

Në anën tjetër, në pjesët e qendrës së Sarajevës një metër katror i një banese dy dhomëshe, deri para dy-tre muajsh mesatarisht ka kushtuar 1.833 euro, në Podgoricë 1.566 euro dhe në Shkup 1.461 euro.

Tani një metër katror i një banese në pjesët e qendrës së Prishtinës, flitet se po tregtohet edhe me 2.000 e 3.000 euro, ndërkohë që vjet ky çmim ka lëvizur më së shumti nga 1.500 deri në 2.000 mijë euro.

Njësoj me çmime të ngritura shumë, shiten edhe banesat në lagjet periferike të kryeqytetit, ku një metër katror ka arritur në 1.000 deri në 1.500 euro, çmim ky që në vitin e kaluar sillej nga 750 deri në 850 euro.

Çmimet e banesave janë ngritur ndjeshëm edhe në qendrat e tjera të Kosovës, dhe tani një metër katror në zonat e qendrës thuaja askund nuk mund të gjesh nën 700 euro, ndërkohë që në vitin paraprak në qytetet e shumta të Kosovës, edhe përgjatë zonave të qendrës, ka dominuar çmimi prej 400-500 eurosh.

Çmimet aktuale të banesave në Kosovë janë goxha më të ulëta se në Slloveni dhe Kroaci, të përafërta me disa qendra të Serbisë, por goxha më të larta se në Bosnjë e Hercegovinë, Maqedoninë e Veriut dhe në Mal të Zi.

Sipas të dhënave që ka siguruar Buletini Ekonomik, ende më së shtrenjti kushton një metër katror i banesës në qendër të Lubjanës, ku një metër katror i një banese dy dhomëshe mesatarisht kushton 4. 277 euro, në pjesën e qendrës së Zagrebit metri katror i një banese të ngjashme, mesatarisht kushton 3.440 euro, në Beograd 3.099.

Ndërsa, në pjesët e qendrës së Sarajevës një metër katror i një banese dy dhomëshe deri para dy-tre mujash, ka kushtuar 1.833 euro, në Podgoricë 1.566 euro dhe në Shkup një metër katror i një banese dy dhomëshe kushtonte mesatarisht 1.461 euro. Kështu pak a shumë sillen çmimet e banesave në rajon.

Ndërtimtarët, kompanitë ndërtimore që kanë treg më të madh në Prishtinë, theksojnë se çmimi i ngritur i banesave është kryekëput pasojë e ngritjes së çmimeve të materialit ndërtimor, sidomos të hekurit (armëbetonit) dhe të blloqeve e tullave të ndërtimit, i inflacionit dhe i kostos së ndërtimit të një banese.

Dhe, është e vërtetë se çmimet e hekurit dhe të materialeve të tjera të nevojshme për një banesë janë ngritur ndjeshëm, sidomos gjatë kohës së pandemisë COVID 19 dhe sidomos pas eskalimit të luftës ruso-ukrainase.

Sipas të dhënave të institucioneve ndërkombëtare që përcjellin ekzaktësisht lëvizjen e çmimeve të materialeve ndërtimore, çmimi i hekurit (armëbetonit) në rajon më 17 qershor ka qenë 1.350 dollarë për një tonelatë. Ndërsa, një tonelatë e hekurit më 9 qershor ka kushtuar 1.400 dollarë.

Nga fillimi i këtij viti, një tonelatë e hekurit çmimin më të lartë në tregjet e rajonit e ka pasur më 4 prill, kur një ton hekur për ndërtimtari ka kushtuar 1.610 dollarë, ndërsa me çmimin më të ulët, ose 1.300 dollarë për një ton, hekuri është tregtuar më 18 maj, kanë transmetuar mediet e rajonit./Media Ndërtimi.

Analizë nga gazetari Mehemt Gjata.

Infrastrukturë

Si duhet larguar uji në kantieret e ndërtimit?

Published

on

Uji mund të haset gjatë punës në themelet e vendit të punës, ose gjatë instalimit të infrastrukturës kur zhvillohen zona të reja banimi ose industriale.

Ka shumë mënyra për të vendosur pajisjet në një aplikacion pompe, të gjitha ato kanë dy elementë jetikë të përbashkët.

Koha e ndërprerjes së pompave të shkarkimit të ujit mund të shkaktojë probleme të rënda sigurie dhe të ndikojë në produktivitetin e të gjithë kontraktorëve.

Elementi i dytë vjen me një rritje të paparashikueshme të kostos. Më e rëndësishme se kurrë, prodhuesit e pompave me performancë të lartë po kërkojnë zgjidhje për të minimizuar kohën e ndërprerjes së pajisjeve dhe për të ofruar produktivitet më të lartë.

“Sa kohë mund të thahet pompa?” është një pyetje e bërë shpesh që duhet të zbërthehet në disa tema sqaruese përpara se të ketë një përgjigje të kualifikuar. Funksionimi i thatë përshkruan gjendjen e një pompe në funksionim pa lëng ose media që do të pompohet.

Në rastin e funksionimit të një pompe të thatë centrifugale me prurje të lartë me një motor nafte 74 kuajfuqi (hp) me 1600 rrotullime në minutë (rpm), motori konsumon mesatarisht 2,65 litra (0,7 gallon) naftë në orë. pa ngarkesë ose pa kushte pompimi.

Tani, 7,9 litra (2,1 gallon) naftë mund të kursehen çdo ditë, duke supozuar se pompës i kërkohet të funksionojë vetëm 9 nga 12 orë në ndërrim. Një reduktim prej tre orësh pune në ditë do të zgjasë gjithashtu shërbimin 500-orësh të motorit me tre javë.

