Connect with us

Aktuale

Ndërtimi i Xhamisë Qendrore mund të nisë shpejt, BIK pret që të marrë leje në fund të muajit

Published

on

Pas gati tetë vitesh nga vënia e gurthemelit të Xhamisë Qendrore, Bashkësia Islame i është drejtuar Komunës së Prishtinës me kërkesë për leje ndërtimore. Nëse jepet leja e ndërtimit dhe punimet shkojnë sipas planit, kjo xhami do të jetë e gatshme për besimtarët në vitin 2023. Për fillimin e punimeve, afatin e zgjatjes së punimeve dhe koston e këtij projekti kanë dhënë detaje në BIK.

Sa herë që afrohet Muaji i Ramazanit, në vend aktualizohet tema rreth ndërtimit të Xhamisë Qendrore në kryeqytet.

Në këtë kohë, të gjithë i kthejnë sytë kah Bashkësia Islame dhe Komuna e Prishtinës për të marrë vesh se kur do të fillojnë punimet për këtë projekt milionësh, themelet e së cilës ishin vënë më 8 tetor të vitit 2012.

Por, fillimi i ndërtimi të kësaj xhamie asnjëherë nuk ka qenë më afër se sivjet.

Para rreth një muaji, Bashkësia Islame ka dërguar kërkesë për leje ndërtimore në Komunën e Prishtinës.

Në këtë institucion fetar thonë se janë në pritje të lejes nga komuna për të filluar me punimet.

Sekretari i përgjithshëm i Bashkësisë Islame të Republikës së Kosovës, Ahmet Sadriu i ka thënë Gazetës Express se me 15 prill e kanë dorëzuar komplet projektin së bashku me kërkesën për leje ndërtimore.

Ai shpreson që do ta marrin lejen deri në fund të muajit, për të filluar menjëherë me punimet.

“Ne e kemi dorzuar komplet projektin së bashku me kërkesen për leje ndërtimore me daten 15.04.2020. Ne shpresojmë që deri kah fundi i këtij muaji ta marrim lejen nga Komuna dhe të fillojmë menjëherë me punët”, ka thënë Sadriu.

Nëse gjithçka shkon sipas planit, Xhamia Qendrore do të jetë e gatshme për besimtarët në vitin 2023.

Kostoja e këtij projekti sillet rreth 30 milionë euro dhe do të ndërtohet nga Dijaneti i Turqisë.

“Kjo do të mvaret nga dinamika e punimeve por afati optimal është tri vite. Kostoja e projektit parashifet 25 deri 30 milion euro. Ndertimin e xhamisë do ta bënë donatori- Dijaneti i Turqisë”, thuhet në përgjigjet e Sadriut për Express.

Diyanet” thotë se xhamia do të bazohet në xhaminë e shekullit të 16-të Selimiye në Edirne, në pjesën veriperëndimore të Turqisë. Me pak fjalë, xhamia e re e Prishtinës do t’i ngjajë shumë qindra xhamive të ndërtuara në Ballkan gjatë sundimit turk – vetëm se do të jetë shumë më e madhe.

Për kërkesën e BIK’ut për leje ndërtimore është deklaruar edhe Kryetari i Komunës së Prishtinës, Shpend Ahmeti.

Në një intervistë të dhënë para një jave, Ahmeti ka thënë se arsyeja se pse ata nuk e kanë marrë ende këtë leje është sepse nuk kanë aplikuar.

Ai bëri të ditur se një kërkesë të tillë e kanë pranuar tek muajin e kaluar, derisa shtoi se kërkesa e BIK’ut do të shqyrtohet shumë shpejt.

“Arsyeja pse s’kanë marrë leje qe tetë vjet është se për me marrë leje duhet me apliku. S’kanë apliku për leje. Aplikimin e parë që e kemi pas për leje ka qenë vitin e kalum për kushte dhe tash kanë apliku përfundimisht para një dy jave për leje. Besoj që do ta shqyrtojmë shpejt dhe do të japim përgjigje për këtë projekt”, deklaroi Ahmeti.

I pari i Prishtinës foli edhe lidhur me projektin për këtë xhami. Ai tha se do të donte që projekti fitues të ishte i arkitektes Zaha Hadid, meqenëse do të ndikonte edhe në turizëm, por se Bashkësia Islame ka zgjedhur projektin tjetër.

“Kanë thënë që po e dojnë një xhami më klasike, meqensë po e bëjnë për besimtarë dhe jo për turizëm. Si Kryetar komune kisha pas qef që Zaha Hadidi, që ajo të jetë projekti fitues sepse mendoj që na kish sjellë shumë më shumë edhe turizëm edhe atraksion, por në anën tjetër edhe Bashkësia Islame e ka mirë, sepse në fund ata po e bëjnë për besimtarët”, tha Ahmeti.

Ndërkohë, para tri vitesh një kërkesë për ndalimin e procesit të dhënies së lejes për objektin fetar në lagjen Dardania, u ishte drejtuar Bashkësisë Islame të Kosovës, Komunës së Prishtinës dhe Këshilltarëve të Kuvendit Komunal në Prishtinë.

