Connect with us

Aktuale

Ndërtimi i murit SHBA-Meksikë vazhdon pavarësisht shpërthimit të koronavirusit

Published

on

Administrata e Trump-it është duke e përshpejtuar ndërtimin e murit jugor multi-miliardësh , përkundër eskalimit rapid të pandemisë së koronavirusit.

Në fillim të kësaj jave Dogana dhe Mbrojtja e Kufijve (CBP) njoftuan për planet e ngritjes së murit më të gjatë se 150 milje, në vijën kufitare të Arizonës, New Mexico-s dhe Kalifornisë, shkruan The Guardian, transmeton Ndërtimi.info.

Kjo shpallje erdhi pak pasi Donald Trump deklaroi për emergjencë kombëtare.

Sipas të dhënave në Amerikë numri i të vdekurve nga koronavirusi është 260 persona dhe numri i të prekurve është 19,500.

Përderisa ekspertët mjekësor dhe zyrtarët lokal lusin qytetarët amerikanë të qëndrojnë në shtëpi dhe të mbajnë distancën sociale, punëtorët e ndërtimit në shumë vendpunishte vazhdojnë të punojnë, të flejnë e të hanë në banesa të vogla të përbashkëta.

“Ndërtimi i murit nuk është ndikuar” ka thënë një zëdhënës i CBP-së.

Puna e ndërtimit vazhdon në shumë pjesë të Amerikës, mirëpo për murin, saldues të zotë, inxhinierë e kontraktorë zhvendosen nga shtete të largëta si Montana, Maine, Wyoming, Texas, North Dakota dhe Kentucky. Përgjatë kufijve ata punojnë së bashku, transportohen në mënyrë të organizuar, qëndrojnë në hotele e motele lokale dhe hanë së bashku në restorante para se të kthehen te famljet e tyre.

Të premten puna vazhdoi në rrethinën e San Bernardino në juglindje të Arizonës ku ndodhet një strehë e kafshëve të egra dhe një numër i kafshëve të rrezikuara po shihen si të kërcënuara nga ky projekt.

“Nuk ka asnjë shenjë të ndalimit të punës, qindra punëtorë ndërtimi nga i gjithë vendi por edhe nga Meksika vazhdojnë të punojnë në mur, duke u zhvendosur gjatë fundjavave, duke qëndruar në hotele dhe ngrënë në restorante në komunitetin tonë para se të kthehen në shtëpi dhe potencialisht ta transferojnë COVID-19-shin”, ka thënë Myles Traphagen, ekolog në Wildland Network, i cili i ka shkruar komitetit të kongresit duke i bërë thirrje për suspendim të ndërtimeve gjatë pandemisë.

Korpusi i inxhinierëve të ushtrisë nuk u përgjigj në pyetjen se a janë implementuar masat e sigurisë .

Trump kishte premtuar, gjatë fushatës presidenciale, të ndërtojë “një mur të madh e të bukur” përgjatë 2,000 miljeve të kufirit jugor (dhe të bëjë Meksikën të paguajë për të).

Që nga atëherë administrata e Trumpit u zotua që deri në fund të 2020-ës të ngrisë 450 deri 500 milje të këtij muri, me çmim prej 18.5 miliardë dollarë. Shumica dërrmuese e parave u lëshua nga departamenti i mbrojtjes i SHBA-së, gjegjësisht nga operacionet anti-drogë dhe infrastruktura ushtarake, pasi që Trumpi deklaroi për emergjencë kombëtare, e cilësuar nga shumë si e paligjshme, në shkurt të 2019-tës.

Shtesat e fundit për ndërtimin e murit erdhën pasi Departamenti i Sigurisë së Atdheut (DHS), i cili ka nën mbikëqyrje CBP-në, hoqi dorë nga një seri ligjesh federale për të përshpejtuar ndërtimin e murit.

Në mënyrë që muri i lartë 9 metra të ngritet sa më shpejtë që të jetë e mundur, The Guardian ka siguruar raporte për punëtorët që paguhen mbi normat mesatare për të punuar natën.

“DHS-ja është duke gjuajtur miliarda në një monument në mes të shkretëtirës i cili praktikisht do të ketë efekt të vogël në migracion dhe trafikim të drogës, kur tani është një kërcënim i vërtetë të cilit duhet t’ia kushtojmë të gjithë vëmendjen dhe resurset tona” ka thënë Adam Isacson, drejtor i programit të mbikëqyrje në Zyrën e Washingtonit në Amerikën Latine.

Të premten, sekretari i shtetit, Mike Pompeo, njoftoi se kufiri SHBA-Meksikë do të jetë i mbyllur për të gjitha udhëtimet jo-esenciale./Ndërtimi.info/

Aktuale

Prokuroria e Pejës sekuestron ekskavatorë e kamionë nga një eksploatues i zhavorrit

Published

on

Pesë bagerë, tre nga ta ekskavatorë dhe dy lugë ngarkuese si dhe katër kamionë janë sekuestruar gjatë një aksioni që është realizuar të mërkurën, më 12.06.2024, me urdhër të Prokurorisë së Pejës.

