Connect with us

Aktuale

Murtezaj: ATK-ja mblodhi rreth 14 milionë euro më pak të hyra

Published

on

Drejtori i Administratës Tatimore të Kosovës, Ilir Murtezaj thotë se pandemia e COVID-19 do të ndikoj në të hyrat e këtij institucioni.

Murtezaj në një intervistë për Telegrafin, ka thënë se vetëm për një muaj këto të hyra janë zvogëluar për 13.67 milionë euro.

Ai tregon se kjo gjendje do të reflektojë edhe në likuiditetin e bizneseve.

Telegrafi: Si ka ndikuar pandemia në veprimtarinë e ATK-se?

Ilir Murtezaj: Sigurisht sikurse tek te gjitha institucionet e vendi, virusi COVID-19 i cili tashmë është i shpallur si pandemi, ka dhe do te ketë ndikim edhe tek arritja e objektivave të ATK-së, e kryesisht tek realizimi i të hyrave sipas projeksionit te planifikuar. Themi kështu pasi që ende nuk mund ta parashikojmë se sa do të zgjas kjo gjendje. Deri me datë 17.03.2020, ATK-ja ka pas një performancë të shkëlqyer të të hyrave duke arritur për periudhën 01.01.2020-17.03.2020 në raport me periudhën e njëjtë të vitit 2019 të kemi rritje prej 11.2 për qind si dhe për këtë periudhë të kemi tejkalim të planit për 3 për qind. Ndërsa me datë 20.03.2020 është nxjerrë vendim për zgjatje të afatit për deklarim dhe pagesë te tatimeve deri me datë 30.04.2020, zgjatje kjo e cila ka reflektuar në rënie drastike të deklarimit dhe pagesës së tatimeve, ku vetëm për periudhën 18.03.2020 kemi zvogëlim të të hyrave rreth 13.67 milionë euro. Ky është reflektimi për muajin mars, mirëpo nëse kjo zgjatet më shumë kjo gjendje, atëherë reflektimi në mos realizim të të hyrave të planifikuar do të rritet dukshëm.

Telegrafi: Sa kanë qenë projeksionet e ATK-së pas përhapjes së kësaj pandemie?

Ilir Murtezaj: Gjithashtu, kjo gjendje do te reflektojë edhe në likuiditetin e bizneseve dhe krijimin e vështirësive në mbulimin e shpenzimeve të tyre dhe pagesën e detyrimeve tatimore. Aktualisht nuk mund te flasim me saktësi lidhur me ndikimin e Coronavirusit në zvogëlimin e të hyrave tatimore, mirëpo bazuar në aktualitetin mund të priten zvogëlim i të hyrave tatimore për muajin mars në 10 deri 14 milionë euro.

Telegrafi: Sa është numri i atyre që kane aplikuar për leje të lëvizjes, për ato biznese që ju lejohet të veprojnë?

Ilir Murtezaj: Për sqarim të opinionit, vendimet për kufizim apo lejim të lëvizjes se qytetarëve dhe punëtorëve të bizneseve i merr Qeveria e Kosovës në bashkëpunim me IKSHP-në dhe komunat, ndërsa ATK-ja vetëm ka lehtësuar procesin e pajisjes online me vërtetime për bizneset. Edhe tani kur pritet te fillojë zbatimi i masave të reja prapë ATK-ja të njëjtin rol do ta ketë, pra për bizneset që gjinden në listën e përgatitur nga Ministria e Ekonomisë, Punës, Tregtisë, Inovacionit, Ndërmarrësisë dhe Investimeve Strategjike do ju krijohet mundësia atyre bizneseve të pajisen me vërtetime që do t’ju shërbejnë për lëvizje të lirë të punëtorëve të atyre kompanive.

Telegrafi: Sa parashihet të jete numri i bizneseve që aplikojnë për lirimet tatimore gjate kësaj periudhe, të caktuar nga MFT?

Ilir Murtezaj: Pas situatës së krijuar nga pandemia COVID-19, me qëllim që të zbatojmë masat e IKSHP-së, si dhe me qellim që mos lejojmë pengesa në zhvillim te aktivitetit ekonomik tek bizneset, ATK-ja në bashkëpunim me Doganën e Kosovës ka njoftuar te gjitha bizneset të cilat kanë qenë të pajisura me leje për lirim doganor dhe TVSH-në, që do t’ju vazhdohen me automatizëm ato leje deri me 31.12.2020. Gjë që kjo ka eliminuar frekuentimin e madh të njerëzve dhe njëkohësisht ju është bërë zgjidhje bizneseve.