Ky peticion fillimisht ishte nënshkruar nga 30 persona, pasi sipas tyre, xhamia e cila pritet të ndërtohet nuk është në harmoni me objektet e zonës dhe se objekti nuk është në përputhje me kriteret e konkursit.

Këtë peticion, Bashkësia Islame e kishte quajtur të kotë dhe kishte thënë se projekti për ndërtimin e xhamisë është votuar nga vetë qytetarët.

“Kërkojmë nga Bashkësia Islame e Kosovës, Komuna e Prishtinës dhe Institucionet Qendrore që këto procese ti bëjnë në përputhje me planin rregullues të lagjes, me transparencë të plotë karshi qytetarëve dhe në përputhje me kriteret e paracaktuara të konkursit.

Së këndejmi, ne si nënshkrues të këtij dokumenti, nuk jemi kundër ndërtimit të xhamisë në këtë parcelë të Prishtinës, por jemi gjithsesi të interesuar për një proces ligjor, gjithëpërfshirës dhe profesional për kryeqytetin tonë”, thuhej ndër të tjera në peticion./

Click to comment

You must be logged in to post a comment Login

Leave a Reply

Aktuale

Edhe këtë vit Qeveria paguan koston e policës kufitare për bashkatdhetarët

Published

on

Për dallim nga dy vitet paraprake, kur polica e subvencionuar merrej në pikën kufitare, këtë vit ka ndryshuar procedura, deklaroi ministri i Financave, Hekuran Murati.

“Procedura vazhdon të jetë e thjeshtë dhe nuk ju merr kohë, e madje mund të evitoni edhe pritjet në kufi kur e bleni online para se të niseni.”, deklaroi Murati.

Pasi ta keni blerë policën, ju mund të aplikoni për rimbursim të pagesës në formularin online të Ministrisë së Financave.

✅Hapi 1:

Para se të niseni për në Kosovë, policën kufitare mund ta bleni online përmes linkut më poshtë:

https://api.bks-ks.org/PolicaOnline/sq-AL

✅Hapi 2:

Pasi ta keni blerë policën, ju mund të aplikoni për rimbursim të kostos duke plotësuar këtë formular:

https://masa4-5.rks-gov.net

Polica mund të blihet edhe fizikisht në pikat kufitare hyrëse, mirëpo, që të mos keni nevojë të prisni në kufi, e të mos shkaktohen kolona, rekomandohet që polica të blihet online para se të niseni për Kosovë.

Mbështetja vlen për autoveturat për pasagjerë dhe motoçikletat, dhe rimbursimi bëhet për qëndrime deri në 3 muaj brenda vitit kalendarik.

  1. Rimbursimi mund të kërkohet për të gjitha policat që keni blerë nga data 1 janar 2022 e këtej, me kusht që periudha e tërësishme e mbulueshmërisë për një automjet të mos kalojë 3 muaj brenda vitit.

Continue Reading

Aktuale

‘Qytetarët Aktiv’ reagojnë ndaj Elbert Krasniqit dhe Përparim Ramës për pronën e “Sunny Hill”

Published

on

Aktivistja nga organizata joqeveritare ‘Qytetarët Aktiv’, Flutra Zymi, ka thënë se toka që i është dhënë dhënë në shfrytëzim kompanisë “The Sunny Hill” SH.P.K. është e regjistruar si tokë bujqësore.

Zymi ka thënë se në emisionin “Kallxo Përnime”, ku të ftuar ishin kryetari i Prishtinës, Përparim Rama dhe ministri i Administrimit të Pushtetit Lokal, Elbert Krasniqi, nuk është diskutuar për rëndësinë e tokës bujqësore.

“Asnjëherë nuk u diskutua as nga Perparimi, Elberti apo Jeta që kjo tokë është e regjistruar si tokë bujqësore klasa e 3-të, e cila do duhej sipas ligjit të ndërrohet. Pra 0 diskutim për rëndësinë e tokës bujqësore”, ka thënë ajo.

Zymi po ashtu ka reaguar lidhur me deklaratën e kryetarit të Prishtinës, Përparim Rama, i cili ka thënë se toka nuk është dhënë për 99 vite.

“Perparim Rama marrëveshja valide është e protokolluar me nënshkrimin tënd dhe ajo është votua në kuvend, pikat tjera aty nuk ka përpos 99 vjet shfrytëzim pra konkludimet 25 vjet blla blla ishin fjalë me zbutë pak këtë marrëveshje”, ka thënë Zymi.Rama në emisionin “Kallxo Përnime” ka deklaruar se sipas draft-kontratës, festivali do ta shfrytëzonte pronën prej 17 hektarësh deri në 99 vite, dhe jo gjithsesi për kaq vite.

Sepse, sipas tij, pas 25 vitesh vendoset nëse do t’i zgjatet festivalit e drejta e shfrytëzimit edhe 25 vite të tjera, për të cilën thotë se janë disa kushte.