Funksionimi i pompës vetëm kur kërkohet do të sjellë shumë përfitime si kursimet ditore të karburantit, zgjatja e intervalit të mirëmbajtjes me kursime direkte në shpenzimet e shërbimit dhe reduktimi i gjurmës së karbonit dhe zgjatja e jetëgjatësisë për komponentë të ndryshëm.

Zbuloni se si të maksimizoni kursimet e kostos në zgjidhjen e ardhshme të heqjes së ujit duke minimizuar kohën e ndërprerjes.

Shmangni kohën e ndërprerjes duke ditur kushtet optimale të funksionimit dhe duke përdorur leximet e presionit për të zgjidhur problemet e sistemit. Kur ka kohë joproduktive të makinës, rikthimi në punë kërkon përgjigje të shpejtë dhe, në mënyrë ideale, veçori të zgjuara të produktit për të zgjidhur situatën./Media Ndërtimi.

Continue Reading

Infrastrukturë

Spitali i Prishtinës do të ndërtohet në hapësirë prej 3 hektarësh në Hajvali

Published

on

Në një hapësirë prej tre hektarësh, me 6 mijë pemë të mbjella në oborr do të ndërtohet spitali i kryeqytetit në Hajvali te Prishtina e Re, në fund të vitit 2023.

Sipas drejtorit të Shëndetësisë Izet Sadiku objekti do të jetë i lartë katër kate, me 3,600 metra katrorë me kapacitet 190 shtretër, njofton Klan Kosova.

Aktualisht projekti është vetëm në letër, ndërsa po planifikohet që ndërtesa e këtij spitali të ketë katër kate dhe 3600 mijë metra katrorë me 190 shtretër për akomodimin e pacientëve./Media Ndërtimi.

Continue Reading

Infrastrukturë

Tondach- mbrojtja e çatisë që zgjatë me dekada

Published

on

Një çati e mirë nuk duhet të bëjë kompromis kur bëhet fjalë për cilësinë. Zgjedhja e saj kërkon po aq kohë dhe vëmendje sa edhe muret e objektit.

Me të gjitha sfidat klimatike dhe mjedisore me të cilat përballemi në shekullin e 21-të, ne kemi nevojë për një çati që plotëson këto kërkesa moderne dhe që në të njëjtën kohë është me cilësi të lartë, jetëgjatë dhe efikase në energji, shkruan Wienerberger.al.

Kur bëhet fjalë për zgjedhjen e çatisë, përveç materialit të tjegullave, janë edhe një sërë gjërash të tjera që duhet t’iu kushtojmë vëmendje. Këtu mund të flasim për formën dhe ngjyrën e tjegulles, si dhe formën e çatisë – domethënë shkallën e pjerrësisë në të cilën vendosen tjegullat.

Zgjidhjet e sistemit të çatisë Tondach

Membrana të çatisë

Një çati të mirë nuk e bën vetëm tjegulla cilësore, por edhe materialet tjera që përdoren për ta mbuluar, izoluar dhe mbrojtur çatinë. Një nga elementët më të rëndësishme të çatisë, që ndodhet aty për të siguruar termoizolim dhe hidroizolim të mirë, është membrana e çatisë.

Membrana e çatisë e përshkueshme nga avulli dhe e papërshkueshme nga uji Tondach Fol, e përbërë nga membrana me shumë shtresa që nga jashtë janë të papërshkueshme nga uji, ndërsa nga ana e poshtme janë të përshkueshme nga avulli. Në këtë mënyrë ato sigurojnë mbrojtje nga reshjet, dhe nga ana tjetër këto membrana çatie mundësojnë qarkullim optimal të ajrit dhe parandalojnë formimin e kondensimit.

Elementet e ajrimit

Gjithashtu, qarkullimi optimal i ajrit përveç membranes ndikohet edhe nga tjegulla ajruese. Ajo vendoset në zonën e kurores dhe kulmorëve. Me ajrim të mirë të çatisë, parandalohet lagështia dhe kalbja e nënstrukturës së çatisë. Shfaqja e lagështirës në trarët e çatisë mund të jetë jashtëzakonisht e rrezikshme, dhe elementët e mirë të ajrimit janë parakushti për një çati cilësore dhe të sigurt.

Borëmbajtëset dhe kapëse kundër motit të lig

Borëmbajtësit montohen në skajin e poshtëm të çatisë, pra në zonën e poshtme mbi strehë. Egzistojnë borëmbajtësit nga qeramika dhe nga metali. Borëmbajtësit ndihmojnë që bora të shkrihet më shpejt dhe në mënyrë më të barabartë. Pa një borëmbajtës bora mund të rrëshqasë papritur nga çatia dhe të shkaktojë dëmtime në ulluqet, si dhe në pjesët e poshtme të çatisë. Në vendet që kanë reshje të dendura bore gjatë periudhës së dimrit, vendosja e borëmbajtësve në çati duhet të jetë më e shpeshtë. Përveç borëmbjatësve, si parandalim dhe mbrojtje kundër motit të lig instalohen edhe kapëse të cilat gjithashtu sigurojnë që çdo tjegull të qëndroj në vend edhe gjatë erërave të forta.

Zgjidhje efikase, e qëndrueshme dhe ekologjike

Tjegulla nga argjila, Tondach, e projektuar në mënyrë unike nga kompania Wienerberger garanton cilësinë dhe qëndrueshmërinë e materialit. Për më shumë se 200 vjet, Wienerberger ka prodhuar elemente ndërtimi nga argjila e cilësisë së lartë. Tradita e tjegullave efikase dhe me jetëgjatësi ka vazhduar edhe në prodhimin e sotëm modern. Ju vetëm duhet të zgjidhni dizajnin dhe ngjyrën e tjegullave, ndërsa ne kujdesemi për cilësinë!/Media Ndërtimi.

Continue Reading

Trending