Makineritë e rënda për përpunimin e zhavorrit e gurit dyshohet se janë përdorur për të shkatërruar apo degraduar natyrën.

Kallxo.com ka kontaktuar me zëdhënësin e Prokurorisë së Pejës, Shkodran Nikçin, i cili konfirmoi aksionin e të mërkurës.

Sipas tij, një kompani po kryente vepër penale në seperacionin i cili gjendet në fshatin Ozdrim të Pejës.

Pronari i kompanisë dyshohet se ka kryer veprën penale të ndotjes, degradimit ose shkatërrimit të mjedisit.

Në fotografitë të cilat i ka siguruar Kallxo.com janë disa prej makinerive që janë sekuestruar nga njëri nga prokurorët e Pejës në një rast që ka trajtuar ditëve të fundit.

“Janë në kuadër të veprimeve të shumta hetimore që janë bërë në lidhje me këto çështje që prekin degradimin e natyrës. Mund të ju konfirmoj se janë sekuestruar makineri nga një kompani në lidhje me këtë rast” – tha Nikçi./Media Ndërtimi

 

Continue Reading

Aktuale

Pritet marrëveshja për ndërtimin e objektit për degën e Farmacisë në hapësirat e QKUK-së

Published

on

Ministria e Shëndetësisë dhe Universiteti i Prishtinës, Hasan Prishtina, do të nënshkruajnë marrëveshje për ndërtimin e objektit të degës së Farmacisë të Fakultetit të Mjekësisë, raporton Ekonomia Online. Kjo u bë e ditur pas një takimi që ka pasur ministri i Shëndetësisë, Arben Vitia, me takim Rektorin e Universitetit të Prishtinës, Prof. Dr. Qerim Qerimi dhe drejtues të QKUK-së e Fakultetit të Mjekësisë.

“Gjatë takimit, Rektori i Universitetit të Prishtinës, Dr. Qerimi dhe U.D. Dekani i Fakultetit të Mjekësisë, Dr. Fatos Sada, i dorëzuan Ministrit Vitia kërkesën për lejimin e shfrytëzimit të hapësirës brenda QKUK-së për ndërtimin e objektit për degën e Farmacisë të Fakultetit të Mjekësisë.

Gjithashtu, në këtë takim është diskutuar dhe dakorduar që të nënshkruhet një marrëveshje bashkëpunimi, e cila do të rregulloj punën e integruar të stafit akademik brenda dy institucioneve gjegjëse (FM-UPHP dhe SHSKUK-së)”, thuhet në njoftimin e Ministrisë së Shëndetësisë./Media Ndërtimi

Continue Reading

Aktuale

Kosovë – Shqipëri, nis zbatimi i regjimit të lirë të trafikut ndërkufitar

Published

on

Ministri i Brendshëm i Shqipërisë Taulant Balla njoftoi se sot (e mërkurë) ka hyrë në fuqi regjimi i lirë i trafikut në kufirin mes Shqipërisë dhe Kosovës, pjesë e marrëveshjeve të nënshkruara mes dy qeverive.

Balla, përmes një postimi në rrjetet sociale Facebook, se në pikat e kalimit kufitarë në Morinë dhe Vermicë do të ketë korsi të dedikuara për kalimin e lehtësuar të kufirit.

“Sot fillon zbatimi i regjimit të lirë të trafikut lokal të kufirit në hapësirën prej 30 km nga të dy anët e kufirit mes Shqipërisë dhe Kosovës, në pikat e veçanta të kalimit kufitar. Ndërsa në Pikat Kufitare të Morinës dhe Vermicës do të ketë korsi të dedikuara për kalimin e lehtësuar të kufirit”, shkruan Balla në Facebook.

Në bazë të kësaj marrëveshjeje të nënshkruar më 26 nëntor 2021, zona kufitare e lëvizjes së lirë të banorëve me leje të trafikut lokal kufitar është deri në 30 km brenda territorit të palëve nënshkruese.

Marrëveshja parashikon ekzistencën e një entiteti territorial-administrativ, 30 km në brendësi të Shqipërisë dhe 30 km në brendësi të Kosovës, ku shtetasit në të dyja anët do të përfitojnë shërbime të njëjta si në Kosovë, ashtu edhe në Shqipëri, sikur të jenë shtetas të të dyja vendeve.

Nga kjo marrëveshje përfitojnë rreth 300 mijë banorë, të cilët mund të ndjekin lirisht shkollën që nga fillorja e deri në të mesmen, në varësi të vendndodhjes së institucioneve arsimore në të dy anët e kufirit. Mund të shkojnë të punojnë në të dy anët e kufirit./Media Ndërtimi

Continue Reading

Trending