Connect with us

Ndërtim

Çeku: Jemi në fazën e zgjidhjes së problemit të stadiumit në Gjilan

Published

on

Tema kryesore në investimet infrastrukturore në Gjilan, sa i përket sportit është stadiumi i qytetit.

Dy ekipet ndër më të organizuarat në Kosovë dhe rajon, nuk mund të luajnë në kushtet të cilat i meritojnë, duke qenë gjithmonë e më larg qytetit të tyre në garat evropiane, ndërsa në ndeshjet kampionale i zhvillojnë në fushën me bari sintetik, e cila nuk i plotëson kriteret për të pasur dy tifozeri prezente, shkruan OLLE.

Sot me fillim nga ora 15:00, dy skuadrat të cilat e kanë filluar sezonin 2022/23 në mënyrë fantastike, pa asnjë humbje, do të zhvillojnë derbin më të madh në futbollin kosovar, por edhe kësaj radhe, do të jenë të detyruar që mos të kenë mbështetjen e tifozëve.

Në një vizitë të cilën e ka bërë sot në qytetin e Gjilanit, Ministri për Kulturë, Rini dhe Sport, Hajrulla Çeku ka folur për stadiumin në Gjilan.

“Shumë shpejtë do të nis hartimi për fazën e fundit i cili përfundimisht na nxjerrë koston, rrugën dhe kohën që na duhet për t’i kryer punimet dhe për ta realizuar përfundimisht ketë investim te rëndësishëm jo vetëm për Gjilanin, sepse një stadium i tillë i duhet dhe Kosovës, sidomos për garat ndërkombëtare për ekipet tona” shtoi Ministri Çeku për stadiumin e qytetit në Gjilan

Deri më tani ka pasur shumë premtime në realizimin e këtij projekti, por koha po punon në dëm të klubeve nga Gjilani dhe vetë sportit kosovar, sepse imazhet që jep ky derbi lokal, janë mjaftë pozitive për futbollin elitar dhe prezantimin në arenën ndërkombëtare./Media Ndërtimi.

Ndërtim

Rreziqet në rritje rreth ndërtimit nuk ndalojnë marrjen e kredive për këtë investime në këtë sektor

Published

on

Kredia për sektorin e ndërtimit këtë vit po shënon nivelet më të larta në të paktën gjashtë vitet e fundit.

Sipas të dhënave nga Banka e Shqipërisë, për 7-mujorin 2022, kredia e re për ndërtimin kishte vlerën e 22.7 miliardë lekëve ose 194 milionë eurove.

Kredia e re për sektorin e ndërtimit është rritur me 38% krahasuar me të njëjtën periudhë të një viti më parë.

Vlera totale e portofolit të kredisë për ndërtimin në fund të muajit korrik arriti në 70.4 miliardë lekë, në rritje vjetore me pothuajse 30%.

Kredia për ndërtimin po përjeton një fazë të re rritjeje, e nxitur nga zhvillimet në sektorin e pasurive të paluajtshme, sidomos në kryeqytet dhe bregdet.

Mbështetur në të dhënat e INSTAT, për 6-mujorin 2022, vlera e lejeve për ndërtesa, përfshi rikonstruksione, ishte rreth 60 miliardë lekë, në rritje me 54% krahasuar me të njëjtën periudhë të një viti më parë.

Ndërsa sipas Bankës së Shqipërisë, rritja mesatare vjetore e çmimeve të pasurive të paluajtshme për vitin e kaluar shënoi nivelin 9%.

Rritja e çmimeve ka inkurajuar jo vetëm sipërmarrësit, por po nxit edhe më shumë bankat t’i mbështesin këto projekte.

Megjithëse pjesa më e madhe e investimeve në ndërtim po financohet me burime të tjera, edhe bankat tregtare po e shfrytëzojnë ecurinë e favorshme në tregun e pasurive të paluajtshme, për të zgjeruar biznesin si në financimin e këtyre investimeve, ashtu edhe në blerjen e tyre nga familjet shqiptare.

Ndërtimi këtë vit është sektori i dytë më i kredituar i ekonomisë, pas tregtisë. Por, ndërkohë që kredia e re për tregtinë paraqitet pothuajse në të njëjtat vlera me vitin e kaluar, kredia për ndërtimin është në rritje të ndjeshme./Media Ndërtimi

Continue Reading

Ndërtim

Hyundai do të zbulojë konceptin e ngarkuesit me hidrogjen

Published

on

Prodhuesi me bazë në Korenë e Jugut Hyundai do të marrë pjesë në ekspozitën e Bauma të këtij viti, ku do të zbulojë një koncept ngarkues me rrota me energji me qeliza hidrogjeni.

Ngarkuesi i ri 14 tonësh, HW155H, premton tetë orë funksionim, me një kohë mbushjeje prej 20 minutash – dhe emetimi i vetëm është uji.

Hyundai do të shfaqë gjithashtu gamën e tij të ekskavatorëve, ngarkuesve me rrotën dhe kamionëve të artikuluar (ADT).

Duke punuar temën Think Further, Think Future, kompania do të zbulojë gjithashtu dy ADT të reja, HA30A dhe HA45A, me nën respektivisht 28 dhe 41 ton.

ADT- janë projektuar me korniza të pjerrëta të shas së pasme, duke u rritur qëndrueshmërinë e tyre në shumë qendra të makinave.

Sipas Hyunda, ADT-të janë të ndryshme për të përqafuar tokën, me boshtet e njëpasnjëshme që kanë një nivel të lartë kontakti me tokën dhe “tërheqjen më të mirë në klasë”. Në të dy makinat, një unazë rrotulluese e bashkimit të artikulacionit është montuar afër boshtit të përparmë, duke nxitur zgjidhjen e njëjtë të problemeve.

Kjo vetëm njëlloj e barabartë me peshën i lejon operatorit të përdorë diferencialet e mjedisit të rrëshqitjes me një vlerë bllokimi 45°, duke mbajtur lëvizjen në të dy rrotat e përparme edhe kur drejton drejtimin.

Stenda Hyundai do të përfshijë një teknologji të tillë, por do të bëjë që të ketë një zonë të veçantë teknologjike në sallën e TIK, ku do të demonstrojë si risitë ekzistuese, ashtu edhe vizionin e kompanisë për të ardhmen.

Pikat kryesore do të jenë të sigurta për energjinë, duke përfshirë teknologjinë elektrike dhe hidrogjenin e karburantit për makineri të ndërtimit./Media Ndërtimi.

Continue Reading

Ndërtim

Komuna e Prizrenit ndanë parcelë për ndërtimin e objektit të ri të Arkivit Ndërkomunal

Published

on

Me asnjë votë kundër, Kuvendi Komunal i Prizrenit, ka miratuar Kërkesën e Arkivi Kosovës për ndarjen e parcelës për ndërtimin e objektit të ri të Arkivit Ndërkomunal – Prizren.

Në mbledhjen e së enjtes të Kuvendit Komunal të Prizrenit, anëtarët e Kuvendit votuan buxhetin e Komunës për vitin 2023.

Për përgatitjen e buxhetit janë mbajtur 9 dëgjime buxhetore, 1 dëgjim buxhetor është mbajtur edhe nga Komiteti për Politikë dhe Financa.

Për organizimin e dëgjimeve buxhetore, zyrtarët përgjegjës kanë përgatitur raport me të gjitha detajet i cili është i publikuar në uebfaqen e Komunës, në rubrikën “Dëgjimet Buxhetore”./Media Ndërtimi.

Continue Reading

Trending