Telegrafi: Si pret që ATK-ja ta rikuperoj këtë “vakum” buxhetor pas tejkalimit të pandemisë?

Ilir Murtezi: Tanimë edhe zyrtarisht kemi vlerësime nga BQK-ja, FMN-ja, Banka Botërore se si rezultat i pandemisë COVID-19 pritet që të kemi një rënie ekonomike rreth minus 2 për qind, gjë qe kjo rënie pa dyshim që sjell edhe rënie të të hyrave tatimore. Andaj, e para është që të shpresojmë që sa ma shpejtë dhe sa ma lehtë në aspektin shëndetësor dhe ekonomik të kalojmë këtë kohë kaq të rende të pandemisë, pastaj sigurisht që edhe ne si institucion do të rrisim angazhimin që të tentojmë t’i përafrohemi objektivit të realizimit të të hyrave buxhetore të përcaktuara me Ligjin e Buxhetit për vitin 2020.

 

Click to comment

You must be logged in to post a comment Login

Leave a Reply

Aktuale

Ministria e Turizmit përgatit aplikimin për futjen e Vjosës në UNESCO

Published

on

Ministrja e Turizmit dhe Mjedisit Mirela Kumbaro ka njoftuar nisjen e punës për përfshirjen e Vjosës në listën e pasurive botërore të mbrojtura nga UNESCO, nën programin “Njeriu dhe Biosfera”.

Kumbaro ka pasur një takim me delegacionin e UNESCO-s që ka mbërritur në Tiranë, i cili do të ndjekë përgatitjen e dosjes së aplikimit. “E lumtur të prisja në Ministrinë e Turizmit dhe Mjedisit ekipin e UNESCO, me të cilët nisim punën për përfshirjen e Vjosës në listën e pasurive botërore përmes programit “Njeriu dhe Biosfera”. Është ky program global që synon të krijojë një bazë shkencore për të përmirësuar marrëdhëniet midis njerëzve dhe natyrës ku jetojnë, për zhvillimin e qëndrueshëm që mbron mjedisin.

Na pret një punë intensive në përgatitjen e dosjes së aplikimit, që Ministria e Turizmit dhe Mjedisit dhe Agjencinë Kombëtare të Zonave të Mbrojtura do të dorëzojnë në UNESCO brenda këtij viti, për t’i dhënë një tjetër pasaportë ndërkombëtare mbretëreshës së lumenjve europiane e për të shtuar një tjetër xhevahir shqiptar në listën e UNESCO”, shprehet Kumbaro.

Vjosa u shpall Park Kombëtar në mars të vitit 2023. Më herët, Drejtoresha e Përgjithshme e UNESCO Audrey Azoulay vizitoi Vjosën me ftesë të Ministres së Turizmit dhe Mjedisit Mirela Kumbaro me qëllim përfshirjen e saj në listën e siteve të mbrojtura nga UNESCO, duke e vlerësuar si një prej lumenjve të fundit të egër në Europë dhe i pari Park Kombëtar i një lumi të paprekur.

Përgatitja e aplikimit është një proces i gjatë sipas standardeve të Organizatës Botërore të Kombëve të Bashkuara për Edukim, Shkencë dhe Kulturë, dhe Shqipëria do të asistohet nga ekipi i programit “Man and Biosphere”./Media Ndërtimi

Continue Reading

Aktuale

AKP-ja shpall për shitje dy asete në Mal të Zi

Published

on

Agjencia Kosovare e Privatizimit (AKP) ka mbajtur të mërkurën ceremoninë e hapjes së ofertave të shitjeve përmes Likuidimit nr. 65, e cila përmban 26 aseteve atraktive që gjenden në Kosovë, raporton Ekonomia Online. Zëvendësdrejtori i AKP-së Muharrem Arifi, falënderoi të gjithë pjesëmarrësit duke e bërë të ditur se për herë të parë janë ofruar për shitje dy prona jashtë republikës së Kosovës.

“Ne sot po e përmbyllim procesin e tenderimit për – shitjen e 26 aseteve te Ndërmarrjeve Shoqërore ne likuidim përmes kësaj metode. Më lejoni të ju njoftoj se deri më tani janë privatizuar 2, 939 asete të ndryshme përmes shitjeve të aseteve të Ndërmarrjeve Shoqërore në administrim të Agjencisë. Nga privatizimi i përgjithshëm i ndërmarrjeve shoqërorë dhe aseteve të tyre deri më tani janë grumbulluar 784 milionë e 114 mijë euro”, tha ai.