“Në 25 vite vendos, që jemi në rregull – vazhdon, atëherë shkon +25, +25 deri në maksimum 99 vite. 99-vitëshi është një element, nëse krejt Kosova e ka harru atë tokë, i kthehet automatikisht. Nuk është vetëm në 99 vite edhe u kry puna”, deklaroi Rama.

Në emisionin “Kallxo Përnime” është diskutuar për çështjen e festivalit “Sunny Hill”, e cila zgjoi debat në opinion gjatë muajit qershor pas lajmit se është anuluar mbajtja e tij në Prishtinë.

Në debat kanë qenë të ftuar ministri i Administrimit të Pushtetit Lokal, Elbert Krasniqi dhe kryetari i Komunës së Prishtinës, Përparim Rama.

Më 10 maj, Kuvendi Komunal i Prishtinës kishte votuar që kompanisë “Sunny Hill” t’i jepet prona 17-hektarëshe në Bërnicë të Poshtme në shfrytëzim për 99 vite./Media Ndërtimi.

Continue Reading

Aktuale

Bashkimi i tregut të punës me Shqipërinë, vetëm në letër

Published

on

Xhorxhina Bami, nga Tirana, jeton në Prishtinë qysh në vitin 2015. Fillimisht ka studiuar, ndërsa në dy vjetët e fundit është e angazhuar si gazetare në një rrjet rajonal të lajmeve.

Për të punuar dhe qëndruar në Kosovë, 25-vjeçarja – si çdo qytetar tjetër që nuk është shtetas i Republikës së Kosovës – duhet të pajiset me leje të përkohshme qëndrimi dhe leje të punës, ashtu siç e parasheh Ligji për të huajt në Kosovë.

Duke folur për Radion Evropa e Lirë, Xhorxhina tregon se procedurat për sigurimin e këtyre lejeve janë më të thjeshta në dy vjetët e fundit, nëse krahasohen me periudhën e mëparshme.

“Unë, para një muaji, e kam bërë aplikimin për të marrë lejen e qëndrimit për pesë vjet dhe ma kanë aprovuar javën e kaluar. Në këtë rast më është dashur kontrata e punës dhe kontrata e banesës, ose një vërtetim që jam duke jetuar ligjërisht në Prishtinë ose në ndonjë qytet tjetër në Kosovë”, tregon Xhorxhina.

Sipas Ligjit në Kosovë, i huaji mund të punojë në bazë të lejes së dhënë për qëndrim, e cila përfshin edhe lejen për punë.

Xhorxhina thotë se, deri këtë vit, ka pasur leje njëvjeçare qëndrimi. Ajo tregon se procedura për sigurimin e saj deri në vitin 2020 ka qenë më e komplikuar, pasi janë kërkuar më shumë dokumente, përfshirë: dëshminë që posedon mjete të mjaftueshme për jetesë, që nuk përbën kërcënim për sigurinë shtetërore, rendin publik ose shëndetin publik, sigurimin shëndetësor e të tjera.

Procedura duket se ka nisur të thjeshtëzohet nga koha kur Qeveria e Kosovës dhe ajo e Shqipërisë kanë nënshkruar një marrëveshje për bashkim të tregut të punës.

E njohur si Marrëveshja për Mobilitet në Punë, ajo parasheh që qytetarët e Shqipërisë që duan të punojnë në Kosovë, nuk kanë nevojë të pajisen me leje qëndrimi, përkatësisht leje të punës dhe anasjelltas.

Nga Ministria e Punëve të Brendshme të Kosovës konfirmojnë për Radion Evropa e Lirë vetëm lehtësimin e procedurave për pajisjen e shtetasve të Shqipërisë me leje qëndrimi, por nuk tregojnë se kur mund të nisë zbatimi i Marrëveshjes për Mobilitet në Punë, e cila nuk kërkon fare leje qëndrimi.

“Për t’u pajisur me leje qëndrimi të përkohshme, shtetasit [e Shqipërisë] duhet të kenë vetëm dokumentin e udhëtimit të vlefshëm dhe adresën e saktë të qëndrimit në territorin e palës tjetër, e vërtetuar me dokumentin përkatës [kontratë qiraje, ose certifikatë e pronësisë, ose deklaratë noteriale]”, thuhet në deklaratën e MPB-së.

Shpëtim Kalludra, udhëheqës i Divizionit për zhvillimin e masave aktive të tregut të punës dhe analiza në Agjencinë e Punësimit të Kosovës, thotë se për zbatimin e plotë të Marrëveshjes për Mobilitet në Punë nevojitet eliminimi edhe i disa procedurave të tjera, por nuk i specifikon ato.

“Ka lehtësim të procedurave, por ende ka punë… Sepse, krejt Marrëveshja e Mobilitetit nënkupton një bashkëpunim shumë të ngushtë në mes të Agjencisë së Punësimit të Kosovës dhe asaj të Shqipërisë”, thotë Kalludra./Media Ndërtimi.

Continue Reading

Trending