“Nga numri i përgjithshëm prej 602 Ndërmarrjeve Shoqërore në administrim te Agjencisë procesi i likuidimit deri me tani ka filluar për 589 Ndërmarrje. Deri me tani shuma e fondeve te shpërndara tek kreditorët e ligjshëm është 61 milionë e 700 mijë euro për 307 ndërmarrje shoqërore në likuidim. Për sa i përket shpërndarjes së 20 për qind, Agjencia po vazhdon me miratimin e listave të punëtoreve dhe shpërndarjen e shumës se 20 për qind të të  hyrave nga shitjet e aseteve për punëtorët e ndërmarrjeve shoqërore dhe deri me tani kemi arritur te shpërndajmë 163,379.229. EUR numri i përgjithshëm i përfituesve te 20 për qind është 52, 092 ish-punëtorë”, deklaroi ai.

Në rajonin e Prishtinës ofrohen për shitje 4 lokale afariste të madhësive të ndryshme duke filluar me lokalin 113m² në rrugën “Luan Haradinaj” deri në 24.66m² lokali në Dardani, të përshtatshme për zhvillim të veprimtarive afariste. Në rajonin e Prishtinës, konkretisht në Lipjan ofrohet poashtu një objekt për shitje si dhe në Gadime.

Në rajonin e Mitrovicës ofrohen 9 lokale afariste për shitje, lokalet kanë hapësira të ndryshme duke filluar prej 168m² deri tek lokali me 56.4m². Në rajonin e Mitrovicës në këtë shitje është përfshirë edhe toka dhe objekti i NSh Agrokultura Stacioni i Vjetër i Veterinës në rrugën “Adem Voca”.

Ndërkaq në rajonin e Prizrenit ofrohen tri lokale atraktive të përshtatshme për zhvillim të industrive të ndryshme tjera afariste me hapësirë prej 134m² deri tek lokali me hapësire prej 60m². Në këtë shitje janë përfshirë edhe dy lokale të NSh IMF në Podgoricë, Mal të Zi./Media Ndërtimi

Continue Reading

Aktuale

Hapet ekspozita tregtare e ndërtimit në Paris

Published

on

Ekspozita tregtare e ndërtimit Intermat u hap zyrtarisht këtë mëngjes në Paris nga drejtori i ekspozitës Christophe Lecarpentier, presidenti i Federatës Franceze të Ndërtimit Alain Grizaud, presidenti i Federatës Kombëtare Publike Botërore Olivier Salleron, së bashku me Philippe Cohet, president i DLR dhe Jean-Claude Fayat, president i EVOLIS.

Ekspozita, e cila zgjat nga 24-27 Prill 2024 në Parc des Expositions Paris-Nord Villepinte, do të shohë më shumë se 1000 ekspozues të pranishëm, me 70% të ardhur nga vende ndërkombëtare jashtë Francës.

Organizatorët e shfaqjes thonë se tema e këtij viti do të vendoset në mënyrë të vendosur mbi karbonin e ulët dhe qëndrueshmërinë dhe do të synojë të “përbëjë një vitrinë për përsosmërinë e sektorit në garën drejt zeros neto”, me qindra makineri elektrike dhe hibride që pritet të shfaqen.

Duke reflektuar më tej fokusin e tij në tranzicionin e energjisë, shfaqja do të mbahet për katër ditë në vend të gjashtë ditëve të mëparshme pasi organizatorët bëjnë oferta për të kursyer energji dhe për të reduktuar emetimet.

Intermat po rikthehet për herë të parë në gjashtë vjet pas anulimit të këstit të vitit 2021 për shkak të pandemisë.

Rikthimi i Intermat vjen gjithashtu mes një kohe të trazuar për industrinë e ndërtimit në Francë, me Indeksin e fundit të Menaxherëve të Blerjeve të Ndërtimit HCOB France (PMI) që parashikon një tjetër rënie të aktivitetit në vend në mars (duke rënë në një rezultat prej 41.0, nga 41.9 në shkurt).

Ndërkohë, perspektiva për sektorin e qirave në Francë është më pozitive, sipas Hervé Rebollo, drejtor i përgjithshëm i shoqatës franceze të qiradhënies dhe shpërndarësve DLR, i cili thotë se sektori kishte parë një “vit të mirë”, duke vënë në dukje disa fusha përmirësimi.

Duke folur për KHL në prag të shfaqjes, Rebollo tha se normat e qirave kanë qenë në rënie në Francë deri në 20% midis 2010 dhe 2020, ndërsa presioni i çmimeve nga kompanitë e mëdha të ndërtimit që negociojnë çmimet në avantazhin e tyre ka qenë në dëm të tregu./Media Ndërtimi

Continue Reading

Trending